Kar Kar Gyi Art And Drawing Material Supply

Kar Kar Gyi Art And Drawing Material Supply ပန်းချီနှင့်လက်မှု့ပစ္စည်းများ၊ ပုံဆွဲပစ္စည်းများနှင့် တက်တူးပစ္စည်းများလက်လီ/လက်ကားအရောင်းဆိုင်။ We are welcome you to provide the services what you need.

Acrylic ဆေးရဲ့ Coverage နဲ့ Brush တစ်ချောင်းရဲ့ Controlကို ပေါင်းစပ်ထားတဲ့ M&G Brush Tips Acrylic Marker Set 🎨Acrylic နဲ...
12/08/2026

Acrylic ဆေးရဲ့ Coverage နဲ့ Brush တစ်ချောင်းရဲ့ Controlကို ပေါင်းစပ်ထားတဲ့ M&G Brush Tips Acrylic Marker Set 🎨

Acrylic နဲ့ Craft Project လေးတစ်ခုစမယ်ဆိုတိုင်း ဆေးဘူးတွေ၊ Palette၊ Brush နဲ့ ရေခွက်တွေ အကုန်ထုတ်ရတာက အလုပ်လုပ်ရတာထက် ပြင်ဆင်ရတဲ့အချိန်က ပိုများနေတတ်ပါတယ်။ အထူးသဖြင့် Detail သေးသေးလေးတစ်ခုဆွဲဖို့၊ စာတန်းလေးတစ်ခုရေးဖို့နဲ့ Gift Box လေးတစ်ခု Decorate လုပ်ဖို့ဆိုရင် ပိုပြီးအလုပ်ရှုပ်သလို ခံစားရနိုင်ပါတယ်။
ဒီလိုအခက်အခဲလေးတွေအတွက် ဆေးဘူးတွေ၊ Brush တွေ အများကြီးမလိုဘဲ ဖန်တီးချင်တဲ့အချိန်မှာ ချက်ချင်းကောက်သုံးလို့ရမယ့် M&G MOCALO Acrylic Marker လေးနဲ့ မိတ်ဆက်ပေးချင်ပါတယ်။
သူက Water-based Acrylic ဆေးကို Marker ပုံစံနဲ့ တိုက်ရိုက်သုံးနိုင်အောင် ဖန်တီးထားတာပါ။ အဓိက သဘောကျစရာကောင်းတဲ့အချက်ကတော့ Flexible Brush Tip လေးပါပဲ။ ဖိအားပေါ့ပေါ့လေးနဲ့ဆွဲရင် Detail Line နဲ့ Lettering အနုစိတ်လေးတွေရနိုင်ပြီး၊ Marker ကို နည်းနည်းစောင်းပြီး ဖိအားပိုပေးလိုက်ရင် Brush Stroke အထူနဲ့ ဆေးရောင်ဖြည့်ရတဲ့ အပိုင်းတွေကို အလွယ်တကူ ခြယ်သနိုင်ပါတယ်။ Fixed Tip Marker တွေလို လိုင်းတစ်မျိုးတည်းမဟုတ်ဘဲ ကိုယ့်လက်ဖိအားအလိုက် Stroke ကို ပြောင်းသုံးနိုင်တာက တကယ့်ကို အဆင်ပြေစေပါတယ်။
အရောင်တောက်ပမှုနဲ့ ဖုံးအုပ်နိုင်စွမ်း (Coverage) အားကောင်းတဲ့အပြင် Paper နဲ့ Canvas သာမက Wood, Plastic, Metal နဲ့ Glass လို Surface တွေပေါ်မှာပါ အလွယ်တကူ အသုံးပြုနိုင်ပါတယ်။ Transparent Case လေးနဲ့မို့ အရောင်တွေကို တစ်နေရာတည်း စနစ်တကျထားနိုင်သလို၊ Art Class, Workshop နဲ့ အပြင်မှာ Craft လုပ်ချင်တဲ့အချိန်တွေမှာလည်း အလွယ်တကူ သယ်သွားနိုင်ပါတယ်။
💡 အကောင်းဆုံးရလဒ်ရဖို့ အသုံးချနည်းလေးတစ်ခု
ထုတ်ပိုးမှုမှာ ဖော်ပြထားတဲ့အတိုင်း "Shake — Write — Re-cap" အစီအစဉ်လေးအတိုင်း သုံးပေးပါ။ မသုံးခင် အဖုံးပိတ်လျက်နဲ့ သေချာလှုပ်ပေးဖို့လိုပါတယ်။ ပြီးရင် ကိုယ်သုံးမယ့် Surface အမျိုးအစားတူတဲ့ အစမ်းစပေါ်မှာ Ink Flow ကို အရင်စမ်းကြည့်ပေးပါ။
ဖန်၊ ပလတ်စတစ်နဲ့ သတ္တုလို မျက်နှာပြင်ချောတဲ့ပစ္စည်းတွေပေါ်မှာ သုံးမယ်ဆိုရင် ဖုန်၊ ဆီနဲ့ လက်ဗွေတွေကို အရင်ပြောင်အောင်သုတ်ထားဖို့ လိုပါတယ်။ အရောင်တစ်ထပ်ပေါ် နောက်တစ်ထပ် ထပ်တင်ချင်ရင်တော့ အောက်ခံအရောင် သေချာခြောက်သွားမှ ထပ်တင်ပေးရင် အရောင်ပိုသန့်ပြီး သေသပ်ပါတယ်။
⚠️ သတိပြုရန်
သုံးပြီးတိုင်း အဖုံးကို ချက်ချင်းပြန်ပိတ်ထားဖို့ အရေးကြီးပါတယ်။ လေဝင်သွားရင် Brush Tip နဲ့ အတွင်းက Ink တွေခြောက်ခဲသွားပြီး ပြန်သုံးရခက်သွားတတ်ပါတယ်။
ရွေးချယ်နိုင်မယ့် အရောင်အရေအတွက်နဲ့ ဈေးနှုန်းလေးတွေကတော့ —

🔸 M&G Mocalo
Acrylic Marker24 Colours (48,000 ကျပ်) - Beginner တွေ၊ School Project နဲ့ Basic Craft လေးတွေစမ်းလုပ်ချင်သူတွေအတွက် အသင့်တော်ဆုံးပါ။

🔸 **36 Colours (70,500 ကျပ်)** - Illustration၊ Lettering နဲ့ Craft ကို ပုံမှန်လုပ်ဖြစ်ပြီး အရောင်စပ်ရတဲ့အချိန်ကို လျှော့ချင်သူတွေအတွက် Practical အဖြစ်ဆုံး ရွေးချယ်မှုပါ။

🔸 **48 Colours (92,500 ကျပ်)** - Colour Variation ပိုများတဲ့ Artwork တွေ၊ Gift Personalisation နဲ့ Mixed-surface Project တွေ ပုံမှန်လုပ်သူတွေအတွက် ရေရှည်မှာ ပိုတန်တဲ့ Set လေးဖြစ်ပါတယ်။

Acrylic ဆေးရဲ့ Coverage ကို သဘောကျပေမယ့် ဆေးဘူးတွေ၊ Brush တွေနဲ့ အလုပ်မရှုပ်ချင်ဘူးဆိုရင်တော့ MOCALO Acrylic Marker လေးတွေကို ရွေးချယ်ကြည့်ဖို့ အကြံပေးချင်ပါတယ်။ ✨





Disclaimer : No copyright infringement. Products of these photos are for resell purpose only. We do not own the trademark of the product. All rights and credits go to the rightful owner.

