08/10/2025
https://www.facebook.com/share/17C1YLU5NC/
LPG/Butane Stove Safety Tips Para sa mga Nanay at Estudyante
1. Iwasan ang oversized na kawali o kaldero. Huwag gamitin ang anumang pot/pan na lampas sa sukat ng trivet (yung parang rehas na pinagpapatungan ng lutuan).
Bakit? Ang sobrang laki ng lutuan ay nagpapabalik ng init at didirekta ito sa butane canister o lpg small cylinder, na nagiging sanhi ng overheating at posibleng pagsabog.
2. Gumamit lamang ng bagong butane canisters at refillable small lpg cylinders na certified ng DTI. Ang butane canisters ay one-time used lamang at di ito pwedeng irefill.
3. Huwag kailanman gamitin ang butane stove sa loob ng tents, saradong sasakyan, o maliit na kuwarto na walang bentilasyon.
4. Huwag ilagay ang butane stove malapit sa iba pang pinagmumulan ng init (tulad ng grill, barbecue, o kalan na umiinit pa).
5. Siguraduhin na ang canisters or small cylinders ay na-lock nang tama sa regulator/compartment bago sindihan.
6. Huwag iwanan ang nakasinding stove. Kung aalis ka sa pinaglulutuan, patayin muna ito.
7. Patayin at alisin ang canisters or small lpg cylinders kapag tapos na.
8. Huwag itago ang stove na nakakabit pa ang butane canisters or small lpg cylinders. Siguraduhing alisin ang canister/small cylinder sa stove at ilagay ang safety cap.
9. Itago ang butane canisters o small cylinders sa malamig, tuyong lugar, at malayo sa direktang sikat ng araw o anumang pinagmumulan ng init.
10. Huwag ilagay sa loob ng sasakyan o trunk na nakababad sa araw.
safety tips
portable stove
