15/04/2023
علاش ما يتحلش ملف الشنڨال و الصفقات المشبوهة بين المستلزمين و سلطة الإشراف (البلديات) ؟؟؟
باااارشا خروقات و تجاوز للقانون يقوم به المستلزم ( المكاس ) في بارشا اماكن و منهم بلدية سيدي بوسعيد لي عاينت أنا شخصيا عدة تجاوزات للقانون،
يا ناس افهموا راو فما قانون ينظم مجال رفع السيارات و الكبالات،
البارح هزولي كرهبتي في سيدي بوسعيد مشيت لمستودع الحجز و طلبت بش نقابل عون الأمن الي عاين المخالفة و حررها و أمر برفع السيارة، قالولي ما عندهمش عون امن يخدم معاهم!!
- مالا شكون الي يعاين المخالفة و يحررها ؟
مواطن عادي ؟ ياخي نورمال توة !
سيارة راسية في مكان يحجر فيه الوقوف normalement يقوم عون أمن بمعاينة المخالفة و تحرير محظر و يؤمر برفع السيارة مش مواطن عادي يخدم خدمة الأمني لي عندو الصلاحية ؟!
أعوان الشنڨال مواطنين و خدامة عاديين ما عندهمش الصلاحيات لي تخوللهم تحرير المخالفات و رفع السيارات، يلزم يرافق الرافعة (الشنڨال ) عون أمن مكلف بالمهمة
ماعدى عون الأمن ما فما حتى حد عندو الحق يعطيك مخالفة مرورية .
كان هكا حتى وزارة الداخلية تو تجيب مكاسة في الكياسات و في كل مفترق نلقاو مواطنين عاديين يحرروا في المخالفات للناس!!
باندية مسيبينهم يهزو في كراهب الناس و لا حسيب ولا رقيب و من غير ما نحكوا عاد على الرشاوي و الفساد ...
بلاد غورة
#منقول
