Star Fashion

01/02/2023

အားမငယ်လိုက်ပါနဲ့.... ။

ရိုးသားမူရှိတဲ့သူက ပိုပြီးတက်နင်းခံရတတ်တယ်။

နားလည်မှုပေးတဲ့သူက ပိုပြီး လိမ်လည်လှည့်ဖြားမှု
တွေခံရတတ်တယ်။

မိသားစုမှာ သိတတ်တဲ့သူတွေက ပိုပြီးပင်ပန်းခံရတတ်တယ်။

သူငယ်ချင်းအပေါင်းအသင်းကြားမှာ အလိုက်သိတဲ့သူတွေက ပိုပြီး အနစ်နာခံရတတ်တယ်။

ဖြူဖြူစင်စင်နဲ့ ကြိုးစားတဲ့သူက ပိုပြီးခက်ခဲနေတတ်တယ်။

လက်တွေ့နစ်နာ ခံဖူးတဲ့သူတွေက ဒီခံစားချက်ကို ကောင်းကောင်းသိပေမယ့် သာမာန်လူတွေက နားမလည်နိုင်ကြဘူး။

ရှေ့ဆက်ပြီးတော့လည်း ရှိနေဦးမှာပဲ။ မရိုးသားတဲ့လူက မရိုးမသား လုပ်နေဦးမှာပဲ။ ရိုးသားတဲ့သူက ဘယ်နေရာရောက်ရောက် ရိုးသားနေကြဦးမှာပဲ။

ချစ်တတ်တဲ့သူက ချစ်နေဦးမှာပဲ။ မုန်းတတ်တဲ့သူလည်း မုန်းနေဦးမှာပဲ။ မကြိုးစားတဲ့သူက အပြစ်တွေမြင်နေဦးမှာပဲ။ ကြိုးစားတတ်တဲ့သူက နစ်နာပင်ပန်းပါစေ ကြိုးစားသွားဦးမှာပဲ။

သူကဒီလို ငါကဒီလိုဆိုတာတွေကို အချိန်ကုန်ခံပြောနေစရာ မလိုပါဘူး။ သူလျှောက်တဲ့လမ်း သူရောက်၊ ကိုယ်လျှောက်တဲ့လမ်း ကိုယ်ရောက်နေစမြဲ။

သူငယ်ချင်းရေ ဘဝမှာ ပိုနာကျင်ခံရတဲ့အခါ၊
ပိုနစ်နာခံရတဲ့အခါ၊ ပိုပင်ပန်းခံရတဲ့အခါမှာ အားမငယ်လိုက်ပါနဲ့၊ မင်းဟာ သူများထက် ပိုတော် ပိုအရည်အချင်းရှိနေလို့ပါပဲ။

Credit

31/01/2023

အသားရေလှပကြည်လင်ဖို့အတွက် အကျိုးပြုနေတဲ့ အစားအစာတွေ

လူတစ်ယောက်ရဲ့ကျန်းမာရေးအတွက် အာဟာရဓာတ်က အရေးကြီးပါတယ်။ တစ်နေ့တာမှာ ကျန်းမာရေးနဲ့ညီညွှတ်စွာ မစားသောက်ဘူးဆိုရင် ဇီဝဖြစ်စဉ်ကို ပျက်စီးစေနိုင်တဲ့အပြင် နှလုံး နဲ့အသည်းလို ကိုယ်အင်္ဂါအစိတ်အပိုင်းတွေကိုထိခိုက်စေနိုင်ပါတယ်။ အလှအပနဲ့ပတ်သက်ရင်လည်း သင် စားလိုက်တဲ့အစားအစာတွေက သင့်ရဲ့အသားရေကျန်းမာရေးပေါ်သက်ရောက်မှုရှိနိုင်ပါတယ်။ အိုမင်းရင့်ရော်မှုကို နှေးကွေးစေဖို့နဲ့ အသားရေကြည်လင်ကျန်းမာရေးစေဖို့အတွက် အစားအစာတွေကို ဂရုတစိုက်စားပေးသင့်ပါတယ်။ ဒါကြောင့် စာဖတ်ပရိသတ်တွေအတွက် အသားရေအတွက် အကျိုးပြုနေတဲ့ အကောင်းဆုံးအစားအစာတွေကို မျှဝေပေးချင်ပါတယ်။

