Champion Bicycle Shop-PYU

02/03/2024

ချန်ပီယံစက်ဘီးဆိုင်၏မိတ်ဟောင်းမိတ်သစ်များအတွက်ဝမ်းမြောက်ဖွယ်သတင်းကောင်းအနေနဲ့ 2024 မော်ဒယ်အသစ်စက်ဘီးများ

30/01/2023

You grow up and the world around you changes,
except your mother ❤️

14/12/2022

အံမယ် ဒီ​နေ့ ဆိုလာ တပ်မယ်ဆို​တော့ ကိုယ်လူက အကြံကကြီး
ကိုဂျိမ်းဆိုလာကို ပါကင် လုပ်လိုက်ရင် ကားပါထိုးလို့ရပြီ​လေတဲ့ ဟုတ်ပြီ
လုပ်​ပေါ့ဆို​တော့ သူ့ဆိုလာက လှည့်ချင်တဲ့ လှည့်မရဘူး သတ်မှတ်ထားတဲ့ ဘက်လှည့်မှ စွမ်းအင် အပြည့်ဝင်တယ်တဲ့ အန်အဲ့​တော့ လှည့်ချင်တဲ့ ဘက်လှည့်ရမှ​တော့ ပါကင်ဒီဇိုင်းကိုက ​ရွှေးချယ်ခွင့်မရှိ ​နေကိုကြည့်လှည့်ရမှာ အလှည့်မ​ကောင်းရင် ဆိုင်ကို ဖင်​ပေးထိုးရရင် ဘယ်လို လုပ်မလဲ ... ပြီး​တော့​ပြော​သေး
လျှပ်စစ်ကား​တွေအတွက် အားသွင်းတိုင်ပါ တပ်လိုက်ရင် သူများ​တွေ အားလာသွင်းလည်း ရတယ်​လေတဲ့
ဟုတ်ပြီ​လေ တပ်​ပေးမယ် 10kw ဘယ်​လောက်လဲတွက်​တော့ သိန်း 320 တပ်ခ ဆင်ခ မပါ​သေးဘူး တိုင်မပါ ​သေးဘူး ... ပါကင် လုပ်ချင်လို့ ​စေတနာနဲ့ လုပ်​ပေးပြီဘဲထား အ​စောင့်ပါ ထပ်ထားရဦးမယ် ငါးမူးတစ်ကျပ်မှ မဟုတ်တာ .... ​ရေ​သောက်ပြီး ​ရေခွက်ကိုပါ ခိုးတဲ့​နေရာ​လေ ရာဂဏန်းလောက်တန်တဲ့ခွက်​တောင် ​ရေ​လည်း​သောက်တယ် ခိုးလည်း ခိုးလို့ သံကြိုးခတ်ထားရပါတယ်ဆို
ကု​ဋေ ရှစ်ဆယ် သူ​ဌေးသား​တောင် မွဲသွားမယ် အဲ့လိုသာ လမ်း​ပေါ် တင်​ပေးထားလို့က​တော့ ....
အဲ့ လျှပ်စစ်​တွေ တဖျတ်ဖျတ် သုံး​နေရတဲ့ အိမ်မက်ကြီးကလည်း မစွံပါဘူးဗျာ

​အိမ်မက်​တွေ မက်မ​နေ​တော့ဘဲ စက်ဘီး ​လေးဘဲ စီးတာကမှ စိတ်ချပြီး ဝိတ်ကျ​ရင်​တောင်ကျဦးမယ် ....

22/11/2022

ကျွန်တော် မကွေးမြို့တွင် ဆေးတက္ကသိုလ် တက်ခဲ့စဉ်ကဖြစ်သည်။

ကျွန်တော်သည် အညာနွေ ပူပြင်းပြင်းအောက်ဝယ် အပူဒဏ်ကိုအံတုရန်အလို့ငှာ ကွပ်ပျစ်ပေါ်တွင်ထိုင်လျက် ယပ်တောင်တစ်ချောင်းနှင့် ယပ်ခတ်နေလေသည်။

ထိုစဉ်

"ကတ်ကြေးတွေသွေးတယ်...ဓားတွေသွေးတယ်"

