Loem Sivly Home

27/02/2026

27/02/2026

រង់ចាំជួបគ្នានៅទិវាអំណានជាតិ

ពិព័រសៀវភៅ នឹងប្រព្រឹត្ដនៅថ្ងៃទី ១១-១៥ ខែមីនា ២០២៦
ចាប់ពីម៉ោង ៨ព្រឹក ដល់ ៨យប់
ទីតាំង សាលាតិចណូ
ស្ដង់អំណាន G77

25/02/2026

🌹🫶🏻

អំណាន មានកិត្ដិយសបានសហការគំនូរជាមួយនឹងវិចិត្រករទាំងពីរ

រង់ចាំស្នាដៃប្លែកពីប្អូន Yaya & Thavat ជានិច្ច អរគុណសម្រាប់ការសហការជាមួយគ្នារហូតមក 🫶🏻🌹

«អន្ទាក់ឃាតករ វគ្គ២ »
និពន្ធដោយ
ចេញផ្សាយដោយ គ្រឹះស្ថាន អំណាន
#អំណាន #អន្ទាក់ឃាតករវគ្គ២

22/02/2026

13/02/2026

🌹ជម្រាបសួរអ្នកអានជាទីស្រឡាញ់!
នាងខ្ញុំលឹម ស៊ីវលី មានកិត្ដិយសបើកបង្ហាញឡូហ្គូរបស់ខ្លួនផ្ទាល់ដែលមានឈ្មោះថា “អំណាន”
🌹អស់រយៈពេល៦ឆ្នាំចាប់តាំងខ្ញុំចូលប្រឡូកវិស័យប្រលោមលោកក្នុងឆ្នាំ ២០២០-២០២៦ ដែលនាងខ្ញុំបង្ហាញស្នាដៃដាក់លក់នៅតាមទីផ្សារមិនថាជាសៀវភៅដែលបោះផ្សាយដោយផ្ទាល់ ឬសៀវភៅដែលចេញផ្សាយដោយគ្រឹះស្ថានសុទ្ធតែទទួលបានការគាំទ្រពីមិត្ដអ្នកអាននៅក្នុងបណ្ដាញសង្គមមិនថា ប្រភេទរន្ធត់ អាថ៌កំបាំង មនោសញ្ចេតនា ឃាតកម្ម អភិនីហារ។
🌹នាងខ្ញុំពិតជាមានក្ដីត្រេកអរដែលបងប្អូនចូលចិត្ដហើយនិងគាំទ្ររាល់ស្នាដៃគ្រប់ប្រភេទទាំងអស់រហូតដល់នាងខ្ញុំសម្រេចចិត្ដបង្ហាញនូវឡូហ្គូរបស់ខ្លួនឯងនៅក្នុងថ្ងៃនេះ។
🌹កត្ដាដែលបណ្ដាលចិត្ដឱ្យនាងខ្ញុំជ្រើសរើសឈ្មោះ “អំណាន” ហើយនឹងបើកបង្ហាញជាផ្លូវការនៅថ្ងៃទី១៤ កុម្ភៈ ឆ្នាំ២០២៦នេះ នាងខ្ញុំនឹងបកស្រាយទៅតាមលំដាប់លំដោយ។
🛎️អត្ថន័យឡូហ្គូ
“អំណាន” សំដៅទៅលើការអាន។ ថ្វីដ្បិតថាពាក្យនេះសាមញ្ញតែអត្ថន័យមិនសាមញ្ញនោះទេ ព្រោះនាងខ្ញុំបានភ្ជាប់ជាមួយឃ្លាថា:
“ចុងប៉ាកការបស់ខ្ញុំ បង្កើតពិភពអ្នក។
🌹ឃ្លាមួយនេះកាលដែលខ្ញុំប្រើពាក្យថា ចុងប៉ាកកាគឺតាងនាមអ្នកនិពន្ធម្នាក់ដែលធ្លាប់សរសេររឿងដាក់ក្នុងសៀវភៅហើយឱ្យមិត្ដអានកាលអំឡុងឆ្នាំ២០១០។
🌹ខ្ញុំចូលចិត្ដការសរសេរ ការអានតាំងពីតូចទើបធ្វើឱ្យខ្ញុំងាយនឹងសម្របខ្លួននៅពេលដែលសរសេរអត្ថបទវែងអន្លាយហើយមិនសូវជាន់ពាក្យ។
🛎️គោលគំនិតអ្នកនិពន្ធ