Ref: Top foods for beautiful skin

Team (ရိုးရာလေး)

31/01/2023

* လှအောင်နေပါ *

* လောဘ *နဲ့အသက်မရှင်ပါနဲ့
ဖိအားတွေကြောင့်ပင်ပန်းနေမယ်
လှအောင်နေပါ ***

* ဒေါသ *ရိပ်ကိုမခိုပါနဲ့
အရွယ်မတိုင်ခင်အိုမင်းနေမယ်
လှအောင်နေပါ ***

* မောဟ *နဲ့မိတ်ဆွေမဖွဲ့ပါနဲ့
တပ်မက်မှုတွေကြောင့်ပူလောင်နေမယ်
လှအောင်နေပါ **

ဘယ်အရာမဆို
ကိုယ်ယူမှရတာမို့
ယူသမျှ * အကောင်းမြင်စိတ် *လေး
ထည့်ကြည့်ပေါ့
လှစေချင်လို့ပါ *****

🌹🌹🌹🌹🌹

.

Copy SLC 🌹🌹🌹
မင်္ဂလာပါ ချစ် တို့ရေ🌹🌹🌹
နေ့ရက်တိုင်း စိတ်နှလုံး အေးချမ်းပါစေ 🌹🌹🌹

Crd

31/01/2023

မကောင်းတာ လုပ်တဲ့သူက
မကောင်းပြောခံရတာက တန်တယ် ။

ကောင်းတာ လုပ်တဲ့သူက
မကောင်းပြောခံရတော့ ခံရခက်တယ် ။

ဒါပေမယ့်
ဒါက လူ့သဘာဝပဲ ဘယ်သူမှ မတားနိုင်ဘူး ။

ဒီတော့ ကိုယ့်လမ်းကို အာရုံစိုက်လျှောက်သွားဖို့ကိုပဲ
ပိုဂရုစိုက်ရတယ် ။

မကောင်းစကားသံတွေက
အာရုံမစိုက်လေ စိတ်ချမ်းသာရလေပါပဲ....

#မနောသီရိ
#အတွေးနဲ့အမြင်စာစုလေးများ

31/01/2023

သွေးအေးတယ်လို့ ပြောချင်ပြောကြပါစေ
ငါကတိတ်ဆိတ်မှုကို သဘောကျတယ်လေ။

ကိုယ့်ကမ္ဘာလေးနဲ့ကိုယ် အေးအေးဆေးဆေး
သီသန့်နေထိုင်ရတာ ကြိုက်တယ်။

စကားတွေအများကြီး ပြောနေရတာထက်
အေးချမ်းသောနေရာတစ်ခုမှာ စာအုပ်တစ်အုပ်နဲ့အချိန်ကုန်ရတာပိုပြီး သဘောကျတယ်။

စိတ်ရှုပ်မခံနိုင်ဘူး၊နားပူတာတွေမခံနိုင်ဘူး
နည်းနည်းလောက်စိတ်ကိုကျဥ်းကြပ်စေတာနဲ့
အကုန်လုံးကို စွန့်လွှတ်ဖို့ ဝန်မလေးတဲ့သူပါ။

တစ်ဖက်လူကို ပူလောင်မှုတွေမပေးတတ်သလို
တစ်ဖက်က ပူလောင်မှုတွေပေးရင်လည်း
တိတ်ဆိတ်မှုကိုပဲ ရွေးချယ်လိုက်တယ်။

ငြင်းခုန်ရတာကိုမုန်းတယ်
ပြိုင်လုရတာတွေကိုလည်းမုန်းတယ်
ကိုယ်နဲ့ထိုက်တန်တဲ့အရာတွေနဲ့ပဲ အေးအေးချမ်းချမ်း လေး နေထိုင်ချင်တယ်။

