Katana-RKS

01/11/2026

🎯 Springfield Armory HELLCAT® PRO OSP™

​Performancë, saktësi dhe dizajn kompakt në dy opsione ngjyrash. Njihuni me të gjitha specifikat teknike të cilat i gjeni në foto. 👇

​📍 KATANA • Informacion • Siguri • Përgjegjësi

​

30/10/2026

30/10/2026

CZ P-09 C NOCTURNE

Njihuni me 7 karakteristikat kryesore teknike të këtij modeli.

Njohja e karakteristikave është pjesë e përdorimit të sigurt dhe të përgjegjshëm.

29/10/2026

Springfield Armory Hellcat® Pro OSP™

Një model kompakt në kalibrin 9 mm, me tytë 9.4 cm dhe trajtim mbrojtës Melonite®. Emërtimi OSP™ tregon përgatitjen nga fabrika për optikë, ndërsa shënjestrat U-Dot™ kombinojnë elementin e përparmë me tritium me profilin e pasmë në formë “U”.

Siguria, përgjegjësia dhe njohja e karakteristikave teknike janë pjesë e rëndësishme e përdorimit të përgjegjshëm.

28/10/2026

Smith & Wesson M&P 2.0 FULL SIZE Series

Karakteristikat e ketij modeli janë: Skeleti polimerik, këmbëza me sipërfaqe të sheshtë dhe katër pjesët e këmbyeshme të dorezës. Emërtimi “Optics Ready” tregon përgatitjen nga fabrika për montimin e optikës, ndërsa Armornite® është trajtimi mbrojtës kundër korrozionit.

Njohja e karakteristikave teknike fillon me edukimin dhe shoqërohet gjithmonë me siguri e përgjegjësi.

26/10/2026

🎯 ADRENALINË, SPORTIVITET DHE MIKPRITJE – NJË DITË E VEÇANTË NË KATANA! 🍂🤝

Pas ceremonisë së hapjes së sezonës së gjuetisë 2026–2027 dhe garës me pjata, aktivitetet në Poligonin e Shenjëtarisë KATANA vazhduan në një atmosferë të veçantë, të mbushur me miqësi, bashkëpunim dhe momente të paharrueshme.

🎯 Përvoja e qitjes dhe aktivitetet pas garës
Pjesëmarrësit dhe mysafirët patën mundësinë të provonin aftësitë e tyre në qitje, duke përjetuar nga afër aktivitetet që ofron Poligoni i Shenjëtarisë KATANA. Këto momente krijuan një mundësi të veçantë për shkëmbimin e përvojave, zhvillimin e aftësive dhe kalimin e kohës së përbashkët në një ambient profesional.

🍽️ Mikpritje dhe bashkëbisedim
Pas aktiviteteve, pjesëmarrësit vazhduan të shijonin mikpritjen tradicionale në ambientet e KATANA-s, me ushqim, pije dhe momente të këndshme mes miqve, kolegëve dhe përfaqësuesve të shoqatave të gjahtarëve.

🤝 Një falënderim i veçantë për të gjithë mysafirët, pjesëmarrësit dhe kontribuuesit që me praninë dhe përkushtimin e tyre e bënë këtë ditë të suksesshme.

KATANA – aty ku përvoja, tradita, miqësia dhe bashkëpunimi bashkojnë njerëzit! 🎯

25/10/2026

🏆🎯 GARË DERI NË QITJEN E FUNDIT – SHPALLEN FITUESIT E GARËS TRADICIONALE TË SHENJËTARISË!

Gara tradicionale e shenjëtarisë, e zhvilluar më 24 tetor 2026 në Poligonin e Shenjëtarisë KATANA, në kuadër të hapjes së sezonit të gjuetisë 2026–2027, solli emocione të veçanta, rivalitet të fortë sportiv dhe rezultate jashtëzakonisht të ngushta!

🎯 Konkurrenca ishte aq e fortë, saqë për përcaktimin e vendeve të dyta dhe të treta u desh të përsëritej qitja! Vetëm një pikë bëri dallimin përfundimtar ndërmjet dy ekipeve, duke dëshmuar nivelin e lartë të përgatitjes dhe shkathtësive të garuesve.

🏅 Renditja përfundimtare:
🥇 VENDI I PARË – Ekipi nga Rozhaja, Mali i Zi 🇲🇪
Mysafirët tanë nga Rozhaja dëshmuan shkathtësi të shkëlqyera në shenjëtari, duke u shpallur fitues të garës!
🥈 VENDI I DYTË – Ekipi “Gollaku” 🇽🇰
Pas një rivaliteti të fortë dhe përsëritjes së qitjes, ekipi “Gollaku” siguroi vendin e dytë.
🥉 VENDI I TRETË – Ekipi “Sokoli” 🇽🇰
Me vetëm një pikë më pak se ekipi i vendit të dytë, ekipi “Sokoli” u rendit i treti, duke dëshmuar se gara ishte e hapur deri në fund!

🎁 Në shenjë vlerësimi për rezultatet e arritura, Poligoni i Shenjëtarisë “Katana” sh.p.k., si sponsor i garës, i shpërbleu ekipet fituese të tri vendeve të para me sasi të municionit cilësor të gjuetisë.

🤝 Përtej garës dhe rezultateve, kjo ngjarje ishte një tjetër dëshmi e miqësisë, respektit të ndërsjellë dhe bashkëpunimit ndërmjet gjahtarëve të Kosovës dhe atyre nga vendet e rajonit.

