16/12/2025
يوم الجمعة الجميل.. 💚☺️عيدنا الثالث.. 💚☺️تعالوا نتكلم شوية عن الحاجات البتكون في اليوم دا...
طبعاً في اليوم دا كل المسلمين بستحمو وبتريحو "ودي اكتر حاجة عاجبني في اليوم دا.. 💚" وبتجي المسجد وبتصلي رجال ونسوان.. ☺️💚النسوان بكونوا وراء عندهم مكان براهم والرجال مكان براهم... ودا من الأشياء الجميلة في دينا الحنيف السمح.. ☺️💚
في اليوم دا بتلقى الناس نضيفة طالعة في الشارع الرجال لابسين الجلاليب البيضاء.. ولفة العمامة .. السودانية الجميلة ديك.... "(أقول ليكم كلام من غير مبالغة انا مرات لمن أشوف الناس هي طالعة من المسجد بحسهم زي أهل الجنة أهل الجنة م عارف ليها المهم بجيني احساس كدا وبيكون جميل في شكل #طمانينة)"... 🥺💚وما ننسى في ناس عندهم عادة بتاعت ملاح التقلية يوم الجمعة.. 🥺💚اقسم بالله ديل ناس حلوين شديد.. 🥺💚.." (طبعاً العادة دي بتختلف من ناس لي ناس.. في ناس عندهم حاجات معينة بعملوها يوم الجمعة.. في ناس بعملوا بليلة بتاعت *فتريت* ويوزعها كرامة للغاشي والماشي..)". ☺️
#المسجد
مرات في الصلوات العادية بتحس بضيق من الرائحة بتاعت الوقر والعرق وشنو م عارف.. بس يوم الجمعة بكون غير.. 🥺تتمنى انو اليوم دا م ينتهي.. 🥺💚ولمن تجي البيت تلقى البيت مكشوش ومفرش ويقول ليك الليلة الجمعة ممكن يجونا ضيوف م تبشتن البيت.. 💔😂تطلع تمشي الجيران وتسلم عليهم وتمشي لي اهلك القراب قراب وتشرب معاهم الجبنة.. وبعد تجي ناس البيت يقول ليك وين مشيت الجبنة كانت من غيرك مسيخة.. 💚🥺يا جماعة انا بحب يوم الجمعة دا والله العظيم
م عارف اعبر عن الراحة النفسية الفي اليوم دا.. 💚🥺وبالأخص لو لقيت الإمام...متعلم وحافظ وأداك خطبة مليانة تخليك تقشعر من الخوف من الله عز وجل 💚🥺ساعتها ماف زول تاني بيقدر يحس بالراحة حقتك أو احساسك الجميل داك.. 💚🥺
السلام عليكم ورحمة الله وبركاته
