28/04/2023
ما اعتقد في كلمات ممكن توصف النحن فيهو والحاسي بيهو كل سوداني في كل حتة حول العالم
ماف اي حاجة نقدر نعبر و نوصف بيها حزننا على الحصل
ربنا يرحم كل الشهداء ويصبر اهاليهم ويشفي كل الجرحى ويعوض كل الاتعرضو لنهب او اذية او اهانة
ربنا يصلح الحال ويجبر كسرنا ونقدر نتجاوز الازمة
لو وصلكم البوست طمنونا عليكم بلله🙏
استودعناكم الله جميعا، فهو الذي لاتضيع عنده الودائع
حابين نطمنكم تماما انو حقوقكم معانا كلها محفوظة باذن الله
كان نفسنا نرسل ليكم عميل عميل، نطمن عليكم اهم شي واول شي وتاني شي نطمنكم على حقوقكم معانا
لكن طبعا مع الاحداث الحاصلة المكتب مغلق وطبعا حاليا تقييم الوضع مستحيل تماما
لكن كلنا امل انو قريبا باذن الله الامور تروق شوية وحنتواصل مع كل العملاء العندهم اوردرات ما مكتملة او ما مستلمة