ဘယ်သူ့ကိုမှ ချစ်တတ်စိတ်ကြောင့်
မချည်နှောင်ဘူး
နေချင်တဲ့သူက သူ့သဘောနဲ့သူနေလိမ့်မယ်
မနေချင်တဲ့သူတွေကိုလည်း အတင်းခေါ်ထားဖို့
လုံးဝစိတ်ကူးမရှိဘူး
သူ့ဘဝနဲ့သူငြိမ်းငြိမ်းချမ်းချမ်းပဲရှိပါစေ။

#ဖားစည်ရည်ကျော်

31/01/2023

တန်ဖိုးထားတဲ့ သူရဲ့ လက်ထဲမှာဆို
တုန်နေအောင် အချစ်ခံရတယ် ❤🙏🙏

Photo -Credit🤍🍀

31/01/2023

"ကိုယ့်ဘေးက တန်ဖိုးရှိတဲ့လူ"

ရည်းစားတွေ သုံးလေးယောက်
တစ်ပြိုင်တည်း တွဲကြတဲ့ ခေတ်မှာ
ကိုယ့်တစ်ယောက်တည်းသာ တွဲတဲ့သူဟာ
ကိုယ့်ဘဝအတွက် အဖိုးတန်တဲ့ လူပါပဲ။

တစ်ယောက်ထက် တစ်ယောက်
တော်လာကြတယ်
ထက်မြတ်လာကြတဲ့ ခေတ်မှာ
ကိုယ့်အားနည်းချက်ကို သိသိကြီးနှင့်
ဆုပ်ကိုင်ထားတဲ့လက်ဟာ တန်ဖိုးရှိတဲ့ လက်ပါပဲ။

သာရင် သာတဲ့လူနောက်
ပါသွားကြတဲ့ခေတ်မှာ
ကိုယ့်ထက်သာတာတွေ့လို့ ပါမသွားဘဲ
သစ္စာရှိပေးခဲ့တဲ့ လူဟာ အဖိုးတန်တဲ့ သူပါပဲ။

လောကမှာ ငွေမရှားဘူး
ဂုဏ်မရှားဘူး ကိုယ့်အားနည်းချက်
သိတာတောင် စွန့်မလွှတ်တဲ့လူရှားတယ်။

ကိုယ့်ထက်သာတာတွေ့တာတောင်
သစ္စာရှိရှိနှင့် ဆုပ်ကိုင်ပေးတဲ့ လက် ရှားတယ်။

ခေတ်ကြီးက နောက်ကျောကို ဓားနှင့်ထိုးတဲ့လူ
ပိုကြွယ်ဝသလောက် သစ္စာရှိတဲ့လူ သိပ်ရှားတယ်။

သစ္စာရှားတဲ့ ခေတ်မှာ
သစ္စာရှိတဲ့ လူဟာ ဘယ်တန်ဖိုးနဲ့မှ
ယှဉ်လို့မရအောင် သိပ်ပြီးတန်ဖိုးကြီးတယ်။

ကိုယ့်အပေါ် သစ္စာရှိတဲ့လူကိုတန်ဖိုးထားပါ။

31/01/2023

"ထက်မြက်သူနှင့် ညံ့ဖျင်းသူ"
************************

ထက်မြက်သူက နားထောင်
ကောင်းသူတစ်ဦးဖြစ်တယ်။
ညံ့ဖျင်းသူက မပြတ်
ညည်းတွားတိုင်တန်းတယ်။

ထက်မြက်သူက သင့်လျော်တဲ့အချိန်မှာ
တုံးအချင်‌အောင် ဟန်ဆောင်တယ်။
ညံ့ဖျင်းသူက ဘယ်အချိန်ဖြစ်ဖြစ်
ကိုယ့်ကိုယ်ကို ထက်မြက်သူလုပ်ပြီး ဂုဏ်ဖော်တယ်။

ထက်မြက်သူက ဘဝရဲ့အသေးစိတ်
အချက်အလက်ကို မှတ်သားတယ်။
ညံ့ဖျင်းသူက တစ်ဖက်သားရဲ့
အားနည်းချက်တိုင်းကို မှတ်သားတယ်။

