16/06/2026
හැමදාම එකම විදිහට හදන ෆ්රයිඩ් රයිස් එකට පොඩි ගමේ රසයක් එකතු කරලා හදමුද? එක පාරක් රස බැලුවොත් හැමදාම හදනවා ඔට්ටුයි.
මෙන්න ඕන කරන දේවල් -
කැමති ප්රමාණයක් පොල් සම්බෝල (වැඩිවෙන තරමට රසයි). මේක තමන් කැමති විදිහට උම්බලකඩ දාලා මිරිස් සැර අඩු වැඩි කරලා ගන්න.
අවශ්ය පමණට බත් (කීරි සම්බා හරි බාස්මතී නම් වඩා හොඳයි)
පොඩියට කපා ගත්ත වේලිච්ච මිරිස් කරල් කීපයක්.
රම්පෙ සහ කරපිංචා
අබ ඇට පිංචක්
පොල්තෙල්
කැමති මස් හෝ සීෆුඩ් වර්ගයක් (ඉස්සෝ වගේ නම් වඩා හොඳයි)
මෙන්න හදන විදිය -
ලොකු පෑන් එකක් ලිපේ තියලා තෙල් මේස හැඳි දෙක තුනක් එකතු කරන්න.
තෙල් රත් උනාම මුලින්ම ඔබ කැමති මස් හෝ සීෆුඩ් වර්ගය එකතු කරලා අඩු ගින්දරේ හොඳට බැදගෙන පාන් එකෙන් ඉවත් කරලා පැත්තකට කරන්න.
ඊළඟට පෑන් එකේ ඉතිරි තෙල් ටිකට අබ ටික දාන්න. අබ පුපුරද්දී රම්පෙ, කරපිංචා, වේලිච්ච මිරිස් කෑලි ටික දාලා බැදෙන්න අරින්න.
දැන් පොල් සම්බෝල ටික එකතු කරන්න.
ඊළඟට කැමති මස් හෝ සීෆුඩ් වර්ගය පෑන් එකට දාගෙන සේරම තෙලෙන් හොඳට තෙම්පරාදු කරන්න.
මේකට උයා ගත්ත බත් ටික දාලා, ලිපේ ගින්දර ටිකක් වැඩි කරලා හොඳට කලවම් කරන්න.
රස බලලා ලුණු එකතු කරගන්න.
උනුවෙන්ම පිළිගන්වන්න.
# Chickpea