စုတ်တံသန့်မှ အရောင်လည်းသန့်မယ် - Mont Marte Brush washer Twin Compartment Sq. PlasticWatercolour ဆွဲနေရင်း အရောင်တစ်ရောင...
10/08/2026

စုတ်တံသန့်မှ အရောင်လည်းသန့်မယ် - Mont Marte Brush washer Twin Compartment Sq. Plastic
Watercolour ဆွဲနေရင်း အရောင်တစ်ရောင်ကနေ နောက်တစ်ရောင်ပြောင်းတဲ့အခါ ရေခွက်ထဲ စုတ်တံနှစ်ချက်လောက်လှည့်ပြီး ပြန်သုံးလိုက်တာမျိုး ရှိကြမှာပါ။
ကြည့်ရတာ သန့်သွားသလိုထင်ရပေမယ့် စုတ်တံအမွေးကြားနဲ့ Ferrule နားမှာ ကျန်နေသေးတဲ့ Pigment က နောက်ထပ်စပ်မယ့်အရောင်ထဲ ဝင်သွားတတ်ပါတယ်။ အထူးသဖြင့် အရောင်ဖျော့ဖျော့လေးတွေ စပ်တဲ့အခါ အရောင်ညစ်သွားတာ ပိုသိသာပါတယ်။
Acrylic မှာတော့ ပိုဂရုစိုက်ရပါတယ်။ ဆေးကို စုတ်တံပေါ်မှာ ခြောက်သွားအောင်ထားလိုက်ရင် အမွေးကြားမှာ Plastic ဆန်တဲ့အလွှာဖြစ်လာပြီး စုတ်တံရဲ့ ပျော့ပျောင်းမှုနဲ့ Shape ကို ထိခိုက်စေနိုင်ပါတယ်။
Mont Marte Plastic Brush Washer Signature က သာမန်ရေထည့်တဲ့ခွက်တစ်ခွက် မဟုတ်ပါဘူး။
အတွင်းပိုင်းကို အကန့်နှစ်ကန့်ခွဲထားတာကြောင့် တစ်ဖက်ကို ပထမအကြိမ်ဆေးချဖို့၊ နောက်တစ်ဖက်ကို သန့်ရေနဲ့ Final Rinse လုပ်ဖို့ ခွဲသုံးနိုင်ပါတယ်။ ဆေးရေးနေတုန်း ခဏနားမယ့် စုတ်တံတွေကိုလည်း Slanted Grooves ပေါ်မှာ အဆင်ပြေပြေ တင်ထားနိုင်ပါတယ်။
အမွေးကြားက ဆေးအကြွင်းအကျန်တွေကို ပိုသေချာဆေးချင်တဲ့အခါ Ribbed Section ပေါ်မှာ နူးနူးညံ့ညံ့ လှုပ်ပေးနိုင်ပါတယ်။ စုတ်တံကို လက်ဖဝါးပေါ် အားနဲ့ဖိပွတ်နေရတာထက် Cleaning Process ကို ပိုစနစ်တကျဖြစ်စေပါတယ်။
ဆေးပြီးတဲ့စုတ်တံတွေကို စားပွဲပေါ် ရောချထားစရာလည်း မလိုတော့ပါဘူး။
ဘေးပတ်လည်မှာ အရွယ်အစား ၆ မျိုးခွဲထားတဲ့ Brush Holder အပေါက် ၁၂ ပေါက် ပါတာကြောင့် စုတ်တံအသေး၊ အကြီးတွေကို ခွဲပြီး ထောင်ထားနိုင်ပါတယ်။ စုတ်တံထဲက ရေပိုတွေကို အရင်စုပ်ယူ၊ အမွေးကို ပြန်ပုံဖော်ပြီးမှ Bristles အပေါ်ဘက်ထားကာ အခြောက်ခံတာက Shape ကို ထိန်းထားဖို့ အထောက်အကူဖြစ်ပါတယ်။
အဖုံးကိုလည်း Colour Mixing Palette အဖြစ် သုံးနိုင်လို့ Quick Study လေးတွေ၊ Colour Test နဲ့ ပန်းချီဆွဲဖို့နေရာကျဉ်းတဲ့အချိန်တွေမှာ ပစ္စည်းတစ်ခု လျော့ယူလို့ရပါတယ်။
အသုံးချနည်းလေးတစ်ခု

ဘယ်ဘက်အကန့်ကို Dirty Rinse Water၊ ညာဘက်အကန့်ကို Clean Rinse Water အဖြစ် ခွဲထားပါ။ အရောင်ပြောင်းတိုင်း ပထမအကန့်မှာ ဆေးကိုအရင်ဖြုတ်ပြီး နောက်အကန့်မှာ Final Rinse လုပ်ပေးရင် ရေအရောင်မမြန်မြန်ညစ်တော့သလို နောက်သုံးမယ့်အရောင်လည်း ပိုသန့်နေပါတယ်။
Slanted Grooves ကိုတော့ Painting Session အတွင်း ခဏနားတဲ့အချိန်အတွက်သာ သုံးပေးပါ။ စုတ်တံကို ရေထဲ အချိန်ကြာကြာစိမ်ထားရင် Bristles နဲ့ Ferrule ကို ထိခိုက်စေနိုင်ပါတယ်။
Mont Marte Brush washer Twin Compartment Sq. Plastic
Suitable for — Watercolour & Acrylic
ဈေးနှုန်း — ၂၀,၀၀၀ ကျပ်ဖြစ်ပြီး
Beginnerဘဲဖြစ်ဖြစ်၊ နေ့တိုင်းဆွဲနေတဲ့ Artist ဖြစ်ဖြစ် စုတ်တံအများကြီးသုံးရတဲ့ Painting Session တွေမှာ အလုပ်စားပွဲကို စနစ်ကျစေပြီး စုတ်တံဆေးဖို့ အချိန်မပျက်စေမယ့် Studio Accessory လေးပါ။
ပန်းချီစားပွဲကို ရိုးရိုးရှင်းရှင်းနဲ့ စနစ်တကျထားချင်သူတွေအတွက် ဆောင်ထားသင့်လို့ ရတုန်းလေးယူထားနော်။ 🎨



ပစ္စည်းအကြာကြီးပြတ်သွားတဲ့ ပန်းချီဆရာတွေအသုံးအများဆုံးBrush(၅)မျိုးစလုံး ဆိုင်မှာ ရနေပြီနော်...ရေဆေးရေးမလား? Acrylic လား...
05/08/2026

