Rah e Adab Publications, Islamabad (2026)

14/08/2025

14 اگست 2025 پیغام پاکستان کا سلسلہ اختتام پذیر ہونے کو ہے۔ ہمارے مصنفین نے بے حد خوب صورتی اور جانفشانی سے اس بزم کو سجایا اور اپنے پیغامات سے گروپ کو رونق بخشی۔
اس بزم کا ایک اور عمدہ، فکر انگیز پیغام آپ کی بصارتوں کی نذر، دانیال حسن لکھتے ہیں

اہلِ وطن
السلام علیکم ورحمۃ اللہ و برکاتہ
آج چودہ اگست کا سورج، افقِ وطن پر روشن ہو کر سبز ہلالی پرچم کو نئی تابندگی عطا کر رہا ہے، تو میرے دل کے نہاں خانوں سے ایک ہی صدا بلند ہو رہی ہے:
یہ دن چراغاں کا دن نہیں، یہ دن تقریبات برپا کرنے کا دن نہیں ، یہ لمحہ جشن و سرور کا لمحہ نہیں بلکہ یہ لمحہ تجدیدِ عہد کا، عہدِ وفا کا، عہدِ قربانیوں کو یاد کرنے کا ہے جن کے بدلے ہمیں یہ آزاد وطن ملا ۔
میرے ہم وطنو!
وہ مائیں جنہوں نے اپنے لالوں کو اس پاک سرزمین پر قربان کیا، وہ باپ جنہوں نے اپنے جوان بیٹوں کے جنازے اٹھائے، وہ بہنیں جنہوں نے آنچل کے ٹکڑوں سے کفن سیا، اُن سب نے یہ خاکِ وطن ہمیں سپرد کی۔
لیکن کیا ہم نے اُس قربانی کی لاج رکھی؟ کیا ہم نے وطن کو ماں کا درجہ دیا؟
آزادی ایک نعمت ہے لیکن اس کی بقا مسلسل جدوجہد کی محتاج ہے۔ اتحاد، ایمان اور قربانی ہی وہ ستون ہیں جن پر وطن کا قصرِ عظمت قائم رہتا ہے۔
اہلِ وطن!
اپنی ذات سے نکل کر قوم کے لیے جینا سیکھو۔ حب الوطنی ملی نغموں سے نہیں، عمل سے ظاہر ہوتی ہے۔ چراغاں دل میں ہو تو گلیاں خود روشن ہو جاتی ہیں۔
اس یومِ آزادی پر یہ عہد کریں کہ ہم وطن کے وفادار بیٹے بنیں گے، سچ کے داعی، اتحاد کے علَم بردار اور قربانی کے خوگر بنیں گے ۔
پاکستان زندہ باد۔
دانیال حسن چغتائی

