11/13/2022
کچھ مصروفیات کی بنا پر کافی دن بعد حاضری دے رہا ہوں
اکثر لوگ مجھ سے ایمازون ای کامرس کے بارے میں سوال کرتے ہیں کہ ہمیں بتائیں کہ ہماری ایمازون میں انوسٹمنٹ خراب تو نہیں ہوگی یا ہماری انوسٹمنٹ کوئی لے کر بھاگے گا تو نہیں وغیرہ وغیرہ
اس طرح کے بے شمار سوالات پوچھے جاتے ہیں۔
میرا کہنا یہ ہوتا ہے کہ آپ جس خوف کا اظہار کرتے ہیں وہ بالکل بجا ہے مگر آپ یہ بتائیں کہ آپ کو خوف پہلے کیوں آیا کہ ہماری سرمایہ کاری ڈوبے گی تو نہیں؟
بھائی کاروبار کوئی بھی ہو اس میں کام کرنا ہماری اولین ذمہ داری ہوتی ہے باقی سب قسمت پر ہوتا ہے اور سب کچھ قسمت پہ ڈالنا بھی صحیح نہیں ہے، اس کے علاوہ جو ہماری ذمہ داری ہے یعنی بشر ہونے کے ناطے جس اسلوب سے ہم نے کام کرنا ہے ا سمیں ڈنڈی ہر ہز نہ ماریں اور پھر اللہ پر چھوڑ دیا جائے یہ تو صحیح ہے۔
دوسری جانب محنت صحیح طور پہ نہ کی جائے اور سب قسمت پر چھوڑ دیا جائے تو ہم اس کے قائل نہیں یہ ایک غیر فطرتی عمل ہے جس کا لاجک سے کوئی تعلق نہیں۔
سارا کچھ صحیح کر لینے کے بعد اگر نفع ہوتا ہے تو قسمت کہا جائے گا اور سب کچھ صحیح کرنے کے بعد بھی نقصان ہوتا ہے تو قسمت پر ڈالا جا سکتا ہے ناکہ محنت صحیح نہیں کی اور نفع و نقصان قسمت پر ڈال دیا۔
ہمارے ملک میں اکثر لوگ اعتبار نہیں کرتے۔۔ آپ سب سے پہلے اعتبار کرنا سیکھیں۔۔۔ جس کے حوالے انوسٹمنٹ کر رہے ہیں اس پر اعتبار کیجیے اور شاٹ کٹ نہ ماریے جیسا کہ کرپٹو مارکیٹنگ اور اس طرح دیگر اسکیمیں جو راتوں رات کروڑ ہا کروڑ پتی بنا دیتی ہوں۔ اسی طرح دیگر کسی بھی شاٹ کٹ راستے سے اجتناب کیجیے راتوں رات امیر بننے کے خواب شاٹ کٹ راستوں سے دیکھنا چھوڑ دیجیے۔
اب ایمازون بھی شاٹ کٹ لگتا تو ہے مگر حقیقت میں ایسا نہیں اس کے لیے کام کرنے والے کا دماغ چلتا ہے اکاؤنٹ کھولنے سے چیز کلائنٹ تک پہنچنے تک اس لیے ایمازون ایک محفوظ راستہ ہے جسے اپنانے سے انوسٹمنٹ بالکل محفوظ ہوگی۔
