15/06/2026
"डर पोक हुनु भन्दा मर्नु राम्रो" भन्ने वीर गोर्खाली इतिहासलाई पुनः एकपटक उचाइमा पुर्याउँदै बागलुङको गलकोट नगरपालिका ७ मल्म हाल देहरादुन निवासी गोर्खाली छोरा दीपेन्द्र थापा क्षेत्री भारतीय सेनामा कमिसन अफिसर (लेफ्टिनेन्ट) बनेका छन ।
इन्डियन मिलिट्री एकेडेमी (IMA), देहरादुनको १५८औं पासिङ आउट परेडमा रायवाला निवासी थापाले यो ऐतिहाँसिक सफलता हासिल गरेका हुन । १ वर्षको कठिन र चुनौतीपूर्ण सैन्य तालिम सफलतापूर्वक पूरा गरी उनी 'स्पेशल कमिसन्ड अफिसर्स' (SCO) एन्ट्री मार्फत लेफ्टिनेन्ट पदमा नियुक्त भएको बताईएको छ ।
🔹सिपाहीदेखि अफिसरसम्मको प्रेरणादायी यात्रा:
थापाको यो सफलता निकै विशेष रहेको छ । उनले यसअघि भारतीय सेनाको 'सिग्नल कोर' मा करिब १० वर्षसम्म एक सिपाहीको रूपमा देशको सेवा गरिसकेका छन । आफ्नो कडा परिश्रम, अनुशासन र दृढ संकल्पको बलमा आज उनी सैनिकबाट सिधै सैन्य अधिकारी बन्न सफल भएका हुन ।
🎖️विरासतलाई निरन्तरता:
दीपेन्द्र एक सैन्य परिवारका छोरा हुन । उनका पिता, सेवानिवृत्त सुवेदार दिल बहादुर थापा क्षेत्रीले भारतीय सेनाको आर्टिलरी रेजिमेन्टमा देशको सेवा गरिसकेका छन । बुबाकै पाइला पछ्याउँदै थापाले आज यो नयाँ उचाइ प्राप्त गरेका हुन । कमिसन प्राप्त गरेपछि लेफ्टिनेन्ट दीपेन्द्र थापालाई प्रतिष्ठित 'फर्स्ट गार्ड्स' (1st GUARDS) मा नियुक्ति गरिएको छ ।
बागलुङको गलकोट नगरलाई नै गर्वले उच्च बनाउन सफल लेफ्टिनेन्ट दीपेन्द्र थापा क्षेत्रीलाई डिजिटल मिडिया गलकोट अनलाइनको तर्फबाट हार्दिक बधाई तथा आगामी सुखद सैन्य जीवनको धेरै धेरै शुभकामना । 💐💐💐
👉यो सफलता सम्पूर्ण युवाहरूका लागि प्रेरणाको एउटा महत्वपुर्ण स्रोत पनि हो ।
# 💪🪖⭐