ဟူသောအသံကို ကြားရ၍ ကျွန်တော်ကြည့်လိုက်မိသည်။ အသက် ၁၈နှစ်အရွယ်ခန့် လူငယ်တစ်ဦးထံမှလာသောအသံဖြစ်နေသည်။ စွပ်ကျယ်အဖြူ ခပ်နွမ်းနွမ်းနှင့် ပုဆိုးကြမ်းတစ်ထည်ကို ဝတ်ဆင်ထားသည်။
ပြေပျစ်သော မျက်နှာအချိုးအစား ရှိပေမယ့် ခန္ဓာကိုယ်က ပိန်ပါးပါးပင်ဖြစ်သည်။
ဓားသွေးကျောက်တစ်တုံးကို ကြိုးနှင့်သိုင်း၍ လွယ်ထားသည်။

ကျွန်တော်က ဘာရယ်မဟုတ် ဆက်ကြည့်နေမိသည်။

"လာပါဦးကွယ် အတော်ပဲ
ဓားမက တုံးနေလို့"

ဘေးကပ်လျက်အိမ်က ဒေါ်ပြုံး၏ ခေါ်သံကြောင့် အိမ်အတွင်းသို့ဝင်သွားသည်ကိုတွေ့လိုက်သည်။
အတန်ကြာတော့ သူ ပြန်ထွက်လာပြီး ရှေ့ဆက်သွားမည်ပြုစဉ် ကျွန်တော်လည်း လှမ်းခေါ်လိုက်မိသည်။

"လာပါဦး ညီလေးရေ"

အမှန်က ကျွန်တော့်မှာ သွေးစရာဟူ၍ ဘာမှမရှိ။ အဆောင်နေ ကျောင်းသားကိုး။ ဘာရယ်မဟုတ် ခပ်ပြင်းပြင်းရှိနေသည်ကတစ်ကြောင်း၊ စပ်စုလို၍တစ်ကြောင်း စကားပြောလို၍ ခေါ်လိုက်ခြင်းဖြစ်သည်။

"ခနနော်" ဟုဆိုကာ အဆောင်မှူး၏ မီးဖိုချောင်မှ ဓားတစ်ချောင်းကို သွားပြေးယူပြီး သူ့အား ကမ်းပေးလျက်

"အတော်ပဲ ဓားတုံးနေလို့
ဒါနဲ့ ငါ့ညီက လက်ခကို ဘယ်လိုယူတာလဲ" ဟု မေးလိုက်သည်။

"တစ်ခါသွေး နှစ်ရာပါအစ်ကို
လုံးဝအသစ်အတိုင်း အသွားထက်အောင်သွေးပေးပါတယ်" ဟူ၍ ပြန်ဖြေရင်း ဓားသွေးသည့် အလုပ်ကို စလုပ်နေသည်။

သူ လုပ်နေသည်ကိုကြည့်၍ ကျွန်တော် တွေးနေမိသည်။
"ဒီ ငွေ လောက်လေးနဲ့ ဘာများရမှာမို့လို့လဲ"
ဟူ၍။

"ငါ့ညီအလုပ်က ကိုက်ရဲ့လား တခြားအလုပ်တွေလုပ်တာကမှ ပိုရဦးမယ်" ဟု ကျွန်တော်က မေးမိလိုက်သည်။

သူက ပြုံးလျက်

"ဒီမယ် ငါ့အစ်ကိုရေ
ကျွန်တော်က အရင်းအနှီးမရှိတော့ ဒီလိုအလုပ်မျိုး စ လုပ်ကြည့်တာပါ"
"အရင်းအနှီးမရှိဘူးဆိုပြီး ဘာမှမလုပ်တော့လည်း ဘာမှ မရပြန်ဘူးလေ"
"စားဝတ်နေရေးကလည်း ရှိသေးတော့ အလုပ် တစ်ခုခုတော့ လုပ်ကိုလုပ်ရမယ်ဆိုပြီး လုပ်ဖြစ်သွားတာ"
"ကမ်းနားမှာ ကုန်တင်ကုန်ချအလုပ် ဝင်လုပ်ကြည့်သေးတယ်"
"ကျွန်တော့ ဗလနဲ့ကျတော့ ရေရှည်အတွက် အဆင်မပြေဘူးလေ"

