23/05/2022
Banat na agad si Robin Padilla. Hindi raw inasikaso ni Pnoy Aquino ang edukasyon at trabaho noong panahon niya.
Una sa edukasyon, mahigit 100,000 classrooms ang napagawa ni Pnoy sa loob lang ng 5 taon, sobra sa doble sa 40,000 sa 9 na taon na napagawa ni Arroyo. Mahigit 10,000 bagong g**o ang nahire at nagdagdag pa ng 100,000 teaching positions para masama sa budget. Sa kanya rin nagmula ang K-12. Bakit ginawa to? Para maging competitive ang mga OFW sa ibang bansa. Ang ibang bansa kasi lahat K-12 na ang standard kaya kulang ng 2 years ang mga estudyanteng Pilipino kaya ang mga Pinoy katulong o laborers ang kinasadlakan ng marami. Ang mga doctor natin, nursing ang unang trabaho sa abroad. Talo tayo pagdating sa promotion sa mga opisina. Yan ang main purpose ng K-12. Nagkaroon rin ng Salary Standization law na nagbibigay ng taontaong dagdag sa sweldo ng mga government employees kasama na ang mga teachers. Ang public school teacher entry level ngayon ay Teacher I with Salary Grade 11 or P20,754 kada buwan ang sweldo.
Sa isyu ng kahirapan, ang 4Ps na sinimulan ni Arroyo sa 80,000 families ay pinalawak noong panahon ni Aquino at umabot sa 4.2 million families ang nakinabang. Sa pamamagitan nito maraming mga batang nakapasok sa eskuwela dahil requirement ito para tuloy ang pagbigay ng tulong. Conditional na tulong ito dahil hanggang makatapos lang ng high school ang bata. Pagdating ng kolehiyo, sasaluhin naman ng Free College or Tertiary Education Act na panukala ni Bam Aquino at pinirmahan ni Pres Duterte.
Sa isyu ng unemployment, lalong pinalakas ni Aquino ang industriya ng BPO kaya nagiging No 1 ang bansa sa BPO/call center industry. Ang kita ng BPO ay naging kasinglaki na ng kita ng remittances ng mga OFW. Ang mga remittances ng OFW at BPO ang bumubuhay ng ating bansa sa gitna ng pandemya. Maliban dyan, nakamit ng Pilipinas ang kaunaunahang Investment Grade mula sa mga credit rating companies noong 2012. Malaking tulong ito dahil lumakas ang tiwala ng mga investors sa bansa natin. At ang direktang epekto nito ay ang pagbaba ng interest rate ng mga utang ng Pilipinas kaya malaking katipiran sa budget. Kaya sa halip na magbayad ng mataas na interest, magagamit ang savings sa mga pangangailangan ng mamamayan tulad ng education at health services. Kailangang ma-maintain ang Investment Grade na ito pag naupo na si BBM (assuming makaupo) para pasukin tayo ng mga investors.
Kaya ganon kaimportante ang pagpili ng mahusay na pinuno. Sa kanila kasi nakasalalay ang kinabukasan natin.
