12/08/2021
စူပါ ကွန်ပျူတာ အသေးစားတပ်ဆင်ထားတဲ့ အဆင့်မြင့် စက်ရုပ်ကို Xiaomi ပြသ
============================
Xiaomi ရှောင်းမီ ကုမ္ပဏီ၏ဟာ ယနေ့ ဩဂုတ်လ ၁၀ ရက်နေ့မှာပဲ ၎င်း၏ အဆင့်မြင့်နည်းပညာများ အသုံးပြုထားတဲ့ စက်ရုပ်ဖြစ်တဲ့ CyberDog ကို ပြသခဲ့ပါတယ်။
ဒီလို စက်ရုံကို ပြသနိုင်ခဲ့ခြင်းဟာ Xiaomi ၏ အင်ဂျင်နီယာစွမ်းရည်ဟာ အထွဋ်အထိပ်သို့ ရောက်ရှိနေတာကို ပြသနေပြီး ဒီ စွမ်းရည်တွေနဲ့ open source စက်ရုပ်တခုအဖြစ် developer များက တည်ဆောက်ခဲ့ခြင်း ဖြစ်ပါတယ်။
စက်ရုပ်တွင် တွက်ချက်မှု ဥာဏ်ရည်အဖြစ် NVIDIA ကုမ္ပဏီထုတ် Jetson Xavier NX platform ကိုတပ်ဆင်ထားပြီး 384 CUDA Cores, 48 Tensor Cores, 6 Carmel ARM CPU နှင့် deep learning acceleration engine ၂ ခု တပ်ဆင်ထားပါတယ်။
ဒါ့ကြောင့် ဒီ စက်ရုပ်မှာ ကမ္ဘာ့အသေးဆုံး စူပါ ကွန်ပျူတာလေး တလုံး တပ်ဆင်ထားတယ်လို့တောင် ပြောလို့ရပါတယ်။ ပြင်ပ output port များ အဖြစ် USB Type-C ၃ ပေါက်၊ HDMI port ၁ ပေါက် ပါဝင်ပါတယ်။
ဒီ CyberDog တွင် အာရုံခံစနစ်ပေါင်း ၁၁ ခုလောက်ပါဝင်ပါတယ်။ ဒါ့ကြောင့် ထိတွေ့မှုတွေ အပါအဝင် နှုန်းလွန်အသံလှိုင်းတွေကိုပါ အာရုံခံနိုင်ပြီး ပတ်ဝန်းကျင်ကို တုန့်ပြန်မှုတွေ ပြုလုပ်နိုင်မှာပါ။
အသံဖြင့် စက်ရုပ်ကို ထိန်းချုပ်နိုင်တဲ့အပြင် ရီမုတ် ကွန်ထရိုး သို့မဟုတ် စမတ်ဖုန်းမှ app များဖြင့်ပါ ထိန်းချုပ် စေနိုင်မှာ ဖြစ်ပါတယ်။
ရှာဖွေရေးမီးတွေ၊ မြင်ကွင်းကျယ် ကင်မရာတွေ၊ ရွေ့လျား ကင်မရာတွေနဲ့ အကွာအဝေးကို တိုင်းတာနိုင်တဲ့ LiDAR စနစ် အပါအဝင် တီထွင် ဆန်းသစ်ပြီး ရှေ့ရောက်နေတဲ့ စက်ပစ္စည်းများစွာ တပ်ဆင်ထားပါတယ်.
စက်ရုပ်တွင် တပ်ဆင်ထားသည့် ကင်မရာများကလည်း လူများကို လမ်းပြဖို့ ကူညီနိုင်ပြီး အတားအဆီးများကို ကျော်လွှား ဖြတ်ကျော်နိုင်မှာ ဖြစ်ပါတယ်။
ကင်မရာမှတဆင့် မျက်နှာအနေအထားကို မှတ်သားမှု face recognition စနစ်များပါဝင်ပြီး စက်ရုပ်ဟာ ၎င်း၏ သခင်ကို မှတ်သား ထားနိုင်ကာ သခင်နောက်မှ တကောက်ကောက် လိုက်နိုင်မှာ ဖြစ်ပါတယ်။
CyberDog ဟာ Boston Dynamics က ထုတ်လုပ်တဲ့ Spot robot ပုံစံမျိုးဖြစ်ပြီး မကြာသေးမီက တရုတ် ကုမ္ပဏီတခုဖြစ်တဲ့ Weilan ကလည်း စီးပွားဖြစ် ထုတ်လုပ်ဖို့ AlphaDog စက်ရုပ်ကို မိတ်ဆက်ခဲ့ပါသေးတယ်။
အဆိုပါ စက်ရုပ်များအားလုံးဟာ နောက်ဆုံးပေါ် ခေတ်မှီ စက်ရုပ် နည်းပညာများနှင့် တည်ဆောက်ထားတာဖြစ်ပြီး မြေပြင်အမျိုးမျိုးကို
