11/07/2020
100%✅
Mga kalalawigan, mahilig ba kayo sa mga kakanin?
Tunay naman na hitik na hitik sa masasarap na pagkain at delicacy ang ating lalawigan. Isa na sa kasama sa listahan dito ay ang pinagmamalaki ng bayan ng Nagcarlan, ang Tikoy sa Tukil.
Ano nga ba ang kakanin na ito at bakit naiiba siya sa tipikal na tikoy na ating nakakain. Kung tutuusin ay wala naman talaga itong pinagkaiba sa gamit na mga sangkap na glutinous rice, asukal, mantikilya, keso at condensed milk. Sa pamamaraan lamang ng pagluluto at lalagyan dito ito naiiba sa lahat dahil inilalagay ang mixture sa "tukil" o kawayan na sumusukat ng 1 talampakan at pasisingawan o lulutuin sa pamamagitan ng pag-steam ng humigit 10 oras. Nagsisilbing pampadagdag ng texture, lasa at aroma ang paggamit ng kawayan bilang molde nito. Dito sa pamamaraan ng paglulutong ito mo malalaman kung gaano kaespesyal at halaga ang pagprepera ng kakanin na ito para sa mga mamamayan ng Nagcarlan. Labor of love, ika nga. Marahil ay napapaisip kayo kung paano makakain ang nilutong tikoy? Kinakailangan lamang biyakin sa gitna ang tukil para maalis ang laman na tikoy, at maaari na itong kainin.
Kaya kung magagawi kayo sa bayan ng Nagcarlan, siguraduhin na makakapag-uwi kayo ng kakaiba at espesyal na Tikoy na ito para inyong matikman kung gaano ito kasarap. May okasyon man o panghimagas ay tiyak na mag-eenjoy ang lahat na kainin ito.