14/08/2025

آج 14 اگست ہے مگر یہ دن ہر سال کی طرح عام نہیں ہے۔ اس بار فضا میں ایک نئی چمک، دلوں میں ایک نیا جوش اور روحوں میں ایک نیا ولولہ ہے۔ یہ دن، پاکستان کی آزادی کا دن، اس سال دوہری خوشی کے ساتھ بھر پور جوش و خروش سے منایا جا رہا ہے۔ ایک طرف ہمارے آباؤ اجداد کی انتھک قربانیوں کا ثمر ہے اور دوسری طرف ہمارے شیر دل جوانوں کی شاندار فتح کا جشن ہے۔ یہ دن صرف ہماری آزادی کا نہیں بلکہ ہماری بقاء اور عزت کی حفاظت کا بھی ہے۔
14 اگست محض ایک تاریخ نہیں، یہ ایک عہد ہے جو لاکھوں قربانیوں سے رقم ہوا۔ یہ وہ دن ہے جب غلامی کی تاریک رات چھٹی اور آزادی کی پہلی کرن نے ہر دل کو روشن کیا۔ یہ دن ہمیں یاد دلاتا ہے کہ یہ وطن ہمیں یونہی نہیں ملا بلکہ ہمارے بزرگوں کے خون، ماؤں کی دعاؤں اور بہنوں کی قربانیوں سے اس پرچم کی بلندی قائم ہے۔ یہ وہ لمحہ ہے جب 'لا الہ الا اللہ' کی بنیاد پر ایک قوم نے دنیا کے نقشے پر اپنی شناخت رقم کی۔ یہ ایک نظریہ تھا، ایک ایمان تھا، ایک عزم تھا، جس نے غلامی کی زنجیروں کو توڑ کر ایک آزاد اور خودمختار ملک کی بنیاد رکھی۔
پھر وقت کا پہیہ گھوما اور 10 مئی 2025 کا دن آیا، جب ہمارے بہادر سپوتوں نے دشمن کے ناپاک عزائم کو خاک میں ملا دیا۔ وہ صرف ایک جنگ نہیں تھی بلکہ وہ ہمارے ایمان اور غیرت کا معرکہ تھا۔ ہمارے سپاہی فولادی عزم کے ساتھ کھڑے رہے اور دنیا کو یہ پیغام دیا کہ ہم نہ جھکنے والے ہیں اور نہ ٹوٹنے والے۔ ان کی یہ بہادری صرف سرحدوں کی حفاظت نہیں بلکہ اس خواب کی حفاظت تھی جو 14 اگست 1947 کو شرمندۂ تعبیر ہوا تھا۔
آئیے آج، اس دُہرے جشن کے موقع پر، ہم سب یہ عہد کریں کہ جس طرح ہمارے بزرگوں نے اپنی جانیں دے کر اس وطن کو حاصل کیا اور ہمارے جوانوں نے اپنے لہو سے اس کی حفاظت کی، ہم بھی اس ملک کو اپنے خونِ پسینے سے سنواریں گے۔ ہم اس زمین کو ایمان، اتحاد اور تنظیم کی مضبوط بنیادوں پر تعمیر کریں گے۔ آئیے ہم صرف جھنڈے نہ لہرائیں بلکہ ان شہیدوں کے قرض کو بھی یاد رکھیں جنہوں نے ہمیں یہ دن فخر سے منانے کا حق دیا۔ یہ یومِ آزادی ہے، یہ ہمارے اتحاد اور وقار کا دن ہے۔
راہِ ادب رائٹرز ایسوسی ایشن آف پاکستان کی جانب سے اہل وطن کو یومِ آزادی و معرکہ حق مبارک 💚 🇵🇰
پاکستان ہمیشہ زندہ باد

انتظامیہ راہِ ادب
زارون علی
مریم صدیقی
طوبیٰ صدیقی

13/08/2025

مصنفہ ہما ناہید کا پیغام قوم کے نام

وقت کا پہیہ اپنی رفتار سے گھومتا ہوا ماہ وسال کی گردش میں رواں دواں ہے 78 سال اس مملکت نے اپنی پہچان بنانے میں بتا دئیے۔ وہ نسلیں جوان ہوکہ بڑھاپے کے دہلییز پہ آکھڑی ہوئی جو بچپن سے آزادی کی داستانیں سن کر حب الوطنی کے جذبے سے سرشار ہوجایا کرتی تھیں ۔ اپنے درو دیوار کو سبز ہلالی پرچموں سے سجایا کرتی تھیں، جو ملی نغمے سن کر، اپنے ملک کی فضاؤں کو ویسا ہی معطر دیکھنا چاہتی تھیں، جیسے خواب ان کے بزرگوں نے پاکستان کی جدو جہد کرتے ہوئے اپنی آنکھوں میں سجائے تھے۔ ایک ایسی اسلامی مملکت کے خواب جس میں ہر شہری صرف پاکستانی ہو، جس کے لیے اپنی ذات سے بڑھ کر اپنے ملک کی بقا عزیز ہو،جو ہر میدان میں پاکستان کے پرچم کو سر بلند کرنے کے لیے کوشاں ہو۔ یوم آزادی کے اس موقع پرآج پھر سے عہد کرتے ہیں کہ اپنے وطن کے ان معماروں کے خوابوں کو شرمندہ تعبیر کریں گےاور صرف پاکستانی بن کے سوچیں گے اور سچے پاکستانی بن کے ہی اپنے ملک وقوم کی خدمت کریں گے۔

13/08/2025

کائنات فاطمہ کا پیغام ہے:

