https://www.facebook.com/2390074847699013/

Khen Zom Thang, No. 156 A, Baho Road, Sanchaung Tsp., Yangon (2026)

21/11/2021

GREEK MIPIL TE'N LUNGSIM NAM LI IN KHEN

Greek mipil te'n mihing lungsim atangpi in nam 4 bekin na khen uh hi. Tua nam 4 tengin a nuai a bangin ih sutsuk ding hi. Ei leh ei zong kitheih ding ban-ah kipawlna makai ding, tanu ding, sum kemdingte ih teel ciang hong huhzo khading hi.

Khatna : Choleric ci uhhi.
Lungsim khauh mahmah te ahihi. Na khat peuhpeuh sinngam in, laulo takin sem giapgiap ngam uh hi, ci hi. Lai Siangtho sunga Joshua cihte, Paul cihte dan hi. Ahilo lamin genleng amau mahmah kithatngam zah d**gin lungsim khauh nei uh hi. Ahoih lamin cileng a sepna peuhvuah matunlo pi-in khawllo in sem taktak lel, laisim ahih leh zong atawpd**g sim cihdante hi.

Nihna : Melancholic ci uhhi.
Amah leh amah kimuang ngam mello, tuaci kha leh cih lungsim nei mi ci uhhi. Lai Siangtho sunga Moses dan hi. Thu hoih sepding om leh amah bekin semngam phalo cih dante hi. Lai asim teh hoih mah veh aw...zuileng bang kacitam ci-in ai asansante cihna hi.

Thumna : Sanguine ci uhhi.
A lungsim amanlang mahmahte hi. Ngaihsun siamin gamta zalzal, pau zalzal cihte hi. Lai Siangtho sunga Peter dan pawl hi. Lung himawh baih in, uk zong hau hi ci hi. Kipawlna sungah hidan mi khat a om kei leh a kisam khat om leh kilawm kici hi. A kamtam thei, ahi zuaizuai mi kisam veve hi.

A li na : Phlegmatic ci uhhi.
Dai takin om hithiat hi. Ahih hangin thu lah manglo, thu lah nial seselo cih mite hi. Tawldam takin om kingkenglel cih te hi. Awlmawh luat haulo cihdan mite hi.

Akicingzaw in
http://en.m.wikipedia.org/wiki/four_temperaments

Laksawnna ~ Thawn Tuang
April 16, 2015
www.zomi-angvan.blogspot.com pan

20/11/2021

LAI SIANGTHO ATUAMPIANNATE
a) A Kizopzia Tuampian Hi (Unique in It’s Continuity)
Lai Siangtho buppi bukhat bek hi-a,
1. A kigelh masa pen leh a nunung pen k*m 1600 kihal hi.
2. Mi tuamtuam 40 val in agelh hi a, k*mpi, galkapmang, lokho mi, mipil, ngabeng, siahd**g, k*mpi ulian, tuucing cih bangin mi namkim kihel hi.
3. A kigelhna zong mun tuamtuam ahi hi. Moses in gamlak ah gelh hi. Jeremiah in dum sungah gelh hi, Daniel in k*mpi innsung leh mualpang ah, Paul in thong sungah, Luke in khualzin kawmin, John in Patmos a thongkiatna panin gelh hi.
4. Leitang lianpi (continent) thum – Asia, Europe leh Africa te pana kigelh ahi hi.
5. Kampau nam thum - Hebia, Aramaic, leh Greek kampaute tawh kigelh ahi hi.
6. Laigelh zia zong a tuamtuam hi-in, taangthu, laikhak, la, upadi, thugentehna, mailamthu genna, ctp. kihel hi.

b) A Kihawmkhiatzia Tuampian Hi (Unique in It’s Circulation)
Laibu dangte awn khat a kizuakkhiat nading baih lo hi. Awn sawm bang a kizuakkhiate laibu minthang mahmah hi ta hi. Ahi zongin, Lai Siangtho bu pen awn tul a simin kizuakkhia hi. United Bible Society te kia in 1998 k*m khat sungin Lai Siangtho awn 585 zuakkhia uh hi. Hih pen setkaan (second) nga sim a mikhat a kipia hileh k*m 92 val hun la ding hi.

c) Kampau Tuamtuam Tawh Akiteikhiatna-ah Tuampian Hi (Unique in It’s Translation)
Laibu minthang dangte kampau nih leh thum ciang bang kitei thei hi. Kampau dang sawmval a kitei ding laibu haksa hi. Ahi zongin Lai Siangtho ahih leh, leitunga om kampau tuamtuam 2200 in kiteikhin hi. Taanglai bangin laibu pen a kigelhcilna kampau longal kampau dangah kitei khollo zaw hi. Ahi zongin, Lai Siangtho Lui, 250 BC k*min akigelh cilna Hebrew pan Greek lai-in kitei-a Septuagint kici hi.