သူက ပြောလည်းပြော ဓားလည်းသွေးရင်း ဆက်ပြောသည်။

"အခြားအလုပ်တွေ မေးကြည့်တော့လည်း အတန်းပညာက မရှိတော့ အလုပ်ကြမ်းလောက်ပဲရတာ"
"ဒါနဲ့ ကိုယ်ပိုင်အလုပ်ပဲ လုပ်မယ်ဆိုပြီး ဖြစ်သွားတာပါပဲ"
"အရင်းအနှီးမလိုတဲ့ ဒီအလုပ်လေးက စတယ်ပေါ့ဗျာ"

ကျွန်တော်အံသြသွားမိသည်။ သူဒီလောက်အများကြီး ပြောလာမည်ဟု မထင်ထား၍ ဖြစ်သည်။
သူက ဆက်ပြောသည်။

"နောက်ကျွန်တော်ကလည်း သူများဆီမှာ အလုပ်မလုပ်ချင်တာလဲပါတယ်"
"ဘာလို့တုန်းဆိုတော့ သူများအလုပ်က သူများခိုင်းတာပဲလုပ်ရတာ"
"ကိုယ်က လူရော စိတ်ရောနှစ်ပြီးလုပ်လဲ အလုပ်သမားက အလုပ်သမားပါပဲ"

"အခု ကျွန်တော့်အလုပ်က ဘာမှမဟုတ်သေးပေမယ့် ကျွန်တော့်ကိုယ်ပိုင်အလုပ်လို့ဆိုလို့ရတယ်"
"ပိုင်ရှင်လည်း ကျွန်တော် အလုပ်သမားလည်း ကျွန်တော်"
"ကျွန်တော်နားချင်လည်းရတယ် ဒါကျွန်တော့်အပိုင်းပဲ
နားတဲ့ရက်ကျတော့ ဝင်ငွေ မရှိဘူးပေါ့
ဒါကြောင့် ကျွန်တော်တစ်ခါမှ မနားဖူးသေးဘူး"
သူက ပြောနေရင်း နဖူးမှာစို့နေတဲ့ ချွေးကို လက်တစ်ဖက်ဖြင့် သုတ်လိုက်သည်။

"ဒီအလုပ်က ဓားသွေးကျောက်တစ်လုံးပဲရင်းရတယ်"
"ဂုဏ်ရှိရှိ အလုပ်လုပ်လို့ရတယ်"
"ကျွန်တော်တစ်နေ့ကို ငါးထောင်လောက်ရအောင်ရှာတယ်"
"ကျွန်တော့်အတွက် တစ်ထောင်ဆို တစ်နေ့စာ လုံလောက်တယ်"
"အိမ်ကိုလည်းအပ်တယ်
ကျန်တာကို စုထားတယ်"

"ဒါနဲ့ ကျွန်တော် ဒီအလုပ်ပဲ တစ်သက်လုံးလုပ်နေမယ်လို့ အစ်ကို ထင်နေတာလား"

သူက ရယ်သွမ်းရင်းမေးလိုက်တော့ ကျွန်တော် ကြောင်သွားသည်။ ကိုယ့်အခြေအနေကို ပြန်စဉ်းစားကြည့်မိသည်။

ကျွန်တော်တို့ တက္ကသိုလ်ကျောင်းသားတွေသည် မိဘများ၏ အထောက်အပံ့ဖြင့် ကျောင်းတက်ကြသည်။ တစ်လလျှင် ၅သောင်းမှ တစ်သိန်းအကြား မိဘများထံမှ လက်ဖြန့်တောင်းနေရသည်။
ထိုလူငယ်က ဂုဏ်ငယ်လှသည်ဟု မိမိထင်သော ထိုအလုပ်ဖြင့် တစ်လ ဝင်ငွေ တစ်သိန်းကျော် ရှာနေနိုင်ပြီ။

ကျွန်တော်သူ့မေးခွန်းကို ပြန်မဖြေဖြစ်။
သူက ဆက်ပြောရှာသည်။

"ကျွန်တော်ငွေလေးနည်းနည်း စုမိရင်
တွန်းလှည်းလေးတစ်ခုလောက်ဝယ်မယ် စဉ်းစားထားတယ်"

