27/05/2020
#تونس 🇹🇳🇹🇳🇹🇳
هي دولة لاهي صغيرة ولاهي كبيرة... لاهي باردة ولاهي سخونة... لاهي إفريقية ولاهي أوروبية...
نتكلمو عربية ومايفهمنا حتى عربي... شعبها لا تفهموا اسلامي ولا حداثي
السدود معبية والماء يقص، المطر تصب والخضرة غالية... البحر موجود والحوت غالي ...
لا فيها إرهاب على قاعدة ولا أمان على قاعدة... العيشة لا تفهمها لا غالية لا رخيصة...
لا تفهم الشعب فقير ولا غني... لا تفهم عنا ثروات ولا ما عناش...
نطيشو في القمح والحليب، ونستوردو في القمح والحليب... لا تعرفنا فُسّاد ولا نحاربو في الفساد...
لا تعرفنا متاع حرية ولا متاع فوضى، لا تفهم عملنا ثورة ولا انتفاضة...
في الكورة، لا نربحو ولا نخسرو لا نكورو ولا نخليو شكون يكور...
الكورونا الي غلبت أقوى بلدان حاربناها ب ''بر روح يهديك'' 😂
تونس كي تقعد فيها تكرهها وكي تخرج منها تتوحشها...
ما تفهمش روحك قاعد و إلا واقف كيف ايقلك واحد اقعد
واقف و تمشيش ما تجيش ..
تونس ...🇹🇳نحبها و نموت عليها
منقول
