14/08/2026
उनले समाजका सत्यलाई ढोंगको आवरणमा होइन, उसकै स्वरूपमा नग्न देखे। सत्यलाई कुनै आदर्श वा सभ्यताको खोल ओढाएनन्, सर्वाङ्ग प्रस्तुत गरे। त्यसैले त तथाकथित सभ्य समीक्षकदेखि ढोगी समाजका ठेकेदारले उनलाई दुत्कारे। ६ पटकसम्म अदालतमा उपस्थित बनाइए तर आफ्ना कथाहरूमा यथार्थको वास्तविक तस्वीर कोरिरहे।
शहरका अँध्यारा गल्लीहरूमा लुकिबसेका पाखण्ड उनका कथाका विषय हुन्।
समयका अप्ठ्यारा मोडहरूमा विवश, हतास र प्रताडित मानिस उनका कथाका पात्र हुन्।
उनका कथाहरूमा इतिहासका त्यस्ता गल्छँडाहरू प्रतिविम्बित छन्, जहाँ लाखौँ मानिसहरू प्रताडित, अपमानित र दमित थिए। तिनै मानिसका सुस्केरा, रोदन र आक्रोशका अभिलेख हुन्, उनका कथाहरू।