پاکستان کی آزادی ایک تاریخی لمحہ تھا جب 14 اگست 1947 کو ہندوستان کے مسلمانوں نے ایک الگ وطن حاصل کیا اور ہمیں الحمدللہ ہمیں آزادی جیسی نعمت ملی۔ قائد اعظم محمد علی جناح کی قیادت میں لڑی گئی تحریک آزادی کا یہ نتیجہ تھا کہ مسلمانوں کو اپنا الگ ملک ملا جہاں وہ اپنی اسلامی تشخص اور ثقافت کے مطابق زندگی گزار سکیں۔ آزادی کا دن محض ایک تہوار نہیں ہمارے لیے اس زمانے کی یاد تازہ کرنے کا دن ہے جب ہمارے اپنوں نے متحد ہو کر آزادی حاصل کی۔ آج ہم آباؤاجداد کی دشمنی قبر تک نبھانے کا عزم تو رکھتے ہیں مگر ہمارے ان اسلاف کے اتحاد کی رسم نبھانے سے قاصر ہیں۔ ہم نعرے بازی کے مقابلوں میں بھرپور حصہ لیتے ہیں مگر قومی و ملکی ترقیاتی عوامل کا ذکر ہو تو سب کا الگ مؤقف الگ رائے۔سوال یہ ہے کہ کیا ہماری ذاتی رائے ہمارے ملکی مفاد سے زیادہ اہم ہے؟؟؟ یہ دن محض سجاوٹ کرنے اور ملی نغمے گنگنانے کا نہیں بلکہ اس وقت یہ ملک ہم سے اتحاد کے پختہ عہد کی تجدید مانگ رہا ہے ایک ایسا عہد جو ہمارے اسلاف کی طرح ہی غیر متزلزل ہو۔ اللہ اس ملک کو ہمیشہ قائم ودائم رکھے اور اس قوم کو متحد کر دے آمین۔ آج کل کے زیادہ تر نوجوان پاکستانی ہونا بدقسمتی سمجھتے ہیں جبکہ دنیا کے کسی بھی کونے میں ان کی پہچان صرف اسلام اور پاکستان ہے۔ ایک پیغام ان نوجوانوں کے لیے (منقول)
‏”تم یورپ کی طرف ہجرت کرو گے، اور قانون کی پابندی کرو گے۔ عوامی مقامات پر تمباکو نوشی نہیں کرو گے، اور مخصوص مقامات سے سڑک پار کرو گے۔تم گاڑی چلاتے وقت سیٹ بیلٹ باندھو گے۔ تم قطار میں کھڑے رہو گے چاہے وہ ایک کلومیٹر لمبی کیوں نہ ہو۔ اگر تم یہ سب اپنی ملک میں کرتے تو شاید تمہیں ہجرت کر کے اٹلی، فرانس ،انگلینڈ یا امریکہ جانے کی ضرورت نہ پڑتی۔لہذا اس ملک کے موجودہ حالات بھی ہماری وجہ سے ہیں اور اسے بہتر سے بہترین بھی ہم ہی بنا سکتے ہیں،کیونکہ نوجوان کسی بھی ملک کا قیمتی سرمایہ ہوتے ہیں۔

13/08/2025

۱۴ اگست ہر سال یہ دن جب آتا ہے تو مجھے اپنے اندر جوش و جذبے کی نئی لگن محسوس ہوتی ہے۔ جو ہر محب وطن پاکستانی کو محسوس ہوتی ہوگی۔ اور سب ہی اس کا اظہار مختلف انداز طرز سے کرتے ہیں۔
کچھ جشن مناتے ہیں تو کچھ اسے دیکھ کر خوش ہوتے ہیں لیکن کیا یہ ان قربانیوں قرض ادا کردیا ہم نے؟
ہم نے کبھی سوچا ہے کہ اِس دُنیا کا ذرہ ذرہ کسی نا کسی مقصد سے بنایا ہے رب العالمین نے پھر یہ تو مُلک ہے اور اتنی جانوں کی قربانیاں دی تب جاکر ملا ہے۔ کوئی تو وجہ ہوگی نا اللہ کے ہاں اس کے وجود کی اور ہمارا اس مُلک کے شہری ہونے کی اگر ہم اس ۱۴ اگست کو یہ عہد کریں کہ تبدیلی ذات سے کوشش کریں گے تو بات تبدیلی کائنات تک جائے گی۔
کیونکہ
اس کی بنیادوں میں ہے تیرا لہو میرا لہو
اس تیری آبرو ہے اس سے میری آبرو

