26/04/2025
عروسة معرسة جديدة سألها راجلها قبل العيد و قاللها"تعرف تغسل الدوارة؟"
قتلو"مزلت صغيرة و ما نعرفش أما توا حماتي ربي يفظلها تعلمني"
غزرلها على جنب و قاللها "لمد دبش و روح لداركم ، ما عندناش في سبرنا مرا ما تعرفش تغسل دوارة، تحب تضحك عليا امي،😏و نهارة امك تعلمك تغسل الدوارة و تولي مرا كلمني نجي نهزك" و خرج و رجع و زاد قاللها "لمتعرفش تغسل الدوارة ماخذتها في ولد الناس خسارة" و شرڨع بالضحك و خرج
دنكست راسها و عينيها معبية بالدموع و روحت لبوها تغفص في دموعها و عاودت لصار الكل للسيد الوالد😢
بعد جمعة كلمو بوها و قالو"ايجا هز مرتك راهي امورها مريقلا ، ولات تعرف تغسل الدوارة و تعصبن ، و ليوم قبل ما تهزها تاكل العصبان من ايديها "
مشى سيدي وخينا فرحا مسروراً🏃
دخل يلقى بركوس مربوط في وسط الدار 🐏
مدلو نسيبو الســــ ـكين و قالو "هيا بابا اذبــــ ـحلنا هالبركوس خلي مرتك تغسلك الدوارة و تذوقك العصبان من ايديها"
وخر سيدي وخينا و قال"لكن أنا ما نعرفش لا نذبــــ ـح و لا نســــ ـلخ"
هبط البو على هاكا البركوس و ذبــــ ـحو في رمشة عين و قال لنسيبو "مالا ولدي برا لبوك يعلمك كيفاش تذبــــ ـح و تسلــــ ـخ ، و نهار لتولي راجل تعرف وين تلقى مرتك"
و مسح الســــ ـكين من د . مـها و زاد قالو "لي ما يعرف لا سليــــ ـخة و لا ذبيــــ ـحة ماخذتو في بنت الناس فضيحة " 😂😂😂😂😂😂😂
Chic ChopChic Chop