ပစ္စည်းအကြာကြီးပြတ်သွားတဲ့ ပန်းချီဆရာတွေအသုံးအများဆုံးBrush(၅)မျိုးစလုံး ဆိုင်မှာ ရနေပြီနော်...
ရေဆေးရေးမလား? Acrylic လား? Gouache သုံးချင်သေးလား? ကိုယ်သုံးချင်တဲ့ Medium နဲ့ အဆင်ပြေပြေ သုံးလို့ရမယ့်အပြင် ပန်းချီဆရာတွေ အသုံးအများဆုံးဖြစ်တဲ့ Brush Set Type(၅)မျိုးလုံးKar Kar Gyi မှာ ပြန်ဝင်ထားပါပြီ။
ဒီတစ်ခေါက် ဝင်လာတဲ့ Giorgione Artist Brush Set တွေထဲမှာဆိုရင် ပန်းချီရေးဆွဲရာမှာ မပါမဖြစ် အဓိကသုံးရတဲ့ Point (Round), Flat, Filbert, Angle နဲ့ Assorted စတဲ့ Type (၅) မျိုးစလုံး ရွေးချယ်ဝယ်ယူနိုင်အောင် စုံစုံလင်လင်လေး‌‌မှာပေးထားပါတယ်။ Brushအမျိုးအစား တစ်ခုချင်းစီကို သီးသန့်Set လေးတွေနဲ့လာတာမို့ ကိုယ်အများဆုံးသုံးဖြစ်မယ့် ပုံစံကိုစိတ်ကြိုက် ရွေးချယ်နိုင်သလို၊ Typeအစုံပါတာလိုချင်တဲ့သူတွေအတွက်လဲတစ်မျိုးပါပါသေးတယ်ဗျ။
အားလုံးသိထားကြတဲ့အတိုင်း အခုလက်ရှိ လမ်းကြောင်း အခြေအနေတွေအရ ပန်းချီပစ္စည်းတွေ အဝင်တော်တော်လေး နည်းနေပါတယ်။ ဒါကြောင့် ကိုယ့်ရဲ့ လက်ရှိ ဖန်တီးမှုတွေအတွက် မရှိမဖြစ် လိုအပ်နေတဲ့ သူတွေရယ်၊ သုံးနေကျ Brush လေးတွေ ဟောင်းသွားလို့ အသစ်လဲချင်နေတဲ့ သူတွေအနေနဲ့ ပစ္စည်းလေးတွေ လက်ကျန်မကုန်ခင် မဖြစ်မနေ အမြန်လေး လာရောက် ဝယ်ယူထားဖို့ အကြံပေးပါရစေ။
Brush Type တစ်ခုချင်းစီရဲ့ အသေးစိတ်ပုံလေးတွေကို Commentထဲမှာကြည့်ရှု့နိုင်ပြီး၊ တစ်ခုချင်းဈေးနှုန်းလေးတွေကိုလဲအောက်မှာဖော်ပြပေးထားပါတယ်ဗျ👇👇👇

♦️ Giorgione Silver Angle Brush Set 5Pcs - 11000 MMK
♦️ Giorgione Gold Flat Brush Set 5Pcs - 11000 MMK
♦️ Giorgione Orange artist brush set round 5pcs - 11000 MMK
♦️ Giorgione White artist brush set filbert 5pcs - 11000 MMK
♦️ Giorgione Coffee artist brush set assortic 6pcs - 15000 MMK
(အချိန်နှင့်အမျှဈေးနှုန်းအ‌‌ပြောင်းအလဲရှိနိုင်ပါတယ်ခင်ဗျ။)
ပစ္စည်းလေးတွေက အရေအတွက် အကန့်အသတ်ရှိလို့ လိုအပ်တဲ့ Brush Type လေးတွေကို Page Messenger ကနေဖြစ်ဖြစ်၊ ဆိုင်ကို ကိုယ်တိုင်လာရောက်ပြီးတော့ဖြစ်ဖြစ် အမြန်ဆုံး လာရောက်ရွေးချယ်ဖို့ ဖိတ်ခေါ်လိုက်ပါတယ်ဗျ။



🎨 Backgroundဆေးသား ညီညာဖို့Skillကောင်းရုံနဲ့မလုံလောက်ဘူး... သုံးမယ့်Brushအကျယ်လည်း မှန်ဖို့ လိုပါတယ်။Canvasအကျယ်ကြီးကို ...
03/08/2026

🎨 Backgroundဆေးသား ညီညာဖို့Skillကောင်းရုံနဲ့မလုံလောက်ဘူး... သုံးမယ့်Brushအကျယ်လည်း မှန်ဖို့ လိုပါတယ်။
Canvasအကျယ်ကြီးကို စုတ်တံ သေးသေးလေးနဲ့ ထပ်ခါတလဲလဲ ဆေးဖြည့်ဖူးလား?
စုတ်ချက်တွေထပ်ပြီး ထစ်နေတာ၊ ဆေးရောင်က တစ်နေရာနဲ့ တစ်နေရာ မညီတော့ဘဲ အကွက်တွေ ဖြစ်နေတာ... အလုပ်မပြီးခင် လက်ကအရင် ညောင်းညာ ပင်ပန်းသွားတာမျိုး ပန်းချီဆွဲသူတိုင်း ကြုံဖူးကြမှာပါ။
Giorgione Wide Brush ကတော့ Canvas Backgroundတွေ၊ Gessoခံတာတွေ၊ Base Colourတွေနဲ့ ဆေးခြယ်ရမယ့် ဧရိယာ ကျယ်ကျယ်တွေကို စုတ်ချက် နည်းနည်းနဲ့ မြန်မြန်ဆန်ဆန် ဖြည့်စွက်နိုင်ဖို့ ဖန်တီးထားတဲ့ Flat Nylon Brush (စုတ်တံပြား) လေး ဖြစ်ပါတယ်။
✨ ဘာကြောင့် Giorgione Wide Brush ကို ရွေးချယ်သင့်တာလဲ?
◼️ အမွေးက ပျော့ခွေပြီး ဆေးမထိန်းနိုင်တာမျိုး မဟုတ်သလို၊ တောင့်တင်းလွန်းလို့ ကြမ်းတမ်းတဲ့ စုတ်ရာတွေ ကျန်ခဲ့တာမျိုးလည်း မရှိပါဘူး။ အမွေးရဲ့ ကန်အား (Elasticity) က အသင့်အတင့် ရှိပြီး ဆေးကို ကောင်းကောင်း သယ်ဆောင်နိုင်တာကြောင့် ဆေးခွက်ထဲ ခဏခဏ ပြန်နှစ်နေရတဲ့ အချိန်ကို သက်သာစေပါတယ်။
◼️ အကျယ်တူညီတဲ့ ဧရိယာကို တစ်ချက်တည်းနဲ့ ဆွဲယူနိုင်တာကြောင့် Large Colour Blocks တွေကို ဖြန့်ကျက်တဲ့အခါ အကွက် မထင်ဘဲ အထူး ညီညာစေပါတယ်။
◼️ Ferrule (စုတ်တံခေါင်းပြွန်) ကို အလမီနီယမ်နဲ့ ပြုလုပ်ထားပြီး Rivet (သံမှို) နဲ့ သေချာ အားဖြည့်ထားတာကြောင့် အသုံးများလာရင်တောင် စုတ်တံခေါင်း လျော့ရဲတာ၊ လက်ကိုင်နဲ့ ကွာထွက်တာမျိုး မဖြစ်စေပါဘူး။
◼️ လက်ကိုင် ဒီဇိုင်းကလည်း ကြာကြာကိုင်ပြီး အလုပ်လုပ်ရင်တောင် လက်ညောင်းညာမှုကို အနည်းဆုံး ဖြစ်စေဖို့ စဉ်းစားပေးထားပါတယ်။
◼️ Gesso နဲ့ Backgroundအတွက်သာမက Acrylic၊ Oil Colour နဲ့ Gouache / Opaque Watercolourတွေမှာပါ အသုံးပြုနိုင်လို့ Studioမှာ တစ်ချောင်း ရှိထားရုံနဲ့ လုပ်ငန်းအမျိုးမျိုးအတွက် အသုံးတည့်စေမှာပါ။
🖌️ ကိုယ့်ရဲ့ လုပ်ငန်း လိုအပ်ချက်နဲ့ ကိုက်ညီမယ့်‌ရွေးချယ်စရာ အရွယ်အစား(၄)မျိုး။