ထက်မြက်သူက ကိုယ့်ကိုယ်ကို ဟာသလုပ်တယ်။
ညံ့ဖျင်းသူက တစ်ဖက်သားကို ဟာသလုပ်တယ်။

ထက်မြက်သူက ဆင်းရဲနွမ်းပါးချိန်မှာလည်း
အိနြေ္ဒထိန်းနိုင်တယ်။
ညံ့ဖျင်းသူက ချမ်းသာကြွယ်ဝချိန်မှာ
ဝင့်ကြွားဂုဏ်မောက်တယ်။

ထက်မြက်သူက အချစ်ဆုံးရှုံးသွားလည်း
ကိုယ်ကိုယ်တိုင် မဆုံးရှုံးအောင်နေတယ်။
ညံ့ဖျင်းသူက အချစ်ဆုံးရှုံး/မဆုံးရှုံးလည်း
ကိုယ့်ကိုယ်ကို အမြဲဆုံးရှုံးတယ်။

ထက်မြက်သူက မကောင်းတဲ့အတိတ်ကို
လက်လွတ်ပြီး ရှေ့ကိုခရီးဆက်တယ်။
ညံ့ဖျင်းသူက အတိတ်မှာတင် နစ်ပြီး
အနာဂတ်ကို လျစ်လျူရှုတယ်။

ထက်မြက်သူက တခြားသူရဲ့အစွမ်းအစကို
အောက်ကျို့သင်ယူတယ်။
ညံ့ဖျင်းသူက တခြားသူရဲ့ရှေ့မှာ
ကိုယ့်အစွမ်းအစကို ကြွားဝါတယ်။

ထက်မြက်သူက သင်ယူဖို့ရာအားသန်တယ်။
ကိုယ့်လောက်မသိသူဆီကလည်း သင်ယူဖို့ဝန်မလေးဘူး။
ညံ့ဖျင်းသူက လူတွေနဲ့အမြဲငြင်းခုန်တယ်။
ကိုယ့်လောက် မသိသူနဲ့လည်း ငြင်းခုန်ရန်ဖြစ်တယ်။

ထက်မြက်သူက ပေးဆပ်ဖို့နားလည်တယ်။
ညံ့ဖျင်းသူက ရယူဖို့ပဲကြံတယ်။

ထက်မြက်သူက အရှုံးထဲက အတွေ့အကြုံ၊
သင်ခန်းစာကိုယူတယ်။
ညံ့ဖျင်းသူက အရှုံးထဲကနေ
ကိုယ့်ကိုယ်ကို လက်လွတ်ဆုံးရှုံးတယ်။

ထက်မြက်သူက ကိုယ့်စိတ်ကူးအိပ်မက်တွေ
အကောင်အထည် မပေါ်မချင်း ကြံ့ကြံ့ခံတယ်။
ညံ့ဖျင်းသူက ဘာလုပ်လုပ် ဇွဲလုံ့လမရှိဘူး။

ထက်မြက်သူက ဘယ်အချိန်မှာစတင်မယ်၊
ဘယ်အချိန်မှာ စွန့်လွှတ်ရမယ်ဆိုတာကို သိတယ်။
ညံ့ဖျင်းသူက မရေမရာချိန်မှာစတင်ပြီး
ဘယ်အချိန်မှာ စွန့်လွှတ်ရမယ်ဆိုတာကို နားမလည်ဘူး။

ထက်မြက်သူက မွေးရာပါ ပါရမီတစ်ဝက်ရှိလည်း
ကျန်တစ်ဝက်ကို ကျင့်ယူရတယ်ဆိုတာကိုနားလည်တယ်။
ညံ့ဖျင်းသူက မွေးရာပါ ပါရမီရှိလည်း
နောက်ပိုင်းမှာ တုံးအ ညံ့ဖျင်းသွားအောင်
ကျင့်တယ်။

(ဒီစာကိုရေးမိမှ ကိုယ့်ကိုယ်ကို ညံ့ဖျင်းသူဖြစ်မှန်းသိတော့တယ်)

#ဗဟုသုတအဖြာဖြာ

26/01/2023

26/01/2023