03/06/2026
في فرق كبير بين إنكِ تجهّزي نشاط لولادك...
وبين إنكِ تحضري بيئة بتشجّع اللعب.
بالحالة الأولى،
إنتِ عم تديري كل شي.
إنتِ اللي عم تفكّري بالنشاط،
وإنتِ اللي عم ترفّهي،
وإنتِ اللي لازم يكون عندك فكرة جديدة كل شوي.
أما بالحالة التانية،
إنتِ بس عم تهيّئي الجو.
والولد هو اللي بيقرّر كيف يلعب،
وشو يلعب،ومتى يلعب.
وهون بيصير الفرق الحقيقي.
اللعب مش بس طريقة لتمضية الوقت.
اللعب بيعطي الطفل إحساس إنه قادر،
وإنه عنده شوية سيطرة على عالمه.
لما كل شي بيجي من خياله ومبادرته،
بيصير اللعب أعمق وأطول.
أما لما نحس إن شغلتنا هي نضل نرفّه عن أولادنا،
غالبًا منوصل لمرحلة من التعب...
وأولادنا بعدن عم يقولوا:
"ماما زهقان."
بس لما نغيّر السؤال من:
"شو نشاط حضّر اليوم؟"
إلى:
"كيف فيّي حضّر بيئة بتدعو للعب؟"
كتير أشياء بتتغيّر.
اللعب المستقل بيصير أسهل.
والأولاد بيبلّشوا يلاقوا أفكارهم من حالن.
اكتبيلي عمر طفلك بالتعليقات 🤍
وببعتلك أفكار بسيطة تساعدك تبلشي 💫
