كروب الجالية العراقية - تركيا -لتبصرتهم وكشف معاناتهم في القنصليات

18/06/2025

الى كل تجار الازمات بلا استثناء.......
شوكت تخافون الله ؟ او اصلا شوكت تعرفون الله ؟
لا احد يفتح حلكة العفن من مدعي الوطنية والاخوة العراقية الكذابة ...اكيد سمعتوا ان اغلب اهل السيارات والشركات وباصات النقل رفعوا اسعار الاجرة الى اضعاف وبدون سبب ...علما انه ما تغير سعر الوقود ولا تغيرت اجراءات الخروج والدخول في الحدود ..
لعد هذا الجشع على شنو ؟مدا نفهم ...يعني بكل مناحي الحياة انتو متصدرين الاستغلال والاجرام في حق العالم المساكين ؟ويجون التافهين يكلك اهل العراقيين اهل نخوة ...ما شاء الله يا نخوة يا بطيخ وهمة بالعقارات نصابين وبالاجار نصابين وبالاقامات والتحصيل الدراسي والجامعات نصابين والمستشفيات مجرمين وتجار اعضاء، وبالهجرة كذلك صاروا قطاع طرق وتحصيل العمل نصابين وبشراء الاثاث كذلك وبتخليص معاملات السفارات وبمكاتب الاستنساخ واصدار الوثائق وبالمعابر ونقل البضائع والاثاث
وهسة بالنقل واجور السيارات
شنو انتو من شنو مخلوقين ...يعني متشبعون ؟ شنو هالاجرام اللي متربين عليه ؟

21/02/2023

اذا أردت ان تبيع أغراضك اصبحت كل الاغراض رخيصة وليس لها قيمة ولا يوجد مشتري حاليا ... وان أردت ان تشتري أغراضا سيكون سعرها مرتفعا جدا والسوق محترق والكل يريد ان يشتري
نفس الامر تماما بالنسبة للعقارات والايجارات ...الكل متوحش ويريد اشباع رغباته الخبيثة واطماعه الغير متناهية
باذن الله سنعمل على محاربة اولئك المجرمين بالقانون وسينالون جزاءهم العادل حتى لو اضطررنا ان نحول الامر الى المحاكم العراقية كلا حسب منطقته ليكون عبرة لغيره...وسيدفع اضعاف ما اخذه من المظلومين باذن الله

31/12/2022

الى جميع الاخوة العرب وخاصة خاصة العراقيين والصوماليين والسودانيين
انتبهوا اشد الانتباه من مكاتب العقار والسماسرة وخاصة العراقيين لا تنغروا بكلامهم..اللي يريد يشتري خلي يذكرلي الشخص واسم مكتب العقار اللي تابع اله واني انطيه بالتفصيل شديسوون وشنو محضريلة نصب او حيلة لو لا
واي شخص ميعجبة هذا الكلام اعرفوا انه واحد من ذولة النصابين ويكون اختصر علينا الطريق

12/10/2021

السلام عليكم ورحمة الله وبركاته
نبدأ بإسم الله
ونرجوا من الكل التفاعل والمشاركة فضلاً وليس أمراً...
أي استشارة بخصوص شراء العقار أو الآجار او العيش او الدراسة او الاقامات او السفر سواء الداخلي أو الخارجي او مراجعة المشافي وغيرها من الأمور الكثيرة التي قد تحتاج الى ثقة في الرد وامانة في النقل
ستجدونه بإذن الله وبالتفاصيل المملة وبدون مقابل
اسأل أيّ شيء تحتاج فيه الى نصيحة او تحذير او استبيان
فان أعجبك الرد واحببت التعامل معنا فأهلا وسهلا بك
وان لم يعجبك التعامل معنا فأنت كسبت المعلومات التي تجنبك الوقوع في الاحتيال ....ومن الله التوفيق