d) A Omsuak Zawhna-ah Tuampian Hi (Unique in It’s Survival)
Lai Siangtho a kigelh cilna a kizang vante pen a sia baih mahmah vante ahi hi (Gtn. Pumping kiphan laidal, savun ctp.) Ahi zongin, a hunlapin kitei toto a, mangthang, kisia cih bang om lo-in a kigelhcilna banglian mahin na om suak toto hi. Leitung thu tawh kisai taanglai a kigelh laite a kisia leh a mangthang a tamzaw ahi hi. Ahi zongin Lai Siangtho Thak kigelhna taanglai laibu Greek pauin 5000 bang om a, Latin pauin 8000 bang om-in, kampau dang tuamtuam tawh 1000 bang tuni mahmahin om hi. Hih laibute a tom, a sauna bel khat le khat kibang lo hi.

Lai Siangtho Pasian’ kammal ahih manin dawimangpa in zong a khangkhangin suksiat sawm den hi. AD 303 k*min Zawma k*mpi Diocletian in Lai Siangtho khempeuh haltum ding thu pia hi. Ahi zongin Lai Siangtho a bei cih thadah, a sauvei lo-in Zawma k*mpi Constantine hong kah-a, Constantinople khua pawlpite’ zat ding Lai Siangtho bu 50 k*mpi sum tawh bawl dingin thu pia hi.

Piantit (French) mi Pasian a um lo Voltaire kicipa (1694-1778) in “Tuzawh k*m zakhat sungin Tapidaw biakna bei ding hi,” ci-in gen-a, ahi zongin ama khangkhit ciangin leitungbup ah Tapidaw biakna kizel semsem hi. Voltaire sihzawh k*m 50 ciangin Voltaire’ inn leh laikhetna, Geneva Bible Society ten zang-a, Lai Siangtho khetna-in zang zihziah uh hi, ci-in kigen hi.

Judson tei Kawl Lai Siangtho zong Pasian in kem lo hileh amangthang ding ahi hi. Ava thong pan Aungpinle apai ding ciangin Judson in lukham a aneih a Kawl Lai Siangtho tei pua thei lo hi. ‘K*m tampi ka nasep amawkna suakta,’ ci-in Judson dah mahmah hi. Ahi zongin Pasian in a Kammal na kem hi. Thongcingte khat pai-in Judson van nusiatte sungah a deihhuai peuh a om kha hiam ci-in va en hi. A lukham mu in, ahi zongin, laktaak salo in ninkholna ah khiasuk hi. Tua khit ciangin Judson sawltangzangpa Maung Ing thongah hong pai-in a pu in van nusiat khak peuh a neikha hiam, ci-in hong zong hi. Lukham a kituam Judson’ Kawl Lai Siangtho tei a muh ciangin inn ah hong ciahpih pah vingveng hi. Tua thu Judson in a zak ciangin nuam mahmah a, Pasian tungah lungdam ko hi.

e) A Thuhilhna-ah Tuampian Hi (Unique in It’s Teachings)
Mailam thu genkholna:
Biakna dangte laibute ah mailam thu genkholhna cih bang om lo hi. Ahi zongin Tapidawte’ Lai Siangtho ah genkholhna tampi om in, a tangtung khin zong tampi mah hi a, a tangtung lai ding zong tampi om hi. T**a Zeisu hong paimasak tawh kisai bangin, ahun ding (Dan. 9), amun ding (Micah 5:2), a suah zia ding (Isa. 7:14), te Lai Siangtho Lui sungah ciantakin kigenkhol hi. A nuntak zia, a sih ding leh a thawhkik ding hunte zong kigen hi (Isa. 53). Tua banah, Edom khua a kisuksiat nading thu (Obad. 1), Babylon a kisamsiatna thu (Isa. 13), Tyre khua kisuksiat nading thu (Ezk. 26), Nineveh khua kisuksiat nading thu (Nahum 1-3), leh Israel mite a gam uh ah a ciahkik nading uh (Isa. 11:11), thute Lai Siangtho a kigenkhol banglianin tangtung hi.

Taangthu:
1 Samuel panin 2 Khangthangthu ciangah k*m 500 sung Israel mite taangthu kikhum hi. Leitung minam tuamtuamte’ taangthu lakah Israel mite’ taangthu banga ciantaka kiciamteh taangthu om lo hi. Taanglaia Egypt, Babylon, Assyria, Pheonicia, Greece, Zawma (Romans) mite ahi zongin, tuhun a German, India, Sen (China) mite ahi zongin, Israel mite banga taangthu leh ngeina kician sinsen anei, akemsuak kuamah om lo hi.

