31/01/2026
PUBLIKO, PINAG-IINGAT SA NIPAH VIRUS. PILIPINAS HANDA KUNG SAKALING MAKAPASOK SA BANSA ANG VIRUS!
Ilang bansa sa Asia ang naghigpit na sa mga paliparan kasunod ng Nipah virus outbreak sa West Bengal, India.
Ayon naman sa Department of Health o DOH, nakahanda ang bansa sakaling makapasok ang virus.
Pero alam mo ba, hindi na bago sa Pilipinas ang Nipah virus? Ayon sa DOH, naitala na umano ito sa Sultan Kudarat noong 2014, kung saan nagkaroon ng 17 cases.
Ano ang NIPAH virus? Kadalasang nakukuha ito sa mga fruit bats o paniki. Maaring makuha sa mga pagkain o inumin na nadumihan ng paniki at posibleng maikalat ng isang tao na naexpose sa virus.
Narito ang sintomas:
✅ Lagnat
✅ Pananakit ng ulo
✅ Pananakit ng lalamunan
✅ Ubo
✅ Hirap sa paghinga
✅ Pamamaga ng utak
Sa malalang kaso maaring mauwi ito sa pagka-comatose o pagkamatay kung hindi maagapan.
Sa ngayon, wala pang bakuna o gamot na kayang labanan ang NIPAH virus. Dahil dito, mataas ang antas ng maaring mamatay kung sakaling tamaan nito na umaabot sa 40%-70%.