KATANA përgëzon fituesit për suksesin e merituar dhe falënderon të gjitha ekipet për pjesëmarrjen, korrektësinë dhe frymën e lartë sportive.

Mirënjohje e veçantë për Federatën e Gjahtarëve të Kosovës, me të cilën vazhdojmë ta kultivojmë këtë traditë të bukur sportive!

🏆 Urime fituesve, respekt për të gjithë garuesit dhe mirë u takofshim në garën e radhës! 🎯

Federata e Gjahtarëve të Kosovës

25/10/2026

🌿 HAPJA ZYRTARE E SEZONIT TË GJUETISË 2026–2027 – PËRKUSHTIM NDAJ SIGURISË, NATYRËS DHE TRADITËS! 🤝

Në ambientet e Poligonit të Shenjëtarisë KATANA, në një atmosferë miqësore dhe festive, u mbajt ceremonia zyrtare e hapjes së sezonit të gjuetisë 2026–2027.

Në këtë ngjarje morën pjesë gjahtarë, anëtarë të shoqatave të gjuetisë nga e gjithë Kosova, përfaqësues të institucioneve përgjegjëse, si dhe mysafirë të çmuar nga Shqipëria, Maqedonia e Veriut, Mali i Zi dhe diaspora.

🎤 Hapjen zyrtare të sezonit të gjuetisë e bënë znj. Evelina Ajazaj-Leka, Kryetare e Federatës së Gjahtarëve të Kosovës, dhe z. Tahir Ahmeti, Drejtor i Pylltarisë, të cilët në fjalimet e tyre theksuan rëndësinë e bashkëpunimit institucional, respektimit të legjislacionit dhe përgjegjësisë së përbashkët për mbrojtjen e natyrës dhe zhvillimin e qëndrueshëm të gjuetisë.

Ceremonia u pasurua me fjalime përshëndetëse nga personalitete dhe përfaqësues institucionalë:

🇦🇱 Prof. dr. Nehat Çollaku – Universiteti i Tiranës
🇽🇰 Z. Nuredin Ibishi – Ish-kryetar i Federatës së Gjahtarëve të Kosovës
🇽🇰 Z. Xhafer Gashi – Drejtor i Poligonit të Shenjëtarisë KATANA
🇩🇪 Prof. Nuradin Imeraj – Sekretar i Përgjithshëm i Unionit Shqiptaro-Gjerman
🇽🇰 Z. Ideal Kabashi – Inspektor i Pylltarisë dhe Gjuetisë
🇲🇪 Prof. Ali Daci – Veprimtar nga Rozhaja.

🌲 Në qendër të mesazheve të përcjella gjatë ceremonisë ishte përgjegjësia e përbashkët për zhvillimin e një kulture të qëndrueshme dhe të përgjegjshme të gjuetisë.

Folësit theksuan rëndësinë e respektimit rigoroz të rregullave të sigurisë gjatë gjuetisë, mbrojtjes së faunës së egër dhe habitateve natyrore, ruajtjes së pyjeve, respektimit të periudhave të lejuara të gjuetisë dhe kuotave të përcaktuara, si dhe parandalimit dhe luftimit të gjuetisë së paligjshme.

Vëmendje e veçantë iu kushtua nevojës për bashkëpunim të vazhdueshëm ndërmjet institucioneve përgjegjëse, Federatës, shoqatave të gjahtarëve dhe komunitetit të gjuetisë, me synim mbrojtjen e biodiversitetit, menaxhimin e qëndrueshëm të fondit të kafshëve të egra dhe kultivimin e etikës së gjuetisë.

U theksua gjithashtu rëndësia e forcimit të bashkëpunimit ndërmjet komuniteteve të gjahtarëve të Kosovës dhe vendeve të rajonit, përmes shkëmbimit të përvojave, njohurive dhe praktikave të mira në fushën e gjuetisë dhe mbrojtjes së natyrës.

🤝 Mesazhi i përbashkët i ceremonisë ishte i qartë: gjuetia nuk është vetëm traditë dhe aktivitet sportiv, por mbi të gjitha përgjegjësi ndaj natyrës, sigurisë dhe brezave të ardhshëm.

🏅 Në shenjë vlerësimi për mbështetjen dhe kontributin në organizimin e kësaj ngjarjeje, Federata e Gjahtarëve të Kosovës ndau një mirënjohje për z. Xhafer Gashi, nikoqir dhe sponsor i përgjithshëm i manifestimit.

KATANA shpreh mirënjohjen për të gjithë gjahtarët, përfaqësuesit institucionalë dhe mysafirët nga Kosova dhe vendet mike, duke riafirmuar përkushtimin e saj për promovimin e sigurisë, përgjegjësisë, bashkëpunimit dhe ruajtjes së traditave më të mira të gjuetisë.

🌿 Gjueti e sigurt, natyrë e mbrojtur dhe traditë e kultivuar me përgjegjësi!

Federata e Gjahtarëve të Kosovës

23/10/2026

🍂 Sezoni i gjuetisë po afron! Më 25 tetor, fillon sezoni i ri në Kosovë. 🎯

Përgatitja e duhur, njohuritë dhe respekti për natyrën janë pjesë e një kulture të përgjegjshme të gjuetisë.

Tek ne mund të gjeni municione për gjueti të llojeve të ndryshme, sipas nevojave dhe preferencave tuaja.

📍 Ju mirëpresim në lokacionet KATANA!