04/06/2021

اي كروب ينوي يشتغل على الامور الصح وتبيان الحقائق ميلكى اي تفاعل ..عكس كروبات الكذب والنصب والعالم حيل بيها بسبب عدم اتباع الناس الثقاة ...تستاهل العالم اللي يجرالها لعد

21/02/2021

مستحيل آكو حل لهاي البشرية
لأن مستحيل من يكتب منشور يذكر السعر
ومستحيل تسأله عن التكاليف في أي مجال اذا ميكلك تعال خاص
ومستحيل العالم تشوف منشور اذا متلكة مجموعة يدخلون يعلقون تعليقات سلبية ضد صاحب المنشور
ومستحيل احد ينطي معلومة بدون مقابل
ومستحيل احد يريد يبيع حاجة اذا متكون حاجته اغلى من السوك وحاجة غيره اقل من السوك بهواية
ومستحيل احد يبيع جوال اذا ميكلك الشاشة بيها فطر بس ما مأثره على شغلها ويبيعه بنفس سعر المابي مشكلة
ومستحيل الناس تترك العالم بدون غيبة وبدون مشاكل وبدون حرك وبدون حسد عيشة وبدون تهش بلحوم الآخرين
ومستحيل اذا يشوفون منشور نساء اذا ما الكل عدها حل لمشكلة اي اخت من الاخوات
واذا رجال ينزلون استهزاء وكلام غير لائق
ومستحيل جماعة العقارات يتركون اقناع الشخص المشتري او المستأجر بان الشقة سالب واحد مرغوبة او العمارة اللي مابيها مصعد مرغوبة او الغرف الصغار افضل من الكبار...كأنه الزبون غشيم الى درجة استغباء المقابل
ومستحيل العالم تتقِ رب العالمين وتحاسب نفسها
ويفيد الكلام ؟؟ لا والله أبد ما يفيد

26/04/2020

السلام عليكم ورحمة الله وبركاته
واسعد الله اوقاتكم وتقبل الله منا ومنكم الصيام والقيام وسائر العبادات ...
الى كل الاخوة المتابعين
اي شخص لديه استفسار بخصوص الاقامات او السكن او العقار او الآجار او التذاكر او المناطق او أي شيء يخص تركيا
نحن نجيب باذن الله عن كل استفسار مجانا
ولا نبتغي بذلك الا وجه الله تعالى
حتى في مسائل التأكد من بعض الامور التي ممكن تعاملت معها مع شخص اخر او مكتب او سمسار
في حال تعاملت مع اشخاص واعطوك اسعارا او توجيها او ارشدوك الى مكتب معين
باذن الله سننبهك عن أي اخطاء او نصب او احتيال او كذب من اولئك الاشخاص او المكاتب وسنحتفظ بسرية المعلمومات لو أحببت
ولكم خالص التقدير والاحترام

07/04/2020

السلام عليكم
اخوان اصحاب الاثاث واغراض المنازل
نرجوا منكم عدم بيعها لاصحاب المحلات
لأن صاحب المحل سيأخذها منكم بسعر اقل من سعر الاشخاص ويصوّر لكم بأن سعرها لا يتجاوز كذا ولا أحد يأخذها
وبعد أخذها يرفع سعرها ويبين للناس بأنها شبه جديدة ويروج لها بشكل عجيب
وبهذا يكون له ربحين من باب الجشع والاستغلال
فلهذا نتصح ببيعها للمحتاجين لها فقد يشتريها بمبلغ اعلى من المحلات وسيستفاد منها وسيكون لك اجرا بذلك

11/02/2020

السلام عليكم ورحمة الله وبركاته
اعتذر عن الانقطاع فقط لأنني اريد ان اعرف مدى تفاعل الناس داخل تركيا
الكروب خاص بتوعية الناس عن الاقامات والمعيشة في تركيا وتحذيرهم من اهل الضلال ومن يتربصون بهم لاشباع رغباتهم المادية والشهوانية للاسف

31/03/2019