A Gen Thute:
Lai Siangtho in ahi bang lianlian in thu gen hi. Ahoihlote ahi zongin, a hoihte ahi zongin, ip bawl, hemgen cih bang om lo-in, ahi bangin gen hi. Pasian zat mi minthangte mawhna zong ahi bangin gen lel hi. Lungnopna, lungkhamna, nuamna, dahnate ahi bangin gen hi.

f) Nuntak Khuasakziate Athuzawhna-ah Tuampian Hi (Unique in It’s Influence on Civilization)
Tapidaw biakna leh Lai Siangtho, nitumna lam ah kizel masazaw ahih manin Lai Siangtho in nitumna lam mite nuntak khuasakzia, lungsim kuanzia, thungaihsutziate thuzawh mahmah hi. Tua ahih manin, tuni-a nitumna lam mite ngeina i cih thu tampite Lai Siangtho pana kingahkhia ahi hi. Lai Siangtho’ thuzawhna tawh khangkhia uh ahih manin midangte sangin nitumna lam mite thu khat peuhpeuh ah madawk zawpah uh hi. Midangte sangin nitumna lam mite akhuak uh a hoihzaw cih bang hilo hi. Ahi zongin, a thungaihsutzia uh Lai Siangtho in thuzawh ahih manin nathak khat peuhpeuh a phuankhia masa (inventor) pen nitumna lam mite vive hizaw hi. Nate thu siam (scientist) minthang Isaac Newton bangin, “Apil, a kician Pasian in a pilvai, a kician van leh lei bawl hi,” cih thubulphuhin nei hi. Mihing khat ii man neihna, mihing khat ii suahtakna cih thute nitumna lam mite in athupi koihna pen uh Lai Siangtho pana angah uh ahi hi. Mihing pen singkung lopa leh ganhing bang hi lo-in, Pasian in Amah suna abawl hi cih thu sang uh a, mihing manphatna tel uh hi.

06/11/2021

VAIMIM

Vaimim pen Tehuacan mualkuam, Mixico gam pan apiang khia hidingin taangthu kan mipil atamzaw in um uhhi. Olmec leh Mayans minam te' vaimim nam tuamtuamte Mesoamerica ah na ciingin, a tuamtuam in nabawl nahuan theikhin uhhi. BC 2500 kimpawl ciang America ah na kizelkhia hi. K*mzalom 15-16 kiimpawl in Americas leh European te kizopna a neih akipan leitung gam tuamtuam ah sumbawlna in na kipan khia huhi. Vaimim pen leitung munkhempeuh ah kizel hi. Banghang hiam cih leh khua hun teel lo in munkhempeuh ah kiciingthei hi. Vaimim pen ama thu in gamlak khawngah mawk polo hi. Mihingte mah in suanin apuah adal ding kisam hi.

• Vitamin B1 hangin pumpi sunga cell te thahat nading akisam Glucose angah thei nadingin Carbohydrate pan Glucose ah na khel sak.

• Vitamin B5 hangin pumpi ading akisam tha (energy) carbohydrate, fat leh proteins pan lakkhiatsak. Red blood cells leh hormones zong piangsak in pumpi cidamna ding kisam mahmah hi. Folate hangin cell thak piangsakin Vitamin C hangin natna dal.

• Vitamin sung aa vitamin B9 akici folate a om manin lungtang cidam nading hoihsak.

• Folate dat in lungtang sigui tawh kisai natna, layphiat (ေလျဖတ္) natna leh lungtang natna pian theihna kiamsak.

• Vitamin sung aa Beta - Cryptoxanthin hangin tuap cancer natna dalsak leh tuap cancer pian theihna kiamsak. Zatep tep te'n Vaimim nenezo leh tuap cancer pian theihna 37% kiamsak.

• Thiamine (vitamin B1) hangin khuak pilna hatsak. Hih vitamin hangin khuak cell te tha hatsak in ngaihsutna tha hatsak. Vitamin in Alzheimar akici thu mangngilh natna pian thheihna kiamsak.

• Beta - Caroten, antioxidant le folate dat in mittang sung a macular kisiatna tawh kisai natna te daal sak.

• Vaimim sungah Ferulic Acid tampi om in Antioxidant namkhat ahih manin ci le sa bawkna, tekna leh cancer natna pawlkhat apianloh nading in dal.

• Vaimim kungkhat ah nikhat kisap fiber dat 18.4 kihel hi. Fiber dat tampi kihelna in vaimim ii hoihna lianpikhat hi-in, si sung aa Cholesterol kiamsak. Fiber dat in zunkhum, sikhum neite' sunga cikhum dat kiamsak.

Vaimim pen singgah leh mehteh mehgah atamzaw pawlkhat sang pumpi cidamna dat (nutrition) tamkihelzaw cih kimukhia hi.

Vaimim pen nekdan, bawldan leh huandan atuam tuam a om hang vaimim ciim (zohuan) mah cidamna dingin hoih penpen ci uhhi.

Ref : Organic Facts, Wikipedia, Online health tips,
သစ္ထူးလြင္ (က်မ္းမာေရး)

24/09/2021

QUEEN VICTORIA (1819-1901)
England gam ah King William IV a sihvat ciangin a zaa luah ding pen Victoria a kici numeino khat ahi hi. Victoria in a neu lai-in lai kin vetlo hi. Sang pan a Siamate in a hanthot niloh uh hang zong kilamdang tuanlo hi.