"အချဉ်ပေါင်းရောင်းမယ်ဗျာ
ထပ်စုမယ်
ဆိုင်ကယ်ဝယ်မယ်
အားရင်အားသလို ကယ်ရီလည်းဆွဲမယ်
ထပ်စုမယ်
ကားဝယ်မယ်ဗျာ
တက်စီဆွဲမယ် ဘယ်တော့မှ ရပ်တန့်နေမှာ မဟုတ်ဘူး"

"နောင်အနှစ် ၁၀ကြာရင် ကျွန်တော် အိမ်ပိုင်စေရမယ်ဗျာ"
ပြောရင်းပြောရင်း သူ အားတက်လာသည်။ အသံတွေကျယ်လာသည်။ သူ့ကို ကြည့်လိုက်တော့
သူ၏ မျက်ဝန်းတွင် မျှော်လင့်ချက်ရောင်ခြည်တွေ သန်းနေသည်။ ထိုလူငယ်၏ စိတ်အားထက်သန်မှုကိုလည်း လေးစားမိသည်။

"အလုပ်ဟူသမျှ ဂုဏ်ရှိစွ" ဟူသောစကားသည် အလွန်မှန်သည်။ အလုပ်လုပ်နေဖို့သာ လိုသည်။

"ညီလေးရဲ့ စိတ်အားထက်သန်မှုနဲ့ဆိုရင်
သေချာပေါက် အောင်မြင်မှာပါကွာ"

ဟု ပြော၍ သူကမ်းပေးလာသော ဓားအား ပြန်ယူလိုက်သည်။
ကျသင့်ငွေအား ရှင်းပေး၍ နှုတ်ဆက်လိုက်သည်။

"ကတ်ကြေးတွေ သွေးတယ်
ဓားတွေ သွေးတယ်"

သူ၏ အော်သံက တဖြေးဖြေး ဝေးကွာသွားသည်။

############x

ထိုနေ့လေးကို ပြန်တွေးရင်း ထိုလူငယ် ကိုသတိရနေမိသည်။ သူအခု အဆင်ပြေနေမည်ဟု ယုံကြည်မိသည်။

ဒေါက်တာပြည့်ဖြိုးကျော်

လူငယ်လေးကပေးသော အတွေးတစ်စ (ဝတ္ထုတို)
တောဝတ္ထုတိုများPageမှ ကူးယူဖော်ပြပါသည်

20/11/2022

ပိုက်ဆံ လာချေးပါလို့
ဘယ်သူကမှ မဖိတ်ခေါ်ခဲ့ဘူးနော်။
ကိုယ်လိုအပ်လို့
မုန့်ဖိုးထည့်ပေးပါမယ်
အတိုးထည့်ပေးပါမယ် ပြောဆိုပြီး
ချေးပါ ငှါးပါနဲ့
အချိုဆုံး အပြုံးတွေပြုံးပြကာ
အိမ်ထိအိမ်ရောက်လာချေးကြတယ်။

ပိုက်ဆံ ဆိုတာ ငွေတိုးထည့်ပေး
မုန့်ဖိုးထည့်ပေးမှ တိုးပွားတာ မဟုတ်ဘူး
ကိုယ့်အိမ်မှာကိုယ် ပစ္စည်း
ဝယ်လှောင်ထားလည်း
အချိန်နဲ့အမျှ တိုးပွားတာပဲ။

အဲ့ဒါကို လုပ်လို့ရရဲ့နဲ့ မလုပ်ပဲ
ချေးပါချေးပါ တဆာဆာပြောနေလို့
အားနာမှု ယုံကြည်မှုပါ ငွေနဲ့အတူ
ထည့်ချေးပေးလိုက်တာနော်။

လာချေးတုန်းကတော့
အချိန်ဘယ်လောက်ဆို
ပြန်ဆပ်ပါမယ်ပြောပြီး
ကိုယ်ပြန်မဆပ်နိုင်သေးလို့
ကြာခဲ့ရတဲ့ အချိန်ကုန်ဆုံးမှုအတွက်
ငွေထုတ်ချေးသူကို ကိုယ်ချင်းစာပါ။

