17/12/2025
သခင်ဘုရားသည် ကျွန်ုပ်တို့ လိုအပ်သော အရာခပ်သိမ်း ဖြစ်တော်မူသည်။ ကျွန်ုပ်တို့သည် ကယ်တင်ခြင်းကို လိုအပ်ပါက၊ ကိုယ်တော်ကိုယ်တိုင်သည် ကျွန်ုပ်တို့အဖို့ ကယ်တင်ခြင်းဖြစ်လိမ့်မည်။ ကျွန်ုပ် တို့တွင် ငွေပမာဏ မရေးထားဘဲ ကွက်လပ်ချန်ပေးထားသည့် လက်မှတ်ထိုးပြီးသား ချက်လက်မှတ်ရှိမည်ဆိုလျှင်၊ ထိုကွက်လပ်၌ ကျွန်ုပ်တို့ လိုအပ်သော ပမာဏကို ရေးဖြည့် နိုင်မည် ဖြစ်သည်။ ကျွန်ုပ်တို့သည် တစ်ဒေါ်လာလိုအပ်မည်ဆိုလျှင်၊ တစ်ဒေါ်လာကို ဖြည့် နိုင်သည်။ သို့သော် ကျွန်ုပ်တို့သည် ဒေါ်လာတစ်သန်းကို လိုအပ်မည်ဆိုလျှင်၊ ဒေါ်လာ တစ်သန်းကို ဖြည့်နိုင်မည်ဖြစ်သည်။ ချက်လက်မှတ်သည် ကျွန်ုပ်တို့ လိုအပ်သမျှကို ပံ့ပိုး ပေးမည် ဖြစ်သည်။ သင်လိုအပ်သမျှ အရာအားလုံး ယေရှု ဖြစ်သည်။ သင်သည် အလင်း၊ အသက်၊ တန်ခိုး၊ ပညာတော်၊ သန့်ရှင်းခြင်း သို့မဟုတ် ဖြောင့်မတ်ခြင်းကို လိုအပ်နေပါ သလား။ ယေရှုကိုယ်တိုင်သည် အလင်း၊ အသက်၊ တန်ခိုး၊ ပညာတော်၊ သန့်ရှင်းခြင်း သို့မဟုတ် ဖြောင့်မတ်ခြင်းတို့ ဖြစ်သည်။ ကျွန်ုပ်တို့ လိုအပ်သောအရာအားလုံးကို ယေရှု၏ နာမ၌ တွေ့ရှိရသည်။ ဤအံ့သြဖွယ်သော နာမတော်သည် မည်မျှ မြင့်မား၊ ကြွယ်ဝ လှပါတကား။
(Life-study of Matthew, msg. 6)