Nikhat amah a keemnu in amah pen nikhat ni teh England k*mpinu ding ahih lam theisak hi. Tua thu Victoria in a theih ciangin, pilna lo tawh gam ki-uk zolo ding cih thei ahih manin ama’ thu-in lai hong hahkat pah hi. Tua banah, Pasian’ huhna lo tawh gam khat hoih takin ki-uk zolo ding cih thei ahih manin Pasian in a huh nadingin thu hong ngen hi.

Pasian in a thungetna dawng a, Queen Victoria in k*m 63 sung vilvel England gam uk hi. Amah in, “Lai Siangtho in British Empire Foundation hi,” na cingiat hi. Ama uk sungin Englandte in gam keek uh a, leitung khempeuh phial uk uh ahih manin “The sun never sets in British Empire” (British Empire ah ni tum ngeilo) kici hi. Englandte in Kawlgam hong uk hun pen ama (Queen Victoria) k*mpi sep hun sung ahi hi. Tua hang mahin Zomite in tuni ciangd**g mah k*mpi nasemte pen “K*mpinu’ nasem” mah kicici lai hi.
1840 k*min Prince Albert (1819-1861) tawh kiteeng uh a, tapa 4 leh tanu 5 (a gawm 9) nei uh hi. A pasal in sihsan baih a, amah in a tate khuasuah hi. A tanu 5 te Russia, Germany, Greece, Denmark, Romania gam a uk k*mpite’ zi dingin mo khak ahih manin a maakte khempeuh k*mpi vive ahi uh hi.

Khatvei a pasal tawh kikamtam kha uh ahih manin nuakin vakkhia vingveng hi. Hong ciah ciangin a pasal in kong na kalh hi. A zi in kongkhak a kiuh ciangin a pasal in thei gigepi mahin, “Kua na hia?” ci se hi. A zi in, “England k*mpinu” ci-in dawngkik a, kong kihon lo hi. A ngaih zawdeuh-in hong kiu leuleu hi. A pasal in, “Kua na hia?” acih leuleu leh a zi in, “England k*mpinu” mah ci leuleu a, kong kihon tuan nailo hi. Tawmvei sung hong dai phot a, a den teh a nak gin’ mahmahin kongkhak hong kikiu leuleu hi. A pasal in “Kua na hia?” ci leuleu hi. A zi in, “Keimah na zi hi ing ei, Albert aw” a cih ciangin kongkhak kihon pan hi.

GSPau’ Laigelh “A Zahtak Huai Nute” (Zangkong Aw Ging: Khol 31, Hawm 349, May 2020) Laimai 28 pan ahi hi. Sia GSPau’ tungah lungdam mahmah hi.
Phot Credit #

Hih thu tungtawn panin:
Pilna siamna bangmah i neikei zongin hahkat-in hanciam leng Pasian in ma hong panpih ding hi. Pasian upna le muanna tawh thungen-in i vai khempeuh Ama tungah ap leng Amah in thupha hong pia-in hong gualzawhpih ding hi. I kicinloh nate nusia a, gualzawh nading lem-enin ngimna lianpi tawh kalsuan ding kisam hi. Ei’ theihna suanglo-in i hihna khempeuh ah Pasian bek i mitsuan ding ahi hi. Tua hileh, Pasian in gualzawhna lianpi hong musak ding hi.
Bangmah theilo eite’ tungah Pasian khat bek om ahih lam phawkin, i kiliatsakna (kisaktheihna, kihihsakna, kithupimuhna, mite neumuhna… etc) khempeuh paikhia-in Pasian kiang zuan leng Amah in kong hong hon dinga, nuamtakin lut-in Amah tawh i kikhawlkhawm thei ding hi.
Gualzawhna in Pasian’-a hi.

Queen Victoria (1819-1901)
Born: 24th May, 1819
Died: 2nd February, 1901
Father: Edward, Duke of Kent (1767-1820)
Mother: Victoria of Saxe - Saalfield-Coburg (1786-1861)
Spouse: m. 1840 Albert of Saxe-Coburg and
Gotha (1819-1861)
Children: Victoria (1840-1901),
King Edward VII (1841- 1910), Alice (1843-1878),
Alfred (1844-1900), Helena (1846-1923),
Louise (1848-1939), Arthur (1850-1942),
Leopold (1853-1884), Beatrice (1857-1944)
Queen of England (1837-1901)
Predecessor: William IV (1830-1837)
Successor: Edward VII (1901-1910)

21/09/2021

NA CIM LUA HIA?
Lai tom nono nasim o...................😁

King of Rock and Roll - Elvis Presley
King of Pop - Michael Jackson
King of Kungfu - Bruce Lee
King of Football - Pele
King of K. Pop - Rark Jimin
King of Rap - Eminem
King of Drug - Lo Hsing Han
King of O***m - Khun Sa
King of kings - Jesus

