09/09/2022
Хайр гэдэг чинь ❤
Унтаж хэвтэхийн дон биш
Уяатай хэлхээтэй явахын нэр биш
Нялцганасан үгний орчуулга биш
Нялуурч заваарахын үзмэр биш эээ
Хайр гэдэг чинь
Хатуу үгсээр биесэээ мэрсэн хүйтэн салхи биш
Хавирга нэвтэртэл сийгүүлсэн сэтгэлийн тарчлаан биш
Хязгаарын туйлд хүртэлээ тэвчих зүрхний шархлаан биш
Хэлж ,салж болдоггүй амьдын там бүр ч биш ээ
Хайр гэдэг чинь
Нэгнээ үгүйсгэсэн үл хүндэтгэх адгуусан араншин биш
Нэр төрөө хадгалсан хоосон маягалах жүжиг биш
Уучлал ухааралгүй тулга тойрсон явган хэрүүл биш
Урамын үг сайхан магтаалгүй шарилын чулуун дээр сийлсэн үг биш эээ
Хайр гэдэг чинь
Халамж зөөлөн арганд биесээ хөглөсөн сэтгэлийн эгшиг
Хатуу зөөлнийг хамт туулах насны гагнаа
Байна байхгүйн бэрхшээлийг хамт сөрөх ялалт
Баярлах гунихын заяанд хослож дуугарах аялгуу
Хайр гэдэг чинь
Алдаа онооны дэнсэнд зэрэгцсэн арга билэгийн хослол
Аав ээж гэсэн нэрээр гангарсан хүн нэрний сүлд
Харц харцаа уншдаг амьсгал нэг тарни
Халуун илчээр биесээ дулаацуулдаг зүрхний нандин шивнээ
Хайр гэдэг чинь
Эвлэж нийлэх хос багана
Эхлэсэнэээ төгсгөх амьд баталгаа
Эргэж хөврөхгүй хос зангилаа
Эрт оройд мөнхөд орших сэтгэл ээ ❤