13/08/2025

اے وطن تیری عظمت سلامت رہے
تیرا ہر ذرہ محفوظ قامَت رہے
امن خوشحالی قائم رہے اب سدا
تو محبت کا ہر سو علامت رہے

ہو ترا ہر سپاہی بہادر وطن
حوصلہ جنگجو میں جُگادَر وطن
عزم پختہ رہے قوم مضبوط بھی
ہو نشانے پہ ہر اک نرادر وطن

مجھ میں آخر تلک جو بچی جان ہو
اے وطن تیری خاطر وہ قربان ہو
جب بھی مٹی پکارے لہو کو مرے
تیری عظمت ہی میری وہ پہچان ہو

ہم میں جذبہ وطن بے مثالی رہے
سب سے اونچا یہ پرچم ہلالی رہے
ہر کسی کے لبوں پر ترا نام ہو
دل محبت وطن سے نہ خالی رہے

کوئی خطرہ وطن کو نہ آئے کبھی
مل کے نغمہ وطن گنگنائیں سبھی
اے وطن تیری عظمت سلامت رہے
تیرا ہر ذرہ محفوظ قامَت رہے

ثمرین شاہد

13/08/2025

مصنف طاہر جنجوعہ کا پیغام ہے:

اس بار کا جشنِ آزادی کوئی عام روایتی یا رسمی جشنِ آزادی نہیں ہے۔ اس بار یہ ”بنیان المرصوص“ کے شِیرے میں گوندھا ہوا اللہ سبحانہ وتعالیٰ کی طرف سے فتح و نصرت کی بے پناہ حلاوت و مٹھاس لیے ہوئے ہے۔ آج کی دنیا طاقت ور کی دنیا ہے اور یہاں طے ہو چکا کہ ہم دنیا کے طاقت وروں میں سے ایک ہیں۔
یومِ آزادی منانے کا بہترین اور عمدہ طریقہ یہ ہے کہ اللہ سبحانہ وتعالیٰ کے حضور سربسجود ہوں اور اس کی اس بے پایاں نعمت کا شکر ادا کریں اور اس عہد کی تجدید کریں کہ اپنی ذاتی اور انفرادی سطح پر ہماری زندگی میں کوئی ایک ایسا لمحہ بھی نہ آنے پائے کہ پاکستان کے حوالے سے خود اپنے ہی ضمیر کے سامنے ہمیں شرمندہ ہونا پڑے۔
ہمارے ہاں اگرچہ مسائل کے جنگل اگے ہوئے ہیں، سسٹم کی کمزوریوں کے جھاڑ جھنکار دن رات پریشان کیے ہوئے ہیں مگر کیا یہ کم ہے کہ ہم آزاد دنیا کی آزاد فضاؤں میں سہانے مستقبل کے آزاد خواب اٹھائے جانب منزل رواں دواں ہیں۔

13/08/2025

السلام علیکم
احباب ذی وقار
پیغام پاکستان کے اس سلسلے کو آگے بڑھاتے ہوئے ہمارے گروپ کی متحرک رکن منہا بخاری کا خوب صورت پیغام آپ کے ذوق مطالعہ کی نذر۔

پاکستان ایک اسلامی جمہوریہ اور اسلام اس کا سرکاری مذہب ہے۔ نظریہ پاکستان در حقیقت مسلمانوں کے لیے ایک علیحدہ وطن کے حصول کی جدو جہد تھی، جس کا مقصد بر صغیر میں ان کے مذہبی اور ثقافتی تشخص کو محفوظ رکھنا تھا۔ اس جدو جہد کے کے نتیجے میں 14 اگست 1947 ء کو پاکستان معرض وجود میں آیا۔
پاکستان دنیا میں واحد ملک ہے جو ہمارے دین اسلام کے نام پر حاصل کیا گیا۔ جسے مسلمانوں نے اسلام پر عمل کرنے کے لیے حاصل کیا ۔ پاکستان حاصل کرنے کا ایک مقصد یہ بھی تھا کہ یہ ملک انصاف پسند ہوگا لیکن آج کل ہم اس ملک کے حصول کا مقصد بھول بیٹھے ہیں۔ پاکستان حاصل کرنے کا مقصد اللہ کے دین کی پیروی کرنا تھا لیکن آج اس ملک میں ہمیں ہر جگہ ایسے کام ہوتے نظر آ رہے ہیں جس سے اسلام نے منع فرمایا ہے جیسے کہ چوری، رشوت، زنا، دھوکا دہی ، دوسروں کے حقوق سلب کرنا وغیرہ وغیرہ۔
اس ملک میں اتنا کچھ ہو جانے کے باوجود بھی اگر یہ ملک قائم و دائم ہے تو یہ اللہ کا کوئی بہت بڑا معجزہ ہی ہے۔ پاکستان اور اسلام آپس میں لازم و ملزوم ہیں اور ہمیں آج کے دن اس بات کا عہد کرنا چاہیے کہ پاکستان کو صحیح معنوں میں ایک اسلامی ریاست بنانے کے لیے ہم سب خلوص کے ساتھ محنت کریں گے۔اللہ تعالیٰ ہمیں اس توفیق سے نوازیں اور پاکستان کو تاقیامت قائم ودائم رکھے۔
آمین یارب العالمین۔
پاکستان ہمیشہ زندہ باد
منہا بخاری