☑️ Giorgione Wide Brush 20mm — 4,000 Ks
Canvas အသေး၊ အနားသတ် နေရာတွေ၊ သေးငယ်တဲ့ Background နဲ့ Colour Block တွေအတွက်။ ‌
☑️ Giorgione Wide Brush 30mm — 5,000 Ks
အရမ်းလည်း မသေး၊ အရမ်းလည်း မကျယ်လွန်းဘဲ နေ့စဉ် အသုံးအများဆုံး စံရွယ်အစား။
☑️ Giorgione Wide Brush 40mm — 6,000 Ks
Medium-size Canvas တွေနဲ့ အတော်အသင့် ကျယ်ပြန့်တဲ့ Background တွေကို မြန်မြန်ဆန်ဆန် ဖြည့်ချင်သူတွေအတွက်။
☑️ Giorgione Wide Brush 50mm — 7,000 Ks
Canvas အကျယ်ကြီးတွေ၊ Gesso တင်ခြင်းနဲ့ ဧရိယာကျယ်တဲ့ Base Colour တွေကို စုတ်ချက် အနည်းဆုံးနဲ့ အမြန်ဆုံး အလုပ်ပြီးစေမယ့် အရွယ်။
💡 ပန်းချီကားကောင်း တစ်ချပ်အတွက် စုတ်တံတွေ အများကြီး ပုံစံအမျိုးမျိုး ရှိနေဖို့ထက်... "ကိုယ်လုပ်မယ့် အလုပ်နဲ့ အကိုက်ညီဆုံး စုတ်တံ တစ်ချောင်း ရှိနေဖို့က" ပိုပြီး အရေးကြီးပါတယ်။🎨



🎨 Mont Marteရဲ့ Buy 2,Get 1 Free Promotionလေးနဲ့မိတ်ဆက်ပေးပါရစေခင်ဗျာ။ကျွန်တော်တို့ Kar Kar Gyiမှာ Augustလ၁ရက်နေကနေ ၃၁ရက...
01/08/2026

🎨 Mont Marteရဲ့ Buy 2,Get 1 Free Promotionလေးနဲ့မိတ်ဆက်ပေးပါရစေခင်ဗျာ။
ကျွန်တော်တို့ Kar Kar Gyiမှာ Augustလ၁ရက်နေကနေ ၃၁ရက်နေ့အထိ Mont Marte Acrylic Colour 300mlဆေးဗူးလေးတွေကို Buy 2 Get 1 FREE အထူးအစီအစဉ်နဲ့ လက်ဆောင်ပေးနေပါပြီနော်။ 🥳
300ml ဗူးကြီး (၂)ဗူးဝယ်ယူရုံနဲ့ (၁)ဗူးလက်ဆောင်ရရှိမှာဖြစ်လို့ —
✨ Background အကျယ်ကြီးတွေ စိတ်ကြိုက် ရေးဆွဲဖို့
✨ အရောင်အသစ်တွေကို အားရပါးရ စပ်ကြည့်ဖို့
✨ ပန်းချီကားများများ ဖန်တီးဖို့နဲ့
✨ Studio နဲ့ သင်တန်းသုံးအတွက် ကြိုတင်စုဆောင်းထားဖို့... အခုပဲ အခွင့်ကောင်းလေးကို ယူလိုက်ပါနော်။ ❤️💛💙
ကိုယ်ကြိုက်နှစ်သက်တဲ့အရောင်လေးတွေ မကုန်ခင် Kar Kar Gyiမှာ အမြန်ဆုံး လာရောက်ဝယ်ယူဖို့ နွေးထွေးစွာ ဖိတ်ခေါ်ပါတယ်ခင်ဗျာ။ 🛍️

📌 Promotion Name — Buy 2 Get 1 FREE
📌 Promotion Date — 1st Aug to 31st Aug
📌 Product Product — Mont Marte Acrylic Colour 300ml

⚠️ သိထားရမယ့်စည်းကမ်းချက်လေးတွေကတော့ -
🔥 Promotion ပစ္စည်း လက်ကျန်ရှိသရွေ့သာ ရရှိနိုင်ပါမယ်။
🔥 နေ့စဉ် လက်ဆောင်ပေးနိုင်တဲ့ ဗူးအရေအတွက် ကန့်သတ်ချက် (Limit) လေး ရှိပါတယ်ခင်ဗျာ။
🔥 လက်ဆောင်ပေးမယ့် ဗူးလေးများကို Random ပေးသွားမှာဖြစ်လို့ အရောင်ရွေးချယ်ခွင့် မပါဝင်တာကို နားလည်ပေးစေချင်ပါတယ်ခင်ဗျာ။
🔥 On Ground Promotion Campaignလေးဖြစ်‌လို့ ဆိုင်သို့ လူကိုယ်တိုင် လာရောက်ဝယ်ယူသူများအတွက်သာ အကျုံးဝင်ပါ တယ်ခင်ဗျာ (Online Order များ မပါဝင်ပါ)။
🔥 First Come, First Serve စနစ်ဖြစ်လို့ အရင်လာသူကို ဦးစားပေးမှာဖြစ်ပြီး ပစ္စည်း ကြိုတင်ဖယ်ထားပေးလို့ မရတာကိုလည်း အားနာစွာဖြင့် အသိပေးပါရစေခင်ဗျာ။
---
🏢 Kar Kar Gyi Art & Drawing Material Supply
📍 အမှတ် (၁၅၆)၊ ၃၁ လမ်း (အလယ်ဘလောက်)၊ ပန်းဘဲတန်းမြို့နယ်၊ ရန်ကုန်မြို့။
📞 01 250220, 01 377657
📱 09 5170098 (Viber), 09 777511678


လူတစ်ယောက်ရဲ့Drawing Styleက Personalityကိုပြသလား?တစ်ခါတလေ Art Page တွေကို Scroll လုပ်နေရင်း..."ဒီပုံကို ကြည့်လိုက်တာနဲ့ ...
31/07/2026

