https://www.youtube.com/channel/UCPt_ht9eZr9O3D4hDE1wK3w

Moha Qalbi Daacad, Mogadishu (2026)

02/02/2021

Ruuxa hadafkiisu yahay horumarka Mustaqbalkaaga kaas ayaa mudan in nolosha loo huro oo nafta lala qaybsado. Balse Ruux aan guushaadu qiima badan ku lahayn kaas wakhti badan haku lumin ee noloshaada ka saar.

02/02/2021

💝S 💝markaad-hadal-naruuro leh💘
💝S 💝niyada-igu-sheegtay💘
💝S 💝naxariis-macaan-iyo-nafis💘
💝S💝 aan-daremay-l love you💘
💝S💝 maxa-ka-wanagsan💘
💝S 💝qof-hadafkiisu-yahay💘
💝S💝 in-uu-ka-ilaaliyo-murugta💘
💝S 💝kana-shaqeynayo-farxadaada
😍😍😍😍😍😍😍😍😍😍😍
Sbx wngsn all my friends

20/09/2020

Jacaylka Dhabta Ah Ma'aha Mid Dhamaada Waligiina Wuu jirayaa, Jiilkasta oo Soo kacana Jacayl Cusub Ayay Beerayaan, Waxaana Nasiib Leh Labada Lamaane Ee Jacayl dhab ah oo bilaa khiyaamo ah Isku Qaada

20/09/2020

" Dhankasto Dunida Aan Ka Fiirsho
Nolosha Dhabta Waa Adiga
Farxada Dunidana Waa Adiga
Nuurka Dunidana Waa Adiga
Quruxda Noloshana Waa Adiga
La,aanta Nolosheyda Waa Mugdi
Si Xad Dhaaf Ah Baan Kuu Jeclahay 💋❤

💘HALKAN KAWAC JACEYLKAAGA ❤😍

16/09/2020

Waan iska daayay daawashada aflaamta ay african-ku matalan. Markii aan arkay gabadh ninkeeda raashinka ugu daraysa sun kadibna dhadhaminaysa bal inuu sun leeyahay iyo in kale. 😁

-Mugabe

03/02/2019

Hadii ay jirto in qof bini aadam ah baahi loo qabo nafteyda adiga ayey ku tebeysan tahay oo ay kugu qanacsan tahay,iyadoo aanan ka fekereyn culeysyada imaan kara mustaqbalka,waayo nafteyda ayaa kuu dhego nugul, dhegaheyga waxa ay maqlaan ereyadaada oo keliya ,indhaheyguna aragtidaada waa u daawo ah

03/02/2019

Ehel Waxad Ka dhigata qof Laabta Kugu Qoray
Erey Waxad Ka dhawrtaa qof daacad Kuu jecel.

18/01/2019

SHEEKADII DHOOF JACEYL IYO DHAXAL CAASHAQ Q6AAD

Oday Jaamac wuu garaystay hadaladii xaaskiisa Waris “Talo kaa maqan Maskax Walaalkaa ayay ku jirtaa wallee taasaan been ahayn” inta yiri ayuu Madaxa inta ruxay hoos u foorarsaday, kadibna wuxuu Waris ku yiri “Waa tahay howsha adigalee dhammee, wixii talo ahna aan isugu nimaadno”.

Waris markii arrinta loo madax bannaaneeyay waxay dib ugu soo laabatay Gabadheedii Ladan oo sariirta jiifta, waxaana dhex martay wadahadalkan:-

Waris:- I dhagayso Ladan Hooyo, Jacaylku waa wax jira, waana la soo wada maray, jacaylna adiga ayaa ku dhashay, Soomaaliduna waxa ay tirahdaa “Geeluba Laba jirka soo wada mar” inkastoo jacayl jiro haddana jacaylku wuu dhibaato badan yahay, waxaana lagu tilmaamaa mid indho la’ oo dhego la’ sida aad aragtaba waxa uu ku baray oo uu ku tusiyay wiilka deriskeena ah ee Liibaan ah, iyadoo Wiilal kale oo kugu eyni ah ay buuxaan, laakiin dhib malaha, aniga iyo Aabahaa markii aan jacaylka soo abuuraynay dhibaato badan ayaan ka soo marnay, siday ahaataba Wiilka aad Jacaylka u qaadday ee iskuulka kula dhigta wax macula wadaa oo makuu ogyahay in aad jaceshahay…?

