20/02/2024
KVA KAN VEL HENDE NÅR EIN ENDELEG KAN TA FERIE?
Året 2024 starta godt med å ta ein vel fortent ferie til utlandet.
Etter tre dagar i sola ser vi på overvakingskamerat at det er noko rart med temperaturen på fryseanlegget! 😮🥶 Vi heiv oss på telefonen for å tak i slekta, slik at nokon kunne ta turen innom produksjonslokalet for å sjekke, og jaudå, her var det noko skikkeleg gale. Temperaturen på det store fryserommet hadde stege. 🤯😟
Den koselege ferien vart brått gjort om til stress. Vi måtte få tak i dei rette folka som kunne sjekke det elektriske og kjøle- og fryseanlegget. 🧐
Samstundes måtte vi finne løysingar på å redde alle frysevarene. Heldige var vi som klarte å få tak i nokon i familien som kunne stille på kort varsel til å få frysevarene over i andre mindre frysarar rundt om.
Medan redningsaksjonen gjekk føre seg, hadde ekspertane funne ut at den ein kompressoren til kjøle- og fryseanlegget var øydelagt, han hadde slutta å gå. So kva med kjøleromma?
Heldigvis vart dette ikkje eit problem, då den andre kompressoren held seg stabil.
Det vart jobba på spreng for å redde frysevarer, men heltane våre måtte gje opp, då dei ikkje klarte å finne meir frysekapasitet rundt om. Vi takkar dei så mykje, for ein kjempejobb dei gjorde for oss! 👏👏👏
Sjokkert måtte vi finne oss i at store delar av råvarelageret vårt var tapt. 😥 Dette må eg sei la ein skikkeleg dempar på ein elles så fin ferie.
Vi jobbar no med å få organisert den vidare produksjonen og papirarbeid opp mot forsikringsselskapet. Så satsar vi på å vere på Bondens marked i Bergen før påske. 👍
