17/02/2025
Liefste Blitz War / Silwer Heksi Kliënte
Ons gesin se drome het uiteindelik waar geword! Na twee jaar se wag is ons visas goedgekeur, en ons vertrek binnekort na Amerika.
Met hierdie opwindende nuwe hoofstuk het 'n wonderlike dame, Charlmaré, my besigheid en masjiene oorgeneem. Sy sal met groot sorg na elkeen van julle omsien en dieselfde hoë gehalte en diens handhaaf waaraan julle gewoond is.
Ek wil uit die diepte van my hart dankie sê aan elke liewe kliënt wat my sedert 2018 ondersteun het. Julle het nie net my besigheid laat groei nie, maar my ook deur uitdagende tye gedra. Julle almal bly vir my ongelooflik spesiaal.
Ek neem dus nie meer bestellings in nie, aangesien ek die masjiene reeds oorgegee het. Vir enige verdere bestellings kan julle gerus vir Charlmaré kontak by 079 426 2288.
Verder gaan Tannie Amelia voort met die Silwer Heksi-naam en sal sy steeds die mooiste handgemaakte oorbelle en ander kreatiewe produkte maak. Sy kan gekontak word by 082 378 0703.
Baie dankie vir julle jare lange ondersteuning en lojaliteit! Ek waardeer julle opreg en wens vir elkeen van julle net voorspoed toe.
Met liefde en dankbaarheid,
Carina
