03/04/2025
Grabe yung latest vlog ni Ms. Ivana Alawi. Naglakad sila malapit sa dagat, naghahanap lang ng makakapagbigay ng kape. Nung nagtanong siya, si Tatay Elmer hindi na nagdalawang isip. Inanyaya sila sa maliit niyang bahay.
Habang nagkakape sila, sinabi ni Tatay Elmer na ₱100 lang ang kita niya kada araw sa pangingisda. Kapag walang huli, nangangalakal siya para makaraos.
Simple lang buhay nila, pero makikita mong yung mga wala, sila pa yung may pinakamalaking puso.
Pumunta pa sila sa dagat para mangisda kasama si Ms. Ivana. Yung pinaka-pait na part ng vlog? Lahat sila nagbigay ng todo, pero wala pa ring nahuli.
Ang bigat panoorin, kasi si Tatay Elmer pwedeng maging tatay ng kahit sino. Pwedeng maging tatay mo. Hindi lang siya mabait, kundi siya yung taong tahimik na nagtatrabaho para sa pamilya, kahit paubos na.
Mga kwento nila, like mga magsasaka, mangingisda, at mga manggagawa, sila yung nagdadala ng bigat, pero wala silang hinihinging sobra. Karapat-dapat sila ng higit pa, pero parang ang daming nakakalimot sa kanila.
Hindi dapat ganun ka hirap ang buhay nila, tapos umuuwi sila na walang kahit anong nakuha. Sila yung nagpapakain sa atin. Sana yung gobyerno, magbigay pansin sa kanila, tulad ng pag-alaga nila sa pamilya nila.
📸: Ivana Alawi /Youtube Screenshot