Ladan:- Hooyo runtii wax ilama wado wiilka laakiin waan u sheegay in aan jeclahay, wuuna dareensan yahay, xitaa Warqad aan ugu sheeganayo inaan Jeclahay ayaan u qoray, laakiin inta uusan iiga soo jawaabin ayaanba jacaylkiisa dartii la xanuunsaday.

Waris:- Waan gartay, oo wiilku maba kuu oga jacaylka aad u qabto ee weliba aad la xannuunsanayso…?

Ladan:- Haa, Hooyo iima oga, laakiin macno malaha taa oo waxaan dadaal ugu jiraa sidii uu wax iila wadaagi lahaa, muddaba ha igu qaadatee.

Waris:- Taas wax la sheegi karo ma aha Gabadheydiyey, qof aan kuu ogeyn jacaylka aad u qabto oo weliba aad dartiis u xannuunsan tahay waa wax aan weligeed la maqal, ee hadda maxaa go’aan ah kolay annaga Gabadheenna ayaad tahay wax kasta oo aad jaclaato inaan kula jeclaanno waan ku qasbanahay, laakiin wax aan ur iyo jiho lahayn ayaad waddaa ee qorshahan mid ka bedelan inoola imow.

Markii Ladan iyo hooyadeed ay sidaa u wada hadleen Ladan qorshe ayaa ku dhashay waxay is tusisay in Waalidkeed ay wax la wadaan, markii h**e waxay ka baqeysay in lagu takooro wiilkaa faqriga ah ee ay jeclaatay haddase waxay dareentay in lala rabo wax kasta oo ay iyada jeceshahay wuxuu doonaba ha ahaadee, taasoo u saamaxaysay keliga ay ku tahay Waalidkeed oo sida Ukunta oo kale u dhow-dhowraya, balse waa malaheedee waxaysan ogeyn in waalidkeed u tashaday oo qorshe jalaafeyn ah lala maagan yahay jacaylkeeda marka h**ena loo dhoola caddeynayo kadibna belaayo iyo baas lagu kala geynayo iyada iyo wiilka la maleegayo.

Waris markii ay dhuuxday qorshihii gabadheeda waxa ay latashi ugu tagtay Seygeeda Jaamac oo ay u sheegtay in Gaabadhooda aysan waxna faro ku heynin, waxayna kuwada hadleen ereyadan:-

Waris:- Walaal Jaamacow Gabadheena Ladan arrin aan la maqal lana arag weli ayay inoo waddaa, ka waran wiilka ay jeceshahay oo ay dartiis la xanuunsan tahay in uusanba u ogeyn jacaylka.

Jaamac:- Yaah, taas wax dhici karo ma ahee !!.

Waris:- Ma dhici kartee, ka xaaxaabi hee….

Jaamac:- Waa tahaye, hadduu xaal sidaa yahay maxaan samaynaa…?

Waris:- Wallaahi fartaadoo xumaataa filig-filig kaagama harto, kolay waa arrin annaga nagu soo noqonaysa oo na hoos taala, Cidda ay wax ka xannuunsan yihiin oo ay dhibaysana waa annaga marka adigaa odayga reerka ahe talo keen.

Jaamac:- Walaalay Gabar waa Hooyadeed baa la yiraahdaaye adigalee soo dhammee arrintan

18/01/2019

Sheekadii Dhoof iyo Dhaxal Caashaq Qaybtii

Ladan waxay ku fakareysay jawaabta ka soo bixi doonta Liibaan, waxayna iskula hadleysay “Makugu deyrin doonaa, makaa ogolaan doonaa, armuu kaaga soo jawaabi diidaa oo uu ka xanaaqaa warqadda, sow k**a fiicnayn inaad afka kaga sheegato oo aad ku tiraahdo waan ku jeclahay, markaas ayaad jawaab degdeg ah ka heli lahayde…”.

Iyadoo isku walaacsan oo aan hadalladaas ku qancin ayay is moogeysiis gashay oo inta Buuggaagteedii Iskuulka mid ka mid ah soo haabatay akhris ismaaweelin ah gashay, laakiin wey is moogeysiin weysay oo mar walba dareen caashaq ayaa ku soo maaxanayay, xusuus kalgacalna wey gocaneysay.

Fakar ayaa Ladan daashaday oo wax hurdo ahi wey ladi weysay habeenkaa, xitaa subaxnimadii iskuul maysan aadin oo caajis dartiis ayay la kici weysay, gabar ay saaxiibo kore ahaayeen oo ay iskuulka isu raaci jireen ayayna u sii sheegtay in Fasax ay u qaaddo oo ay xannuunayso, inkastoo aysan garanayn halka xannuunku ugu badan yahay haddana in Liibaan xagiisa laga haysto way ogeyd, taasoo u fasirmeysa in jacayl uu hayo.

