14/03/2026
Mudane Madaxweyne
Mudane: dr C.raxman mxmed c.lahi ciro
Madaxweynaha Jamhuuriyadda Somaliland
Ka: commissioner khadar omar
Og: Xafiiska Madaxtooyada Jamhuuriyadda Somaliland
Ujeeddo: Codsi ku saabsan Saamiga Xilalka iyo Metelaad Wasiirnimo ee Beesha Muuse Care.
Mudane Madaxweyne,
Annaga oo ah waxgaradka, aqoonyahannada, dhalinyarada iyo guud ahaanba bulshada Beesha Muuse Care, waxaan si xushmad iyo qadarin leh kuugu soo gudbinaynaa codsigan la xiriira saamiga xilalka qaran iyo metelaadda beesheenna ku leedahay xukuumadda aad hoggaamiso.
Mudane Madaxweyne, Beesha Muuse Care waxay ka mid tahay beelaha si mug leh uga qayb qaatay nabadaynta, dhismaha qaranka, difaaca dalka iyo horumarinta bulshada Jamhuuriyadda Somaliland. Waxa ay mar walba garab istaagtay dowladnimada iyo ilaalinta midnimada iyo xasilloonida dalka.
Sidaa awgeed, waxaan si sharaf leh kaaga codsanaynaa in beesheenna loo tixgeliyo saamigeeda xilalka qaran, gaar ahaan in naloo magacaabo wasiir si rasmi ah noogu metela golaha wasiirrada, si loo xaqiijiyo cadaalad, isu-dheellitirnaan iyo wada-lahaanshaha dowladnimada.
Waxaan aaminsanahay in metelaaddu ay xoojin doonto kalsoonida bulshada, isla markaana ay sare u qaadi doonto wada-shaqeynta iyo midnimada qaranka.
Mudane Madaxweyne, waxaan ku kalsoonahay hoggaankaaga iyo sida aad mar walba u tixgeliso sinaanta iyo wadajirka bulshada Somaliland.
Waxaan ku rajaynaynaa in codsigayaga aad si mug leh u qiimeyn doonto.
Mahadsanid.
