26/10/2023
کوئی بھائی رہنمائی کرے یہ جو ڈیٹا ہم ڈیلیٹ کرتے ہیں یہ ڈیٹا جاتا کہاں ہے آخر کوئی تو ہو گا
جواب 👇
فرض کیجیئے آپ کسی ملٹی سٹوری اپارٹمنٹ کمپلکس کے آفس میں جاتے ہیں اور ان سے پوچھتے ہیں کہ آپ کا دوست لالی کون سے اپارٹمنٹ میں رہتا ہے- وہاں کا سٹاف اپنا رجسٹر دیکھ کر اس شخص کو تلاش کرتے ہیں کہ وہ شخص اپارٹمنٹ نمبر 912 میں رہتا ہے یعنی نویں منزل کے بارہویں اپارٹمنٹ میں-
ایک دن کوئی سر پھرا ملازم اس رجسٹر کی تمام مندرجات کو مٹا دیتا ہے اور ہر اپارٹمنٹ کے بارے میں یہ لکھ دیتا ہے کہ یہ اپارٹمنٹ خالی ہے- اب آپ اسی آفس میں جائے اور پوچھیں کہ لالی کہاں رہتا ہے تو اس رجسٹر کو دیکھ کر یہ جواب دیا جائے گا کہ اس اپارٹمنٹ میں کوئی لالی نہیں رہتا- آپ اگر انہیں کہیں بھی کہ اپارٹمنٹ 912 میں لالی رہتا ہے لیکن رجسٹر یہ بتائے گا کہ اپارٹمنٹ 912 خالی ہے اگرچہ حقیقت میں لالی اب بھی اپارٹمنٹ 912 میں ہی رہتا ہے
جب ہم ہارڈ ڈسک سے ڈیٹا ڈیلیٹ کرتے ہیں تو ہم بالکل یہی کرتے ہیں- ہر ہارڈ ڈسک اور سٹوریج ڈیوایس میں ایک الیکٹرانک رجسٹر ہوتا ہے جس میں یہ درج ہوتا ہے کہ اس کے کس حصے میں کون سی فائل کا ڈیٹا سٹور کیا گیا ہے- جب ہم وہ فائل ڈیلیٹ کرتے ہیں تو دراصل صرف اس رجسٹر میں یہ انٹر کر دیتے ہیں کہ وہ حصہ خالی ہے- اصل ڈیٹا اب بھی وہی موجود ہوتا ہے لیکن اب کسی ک یہ خبر نہیں ہوتی کہ وہ ڈیٹا موجود ہے کیونکہ کون سا ڈیٹا کہاں ہے یہ معلوم کرنے کا سٹینڈرڈ طریقہ اس رجسٹر کی انٹریز کو پڑھنا ہے
