15/06/2026
Teach you a lesson နဲ့ မြန်မာနိုင်ငံပညာရေးစနစ်
Netflix ကနေ တစ်ခါတည်း ၁၀ ပိုင်းအပြီး ထွက်ရှိထားတဲ့ Teach you a lesson ဟာ လက်ရှိမှာ Viral ဖြစ်နေတဲ့ K-Drama ပါ။ ဇာတ်လမ်းအကျဉ်းကတော့ တပည့်က dar နဲ့ထိုးလို့ thy sone သွားတဲ့ ချစ်သူဖြစ်သူအတွက် ပညာရေးစနစ်ရဲ့ယိုယွင်းနေပုံတွေ၊ ပျက်စီးနေပုံတွေကို ပြုပြင်မယ်ဆိုပြီး ပညာရေးဝန်ကြီးဌာနကို ရောက်လာတဲ့ အထူးစစ်သားဟောင်းတစ်ယောက်ရဲ့ဇာတ်လမ်းပဲ ဖြစ်ပါတယ်။
၁၀ပိုင်းလုံးက အပြင်လောကကို တစ်ပိုင်းချင်းစီခွဲပြထားသလား ထင်မှတ်ရအောင် reality ဆန်နေတဲ့အပြင် လက်ရှိဒီနိုင်ငံမှာလည်း ဒါမျိုးအဖြစ်အပျက်တွေက ရှိနေဆဲပါ။ ပြောင်းလဲလာတဲ့ ခေတ်ရေစီးကြောင်းနဲ့အတူ ဆယ်ကျော်သက် အခြေခံကျောင်းသားတွေရဲ့ စိတ်ထဲမှာ bully လုပ်တာတွေ၊ အုပ်စုဖွဲ့အနိုင်ကျင့်တာတွေက ထမင်းစားရေသောက်လို ဖြစ်နေတာပါ။ ဒါ့အပြင် Social Media ကို addicted ဖြစ်သလို မလိုလားအပ်တဲ့ပြဿနာတွေကလည်း ခုထိ များပြားလာတာ အမှန်ပါပဲ။
လွန်ခဲ့တဲ့နှစ်တွေက အခြေခံကျောင်းတွေမှာဆိုရင် ကျောင်းသားနဲ့မိဘဟာ ဆရာကို လေးစားတဲ့စိတ်နဲ့ နေရာတစ်ခုပေးပြီး ရိုသေခဲ့ကြပေမယ့် လက်ရှိမှာတော့ ဆရာတွေက တဖန်ပြန်ဂရုစိုက်နေရတဲ့ အနေအထားတွေ ဖြစ်ပါတယ်။ နာသုံးနာနဲ့ ပြည့်စုံချင်တဲ့ဆရာတွေကလည်း အသပြာဆိုတဲ့ ခေါ်ဆောင်မှုနောက်ကိုလိုက်ရာကနေ ကြိုးဆွဲရာကရတဲ့ ရုပ်သေးရုပ်တွေ ဖြစ်လာခဲ့ပါတယ်။
ဒါ့အပြင် Wi-Fi လူသားလို ကျောင်းသားတွေ ၊ မိဘတွေရဲ့အခြေအနေကြောင့် သည်းခံနေရတဲ့ ဆရာတွေဆိုတာလည်း လက်ရှိပညာရေးလောကမှာ ဒုနဲ့ဒေးနဲ့ရှိနေတာပါ။ အထက်တန်းကျောင်းပညာရေးတွေကို ကောင်းကောင်းလွှမ်းမိုးမှုမပေးနိုင်တဲ့အနေအထားမှာ ကျောင်းသားအများစုက ပြင်ပကျူရှင်နဲ့ကိုယ်ပိုင်ကျောင်းတွေကိုပဲ အားကိုးလာကြပြီး အစိုးရကျောင်းတွေက ချောင်ထိုးထားခံရတဲ့အနေအထားပါ။
Teach You A Lesson ရဲ့ ၁၀ ပိုင်းလုံးက လက်ရှိ မြန်မာ့ပညာရေးမှာ ဖြစ်နေတဲ့အနေအထားတွေ များပြီးတော့ ကျောင်းသား၊ မိဘ၊ ဆရာဆိုတဲ့ တြိဂံက သုံးနားညီဖြစ်ဖို့တော့ ရွှေပြည်တော် မျှော်တိုင်းဝေးသလို ဖြစ်နေပါပြီ
