Leirfuglen Forlag

29/12/2025

Her kjem litt gladnytt på tampen av året! Hausten 2026 kjem fraktebåtentusiasten Dag Inge Leiren med ei stasbok om sandfrakt og fraktebåtar i heile Osterfjorden. Her vert det foto og omtale av rundt 190 fartøy i kronologisk rekkjefølgje frå 1900 og like fram til i dag. Det blir også skildringar, historier og sitat frå ei rekkje personar knytt til fraktefarten, lett krydra med songar og dikt som går rett i hjartet på oss som har vakse opp ved ein fjord. Mange hugsar nok boka hans frå 1993 om fraktebåtane i Stamnes (sjå foto). Heilt sidan den tid har Dag Inge tumla med tanken om ei meir komplett historie for heile Osterfjorden. Dette blir no ein realitet!

Boka til Dag Inge Leiren kjem ut på Leirfuglen Forlag hausten 2026 og blir ei solid og utfyllande oppfølging av årets suksess SANDFOLKET, signert brørne Inge og Jarle Kallestad. Sandfolket har nådd ut til heile landet, og to opplag vart utselde i løpet av to månadar. Tredje opplag kjem frå trykkeriet 20.-25. januar. Du kan førehandsbestilla Sandfolket på www.leirfuglen.no.

17/12/2025

Tradisjonen tru sender forfattar Berit Vatne Vik ei førjulshelsing til alle Leirfuglens vener. Som 92-årig tidlegare lærarinne held ho koken oppe med å gå daglege turar til det nedlagde skulehuset på Skaftå ved Bruvik. Framleis ler ho godt av replikken frå eine naboen då ho i 1951 traska av garde og skulle til opptaksprøven til lærarskulen på Stord. «Og datta skal verta lærarinna!» På den tida hadde ho ein gul overall, og slikt var ikkje standardutstyr for unge tøtter frå Strilalandet.

Leirfuglen Forlag har framleis igjen av den gripande romanen «Dagen om natta» og oppvekstforteljingane «Då menneskeverdet vart rekna i kufôr». Me har også dei historiske romanane frå vikingtida «Bakom kvite skyer» og «Draumen om Hallgjerd».

Berre gje ein lyd på telefon 45602908 (Bjarte) eller bestill bøkene på www.leirfuglen.no. Viss du er kjapp, kjem dei fram før julaftan! Me spanderer frakta på bøkene til Berit no før jul! Skriv melding om du vil ha signerte bøker. Du kan også få tak i julegåver med meining i når forlagssjefen har bokstand i Lonevåg fram mot jul.

10/12/2025

SANDFOLKET har vore ein fenomenal suksess, og sjølv 2. opplaget rauk til i løpet av nokre veker. Med god hjelp av julenissen og hans skarpskodde reinsdyr har me fått tak i ein siste kasse med SANDFOLKET no før jul. Bøkene er til og med signerte! Desse bøkene blir til sals via www.leirfuglen.no og på «sprett-opp bokhandel» på Coop Valestrand torsdag og i Lonevåg fredag og laurdag. Nytt opplag kjem litt utpå nyåret.

Du kan også framleis få tak i boka her:
Joker Stamnes
Petersens Handleri Dale
Matkroken Hjelmås
Norli Knarvik
Norli Ringo Arna
Norli Strandgaten Bergen
Norli Universitetsgata Oslo
Norli.no: https://www.norli.no/boker/dokumentar-og-fakta/historie-og-dokumentar/krig-og-historie/sandfolket-9788294139019

02/12/2025

Her finn du bøkene og forlagssjef Bjarte Vik dei neste dagane!

25/11/2025

Fredag ettermiddag og kveld blir det tur til Hjelmås kai.

17/11/2025

Mens både forleggjar og lesarane ventar stadig meir utolmodig på pallen med SANDFOLKET frå trykkeriet, kan ein minna om at Leirfuglen også har andre bøker som eignar seg under julegrana. Tida er inne for å gje instruksar til tjukkaste slekta om kva du ønskjer deg!

Tenk deg ei fredeleg romjul i godstolen med lesebrillene på nasen og med praktboka "Me har `kje meir moro enn me laga da sjøl" i fanget. Passar også perfekt for idrettshistorisk interesserte på fastlandet. Sjå fram til time etter time med nostalgisk mimring og lett humring over alt det spreke ostringar har funne på dei siste hundre åra.

