31/12/2019
كان كتبت بوست قبل كم يوم وقلت ليكم شاركونا بمواقف او أحداث حصلت ليكم في 2019 وشكرا لكل من شاركنا وكل من وثق فينا وفتح قلبو لينا وشكر خاص جدا مغلف بكل الحب لكل متابعننا في الصفحة
أما بالنسبة لزاهية وزي ما وعدتكم اني ح اقول ليكم بعض ما حصل في 2019 وأشارككم بيهو..
زاهية فكرة طلعت في وسط قعدة ظريفة بيننا الشباب .. زاهية ما مجرد صفحة ولا بس فعالية إيف .. زاهية ما كلمات تكتب ومتابعة وتعليقات .. زاهية حلم . هدف . طريق . بناية بتتبني طوبة طوبة عشان تصل بإذن الله وتحقق جملة " #زاهية عشانك وليك".
كانت تحدي اننا اصلا نبدا فكرة في وقت الوضع فيهو ما واضح .. تحدي انو كل واحد فينا بيضغط نفسو نفسيا وجسديا بس عشان ينجز مهمة واحدة بعد تعب وبعد كم لا وكتيرة نشوف وبعض خيبات الامل .
وقفنا في اكتر من مرة .. اضطرينا نتنازل برضو في نقاط وجازفنا بحاجات في مواقف وكلو لخاطر جمهورنا الحبيب انو نقدر نطلع بزاهية بشكلها المميز والفريد.
طبعا في سؤال ح يكون في بالكم (انا بقصد أو بتكلم عن شنو بالضبط صح ؟)
كلها ايام ان شاء الله و ح نعرف الاجابة جميعا
ما صعب انك تبدأ صعب إنك تواصل .. وما صعب إنك تفكر صعب إنك تنفذ ..
شكرا من القلب لكل متابع ومتابعة وشكرا لكل تعليقاتكم وشكرا لرسائلكم وملاحظاتكم .. وشكرا للتعبو معانا واستحملونا
وشكرا لكل متطوعي فريق إيڤ المميز جدا
وشكرا لكل من دعمنا وساهم معانا
شكرا بكل معاني الحب
عشانك وليك ^_^
