31/01/2025
An dakatar da Bin Uthman daga limancin masallacin Sahaba
Masallacin Jami’ur Rahman, wanda a da ake kira da Masjid Sahaba, ya dakatar da Sheikh Muhammad Bin Uthman daga limanci biyo bayan hudubar da ya yi a ranar 24 ga watan Janairu.
Asalin masallacin, wanda Bin Uthman ke jagoranta tsawon shekaru 24, na kusa da sabon wanda AY Maikifi ya sayi filin.
Bayan Maikifi ya sayi filin don gina sabon masallacin , sai ya tuntubi Bin Uthman inda s**a amince da rushe tsohon zuwa sabon.
Sai dai kuma a yayin huɗubar da ya yi a ranar 24 ga watan Janairu, wacce ta haifar cece-ku-ce, Bin Uthman ya ba da labarin yadda aka rage masa matsayi wajen gudanar da harkokin masallacin.
A cewar sa, an nada shugabanni uku masallacin amma ba a nada shi a jagora ba.
Daily Nigerian ta gano cewa huɗubar ta ranar 24 ga watan Janairu ta fusata masallata, inda s**a kusa dukan sakataren kwamitin amintattu na masallacin, Abdulkadir Isawa.
Hukumar kula da masallacin, a cikin wata takarda mai dauke da sa hannun daraktan gudanarwa, ta dakatar da Bin Uthman har sai baba-ta-gani, tare da umartar shi da ya mika dukkan kayan masallacin da ke hannunsa.
A ranar Litinin ne kuma hukumar tsaro ta farin kaya, SSS, da majalisar malamai s**a gayyaci Malam Bin Usman da wanda ya assasa sabon masallacin, Maikifi.
Hukumar SSS, a cewar majiyoyi, ta gargadi Bin Uthman kan huɗubar da su ka ce ka iya haifar da rikici ko hari a cikin masallacin.