လူတစ်ယောက်ရဲ့Drawing Styleက Personalityကိုပြသလား?
တစ်ခါတလေ Art Page တွေကို Scroll လုပ်နေရင်း...
"ဒီပုံကို ကြည့်လိုက်တာနဲ့ ဘယ်သူဆွဲထားလဲ သိတယ်" ဆိုတဲ့ Comment တွေ တွေ့ဖူးကြမယ် ထင်ပါတယ်။
တချို့ Artist တွေရဲ့ လက်ရာတွေက အရမ်းထူးခြားတယ်။
မျက်နှာပုံစံတွေက ထူးခြားတယ်။
Line တွေက ထူးခြားတယ်။
အရောင်သုံးပုံတွေက ထူးခြားတယ်။
ပုံကို ကြည့်လိုက်တာနဲ့ Artist ရဲ့ လက်ရာမှန်း ချက်ချင်းသိနိုင်တယ်။
ဒီလိုအချိန်မှာ စိတ်ဝင်စားစရာ မေးခွန်းတစ်ခု ပေါ်လာပါတယ်။
"Drawing Style ဆိုတာ Skill သက်သက်လား?" ဒါမှမဟုတ် "Artist ရဲ့ Personality ကိုပါ ဖော်ပြနေတာလား?"
တချို့လူတွေက...
အသေးစိတ် အရမ်းဆွဲတတ်တယ်။
တချို့က...
ရိုးရိုးရှင်းရှင်းနဲ့ အဓိကအချက်ပဲ ဖော်ပြတတ်တယ်။
တချို့က...
အရောင်တောက်တောက်တွေ သုံးရတာ ကြိုက်တယ်။
တချို့က...
အမည်း၊ မီးခိုး၊ Earth Tone တွေကိုပဲ သုံးချင်တယ်။
ဒါတွေက အနုပညာရွေးချယ်မှု သက်သက်လား? ဒါမှမဟုတ် "လူတစ်ယောက်ရဲ့ အတွင်းစိတ်ကို တစ်စိတ်တစ်ပိုင်း ထင်ဟပ်နေတာလား?"
အဖြေက...
"ဟုတ်တယ်... ဒါပေမယ့် လူအများထင်သလို ရိုးရိုးလေးတော့ မဟုတ်ဘူး" ဆိုတာပါပဲ။
Drawing Style ဆိုတာ ဘာလဲ?
Artist တစ်ယောက်ရဲ့ Drawing Style ဆိုတာ...
သူဘယ်လို Line ဆွဲလဲ...
ဘယ်လို Shape တွေ သုံးလဲ...
ဘယ်လို Composition တွေ တည်ဆောက်လဲ...
ဘယ်လို Color Palette ကို ကြိုက်လဲ...
ဆိုတဲ့ ရွေးချယ်မှုအားလုံး ပေါင်းစပ်ထားတဲ့ Visual Fingerprint တစ်ခုပါ။
လူတိုင်း လက်ရေးမတူသလို...
Artist တိုင်း Drawing Style မတူပါဘူး။
စိတ်ဝင်စားစရာကောင်းတာက...
ဒီ Style တွေဟာ တမင်ဖန်တီးထားတာထက်...
တဖြည်းဖြည်း ဖြစ်ပေါ်လာတာ များပါတယ်။
ဘာကြောင့် Style တွေ မတူကြတာလဲ?
ဒီနေရာမှာ Personalityက ဝင်လာပါတယ်။
ကျွန်တော်တို့ လူတိုင်းက...
ကမ္ဘာကြီးကို မြင်တဲ့ပုံစံ မတူဘူး။
တချို့က Detail ကို သတိထားတယ်။
တချို့က Big Picture ကို သတိထားတယ်။
တချို့က Logic ကို အားကိုးတယ်။
တချို့က Emotion ကို ပိုဦးစားပေးတယ်။
ဒီအမြင်က Drawing ထဲမှာပါ ဝင်လာတတ်ပါတယ်။
ဥပမာ...
လူနှစ်ယောက်ကို တူညီတဲ့ ပန်းတစ်ပွင့် ဆွဲခိုင်းလိုက်ရင်...
တစ်ယောက်က အရွက်ရဲ့ အကြောလေးတွေထိ အသေးစိတ် ဆွဲမယ်။
နောက်တစ်ယောက်က ပန်းရဲ့ အလှတရားကို ဖမ်းပြီး အနည်းဆုံး Line တွေနဲ့ ဖော်ပြမယ်။
ဘယ်သူမှ မှားတာ မဟုတ်ဘူး။
သူတို့ ကမ္ဘာကို မြင်တဲ့ပုံစံ မတူတာပါ။
အသေးစိတ်ဆွဲတတ်တဲ့သူတွေက ပိုစနစ်ကျသလား?
စိတ်ပညာရှင်တွေ လေ့လာထားတာတွေမှာ...
အသေးစိတ်ကို အာရုံစိုက်တတ်တဲ့ လူတွေဟာ Planning လုပ်တာ၊ Observation ကောင်းတာ၊ စနစ်တကျ တွေးတတ်တာမျိုးနဲ့ ဆက်စပ်နေတာ တွေ့ရပါတယ်။
ဒါကြောင့် Hyper Realism Artist တွေ၊ Architectural Sketch Artist တွေထဲမှာ Detail-Oriented Personality တွေ တွေ့ရတတ်ပါတယ်။
ဒါပေမယ့်...
"Detail ဆွဲတတ်ရင် စနစ်ကျတယ်"
ဆိုတာ ၁၀၀% မမှန်ပါဘူး။
တချို့ Artist တွေက Detail ဆွဲရတာ ချစ်လို့ ဆွဲတာ ဖြစ်နိုင်ပါတယ်။
တချို့ကတော့ Challenge ကြိုက်လို့ ဆွဲတာ ဖြစ်နိုင်ပါတယ်။
ဒါကြောင့် Drawing တစ်ခုတည်းကို ကြည့်ပြီး Personality ကို အတိအကျ ဖတ်လို့ မရပါဘူး။
Sketchy Style တွေကရော?
တချို့ Artist တွေရဲ့ ပုံတွေကို ကြည့်လိုက်ရင်...
Line တွေ မညီဘူး။
တမင် Rough ဖြစ်နေတယ်။
အဆုံးသတ်မထားသလို ခံစားရတယ်။
ဒါပေမယ့် အသက်ဝင်နေတယ်။
လှုပ်ရှားနေတယ်။
ဒီလို Style တွေကို နှစ်သက်တဲ့သူတွေထဲမှာ Experiment လုပ်ရတာ ကြိုက်သူတွေ၊ လွတ်လပ်မှုကို တန်ဖိုးထားသူတွေ၊ Process ကို Enjoy လုပ်တတ်သူတွေ များတတ်ပါတယ်။
ဒါပေမယ့်...
သူတို့ဟာ ပေါ့ပေါ့ပါးပါး နေတဲ့သူတွေချည်းပဲလို့တော့ မဆိုနိုင်ပါဘူး။
