03/04/2026
📚 Та АМЬДРАЛ АМАРХАН БАЙХ ТУХАЙД, БОДРОЛУУД номыг захиалахыг хүсвэл утасны дугаараа коммент хэсэгт үлдээнэ үү.
🔖 BookKing
📞 94069091
🌐 Веб сайт: https://andpublishing.mn/
АМЬДРАЛ АМАРХАН БАЙХ ТУХАЙД
"Луций Анней Сенека нь МЭ 4-65 онд амьдарч байсан эртний Ромын философич, төрийн зүтгэлтэн, жүжгийн зохиолч юм. Тэрбээр Испанид төрж, Ромд өсөж торнисон бөгөөд залуугаасаа эсээ, жүжгийн зохиол бичиж туурвих болжээ. 41 онд эзэн хаан Клодийн зарлигаар Корсика арал руу цөллөгдөж, 49 онд Нерогийн багш болсноор Ромд эргэж ирсэн. 62 он хүртэл эзэн хаан Нерод шадар зөвлөхөөр хүчин зүтгэж, 65 онд Нерогийн тушаалаар амиа хорложээ.
Тэр Бээр ёс жудагтай байх, амар амгалан амьдрах, хүнд хэцүү цагт тэсвэр хатуужил заахыг сургадаг философийн нэгэн үзэл санаа болох стоицизмд үнэлж баршгүй хувь нэмэр оруулж, Марк Аврелий, Эрасмус, Паскаль, Монтэнь зэрэг нэрт сэтгэгч нар томоохон нөлөө үзүүлсэн. “Амьдрал ахархан байх тухайд” тэргүүтэй эсээ, захидлууд нь хүний мөн чанарыг таних, утга учиртай амьдрах ухааныг өнөөг хүртэл дэлхий даяарх уншигчдад зааж сургасаар буй.
БОДРОЛУУД
Түүхийн хуудаснаа хамгийн ухаалаг, үлгэр жишээч хаан хэмээн дурсагддаг Марк Аврелий нь (МЭ 121-180) ромын нэр хүндтэй сэхээтэн гэр бүлд төрж өсжээ. Багадаа эцгээ алдсан түүнийг 138 онд эзэн хаан болсон Антонин Пий өргөж авч, өв залгамжлагчаараа сонгосон. 161 онд Антонинийг таалал төгссөний дараа тэрбээр дүү Луций Вертэйгээ Ромын эзэнт гүрнийг хамтран захирах болсон ч дүү нь 169 онд өвчнөөр өөд болсон байна. Марк эзэнт гүрнийхээ хил гааль, тогтвортой байдлыг чандлан сахиж, дорно зүгт парфичууд, умард зүгт германчуудаас ирж буй ноцтой аюул заналхийлэлтэй удаа дараа тулгарч байжээ. 168-180 оны ихэнх хугацааг Дунай мөрний ойролцоо германчуудын эсрэг голдуу амжилттай аян дайн хийж өнгөрөөн, 180 онд өвчнөөр таалал төгсжээ. Уран илтгэл, утга зохиолд багаасаа суралцсан Марк гүн ухааныг ихэд шимтэн судлах болсноос стоик философи түүнд онцгой нөлөө үзүүлсэн юм. Хожуу насандаа аян дайн хийж явахдаа бичсэн Бодролууд” хэмээх тэмдэглэлүүд нь өнөө цагийн хамгийн чухал, нэр нөлөөтэй бүтээлүүдийн нэгт зүй ёсоор тооцогддог билээ. Айсуй үхлийг тайван тогтуун угтан авах, үүрэг хариуцлагаа ухамсарлах, сэтгэл хөдлөлөө захирч сурах зэрэг хүн бүрд тохиодог сорилтуудтай хэрхэн нүүр тулах тухай эргэцүүлэн тунгааж, стоик ёс зүйд тулгуурлан, дагаж мөрддөг зарчмуудаа нэгтгэн бичсэн энэхүү тэмдэглэл нь олон зуун жилийн турш тоо томшгүй манлайлагч, сэтгэгч, уншигч нарын ширээний ном болсоор байгаа билээ.
ЦАХИМ ГЭМТ ХЭРГЭЭС УРЬДЧИЛАН СЭРГИЙЛЭХИЙН ТУЛД ТА ЗАХИАЛАХ НОМОО, УТАСНЫ ДУГААРЫН ХАМТ ЧАТААР ИЛГЭЭНЭ ҮҮ.