ITNA
- Itna lo tawh siavuan leh sitni kisem thei hi. Ahi zongin itna lo tawh Pasian' na kisem theilo hi (D.L Moody)
- Itna a omna mun ah nuntakna om hi (Mahatma Gandhi)
- Itna lo tawh nasep pen sila suahna hi (Mother Teresa)

TUHUN AMERICANPAU
1. Don't feel guilty, be at home
(Kisuan mahmah kul kei, innteek om lel vo)
2. Generosity has it's feed back
(Mite' ading deihsakna bel, hong kilehkik thei hi)
3. Honey she come, poison she goes
(Hong ngaih lai bel khum kisa, hong huat teh gul guu linlian)
4. A good wife respect her in-laws
(Zi hoih in a tanaute zahtak bawl hi)
5. A good husband never use harsh words
(Pasal hoih in kamsia zang ngeilo hi)
6. Eat to live, but don't live to eat
(Na nuntak nading an ne in la, a ne ding bekin nungta ke'n)
7. Jealousy and hatred are the source of sin
(Mi hazatna leh mi muhdahna pen mawhna zungpi ahi hi)
8. Embrace love, so as to be healthy and happy
(Cidam a na lung a nop nadingin ki-itna pom in)

KAMMAL HOIH
- Minam dangte a pil semsem uh teh hong kipumkhat semsem uh a, Zomite bel i pil semsem teh i kipumkhat thei kei semsem hi (Rev. Dr. JM Paupu)
- Sente in motor cycle a neih uh teh hauhlawh uh a, Zomite in motor cycle i neih teh i sihlawh hi (Rev. Dr. JM Paupu)
- Minam dangte in Facebook Social Media pen thumuhna leh hauhna-in nei mah ta leh Zomite in kitotna leh kisiatna-in kinei hi (Rev. Dr. JM Paupu)

KITAM KITAWM
Lasiam kitam, Pasian phat kitawm
A piangthak kitam, a kikhel kitawm
A khami kitam, Jesuh a suun kitawm
Khristian kitam, Jesuh nungzui kitawm
Mihau leh milian kitam, u le nau a khual kitawm
Gam leh lei lei a it kitam, gam leh lei a puah kitawm
Thugen siam kitam, a gen bangin a nungta kitawm
Lai Siangtho sangkah kitam, Pasian' sapna ngah kitawm
Mipil leh misiam kitam, na lian p**i a semkhia kitawm
Pasian' nasem kitam, Pasian' sathau nilh kitawm
(GS Pau)

THUCIN THUTANG
- K*m 2020 pen khutsil k*m
- Covid-19 natna kilawh, kizelhdan internet zahin manlang
- Mark Zuckerberg sangin Jeffree Bezos a zah 2 in hau zaw
- New Zealand ah set uilim tawh tuu kicing (nasia lua)
- Rev. David La, Quarantine sung a omna hotel kilimcin mahmah
- Yangon khuapi ah ni khatin (3) vei bang mei pai 😁
- Covid dalna van kisamte WFP te'n a (9) veina hong puak

THU TUAMTUAM
- Damkik: Piteek Angelina (k*m 101) in Covid-19 natna ngah a, damkik hi. Amah in "I am 101 years old, and I beat Covid-19" ci hi.
- Biakinn Masapen: Zogam ah Khristian biakinn masa pen Khuasak khua ah Feb. 18, 1906 ni-in kihong hi (Sya Kappi Suantak)
- Lai Siangtho Kaanglo: July 9, 2020 ni-in Cikha khua ah inn 2 kaangtum hi. Nu Niiang Goih Lian (ZBCM) inn kaangtum a, ahi zongin a Lai Siangtho Bu kaanglo hi (Rev. Vum Sawm Khup, Pastor, Shalom AG, Cikha)
- K*m 99 Phata: June 10, 2020 ni-in England Prince Philip k*m 99 phata hi. A zi England k*mpinu Elizabeth pen k*m 94 phata hi. Innkuan khat sungah khang 4 nungta khawm uh hi.
- Misi Tenpih: Thai gam ah Chainarong Boochaem le a kingaihpih nu Wataka Poolcham te Jan. 1, 2020 ni-in zuthawl kipia uh a, Jan. 3, 2020 ni-in a kiteeng dingin geel uh hi. Ahi zongin tua mun pan a lawmnu a ciah lamin motor accident citciat a, zato pan si hi. A lawmpa in a lawmnu tawh a kamciamna uh tangtungsak nuam veve ahih manin Jan. 3, 2020 ni-in a lawmnu' luang tawh kiteenna mopawi bawl veve hi.
(Na bangci ngaihsut a? Ngaihsutna leh itna bel khauhpai sa'ng)
CIMPHAWNG KIPUAHKAWM
Evangelist khat in AIDS natna nei nupi khat gupna thu genpih hi:
Mawhnei na hih lam na kitel hia?
Sia aw, kei' mawhna hilo, ka pasal' mawhna hi.
- Ka tapa aw, zi na neih teh numei mah nei in maw... 😊
- Dotna: Bang hangin Zomite kiminthang nuam deuh aitam?
Dawnna: Minthang nailo ihih manin a kiminthang nuam hilo dia..
- Pa: Ka tapa aw, bang ding-a kin meel neilo mawk na hia? Abraham Lincoln bang nang cia a phakin Upadi tawh kisai laibu tampi sim ta hi ven..
Ta: Pa aw, Abraham Lincoln nang cia a phakin US President suakta hi ven..