Liibaan isagu arrintaas waxba kalama uusan socon danihiisa ayuuna ka watay, maalintaas ay Ladan maqnaydna farxaddiisa ayayba ahad oo waxa uu ka baqanayay inay weydiiso jawaabtii warqadda ay u soo qoratay ee ay ku bandhiganaysay jacaylka ay u heyso, in jacaylkiisa dartii ay la xannuunsanaysana lama uusan socon oo waa qabaar moog, xaasidnimo k**a ahayne baqdin ayaa ku jirtay, kaaf iyo kala dheeri dad ah inay kala yihiin ayaana u sawirnaa, dunida midda qura ahee iyadana saacidday, isagana ciishay ayuu ku mashquulay falanqeynteeda.

Xaalkii Ladan ee xannuunka Caashaq ahaa maalintaas kuma uusan ekaan oo wuuba ka sii daray ilaa Todobaadna Iskuul maysan aadin oo sariirta k**a dul kicin, wax raashiin ahna k**a deign, cabitaana warkiisba daa, walow dawooyin nooca kaniiniga xannuunka ay isticmaalaysay oo wax caloosheeda gaara ay kaniiniyadaa iyo Biyihii ay ku liqeysay ahaayeen haddana waxba uma soo kordhin dowooyinkaa, Reerkooda oo Ubad oo dhan iyada ka dhalay ayaa la walaacay xannuunka ku soo siyaaday Inantooda oo markii h**e Hargab iyo xanuuno kale oo iska fudud daweyntooda ay u malaynayeen, markiise ay saddex maalin sii jiiftay oo aysan ka soo reyneynin ayay or-orod bilaabeen oo hadba Dhakhtar la beegsadeen, dawooyin fara badan oo loo soo qoray ayayna Kumadiinka uga buuxiyeen, inay wax u tarto iska daaye wayba ka sii dartay, xannuunkeediina, waa la bixin waayay “Cudurka gala Fardaha haddii laga gubo Dameer dawada lama gaarayee” Ladan iyadoo jacayl la ildaran ayay kaniiniyaal iyo sharoobiyiin cabsiinayaan.

Iyadu inkastoo ay ogtahay in dawadeeda uu Liibaan yahay haddana afka ma aysan soo marin karin oo waxay ka baqeysay in lagu yiraahdo waxa wiilal xul ah oo qoysas baraare leh, kasoo jeeda ee Muqdisho jooga maxaa kaa qariyay oo ku tusiyay wiilka faqiirka ah ee nolosha qabri qodista ah ku nool, sababtaas darteed ayayna dawadeeda dhabta ah oo ay taqaano la qarsanaysay, laakiina waxay kashifantay kadib markii si yool baarid ah Hooyadeed Waris ay uga soo saartay nooca cudurka haya, qarracan ayayse taa ka qaadday oo layaab iyo af-kalataag ayay ku noqotay.

Ladan Aabaheed Ow Jaamac ayaa arrintii la gaarsiiyay, waase la marsiin waayay in Gabadha kaliya ee ifka ubad uga joogta ay jacayl u qaaddo isla markaana ay dartiis u xannuunsato wiil ka soo jeeda qoys Qabuuraha qoda, taasna dhimasho inuu ka xigo ayuu caddeeyay laakiin Hooyo way iska beer jilicsan tahee go’aanka Odaygu qaatay way ka soo hor jeesatay oo inta si gooni ah ula faqday ayay ku tiri “waxa sariirta inoo saaran oo cunadii ka go’ay, Cabitaankana diiday waa Gabadha kaliya ee ubad aan ka shansanayno, Waxbarashadiina way ka habsaantay oo ka hartay, marka anagoon hal dhinac arrinta ka eegin aan dhinacyo badan oo Gabadheena quseeya ka eegno oo wiil baaska ay jeclaatay u keeno uguna baaqno inuu Gabadheena wax la qabto oo xitaa anaga aan ku maalgelinno kadib marka ay arrintu sidii caadiga ahayd ku soo laabato aan tab kale oo aan ku kala geyneyno samayno, inta Gabadheena inoo jiifto gogosha hadal iyo si adkeyn inooma yaalo, ogow wuxu waa dhalinyaro waana dumar inta arrimo kale ay ku dhaqaaqi lahayd aan anaga talo qaadanno.