12/08/2025

تاریخِ انسانی کے اوراق ہمت و استقلال کی ان سنہری داستانوں سے بھرے پڑے ہیں جن کی خوشبوئے جانفزا سے دنیائے علم و عمل ہمیشہ معطر رہے گی۔ پاکستان بھی ایسے ہی جلیل القدر اور پُرعزم مجاہدینِ صنف شکن کی سعی و کوشش کا ثمر ہے۔
یومِ آزادی پاکستان کا دن جب منایا جاتا ہے تو دل میں ان قربانیوں کی یاد تازہ ہو جاتی ہے، اور انسان تصور کی وادیوں میں دور دراز نکل جاتا ہے، اور فکر و خیال کا دھارا پاکستان تک آ کر رک جاتا ہے، اور یہاں سے ایک نئے سفر کا آغاز ہوتا ہے، جس کے لیے نئے حوصلوں اور نئی امنگوں کی ضرورت ہوتی ہے۔
یومِ آزادی پاکستان جیسی تقاریب قوموں کی زندگی میں خاص اہمیت رکھتی ہیں، جہاں قومیں ایک لمحے کے لیے ٹھہرتی ہیں اور ماضی کی جدوجہد کا جائزہ لیتی ہیں اور نئے عزم کا اعادہ کرتی ہیں۔ ایسے موقعوں پر تاریخ کو یاد کیا جاتا ہے، اسلاف کی متعین کردہ راہوں پر چلنے کے عزائم میں نئی روح پھونکی جاتی ہے۔ اور ایسی تقاریب قوموں کو ایک ولولہ، ایک زندگی، ایک خوشی، ایک عزم اور ایک جذبہ دے جاتی ہیں جن کے سامنے تاریخ کے ایوان سرنگوں ہو جاتے ہیں، آندھیاں رُخ بدل لیتی ہیں اور دشمن غبار ہو کر رہ جاتا ہے۔
ہماری کوشش یہ ہونی چاہیے کہ یومِ آزادی کا دن محض ایک رسم بن کر نہ رہ جائے، کیونکہ جب کوئی چیز رسم بن جاتی ہے تو اس کی دھڑکنیں خاموش ہو جاتی ہیں اور ولولے ساکت ہو جاتے ہیں۔ ہمیں چاہیے کہ یومِ آزادی پاکستان مناتے ہوئے نعرے لگائیں، کیونکہ یہ نعرے ہی قوموں کے حوصلے کا سبب بنتے ہیں، اور یہ حوصلے دشمن کو یہ بتاتے ہیں کہ ہم ایک زندہ قوم ہیں۔
ہمیں آج اور اسی وقت یہ عہد کرنا ہوگا کہ ہم کوئی ایسا عمل یا فعل سرانجام نہیں دیں گے جس سے وطنِ عزیز کی عزت پر آنچ بھی آئے۔ ہمیں اتنا مستحکم ہونا پڑے گا کہ ہم دشمن کی اینٹ کا جواب پتھر سے دے سکیں۔
میں دعا کرتی ہوں کہ ہمارے قدموں میں استقامت اور حوصلوں میں جرأت آ جائے، اور اس وطن میں بسنے والے لوگ نورِ ایمان سے منور ہو جائیں۔
آمین ثم آمین