ខ្ញុំចង់ប្រើឈ្មោះ “អំណាន” ដើម្បីចូលរួមលើកស្ទួយការអាន និងព្យាយាមសរសេរឱ្យបានច្រើន ផ្សព្វផ្សាយអ្វីដែលថ្មីនៅក្នុងវិស័យអំណានមួយនេះ។
🌹ថ្ងៃ១៤កុម្ភៈ គឺជាទិវានៃសេចក្ដីស្រឡាញ់ ដូច្នេះខ្ញុំបានបើកបង្ហាញឡូហ្គូរបស់ខ្លួននៅពេលនេះដើម្បីអនុញ្ញាតឱ្យអ្នកគាំទ្រការអានសៀវភៅស្គាល់ ហើយនិងចងចាំថា អំណាន គឺបង្កើតឡើងដោយក្ដីស្រឡាញ់។ ពួកយើងជាអ្នកនិពន្ធ អ្នកអាន អ្នកផ្សពផ្សាយសៀវភៅសុទ្ធតែមានមនោសញ្ចេតនានិងក្ដីស្រឡាញ់ដើម្បីផ្សាភ្ជាប់ទំនាក់ទំនងកាន់តែជិតស្និទ្ធជាមួយគ្នា។
🌹ដូច្នេះខ្ញុំនឹងប្រើសញ្ញាចុងប៉ាកកាដាក់បង្កប់នៅក្នុងព្យព្ជានៈអក្សរ “អ” ដែលពោរពេញទៅដោយគំនិតច្នៃប្រតិដ្ឋដើម្បីបង្កើតពិភពថ្មីៗកម្សាន្ដអារម្មណ៍របស់អ្នក។
🌹ចំណែកសញ្ញាសៀវភៅដែលបង្កប់នៅក្នុងស្រះ “ំ”គឺតំណាងឱ្យការចូលរួមផ្សព្វផ្សាយសៀវភៅ មិនថាអ្នកនៅទីណា កន្លែងណា អ្នកមានសៀវភៅក្នុងដៃ អំណាននៅតែស្ថិតនៅក្បែរអ្នក គំាទ្រអ្នក ព្យាបាលអ្នក រីករាយជួយដល់អ្នកជានិច្ច។
🌹“អំណាន” នឹងខិតខំផលិតសៀវភៅថ្មីដែលមានគុណភាពទាំងសាច់រឿងនិងគំនិតច្នៃប្រតិដ្ឋប្លែកៗ។
🌹បច្ចុប្បន្ននេះពួកយើងនឹងខិតខំឱ្យអស់ពីលទ្ធភាពដើម្បីចែករំលែកចំណេះដឹងដែលធ្លាប់ជួប សិក្សាពីអក្សរសិល្បិ៍ខ្មែរឱ្យបានច្រើន សន្យាថានាំយកនូវស្នាដៃថ្មីផ្ដល់ជូនមិត្ដជាអ្នកអានបន្ដទៀត។
🌹នាថ្ងៃអនាគត “អំណាន” ក៏មានគម្រោងរៀបចំបោះពុម្ពផ្សាយប្រលោមលោកជាច្រើនប្រភេទមិនថា BG, BL, GL ឬក៏ជាឈុតសេរីសាច់រឿងនៅក្នុងពិភពប្រតិដ្ឋដែលមិនបញ្ជាក់ពីកាលអាកាសពិតប្រាកដ ពោលគឺពិភពដែលអ្នកអានកំពុងស្វែងរក។
🌹ជាចុងក្រោយនាងខ្ញុំសូមអរគុណមិត្ដអ្នកអានសម្រាប់ការចំណាយពេលអានអត្ថបទបកស្រាយមួយនេះ សូមអធ្យាស្រ័យដែលនាងខ្ញុំបង្ហោះយប់បន្ដិច។
🌹 រីករាយទិវាក្ដីស្រឡាញ់ “អំណាន” ត្រៀមកាដូ ១០ប្រអប់ផ្ដល់ជូនអ្នកគាំទ្រក្នុងការបង្កើតឡូហ្គូថ្មី។
🌹សូមយកអំណានដាក់ចូលទៅក្នុងការចងចាំ និងក្ដីស្រឡាញ់របស់អ្នកទាំងអស់គ្នាផងណា៎! សង្ឃឹមថាគ្រប់គ្នានឹងទទួលក្ដីស្រឡាញ់ពីមនុស្សជុំវិញខ្លួនឱ្យបានច្រើន។

ពីខ្ញុំ លឹម ស៊ីវលី