Lasoco qaybta kale insha allah ikana raali noqda hadii aaan idin ku soo yareeyay insha allah waan badali doona fadlan shhare garee adigo mahadsan

18/01/2019

Sheekadii Dhoof iyo Dhaxal Caashaq Qaybtii 4aad

Liibaan isagoo xaaladdaas ku guda jira ayay Ladan jacayl ula timid oo Buuggiisa xisaabta inta maalin ka qaadday Warqad bashqadaysan u soo dhex gelisay, una soo raacisay sidii caadadeedu ahayd kuus lacag ah.

Markii iskuulka laga soo rawaxay ayay Ladan guddoonsiisay Liibaan buuggii oo uusan ku ogeyn wax Warqad ah, laakiin markii uu gurigiisii yimid oo Buuggii Miiskiisii yaraa saaray ayay warqaddii ka soo dhacday, markiiba inta dafay ayuu galka h**e ee bashqadda ereyo ku qornaa ka akhriyay magaciisa iyo magaca soo diraha, kadibna wuu daliiqay si uu u ogaado nuxurka ku dhex jira, wuxuuna ka akhriyay ereyadan:-

—Ku:- Liibaan Aadan

“Aboowe, marka h**e iga guddoon salaamaha la isu diro midda ugu qaalisan, san-kuneeflaha oo idil, inta Rag Dunida suran, ayaan kaa sahansadoo, kaa soo xushaye, si kastoo xaaladdaadu tahay, iyo sida aad ku sugan tahay, yaan kugu doortoo, kugu rabaa saafiyow, ee saacaddaan la joogo, sax u ogow inaan ku jeclahay, saani ii qaabiloo, shakiga ka siko idilkiis, anna saafi daacad ahoo, adiga ku sugeysaan ahaye….. taa la soco boowe, Jawaab saafi ahna, waan kaa sugayaaye, si xun wax u sheeg, iyo kuwa silciya Jacaylka, sifa-xun ku sheega, ka siko oo ka fogoow, qalbiga yeyna kaa sirin, jacaylkeenana silcinin.

Ka:- Walaashaa Ladan Jaamac.

Markii uu Liibaan akhrinta qoraalkii warqadda ay Ladan u soo dirtay intaa ku koobay cabbaar ayuu fakar ku fogaaday, wax uu sameeyo ayuu garan waayay, inta sacabada gacantiisa dhabanadiisa cusjiyay ayuu isla hadlay oo yiri “maxay kaa rabtaa Gabadhan, ma mid kale oo jacaylka la jila ayay weysay, aniga ma jacayl iyo afaarihiisa ayaan u soo jeedaa waxbarasho ayaan ku mashquulsanahee….. sidan ahay miyeysan u jeedin, maxay indhaha isu tiraysaa gabadhu, inaan isku darajo ahayn sow ma aragto, shaarkayga baftada ah ee Huudheyda ah uma jeeddo miyaa, surwaalka salka dambe ka karkaran ee aan Iskuulka ku dhigto maka indho saaban tahay, inaan dacaskii iibsan waayay moog miyay u qabtaa, gabadhan waxeedu jacayl k**a ehee shirqool bay ila damacsan tahay, wallee wax laga shakiyo wey tahay, waayo sal fudeydka ay igu soo gashay ayaanba ka yaabanahay, laakiin dhib malaha arrintan waan ka sal gaarayaa….”.

Liibaan markii uu intaas iskula hadlay warqaddii oo uu gacanta ku hayay ayuu miiska iska dul saaray, kadibna gogoshiisa isku kala fidiyay, fakarna guda galay, wuxuuna go’aansaday in uusan wax jawaab ah ka bixinin warqaddaas oo ilaa ay iyada kaga soo hadal qaadayso uusan juuq isaga u oran.

Insha allah lasoco qeybteda kale fadlan share dheh si asxbtda kale u arkaan mahadsandin

18/01/2019

Sheekadii Dhoof iyo Dhaxal Caashaq Qaybtii

Meeshii ay talo jacayl oo ay ku qanacdo ka sugeysay Saaxiibbteedii ay ku kalsoonayd hadallo aan u qaadmin ayay jawaab uga dhigtay, markaasay inta ku xanaaqday fadhigii kaga sara kacday oo xiriirkii Saaxiibtinimo isla daqiiqaddiiba ka goosatay, sidaasna ku kala haajireen, waxayna Ladan is tustay in iyadoo aan cidna la tashan ay Liibaan jacaylkiisa ku mintido, hadba wixii ay kala kulantaba.

