16/01/2025
[Long Post Ahead]
SANA ALL HINDI EPAL! ❤️🫰🏻
Bihira para sa mga taga-probinsya ang makakita ng ganitong klaseng signage para sa government project. Walang mukha ng politiko, walang pangalan na sumisigaw ng “ako ang nagpagawa niyan!”
Sa Pilipinas, pangkaraniwan na ang mga tarpaulin na mas malaki pa ang mukha ng politiko kaysa sa mismong detalye ng proyekto, kaya ang ganitong halimbawa mula sa General Luna, Quezon ay masasabing “breath of fresh air.” Ito’y patunay na posibleng magkaroon ng serbisyo publiko na hindi nakasentro sa mga personalidad, kundi sa tunay na malasakit para sa mga tao.
Bilang lang sa kamay ang mga kilala nating kampeon ng mabuting pamamahala: Andiyan si Mayor Vico Sotto ng Pasig. Andiyan si Mayor Joy Belmonte ng QC. At andiyan rin si Former VP Leni Robredo, na naging simbolo ng malasakit, integridad, at pagiging maka-masa.
Dito sa Quezon, mapalad tayo dahil mayroon din tayong sariling kampeon ng mabuting pamamahala—si Mayor Matt Florido. Walang pang-uuto. Walang paandar. Simpleng serbisyo publiko na nakatuon sa kapakanan ng tao.
Real talk: Ang ganitong mga proyekto ay hindi biyaya ng kung sinumang nakaupo. Ito ay proyekto ng mga mamamayan. Ang pondo nito ay galing sa ating mga buwis. Tayo ang nagbayad nito, kaya’t hindi ito utang na loob. Trabaho ito ng gobyerno—obligasyon nilang magserbisyo, at hindi nila kailangang ipangalandakan ang kanilang mukha sa bawat proyekto.
Maliit man na bagay ang ganitong tarpaulin. Pero hindi lang ito tungkol sa pagiging hindi epal. Usapin rin ito ng transparency, dahil ang bawat mamamayan ay may karapatang malaman kung paano ginagastos ang pondo ng bayan. Usapin rin ito ng dignidad, dahil ang mga proyekto ng gobyerno ay para sa mga tao, hindi para sa propaganda ng politiko.
Malamang, kung project ng ibang politiko ito, tiyak mas malaki pa ang mukha nila kaysa sa mga detalye ng proyekto. Mapa-covered court man yan, flood control project o classroom building. Mas madalas, ginagamit ang mga proyekto hindi para sa tunay na serbisyo kundi para lamang ipaalala sa mamamayan kung sino ang “dapat pasalamatan.”
Ito ang dahilan kung bakit sobrang nakakaproud na makita ang ganitong klase ng pamamahala sa isang third-class municipality. Isa itong konkretong halimbawa na posible pala ang ganitong klase ng serbisyo publiko.
Ang mga proyektong tulad nito ay malinaw na patunay ng tapat at maayos na pamumuno. Ito ang klase ng pamamahala na dapat nararanasan hindi lang sa General Luna, kundi sa buong Bondoc Peninsula.
Ngayong 2025, may pagkakataon tayong dalhin ang ganitong klaseng liderato sa mas mataas na antas. May pagkakataon tayong palawakin ang mabuting pamamahala sa buong Third District ng Quezon.
Sama-sama nating suportahan ang ganitong uri ng liderato. Dahil ang bawat mamamayan ay deserving ng serbisyo na may malasakit at integridad. Dahil sa pusong tapat, WINNER tayong lahat! ❤️🫰🏻
- Supporters of Mayor Matt Florido