Bestill på www.leirfuglen.no eller ta direkte kontakt med forlagssjefen sjølv, så ordnar han både julegåveinnpakking og diskret avsendar for dei som vil ha ei overrasking til jul.

15/11/2025

Fredag 21. november held SANDFOLKET-turneen fram "nordom fjorden".

10/11/2025

Det 2. opplaget av SANDFOLKET kjem frå trykkeriet om få dagar. Bestillingar frå heile landet strøymer på, så det er heilt tydeleg at forfattarbrørne Inge og Jarle Kallestad har truffe ein nerve. Forleggjaren har alt byrja å bli nervøs for at han skal gå tom for bøker før jul. Sjølv har han tradisjon med å snika seg ut og handla julegåver i det rulletekstane til «Tre nøtter til Askepott» glir over skjermen. No går han ut og åtvarar andre med liknande tendensar. Då kan det vera for seint! Då kan SANDFOLKET vera utseld. Så gå inn på www.leirfuglen.no alt no og bestill boka.

– Bygdene inst i fjorden hadde ikkje sett ut slik dei gjer i dag om det ikkje var for sandfarten, seier Odd Helland frå Stamnes. No har eit brødrepar gitt ut etterleng...

31/10/2025

TRENG DU UNDERHALDNING?
Nasjonalskalden Trond Lohne var nyleg hyrt inn til å lesa opp dikt på ein livleg 50-årsfest på Grønskaret. Jubelen stod i taket og ikkje eit sete var tørt. No melder Trond at han er ledig for underhaldningsoppdrag i julebordsesongen, på runde dagar, festlege lag, ja i grunnen alt av sosialt samvære med meir enn ein person til stades. Som pensjonist kan han stilla både dagtid og kveld. Trond les opp nye og gamle dikt knytt saman med meir eller mindre humoristiske kommentarar og skråblikk på livet. Han stemmer gjerne i med ein song eller to også, sjølv om kånå meiner han manglar både takt og tone.

Viss du treng skrivehjelp til songar eller talar, så har Trond lang og god erfaring i den tralten også, berre han får nokre stikkord å dikta rundt. Ta kontakt med Trond Lohne på tlf 95180172, så får du sikkert eit tilbod du ikkje kan takka nei til.

Del gjerne innlegget!

PS www.leirfuglen.no har berre fem bøker att av andreopplag av debutboka til Trond Lohne, så her er det først til mølla som gjeld!

29/10/2025

Mange ventar utolmodige på neste opplag av SANDFOLKET. Det kjem midt i november, og forlaget rustar seg opp til å senda ut og levera førehandsbestillingar så snart bøkene er i hus. Bestill alt no på www.leirfuglen.no, send SMS til 45602908 eller betal inn til vippsnr. 641642. Skriv adresse og telefonnummer i kommentar viss du vippsar. Boka kostar 299 kr + 73 kr i frakt. Fri levering på Osterøy.

Sjekk open sak i Vaksdalposten.

- Det ser ut for at me har treft ein nerve med boka Sandfolket, mange vil ha boka - og no har eg bestilt eit nytt opplag, seier Bjarte Vik i Leirfuglen forlag på Osterøy.

22/10/2025

Boka "SANDFOLKET - Om fraktemenn i fjordafart og dei som sat heime og venta på papen" har fått ei formidabelt fantastisk mottaking. Gratulerer til forfattarane Inge og Jarle Kallestad og ideskapar og pådrivar Odd Helland. Me hadde bokslepp onsdag 15. oktober, og to-tre dagar seinare var forlaget utseld. Dei siste førehandstinga bøkene blir levert direkte eller sendt med posten i morgon, torsdag. Men fortvil ikkje! Andreopplaget kjem frå trykkeriet midt i november, så det er berre å halda fram med å bestilla på www.leirfuglen.no.

Me kjem nok til å dela inntrykk frå tre dagar med boklansering, men enn så lenge gler me oss over svært god omtale i VaksdalPosten og Bygdanytt: https://www.bygdanytt.no/magasin/i/jQ68bA/ei-hyllest-til-dei-bortgoeymde-historiene

Utanfor huset til Veteranklubben i Stamnes står mellom anna ein sandgrabb. Den var utgangspunktet for at boka Sandfolket no er gjort ferdig og i sal, sa Odd Helland, veteran i det vesle sandfraktmiljøet som framleis er litt liv i.