21/05/2026
Isang masayang balita ang ibinahagi ng actress-vlogger na si Alex Gonzaga matapos niyang ianunsyo na siya ay nagdadalang-tao na.
Sa isang video montage, ipinakita ni Alex ang kanyang baby bump kasabay ng pagbabalik-tanaw sa mga pinagdaanan nilang pagsubok, kabilang na ang kanyang tatlong masakit na pagkawala ng dinadalang sanggol.
Ayon kay Alex, halos anim na taon na silang kasal at dumaan sa tatlong “heartbreaking losses,” ngunit hindi raw sila nawalan ng pananampalataya at patuloy na isinuko sa Panginoon ang lahat.
Habang naghahanda umano sila para sa IVF, dumating ang biyaya na matagal nilang ipinagdarasal—isang natural pregnancy.
Matatandaang inanunsyo ni Alex noong Enero 2025 ang kanyang ikatlong miscarriage. Ngayon, marami ang nakikigalak at nagpapadala ng pagbati sa bagong yugto ng buhay nila bilang mag-asawa.