12/08/2025

السلام علیکم
پیغام پاکستان کی اس بزم میں خوش آمدید۔ یہ بزم سجائی ہے ہمارے مصنفین نے اپنے پیغامات سے۔ یہ صرف چند لفظ نہیں ہیں جو لکھ دیے گئے ہیں۔ کوشش کیجیے کہ ان پر عمل کرکے پاکستان کو مستحکم اور خوش حال بنانے میں عملی طور پر اپنا کردار ادا کریں۔

پاکستان ہمیشہ زندہ باد

آزادی کے دن قریب آتے ہی دل کا اضطراب بڑھ جاتا ہے۔ بانیانِ پاکستان کے عظیم رہنما بار، بار دل کے آنگن میں دستک دے کر مملکتِ خداداد پاکستان کے حالات پوچھتے ہیں اور کہتے ہیں:
”کیا پاکستان اسلامی فلاحی ریاست بن گیا؟
کیا ہماری قوم، نسلی، سیاسی اور مذہبی اختلافات سے بالاتر ہو کر ایک قوم بن گئی؟
کیا ہماری عظیم مملکت کی نظریاتی اور جغرافیائی سرحدیں محفوظ ہیں؟“
میرے عزیز ہم وطنو! آئیے ہم سب مل کر قائدین کی روحوں کو سرشار کریں اور اِس عظیم مملکت کو عظیم تر بنانے میں اپنا تن، من، دھن لگا دیں۔

12/08/2025

ردا آرزو کا پیغام شاعری کی صورت میں، آپ سب پڑھیے اور اپنی رائے کا اظہار کیجیے

اے وطن تو ہمیشہ سلامت رہے
تا دمِ صبحِ روزِ قیامت رہے

اے وطن تیرا ہر ایک ذرہ سدا
امن اور آشتی سے عبارت رہے

ہر گھڑی رفعت و منزلت ہو عطا
بخت کا اوج تُجھ کو ودیعت رہے

پاک ارضِ وطن، اے مری سر زمیں
یونہی قائم تری یہ طہارت رہے

جان بھی جب پڑے وقت، ہم وار دیں
اپنے ایماں میں ایسی حرارت رہے

سنتِ مصطفیٰﷺ کی ہو یاں پیروی
اور ہر آن نافذ شریعت رہے

ہر گھڑی آرزوؔ کی ہے یہ آرزو
ساری دنیا پہ تُجھ کو فضیلت رہے

ازقلم: ردا آرز

11/08/2025

پاکستان ہمیشہ زندہ باد
پیغامات کے سلسلے کو اگے بڑھاتے ہوئے پیش خدمت ہے فرح ناز کا پیغام ہم وطنوں کے نام:

حقیقت یہ ہے کہ حالات ہمیشہ ایک سے نہیں رہتے کبھی قدرتی آفات تو کبھی
خانہ جنگی اور کبھی کسی دوسری طاقت کا دباؤ آپ کو کمزور بنادیتے ہیں آج ہمیں پہلے سے زیادہ یک جہتی، مضبوط اور پر اعتماد رہنے کی ضرورت ہے اپنی صفوں کو اس طرح تر تیب دینے کی ضرورت ہے کہ جن میں منافقوں اور دشمنوں کو جگہ نہ مل سکے اپنے ملک کے لئے سیسہ پلائی دیوار بن جائیں کہ دشمن نگاہ غلط ڈالنے کی سوچ سے بھی کانپنے لگے آزادی کی آبیاری کے لیے ہمارے جوان لہو سے اس زمین کو سیراب کرتے رہتے ہیں اللہ ان شہداء کی قربانیوں کے صدقے سے ہمارے ملک کو اسی طرح ایک مضبوط اور نمایاں اسلامی مملکت بنائے رکھے کیوں کہ پاکستان ہے تو ہم ہیں۔
پاکستان زندہ باد!
دعا گو فرح ناز پاکستانی

Rah e Adab Publications

14/08/2025

14/08/2025

13/08/2025

13/08/2025

13/08/2025

13/08/2025

13/08/2025

13/08/2025

12/08/2025

12/08/2025

12/08/2025

11/08/2025

Address

Telephone

Website

Alerts

Contact The Business

Shortcuts

Share

Category