Art Style နဲ့ Personality ကြားက ဆက်စပ်မှုဟာ Trend တစ်ခုသာ ရှိပြီး Formula တစ်ခု မဟုတ်ပါဘူး။
အရောင်ရွေးချယ်ပုံကရော?
ဒီအပိုင်းကတော့ ပိုစိတ်ဝင်စားဖို့ ကောင်းပါတယ်။
Artist တစ်ယောက်ဟာ...
နှစ်ပေါင်းများစွာ တူညီတဲ့ Color Palette တွေကို ပြန်ပြန်သုံးနေတတ်ပါတယ်။
တချို့က Earth Tone။
တချို့က Pastel Color။
တချို့က Neon Color။
တချို့က Black & White။
ဒါဟာ သူတို့ရဲ့ Personality နဲ့ ဆက်စပ်နေနိုင်ပါတယ်။
ဘာကြောင့်လဲ?
လူတွေဟာ သူတို့ စိတ်သက်သာရာရတဲ့ အရာတွေကို အလိုလို ပြန်ရွေးချယ်တတ်လို့ပါ။
အေးချမ်းမှု ကြိုက်တဲ့သူတစ်ယောက်က အပြာနုနုတွေ၊ အစိမ်းနုနုတွေကို ပိုသုံးတတ်သလို...
စွမ်းအင်ပြည့်ဝတဲ့သူတစ်ယောက်က အနီ၊ လိမ္မော်၊ အဝါလို Color တွေကို ပိုနှစ်သက်နိုင်ပါတယ်။
ဒါပေမယ့်...
အနီရောင် သုံးတယ်ဆိုတိုင်း ရဲရင့်တယ်လို့တော့ မဆိုနိုင်ပါဘူး။
Artist က Subject အတွက် ရွေးတာလည်း ဖြစ်နိုင်ပါတယ်။
Art ဟာ Mirror လား?
ဒီမေးခွန်းက တော်တော်လေး လှပါတယ်။
Artist တွေရဲ့ လက်ရာတွေဟာ သူတို့ရဲ့ Personality ကို မှန်တစ်ချပ်လို ပြန်ပြတတ်ပါတယ်။
ဒါပေမယ့်...
အဲဒီမှန်က ပုံမှန်မှန် မဟုတ်ဘူး။
အနုပညာဆိုတာ တိုက်ရိုက် Copy မဟုတ်ဘူး။
Interpretation ပါ။
Artist တစ်ယောက်ဟာ သူမြင်တဲ့ ကမ္ဘာကို မဆွဲဘူး။
သူ ခံစားတဲ့ ကမ္ဘာကို ဆွဲတယ်။
အဲဒီနေရာမှာ Personality က ဝင်လာပါတယ်။
စိတ်ဝင်စားစရာ လေ့လာမှုတစ်ခု
Art Therapy နယ်ပယ်မှာ...
လူတွေ ဆွဲတဲ့ ပုံတွေကို လေ့လာပြီး စိတ်ပိုင်းဆိုင်ရာ အခြေအနေတွေကို နားလည်ဖို့ ကြိုးစားကြပါတယ်။
ဒါပေမယ့်...
Professional တွေတောင် Drawing တစ်ပုံတည်းကို ကြည့်ပြီး
"ဒီလူက ဒီလို Personality"
လို့ မဆုံးဖြတ်ကြပါဘူး။
ဘာကြောင့်လဲ?
လူတစ်ယောက်ရဲ့ Personality ဆိုတာ Drawing တစ်ခုထက် အများကြီး ပိုရှုပ်ထွေးလို့ပါ။
Art က Clue ပေးနိုင်တယ်။
အဖြေတစ်ခုလုံးတော့ မပေးနိုင်ဘူး။
Artist တွေ ဘာကြောင့် Style ရှာနေကြတာလဲ?
Artist တော်တော်များများမှာ...
"ငါ့ Style မရှိသေးဘူး"
ဆိုတဲ့ စိတ်ဖိစီးမှု ရှိတတ်ပါတယ်။
ဒါပေမယ့် Style ဆိုတာ ရှာတွေ့ရတဲ့ အရာထက်...
တဖြည်းဖြည်း ပေါ်လာတဲ့ အရာ ဖြစ်ပါတယ်။
သင် ဘယ်လိုတွေးလဲ...
ဘယ်လို ခံစားလဲ...
ဘယ်လို Artist တွေကို သဘောကျလဲ...
ဘယ်လို ဘဝအတွေ့အကြုံတွေ ရှိလဲ...
ဒီအရာအားလုံး ပေါင်းပြီး Style ဖြစ်လာတာပါ။
တစ်နည်းအားဖြင့်...
Style ဆိုတာ Drawing Skill ရဲ့ ရလဒ် မဟုတ်ဘူး။
ဘဝရဲ့ ရလဒ် ဖြစ်ပါတယ်။
နောက်ဆုံး ပြောချင်တာက...
Drawing Style ဟာ Personality ကို တစ်စိတ်တစ်ပိုင်း ထင်ဟပ်နိုင်ပါတယ်။
ဒါပေမယ့် Personality Test တစ်ခုလို အတိအကျ မဖတ်နိုင်ပါဘူး။
Artist တစ်ယောက်ရဲ့ လက်ရာကို ကြည့်လိုက်တဲ့အခါ...
သူ ဘယ်လိုလူလဲ ဆိုတာထက်...
သူ ကမ္ဘာကြီးကို ဘယ်လို မြင်နေလဲ ဆိုတာကို ပိုတွေ့ရတတ်ပါတယ်။
တချို့ Artist တွေက Detail တွေကို မြင်တယ်။
တချို့က Emotion တွေကို မြင်တယ်။
တချို့က အလင်းကို မြင်တယ်။
တချို့က အရောင်ကို မြင်တယ်။
ပြီးတော့...
သူတို့ မြင်တဲ့ ကမ္ဘာကို Line တွေ၊ Shape တွေ၊ Color တွေအဖြစ် ပြန်ပြောပြကြတယ်။
ဒါကြောင့် နောက်တစ်ခါ Drawing တစ်ခုကို မြင်တဲ့အခါ...
"ဒီ Artist က ဘယ်လောက်တော်လဲ?"
ဆိုတာထက်...
"ဒီ Artist က ကမ္ဘာကြီးကို ဘယ်လိုမြင်နေလဲ?"
ဆိုတာကို စဉ်းစားကြည့်ပါ။
တစ်ခါတလေ...
ပုံတစ်ပုံဟာ Artist ရဲ့ မျက်နှာထက်...
သူ့ရဲ့ အတွင်းစိတ်ကို ပိုပြီး မြင်စေတတ်လို့ပါ။
🎨 စာဖတ်သူတို့ရော... Drawing တစ်ခုကို ကြည့်တဲ့အခါ Artist ရဲ့ Skill ကို အရင်သတိထားမိလား? ဒါမှမဟုတ် သူဖော်ပြချင်တဲ့ Emotion ကို အရင်ခံစားမိလား? Comment မှာ ပြောခဲ့ရင်း ဆွေနွေးပေးခဲ့ပါဦး။