Theih Ding:
Hih thute khempeuh pen Zangkong Awging (The Voice of Yangon) laihawm (January - August) pan vive hi a, tampi sung pan tawmno kong gawmtuahkik ahi hi.
Article tuamtuam agelhte leh thu le la a kaikhawm, a vaihawm mite khempeuh tungah lungdam mahmah hi. 🥰

15/09/2021

André Rieu & Mirusia - Ave Maria

11/09/2021

Hotel California
One Girl One Band - Miumiu (Guitargirl)

28/08/2021

Hear us out Lord - Covid 19 Song - Zualbawihi | Composer - TBC Zaithanpuia

HEAR US OUT LORD - Zualbawihi (Cover)
Composer - TBC Zaithanpuia
Translated by Rory Lalrinsanga & Chris MS Dawngkima
Audio & Video - Ronald Zothantluanga 3 bro-sis

https://www.youtube.com/watch?v=Yz-PrCtCpf0

24/07/2021

ဗိုလ္ခ်ဳပ္ေအာင္ဆန္း၏ ဘဝျဖစ္စဥ္
Biography of Bogyoke Aung San (1915-1947)
၁။ ၁၉၁၅ ခုႏွစ္၊ ေဖေဖာ္ဝါရီ (၁၃) ရက္၊ စေနေန႔တြင္ နတ္ေမာက္ၿမိဳ႕၌ဖြားျမင္သည္။
- Boyoke Aung San was born on 13th February 1915 at Natmauk.
၂။ ၁၉၃၂ခုႏွစ္တြင္ ေရနံေခ်ာင္းတြင္၊ အမ်ိဳးသားေက်ာင္းမွ ဆယ္တန္းစာေမးပြဲေအာင္သည္။
- Passed 10th Standard from the National Hight School at Yenangyaung in 1932.
၃။ ၁၉၃၅-၃၆ခုႏွစ္တြင္ ရန္ကုန္တကၠသိုလ္ေက်ာင္းသားမ်ားသမဂၢ၏စာေစာင္ ''အိုးေဝ''၌ အယ္ဒီတာအျဖစ္ေဆာင္ရြက္သည္။
- Become the editor of the Oway Student Union Magazine from 1935-1936.
၄။ ၁၉၃၆ခုႏွစ္၊ ေဖေဖာ္ဝါရီလ (၂၅)ရက္တြင္ စတင္ေသာ တကၠသိုလ္သပိတ္ႀကီး၌ ပါဝင္သည္။
- Took part in a University Strike on 25th February 1936.
၅။ ၁၉၃၇ခုႏွစ္တြင္ ဝိဇၨာတန္း ေအာင္ျမင္သည္။
- Obtained his B.A degree in 1937.
၆။ ၁၉၃၇-၃၈ခုႏွစ္တြင္ ရန္ကုန္သကၠသိုလ္ေက်ာင္းသားမ်ား သမဂၢ၌ ဒုတိယဥကၠဌ အျဖစ္ေဆာင္ရြက္သည္။ ဗမာႏိုင္ငံလံုးဆိုင္ရာေက်ာင္းသားမ်ား သမဂၢ၏ ဥကၠဌအျဖစ္ ေဆာင္ရြက္သည္။
- Become Vice-Chairman of the Yangon University and the Student Union and Chairman of the All-Burma Students Union from 1937-1938.
၇။ ၁၉၃၈ခုႏွစ္တြင္ ရန္ကုန္သကၠသိုလ္ေကာင္စီဝင္ လူႀကီးအျဖစ္ေဆာင္ရြက္သည္။ ဒို႔ဗမာအစည္းအ႐ုံးဌာနခ်ဳပ္၌ အေထြေထြအတြင္းေရးမွဴးအျဖစ္ေဆာင္ရြက္သည္။ ၁၃၀၀ျပည့္ အေရးေတာ္ပံုကို ဦးစီး ေဆာင္ရြက္သည္။
- Become the Executive Member of the University Council and General-Secretary of the Dobama Asiayone, ''1300 Revolution'' in 1938.
၈။ ၁၉၃၉ခုႏွစ္တြင္ ဗမာ့ထြက္ရပ္ဂိုဏ္းႀကီး၌ အေထြေထြအတြင္းေရးမွဴးအျဖစ္ ေဆာင္ရြက္သည္။
- Become the General-Secretary of Patriotic Burmese Forces in 1939.
၉။ ၁၉၄၀ခုႏွစ္၊ ၾသဂုတ္လ (၈)ရက္တြင္ ႏိုင္ငံျခားအကူအညီယူရန္ ျမန္မာႏိုင္ငံမွ ထြက္ခြာသည္။ ဂ်ပန္တို႔ထံ၌ စစ္ပညာသင္သည္။
- Left Burma on 8th August, 1940 to seek foreign assistance to fight for indeoendence and studied military training in Japan.
၁၀။ ၁၉၄၁ခုႏွစ္၊ ဒီဇင္ဘာလတြင္ ယိုးဒယားႏိုင္ငံ၊ ဘန္ေကာက္ၿမိဳ႕၌ ရဲေဘာ္သံုးက်ိပ္ႏွင့္အတူ ဗမာ့ လြတိလပ္ေရးတပ္မေတာ္ကို ဖြဲ႔စည္းသည္။ ဗိုလ္ေတဇအမည္ကို ခံယူသည္။
- Formed the Burmese Independence Army (BIA) with ''Thirty Comrades'' on 26th December 1941 in Bangkok, Thailand. He also adopted the name of Bo Te Za.
၁၁။ ၁၉၄၂ခုႏွစ္၊ ဇူလိုင္လတြင္ ဗမာ့ကာကြယ္ေရးတပ္မေတာ္၏ ေသနာပတိအျဖစ္ ေဆာင္ရြက္သည္။