အဲ့ဒီ့ ကုန်လွန်ခဲ့တဲ့ ကြာချိန် အတွင်း
ထုတ်ချေးပေးလိုက်တဲ့ ပိုက်ဆံကို
ငွေထုတ်ချေးသူကဘယ်လောက်ထိ
တိုးပွားအောင်လုပ်လို့ရတယ်ဆိုတာ
ထည့်စဉ်းစားပါ။

အချိန် ကြာလာတာနဲ့ အမျှ
ငါသူ့ကိုပေးရတာ
ဘယ်လောက်ရှိပြီဆိုတာထက်
ငါခုချိန်ထိ သူများဆီကပိုက်ဆံကို
ချေးငှါထားတာ ပြန်မဆပ်နိုင်သေးလို့
ကြာနေပြီ အားနာဖို့
ကောင်းနေပြီဆိုတာ နားလည်ပါ ။

သူတပါးဆီက ပိုက်ဆံ ကို
အလကားယူသုံးလို့မရဘူးဆိုတာ
ကလေးသေးသေးလေးကနေ
ကမ္ဘာ ပေါ်ရှိလူသားတိုင်း အားလုံးသိတယ်။
ဘယ်အရာမှ အလကား
မရဘူးဆိုတာ သိပါတယ်နော်။

ငွေချေးယူစဉ်က ငွေချေးခွင့်ရအောင်
ပြောခဲ့တဲ့ အကြောင်းပြချက်တွေကိုလည်း
ပြန်သတိရပါ။
အကြွေးစာရင်း ဆိုတာ
လာချေးချိန်က စ မှတ်လိုက်တာ
ပိုက်ဆံအကုန်ပြန်ဆပ်မှ
ပြန်ဖျက်တယ်ဆိုတာ သိပါ။

ချေးယူသူက ဘယ်သူမှ
မသိအောင်ချေးပေမယ့်
ငွေထုတ်ချေးပေးသူကတော့
ကိုယ့်မိသားစု အားလုံးသိအောင်
စာရင်းအားလုံးသိထားပြီးသား။

အခုတော့
ကိုယ်ပြန်မဆပ်နိုင်သေးလို့လည်း
ကြာသေးတယ်
ပေးရတာ ဘယ်လောက်ရှိပြီလည်း
တွက်နေတော့ကြာကြာမပေးချင်ရင်
သူများပိုက်ဆံ ကို
လာချေးတုန်းကပြောထားတဲ့
ကာလအတွင်းဆပ်နိုင်အောင်ဆပ်လိုက်လေ။

အဲ့ဒါဆို အချိန်ဘယ်လောက်
ကြာအောင်ပေးရတယ်ဆိုတဲ့စကား
ပြောစရာ လိုလို့လား။
ကိုယ်ချေးယူထားတဲ့ ပိုက်ဆံက
ကိုယ်ပြန်မဆပ်နိုင်သေးလို့ကြာနေတာ
ဘယ်သူ့မှာ တာဝန်ရှိတာလဲ။

ကိုယ့်ပိုက်ဆံမဟုတ်တဲ့ ငွေပမာဏကို
အလကားယူသုံးဖို့ ဆိုရင်တော့
အရင်းနှီးဆုံး ကိုယ့်မိဘ
ကိုယ်မိသားစုဆီက ယူသုံးပါ။

ကိုယ့်မိသားစုမဟုတ်တဲ့
သူစိမ်းဆီက ထုတ်ချေးပေးတာကိုပဲ
ကျေးဇူးမတင်ပဲ အချိန်လွန်မှ
တိုင်ချင်ရာတိုင်ဆိုတဲ့စကားနဲ့
ငွေထုပ်ချေးသူကို
ကျေးဇူးဆပ်လိုက်တာဆိုရင် ငွေချေးပေးသူကလည်း လာချေးကတည်းက
ငါ့ဆီလာမချေးနဲ့ ချေးချင်ရာချေးလို့
ပြောလိုက်လို့ရတယ်ဆိုတာ သိထားပါ။

