17/09/2024
بیسویں اور اکیسویں صدی کے غالب علمی رجحانات کا جائزہ لیا جائے تو یہ حقیقت سامنے آتی ہے کہ ان صدیوں میں امت محمدیہ صلی اللہ علیہ والہ وسلم کی تحریری اور تصنیفی جولانیوں اور کامرانیوں کا قبلہ سیرت رسول اللہ صلی اللہ علیہ والہ وسلم ہے ، بلا مبالغہ سیرت رسول اللہ صلی اللہ علیہ وسلم پر معرض تحریر میں انے والی سینکڑوں کتب کے جلو میں سیرت نگاری کے کئی دبستان سامنے ائے اور کئی نئے اسالیب صورت پذیر ہوئے ، بلاشبہ یہ دونوں صدیاں سیرت نگاری کی صدیاں ہیں اللہ تعالی کی مشیت یہی ہے کہ اس دور آشوب میں امت محمدیہ کو ذات رسول اللہ صلی اللہ علیہ والہ وسلم کے گرد جمع کیا جائے ، علمی و مسلکی وطنی اور نسلی اور ذاتی و شخصی اختلافات کے فاصلے اور دوریاں محبت رسول اللہ صلی اللہ علیہ والہ وسلم کے بحر بے کراں میں گم ہو جاتی ہیں ، چنانچہ اج امت محمدیہ زبان حال و قال سے اپنے شعار فداک ابی وامی یا رسول اللہ کا ورد کرتی نظر اتی ہے۔
سیرت رسول اللہ صلی اللہ علیہ والہ وسلم پر لکھی جانے والی ہر کتاب قرانی آیت ور فعنا لک ذکرک کی تفسیر ہے کتب سیرت میں ذکر رسول اللہ صلی اللہ علیہ والہ وسلم کی سینکڑوں جہات کا بیان ، آپ صلی اللہ علیہ والہ وسلم کے رفعت ذکر کی قرانی بشارت کی ہی توضیح و تشریح ہے ، قران میں سیرت رسول کی مرتبی، نبوی، علمی، دعوتی، اخلاقی، ج - ہادی، ریاستی، تربیتی، عائلی، اخروی اور دیگر بہت سی جہات کے ذکر سے واضح ہے کہ ذکر سیرت صلی اللہ علیہ والہ وسلم سنت الہیہ ہے ، سیرت نگاری تخلقوا باخلاق اللہ تعالی کی عملی صورت ہے۔
رسول اللہ صلی اللہ علیہ وسلم کو ہدف طعن بنانے کی عالمگیر سرگرمیوں بالخصوص خاکہ سازی نے امت مسلمہ میں محبت رسول کو انگیخت کیا ، فرازنگی و دیوانگی یک رنگ ہو گئیں ، عقل و خرد اور جذب و جنوں نے ہاتھ ملائے ، امت نے اپنے لہو سے چاردانگ عالم میں کتابت کیا کہ ہم لعرض محمد مانک وقاء آبروئے محمد کے سامنے ہم سربکف حفاظتی حصار باندھے مستعد ہیں۔
زیر نظر تالیف رہبر و رہنما ش -ہید ملت علامہ ضیاء - الرحمن فار - وقی کی زمانہ طالب علمی کی تصانیف میں سے ہیں ، جناب محمد ابوبکر فاروقی نے ان کی تصانیف کی تہذیب و تدوین نو کا بیڑا اٹھایا ہے جو یقینا بہت بڑی علم خدمت ہے۔ جناب ابوبکر فار-وقی نے کئی مقامات پر ضروری اضافوں سے کتاب کی تکمیل کی ہے اور تخریج و تعلیق سے اس کی علمی شان میں اضافہ کیا ہے، اللہ تعالی ان کی محنت کو قبول فرمائیں اور بارگاہ رسول اللہ صلی اللہ علیہ والہ وسلم میں مقبولیت کا ذریعہ بنائیں۔
تحریر : ڈاکٹر عثمان احمد
ادارہ علوم اسلامیہ جامعہ پنجاب