- Served as the Colonel of the Burma Defence Army (BDA) in 1942.
၁၂။ ၁၉၄၂ခုႏွစ္၊ စက္တင္ဘာလ (၆)ရက္ေန႔တြင္ ေဒၚခင္ၾကည္ႏွင့္လက္ထပ္သည္။
-Married Daw Khin Kyi on 6th September 1942.
၁၃။ ၁၉၄၃ခုႏွစ္၊ ၾသဂုတ္ (၁)ရက္ေန႔တြင္ ေဒါက္တာဘေမာ္အစိုးရအဖြဲ႔၌ စစ္ဝန္ႀကီးအျဖစ္ ေဆာင္ရြက္သည္။
- Served as Minister for Defence under Dr. Ba Maw's Government on 1st August 1943.
၁၄။ ၁၉၄၃ခုႏွစ္၊ ေနာက္ပိုင္းတြင္ အိႏိၵယ႐ွိ မဟာမိတ္စစ္ဌာနခ်ဳပ္ႏွင့္ လ်ွိဳ႕ဝွက္စြာ ဆက္သြယ္သည္။
- Had secret contact with allied forces in India after 1943.
၁၅။ ၁၉၄၄ခုႏွစ္၊ ၾသဂုတ္လတြင္ ဖက္ဆစ္ႏိုက္ဖ်က္ေရး ျပည္သူ႔လြတ္လပ္ေရးအဖြဲ႔ခ်ဳပ္ႀကီးကို လ်ွိဳ႕ဝွက္စြာဖြဲ႔စည္းသည္။
- Secretly formed the Anti-Fascist People's Freedom League in August 1944.
၁၆။ ၁၉၄၅ခုႏွစ္၊ မတ္လ (၂၇)ရက္ေန႔တြင္ ဖက္ဆစ္ဂ်ပန္ကို ေတာ္လွန္သည္။
- Resistance movement launched against the Japanese on 27th March 1945.
၁၇။ ၁၉၄၅ခုႏွစ္၊ ၾသဂုတ္လ (၁၉)ရက္ေန႔တြင္ ေနသူရိန္အစည္းအေဝး၌ သဘာပတိအျဖစ္ ေဆာင္ရြက္၍ လြတ္လပ္ေရးေတာင္းဆိုသည္။
- Requested independence at Ne Thu Rein Conference as Chairman in 19th August 1945.
၁၈။ ၁၉၄၅ခုႏွစ္၊ စက္တင္ဘာလတြင္ သီဟိုဠ္ႏိုင္ငံ၊ ကႏီၵၿမိဳ႕႐ွိ အာ႐ွအေ႐ွ႕ေတာင္ စစ္ဌာနခ်ဳပ္၌ ဗမာ့တပ္မေတာ္၏ ေနာင္ေရးအတြက္ အေရးဆိုေဆြးေႏြးသည္။
- Went to the South-East Asian military headquarters in Kandy, Ceylon to discuss the future of Burmese Army Affairs in September 1945.
၁၉။ ၁၉၄၆ခုႏွစ္၊ ဇန္နဝါရီလတြင္ ေရႊတိဂံုျပည္လံုးကြၽတ္ ဖ-ဆ-ပ-လ ညီလာခံကို ဦးစီးက်င္းပသည္။
- National Convention of the Anti-Fascist People's Freedom League held at the Shwedagon Pagoda platform in January 1946.
၂၀။ ၁၉၄၆ခုႏွစ္၊ ၾသဂုတ္လတြင္ ၿဗိတိသ်ွအစိုးရ၏ အုပ္ခ်ဳပ္ေရးစက္ယႏၱရားကို တြန္းလွန္ရန္အတြက္ ျပည္လံုးကြၽတ္ အံုႂကြမႈကိုဦးေဆာင္သည္။
- Led the All Burma struggles against the British Government in August 1946.
၂၁။ ၁၉၄၆ခုႏွစ္၊ စက္တင္ဘာလ (၂၆)ရက္ေန႔တြင္ ဘုရင္ခံ၏အမႈေဆာင္ေကာင္စီ၌ ဒုတိယ သဘာပတိရာထူးကို လက္ခံသည္။
- Accepted the Vice-Chairmanship of the Governor's Council in 26th September 1946.
၂၂။ ၁၉၄၇ခုႏွစ္၊ ဇန္နဝါရီလတြင္ ျမန္မာ့ကိုယ္စားလွယ္အဖြဲ႔ကိုဦးစီးကာ ဘိလပ္၌ ေအာင္ဆန္းအက္တလီစာခ်ဳပ္ကို ခ်ဳပ္ဆိုသည္။
- Led the Burma delegation to England and signed the Aung San - Attlee Agreement in London on 27th January 1947.
၂၃။ ၁၉၄၇ခုႏွစ္၊ ေဖေဖာ္ဝါရီလ (၁၂)ရက္ေန႔တြင္ တိုင္းရင္းသားေသြးစည္းညီညႊတ္ေရးကို တည္ေဆာက္ရန္ ပင္လံုညီလာခံကို ဦးစီးက်င္းပသည္။
- Established national unity and signed the Panglong Agreement on 12th February 1947.
၂၄။ ၁၉၄၇ခုႏွစ္၊ ဇြန္လ (၁၆)ရက္ေန႔တြင္ ပထမတိုင္းျပဳျပည္ျပဳလႊတ္ေတာ္၌ အခ်ဳပ္အျခာအာဏာပိုင္ သမၼတျမန္မာႏိုင္ငံေတာ္ဖြဲ႔စည္းရန္ အဆိုတင္သြင္းသည္။
- Proposal submitted to the First Constituent Assembly for formation of the sovereign Republic of Burma on 16th June 1947.
၂၅။ ၁၉၄၇ခုႏွစ္၊ ဇူလိုင္လ (၁၉)ရက္၊ စေနေန႔တြင္ လူမသမာတို႔၏ လက္ခ်က္ျဖင့္ အသက္ဆံုး႐ႈံးသည္။
- Assassinated on 19th July 1947.
Source: Boyoke Aung San Museum (Yangon)
https://www.youtube.com/watch?v=V8t35B0UTBA