စချေးကတည်းက
လူကြီး သက်သေရှေ့မှာ စာမချုပ်ခဲ့တာက ငွေချေးသူရဲ့မျက်နှာကို ထောက်ထားပြီး စာချုပ်ပေါ်မှာ အသိသက်သေနဲ့
လက်မှတ်ထိုးခိုင်းတာထက်
ပြန်ပေးဆပ်ချင်တဲ့စိတ်ကသာ
အဓိကလို့ သတ်မှတ်ပေးလိုက်မိတာက
တိုင်ချင်ရာတိုင်ဆိုတဲ့စကားနဲ့
ကျေးဇူး ဆပ်ခံရဖို့
မိုက်ရိုင်းဖို့ ပြန်စော်ကားဖို့
ငွေထုတ်ချေးပေးခဲ့တာမဟုတ်ဘူး
အဲ့လိုမိုက်ရိုင်းတတ်တာ
ကျေးဇူးကန်းတတ်တာ
တာဝန်မဲ့စကားပြောထွက်တတ်တာကို
စကတည်းက သိရင်ထုတ်မချေးပေးခဲ့ပါဘူး။

လာချေးတုန်းက ချေးယူသူရဲ့
လတ်ဆတ်နေတဲ့မျက်နှာအပြုံးတွေက
အချိန်လွန်လာတော့
အမှည့်လွန်သစ်သီးပုတ်လိုမျိုး
ဖြစ်နေပြီဆိုတာလည်းမမေ့ပါနဲ့။

သူတစ်ပါးပိုက်ဆံကို
ယူသုံးဖို့ဆိုရင်တော့
သူ့တန်ဖိုးနဲ့သူ ပေးရတယ်
ငွေချေးသူက ငွေတန်ဖိုး ပိုသိမှာပါ။

ငွေတန်ဖိုးမသိပဲ သူများပိုက်ဆံ
အလကားယူသုံးချင်ရင်
မိမိကိုယ်ကိုယ် အချောင်သမားစိတ်
ရှိသူဟုသာ မှတ်လိုက်ပါ။

ငွေရဲ့ ကျိန်စာဟာ သံသရာထိ
စူးတတ်တာကြောင့်
မိမိချေးငွေအား
ပိုင်ရှင်ထံ ပြန်ဆပ်ခြင်းဖြင့်
မိမိ တန်ဖိုး မိသားစု အသိုင်းအဝိုင်း
ဂုဏ် မြင့်တင်လိုက်ပါ။
Credit #ဘဝရဲ့ခရီးသည်

15/10/2022

ဘဝက တကယ်ခက်ခဲလာရင်

အနားမှာ

လက်တွဲချင်တဲ့သူက ရှားတယ်

ဒါကြောင့်

ရှေ့ဆက်ရမယ့် အနာဂတ်တွေထဲ

ကိုယ်ကိုယ်တိုင်သာ

ဖြတ်သန်းနိုင်အောင် ကြိုးစားပါ !!

#ပုရစ်

13/10/2022

အရာရာတိုင်းကို
ရင်ဘတ်ကြီးနဲ့ မခံစားပါနဲ့

အပေါ်ယံတွေမှန်းသိရင်
ရေလိုက်ငါးလိုက်ပဲ နေလိုက်ပါ

တစ်ချို့လူတွေက
ကိုယ့်စေတနာနဲ့ မတန်ဘူး။

Crd. Credit

31/05/2021

U can now one-click search for Our Shop! 🥂🎉

ချန်ပီယံစက်ဘီးဆိုင်အား google map တွင်ရှာဖွေနိုင်ပါပြီ

Bicycle Shop

31/12/2020

2021 နှစ်သစ် အခါမှာ
‌မိတ်ဟောင်း မိတ်သစ် အပေါင်း
ကိုယ် ကျန်းမာ စိတ်ချမ်းသာ
လိုအင် ဆန္ဒ တစ်လုံးတစ်ဝ ပြည့်စုံကြပါစေကြောင်း

ချန်ပီယံ စက်ဘီးဆိုင် နှင့် အပိုပစ္စည်း ရောင်းဝယ်ရေးမှ

ဆုမွန်ကောင်း တောင်းပေးလိုက်ပါတယ်နော်။
အားလုံး အစစ အရာရာ အဆင်ပြေ ချောမွေ့ကြပါစေ။
ဝင်ငွေ စီးပွား ဒီရေ အလား တိုးတက်ကြပါစေ။
''best wishes''
 🎉🎊🎉