19/11/2019
Хятадад 800 дрон нисгэж аварга том онгоц бүтээсэн агаарын шоу болов
Таны энэ харж буй зүйл онгоц уу? Үгүй ээ, энэ бол тэнгэрт олон тооны дрон нисгэж бүтээсэн аварга том нисэх онгоцны дүр зураг юм. Хятадын зүүн өмнөд Жянши мужийн нийслэл Нанчанг хотод болсон нислэгийн чуулганд оролцогчид 800 дрон нисгэж, агаарын шоу үзүүлэв.
Агаарын орон зай дахь дроны технологийн хөгжлийг харуулсан нислэгийн уг шоу зочдыг гайхашруулжээ.
Дронууд агаарт бага оврын онгоц шиг харагдаж байв. Олон улсын нислэгийн уг чуулга уулзалт нь агаарын тээврийн хөгжлийг танилцуулах, сансрын аялал жуулчлалыг хөгжүүлэх, хөрөнгө оруулагчдыг татах зорилготой аж.
Дроны хэрэглээ жил ирэх бүр нэмэгдэж судалгаа шинжилгээний ажилчид, технологийн компаниуд, улсын аюулгүй байдалд ашиглахын зэрэгцээ цаашлаад хүмүүс өдөр тутмынхаа энгийн амьдралд ихээр хэрэглэх болсон байна.
