Denomar

25/06/2023

17/02/2023

PANALANGIN SA MAHAL NA POONG SANTO NIÑO DE TONDO
(Tuwing Biyernes)

Purihin ang ngalan ng Panginoon.
Ngayon at magpasawalang hanggan.

Manalangin tayo.
O Makapangyarihang Diyos at Ama ng aming Panginoong Hesukristo, napakadakila at tapat ang Iyong pag-ibig sa sangkatauhan kaya ibinigay mo si Hesukristo na Iyong Anak upang pagkalooban kami ng kaligtasan. Sa banal na Pangalan ni Hesus, ako ay lakas-loob na dumudulog sa Iyo taglay ang matibay na pananalig na ipagkakaloob Mo ang aking kahilingan. (Banggitin ng tahimik ang kahilingan.) Kung ito ay makabubuti sa aking kaluluwa at para sa higit na ikaluluwalhati Mo.

O Mapagmahal na Ama, nagpapakumbaba ako at binuksan ko sa Iyo ang aking sarili upang tanglawan ng ilaw mong bigay at sa tulong ng Espiritu Santo ay patuloy akong umunlad sa karunungan, kabanalan at lakas bilang iyong inampong anak kay Hesukristo na namamagitan para sa amin magpasawalang hanggan. Amen.




Maging Deboto, Maging Anak ng Tundo!

Archdiocesan Shrine of Santo Niño
Santo Niño de Tondo Parish
600 Lorenzo Chacon Street, Tondo, Manila