04/08/2020

KHAMTUNG BUHHAAM KHAWH HUN

Khamtung buhte zabo tantan ahk tongtan aphak laitak hun pen khamtung buh haam a khatvei khawh hun laitak ahi hi. Tua hun laitak pen guah zong ciin thei a, thulguah nuai leh thosi thovai lakah tuipuan khukawmsa-a a kikho ahi hi.

Khamtung buh tuh ciang ahi zongin, lo khawh ciang ahi zongin lotaw pan kipanto a, a banbanin maa kihial toto-in lokhung ah maa kitunto, kizoto hi (na theih sasa). Tua hi a, bukgei khawng i tunteh nuam mahmah deuhse hi.

Vaiciah, vaikuan zong haksa ahih manin lo ah kigiak a, zingsang nisuahma pan kipanin nitak nitum d**g (an neek hun simloh) buhhaam kikho niloh hi. Nitak ni hong tum ciangin Valah giah ngai (vakah ngai) ding ahkl Sapel dingin va kipaikhia hi (sa mat le mat loh bel a thutuam). Hibangdan khawnga i lokuan, i logiah lai, asuk ato ah kilehsuk kilehtoh hunlai khawng khat veivei ngaih huaizel mah ei..

Photo credit: Cingboi Naulak

20/06/2020

Song - Arr Tin Htar Yangon (အားတင်းထားရန်ကုန်)
Artist - Tin Zar Maw (တင်ဇာမော်)
Composer - Htein Lin (ထိန်လင်း)
Album link - https://www.myanmarmusicstore.com/AlbumDetail.aspx?albumid=B0004349

Khen Zom Thang

21/11/2021

20/11/2021

06/11/2021

24/09/2021

21/09/2021

15/09/2021

11/09/2021

28/08/2021

24/07/2021

04/08/2020

20/06/2020

Address

Telephone

Website

Alerts

Contact The Business

Shortcuts

Share

Category