ဖြတ်ကျော်နိုင်စွမ်း ရှိတဲ့အတွက် သဘာဝပတ်ဝန်းကျင် အန္တရာယ် တုံ့ပြန်မှုအတွက် နှင့် လူသားများအား ကာကွယ်ရန် အပါအဝင် ရည်ရွယ် ချက် မျိုးစုံဖြင့် အသုံးပြုနိုင်ပါတယ်။
Xiaomi ၏ CyberDog နှင့်ပတ်သက်ပြီး “ရှောင်းမီရဲ့ အမာခံ ပရိတ်သတ်များ၊ အင်ဂျင်နီယာများနှင့် စက်ရုပ် ဝါသနာရှင်များထံသို့ Cyber Dog ၏ ဖြစ်နိုင်ခြေကို ရှာဖွေဖို့ရာ စက်ရုပ်ပေါင်း ၁ ထောင်လောက်ကို ပေးပို့ခြင်းဖြင့် စတင်လိမ့်မယ်” လို့ ကုမ္ပဏီက ပြောပါတယ်။
စိတ်ကူးကတော့ Xiaomi မှ ကမကထပြုတဲ့ open-source စက်ရုပ် အဖွဲ့အစည်း၏ စိတ်အားထက်သန်မှုနှင့် တွဲဖက်ပြီး စက်ရုပ်ကို အသုံးချဖို့ ဆန်းသစ်သည့် လုပ်ဆောင်ချက်များကို စဉ်းစားနိုင်ရန် ဖြစ်တယ်လို့ ဆိုပါတယ်။
ဒါပေမယ့် Xiaomi ဟာ စက်ရုပ် များကို အလကားပေးမှာတော့ မဟုတ်ပါဘူး။
ဒီ ပရောဂျက်တွင် ပါဝင်လိုသူမှန်သမျှဟာ စက်ရုပ် တခု ရရှိဖို့ ယွမ် ၉,၉၉၉ (ဒေါ်လာ ၁,၅၄၀ ခန့်) ပေးရမှာဖြစ်ကာ လက်ဝယ်ရောက်ရှိတဲ့နောက်မှာ ၎င်းတို့ကို အသုံးပြုနိုင်မယ့် ကြောင်တောင်တောင် အစီအစဉ်တွေကိုပါ စဉ်းစား လုပ်ဆောင်ခိုင်းရမှာ ဖြစ်ပါတယ်။
ဒီအတွက်တော့ မလိုလားအပ်တဲ့ ပြသနာများ မဖြစ်ဖို့ ကြိုတင်ပြင်ဆင် ရမှာ ဖြစ်ပါတယ်။
Boston Dynamics ရဲ့ စက်ရုပ်တရုပ်ကို YouTuber တစ်ယောက်မှ စက်ရုပ်ကို ဘီယာ အပေါ့သွားရန် သင်ပေးတာမျိုး မှ စပြီး ပြင်သစ် စစ် တပ်မှ တိုက်ခိုက်ရေး လေ့ကျင့်မှု ပြုလုပ်တာမျိုး အထိ လုပ်နိုင်တဲ့အတွက် မလိုလားအပ်တဲ့ လူမှု ပတ်ဝန်းကျင် ထိခိုက်မှုများကို ဖြစ်စေ နိုင်ပါတယ်။
တရုတ် ပြည်မကြီးအတွင်း တွင် Xiaomi ဟာ IoT (Internet of Things) လို့ခေါ်တဲ့ ပစ္စည်းများကို အင်တာနက် IP address နှင့် ချိတ်ဆက်ပြီး Smart Home စနစ် ပြုလုပ်နိုင်ဖို့ ကြိုးစားလျှက်ရှိပါတယ်။
မကြာသေးမီကပဲ စမတ်ဖုန်းလောကမှာ Xiaomi ဟာ Apple ကုမ္ပဏီကို ကျော်တက်ပြီး ကမ္ဘာ့ဒုတိယ အကြီးဆုံး စမတ်ဖုန်း ထုတ်လုပ်သူ ဖြစ် လာခဲ့ပါတယ်။
ဒါ့အပြင် ဥရောပ စမတ်ဖုန်း ရောင်းချမှုမှာ လည်း ကမ္ဘာ့ အကြီးဆုံး စမတ်ဖုန်း ကုမ္ပဏီ Samsung ကို ကျော်တက်ပြီး နံပါတ် ၁ နေရာ ရရှိ ခဲ့ပါသေးတယ်။
အရမ်း အဆင့်မြင့်တဲ့ စက်ရုပ်များဟာ လုပ်ဆောင်နိုင်စွမ်း အကန့်အသတ် နည်းလာတဲ့ အတွက် လူတွေက ကြံစည်ရင် ကြံစည်သလို ခိုင်းစေနိုင်မှာ ဖြစ်တဲ့အတွက် အနာဂါတ်ကာလမှာ စက်ရုပ်တွေကို ဘယ်လို ထိန်းချုပ်သွားမယ်ဆိုတာ စောင့်ကြည့်ရမှာပါ။
Credit ==========
ရေးသားသူ – Aurora (Knowledgeworms team)
–----------------------______________________
New International