အမျိုးသားယဉ်ကျေးမှုနှင့် အနုပညာတက္ကသိုလ် (ရန်ကုန်) မှာ (၂၀၂၆ - ၂၀၂၇) ပညာသင်နှစ် အတွက် ပထမနှစ် တက္ကသိုလ်ဝင်ခွင့် လျှောက်လ...
30/07/2026

အမျိုးသားယဉ်ကျေးမှုနှင့် အနုပညာတက္ကသိုလ် (ရန်ကုန်) မှာ (၂၀၂၆ - ၂၀၂၇) ပညာသင်နှစ် အတွက် ပထမနှစ် တက္ကသိုလ်ဝင်ခွင့် လျှောက်လွှာများ စတင်ခေါ်ယူနေပြီဖြစ်ကြောင်း သတင်းကောင်းပါးပါရစေဗျာ

ကိုယ့်ရဲ့ အနုပညာလက်ရာတိုင်းကို ပိုမို ထင်ရှားပေါ်လွင်စေမယ့် Kuretake ZIG Gold Mica Ink (60ml)တစ်ပုံလုံးကို အရောင်အများကြ...
29/07/2026

ကိုယ့်ရဲ့ အနုပညာလက်ရာတိုင်းကို ပိုမို ထင်ရှားပေါ်လွင်စေမယ့် Kuretake ZIG Gold Mica Ink (60ml)
တစ်ပုံလုံးကို အရောင်အများကြီး ထပ်ဖြည့်စရာ မလိုပါဘူး။ ပန်းပွင့်ဖတ် အစွန်းလေးတစ်နေရာ၊ စာလုံးလေးတွေရဲ့ အကွေးအကောက်၊ ဒါမှမဟုတ် လိုင်းကောက်ကြောင်း လေးတွေအပေါ်မှာ "ရွှေရောင် အလင်းတန်း သေးသေးလေး" တစ်ချက် ထည့်လိုက်ရုံနဲ့ လက်ရာတစ်ခုလုံးရဲ့ အသက်ဝင်မှုနဲ့ တန်ဖိုးက သိသိသာသာ ကွာခြားသွားစေပါတယ်။
ဒါပေမယ့် သာမန် ရွှေရောင်မှင် အများစုက အောက်ခံ စက္ကူသားနဲ့ ရောသွားတတ်လို့ ကိုယ်လိုချင်တဲ့ တောက်ပြောင်မှု ရဖို့ အထပ်ထပ် ထပ်ဆွဲရတတ်ပါတယ်။
ဂျပန်နိုင်ငံထုတ် Kuretake ZIG Gold Mica Ink (60ml) ကတော့ Mica Powderလေးတွေကို အခြေခံပြီး အထူးဖော်စပ်ထားတဲ့ Opaque Metallic Ink ဖြစ်တာကြောင့် အဖြူရောင်စက္ကူပေါ်မှာတင် မကဘဲ -
🖤 Black Paper၊ Dark Blue၊ Maroon၊ Kraft Paper နဲ့ အရောင်ရင့်တဲ့ Cardstock တွေပေါ်မှာပါ ဖျော့တော့သွားခြင်း လုံးဝ မရှိဘဲ ထင်းလင်းပြတ်သားတဲ့ ရွှေရောင်ကို ဖန်တီးပေးနိုင်ပါတယ်။
✨ အလင်းရောင် ထိခတ်လိုက်တဲ့အခါ မိုက်ကာ အမှုန်လေးတွေက တဖိတ်ဖိတ် လင်းလက်နေပြီး၊ အလင်းမထိတဲ့ အချိန်မှာတောင် တည်ငြိမ် နူးညံ့တဲ့ Premium Gold Finish လေးအဖြစ် ကျန်ရစ်နေတာက ဒီမှင်ဘူးရဲ့ အကြီးမားဆုံး ဆွဲဆောင်မှုပါပဲ။
ဖိတ်စာ အလှစာလုံးတွေ၊ ပန်းချီကားရဲ့ Gold Highlightတွေနဲ့ အနုစိတ် Pattern လေးတွေဆွဲရာမှာ အရောင်မပြည့်တာ၊ ညစ်သွားတာမျိုးလုံးဝမရှိတဲ့-
Kuretake ZIG Gold Mica Ink (60ml)
Made in Japan 🇯🇵ကို
၅၅,၀၀၀ကျပ်ဖြင့်
Kar Kar Gyi Art & Drawing Material Supplyမှာ Instockဝယ်ယူနိုင်မည်ဖြစ်ပြီး၊ အရည်အတွက်နည်းလို့ လိုအပ်ရင်တော့ အမြန်ဆုံးလက်ဦးထားမှအဆင်‌‌‌‌‌‌‌‌ေပြပါလိမ့်မယ်ဗျ။
(အချိန်နှင့်အမျှ ဈေးနှုန်း အနည်းငယ် အပြောင်းအလဲ ရှိနိုင်ပါသည်)
💡 Artist Tip: Mica အမှုန်လေးတွေ အောက်ခြေမှာ ထိုင်နေတတ်လို့ အသုံးမပြုခင် ဘူးကို သေချာနှံ့စပ်အောင် လှုပ်ပေး/မွှေပေးပြီး Brush (စုတ်တံ) ဒါမှမဟုတ် Dip Pen (ကလောင်တံ) နဲ့ လွတ်လွတ်လပ်လပ် ဖန်တီးနိုင်ပါတယ်။ (ဖောင်တိန်တွင်း ထည့်သုံးရန် မသင့်တော်ပါ)


Stress များနေတဲ့အချိန်… အရောင်တစ်ရောင်ကို လိုက်ဖမ်းကြည့်ပါ 🎨တစ်ခါတလေ Stress များနေတဲ့အချိန်မှာ“အနားယူလိုက်ပါ” လို့ ပြောတ...
28/07/2026

Stress များနေတဲ့အချိန်… အရောင်တစ်ရောင်ကို လိုက်ဖမ်းကြည့်ပါ 🎨
တစ်ခါတလေ Stress များနေတဲ့အချိန်မှာ
“အနားယူလိုက်ပါ” လို့ ပြောတာက လွယ်ပါတယ်။

ဒါပေမယ့် တကယ်အနားယူဖို့ကျတော့ မလွယ်ဘူး။

ကိုယ်က ထိုင်နေပေမယ့် စိတ်က မထိုင်ဘူး။
ဖုန်းပိတ်ထားပေမယ့် အတွေးတွေက မပိတ်ဘူး။

မနက်ဖြန်လုပ်ရမယ့်အလုပ်တွေ…
ပြီးမသွားသေးတဲ့ပြဿနာတွေ…
ပြန်တွေးမိနေတဲ့ စကားတွေ…
မဖြစ်သေးတဲ့အရာတွေအတွက် ကြိုစိုးရိမ်နေတာတွေ…

ဦးနှောက်ထဲမှာ တစ်ခုနဲ့တစ်ခု တိုးဝှေ့နေတတ်ပါတယ်။

အဲ့ဒီလိုနေ့တွေမှာ “ဘာမှမတွေးနဲ့” လို့ ကိုယ့်ကိုယ်ကို အမိန့်ပေးတာထက် ပိုလွယ်တဲ့နည်းတစ်ခု ရှိပါတယ်။

စိတ်ကို အလွတ်ထားဖို့ မကြိုးစားဘဲ၊
အာရုံစိုက်စရာ သေးသေးလေးတစ်ခု ပေးလိုက်တာပါ။

ဒီနေ့အတွက် အဲ့ဒီအရာက—

အရောင်တစ်ရောင်။


Reference Photo တစ်ပုံ ယူလိုက်ပါ။

အရမ်းလှတဲ့ပုံ ဖြစ်စရာမလိုပါဘူး။

ကော်ဖီခွက်တစ်လုံး ဖြစ်နိုင်တယ်။
သစ်ရွက်တစ်ရွက် ဖြစ်နိုင်တယ်။
နံရံပေါ်က မှိန်မှိန်အပြာရောင် ဖြစ်နိုင်တယ်။
ညနေခင်းကောင်းကင်ထဲက မသဲကွဲတဲ့ မီးခိုးခရမ်းရောင် ဖြစ်နိုင်တယ်။

အဲ့ဒီပုံထဲက ကိုယ်စိတ်ဝင်စားတဲ့ အရောင်တစ်ရောင်ကို ရွေးလိုက်ပါ။

ပြီးရင်…

“ဒီအရောင်ကို ငါ့လက်ထဲက ဆေးတွေနဲ့ ဘယ်လိုရအောင် စပ်မလဲ?”