Ladan waxay bilowday in marka xilliga Break Time-ka loo baxo in ay Liibaan ka dalbato in uu Casharada la qaatay dib ugu naqtiimiyo, markii uu taas ka ogolaaday ayay haddana sidoo kale ka dalbatay in shaaha iyo quraacda ay u doontaan Baarka iskuulka ku yaala ee Ardaydu ay wax ka cunaan, iyadoo ka bixin jirtay qarashaadka, Baarkaasoo Liibaan uusan weligiis tan iyo sidii uu Iskuulka ugu soo biiray u soo ag istaagin shiidnimo awgeed, balse Ladan ayaa ku qasabtay codsiyo dhowr ah oo ay u gudbisay kadibna uu ka yeelay.

Sidoo kale Ladan waxay Liibaan ka codsatay in Gaariga lagu soo doono xilliga rawaxaadda ay Liibaan h**ey ugu sii kaxayso laakiin taas waa uu ka diiday oo u sheegay in uu ka jecel yahay Lugtiisa oo uu maalo si uusan kibirka iyo isla weynida u baran iyo isagoo diiddanaa in Gabar ka darajo sareysa uu Baabuurkeeda raaco, waase lakala war la’ yahay.

Liibaan oo ahaa Arday cuqdad ka qabay dhalinyarada ay isku iskuulka yihiin oo uusan hadal la qeybsan weligiis ayaa waxa uu iska ilaalinayay mar walba inuu Ladan qorshaha ay wadato u soo dabco waayo shaki ayuu ka qabay xiriir la wadaageeda oo wuu iska ilaalinayay, waayo wuxuu h**ey ula socday dhacdo ku dhacday Wiil isagu ay isku eyni yihiin oo jacayl la wadaagay gabar reer ladan ka dhalatay, reerkeeduna dhinaca dowladda lug ku lahaa oo Jacaylkaas uu Wiilkii baas iyo hoog ka raacay, isagana sidaas oo kale ayuu uga cabsi qabay in laga raaco jacayl la wadaaga Ladan.

Liibaan waxaa u caddaatay in Ladan ay danaynayso isaga oo ay jeceshahay, inkastoo weligiis uusan soo marin Jacayl haddana aqoon dhinaca maqalka ah ayuu ka heystay oo dhalinyaro badan oo Rag iyo Dumar ah oo jacaylka shirko ku noqday ayuu soo arkay halka kuwana ay ku khasaareen kuwana ka guul gaareen oo nolol mustaqbal leh wadaageen ubadna ku hanteen, laakiin isaga uma uusan soo jeedin jacayl kumana uusan deg-degeynin xaaladda nololeed ee uu ku suganaa awgeed, waayo waxa uu ahaa Nin ka aradan macaanida Adduunyada, oo xitaa dacaska uu wato fiilo feero ayuu qeyb hoose oo ka go’day kaga dahaaray, shaarka Iskuulka uu ku dhigto wuxuu ahaa Bafto caddaad dhammaad xigeen ah, Surwaalka kaakiga ahina Huudheyda ayuu ka soo beecsaday oo wax uu isaga baddalana ma uusan heysan, isaga ayuu iskuulka ku dhiganayay magaalo ku joogna u ahaa, inkastoo shaarka Baftada ah ay u wehlisay Funaanad duug xigeen ah oo mar walba uu xiran jiray isagoo aan heysan wax kale oo uu isaga badelo.

Gelinka h**e Liibaan Iskuulka ayuu dhigan jiray, gelinka dambana Adeerkiis ayuu saacidi jiray oo Qabri-qodista ka kaalmeyn jiray, halkaas ayuuna dhaadhiciisa ka heli jiray oo marka Buug ka buuxsamo ama qalin ka dhammaado ka gadan jiray, noloshaas ciriiriga ah ayuuna ku sugnaa oo xitaa qarash uu dacas kaga gato k**a uusan heli jirin.

LA SOCO QEYBTA XIGTA.

Fadlan nagu soo biir si aad ugu taxanaato sheekada noo na share garee adigoo mahadsan

Moha Qalbi Daacad

02/02/2021

02/02/2021

20/09/2020

20/09/2020

16/09/2020

03/02/2019

03/02/2019

18/01/2019

18/01/2019

18/01/2019

18/01/2019

Address

Telephone

Website

Alerts

Contact The Business

Shortcuts

Share

Category