လို့ စပြီးမေးကြည့်ပါ။


အပြင်ကကြည့်ရင်တော့
“အရောင်စပ်နေတာပဲ” လို့ ထင်ကောင်းထင်နိုင်ပါတယ်။

ဒါပေမယ့် တကယ်စပ်ကြည့်ဖူးသူတွေ သိကြပါတယ်။

Reference ထဲက အရောင်တစ်ရောင်ကို တိတိကျကျရအောင် လိုက်ဖမ်းရတာ လွယ်တဲ့အလုပ် မဟုတ်ပါဘူး။

“ဒီအရောင်က အစိမ်းဆိုပေမယ့် ဘယ်လိုအစိမ်းလဲ?”

အဝါပိုများတဲ့ အစိမ်းလား?
အပြာဘက်ကို စောင်းနေတဲ့ အစိမ်းလား?
အဖြူဝင်လို့ နူးညံ့နေတာလား?
အနီနည်းနည်းပါလို့ muted ဖြစ်နေတာလား?

အရောင်တစ်ရောင်ကို အရင်လို “အစိမ်း” ဆိုတဲ့ စကားတစ်လုံးနဲ့ပဲ မမြင်တော့ဘူး။

စပြီး ခွဲကြည့်ရတယ်။
နှိုင်းယှဉ်ရတယ်။
စမ်းရတယ်။
မှားရတယ်။
ပြန်ပြင်ရတယ်။


Palette ပေါ်မှာ အဝါနည်းနည်း ထည့်လိုက်တယ်။

“မဟုတ်သေးဘူး… နည်းနည်းတောက်လွန်းတယ်”

အပြာတစ်စက် ထပ်ထည့်လိုက်တယ်။

“အခုတော့ အေးသွားပြန်ပြီ”

အနီအနည်းငယ် ထပ်ထည့်ကြည့်တယ်။

“ဟုတ်ပြီ… နီးလာပြီ”

ဒီလိုနဲ့ တစ်ရောင်တည်းကို
နည်းနည်းချင်း ပြင်နေမိတယ်။

တစ်ခါတလေ ၅ မိနစ်။
တစ်ခါတလေ ၂၀ မိနစ်။
တစ်ခါတလေ နာရီဝက်တောင် ကုန်သွားတတ်ပါတယ်။

ပြီးမှ သတိထားမိတယ်။

ဒီနာရီဝက်အတွင်း အရင်ကစိတ်ရှုပ်နေခဲ့တဲ့ အရာတွေကို ခဏမတွေးမိခဲ့ဘူး။


အရောင်စပ်တဲ့အလုပ်ရဲ့ စိတ်ဝင်စားစရာကောင်းတဲ့အချက်က
ကိုယ့်စိတ်ကို “ဘာမှမတွေးနဲ့” လို့ မတားထားရတာပါ။

အဲ့အစား…

“ဒီအရောင်နီးသွားပြီလား?”
“အဝါများသွားလား?”
“White ထပ်ထည့်ရင် value လင်းသွားမလား?”
“ဒီဘက်က reference ထက် နွေးနေသလား?”

ဆိုတဲ့ မေးခွန်းသေးသေးလေးတွေက ကိုယ့်အာရုံကို လက်ရှိလုပ်နေတဲ့အရာပေါ် ပြန်ဆွဲထားပေးပါတယ်။

အဲ့ဒီအချိန်မှာ စိတ်က အတိတ်ထဲမရှိဘူး။
မနက်ဖြန်မဖြစ်သေးတဲ့ အရာထဲမှာလည်း မရှိဘူး။

Palette ပေါ်က အရောင်နဲ့
Reference ပေါ်က အရောင်ကြားမှာပဲ ရှိနေတယ်။


အရောင်လိုက်စပ်ရတာက Puzzle ဖြေသလိုပါပဲ။

အဖြေကို အစကတည်းက မသိဘူး။

ကိုယ့်မှာရှိတဲ့ Primary Colors တွေ၊ White၊ Black၊ Earth Tone တွေကို သုံးပြီး လမ်းရှာရတယ်။

တစ်ခါတလေ အရောင်က အရမ်းတောက်သွားတယ်။
တစ်ခါတလေ ညိုပုပ်သွားတယ်။
တစ်ခါတလေ Reference နဲ့ ပိုဝေးသွားတယ်။

ဒါပေမယ့် မှားသွားတာကလည်း ဒီ Process ရဲ့ အစိတ်အပိုင်းတစ်ခုပါပဲ။

ဘာဖြစ်လို့လဲဆိုတော့—

အရောင်တစ်ရောင် မှားသွားတိုင်း
ကိုယ့်မျက်စိက နောက်ထပ်တစ်ခု သင်ယူသွားတယ်။

“အနီက ဒီလောက်တောင် အစိမ်းကို ပြောင်းနိုင်တာလား”
“White ထည့်တာနဲ့ အရောင်က ဖျော့သွားရုံမဟုတ်ဘဲ mood ပါ ပြောင်းသွားတာလား”
“ဒီအရောင်က အဝါလို့ထင်ပေမယ့် တကယ်တော့ Brown နည်းနည်းဝင်နေတာလား”

ဒီလို အရောင်နဲ့ပတ်သက်တဲ့ သေးသေးလေးတွေကို စတင်မြင်လာတယ်။


ပြီးတော့ တစ်ချိန်ချိန်မှာ…

Palette ပေါ်က အရောင်နဲ့
Reference ထဲက အရောင်ဟာ တော်တော်လေး နီးသွားတဲ့ အခိုက်အတန့်တစ်ခု ရှိလာတတ်ပါတယ်။

အဲ့ဒီအချိန်မှာ—

“ဟုတ်ပြီ… ဒီအရောင်ပဲ”

ဆိုတဲ့ Feeling ရတယ်။

အရမ်းကြီးအောင်မြင်မှုမဟုတ်ပါဘူး။

ဆုမရဘူး။
ပန်းချီကားတစ်ချပ်တောင် မပြီးသေးဘူး။

ဒါပေမယ့် ကိုယ်တိုင် လိုက်ရှာပြီး
ကိုယ်တိုင်နီးစပ်အောင် ဖန်တီးလိုက်နိုင်တဲ့အတွက်
သေးသေးလေးဖြစ်ပေမယ့် တကယ်ကျေနပ်စရာကောင်းတယ်။

Stress များနေတဲ့နေ့တွေမှာ တခါတလေ လူတွေလိုအပ်တာကလည်း အဲ့ဒီလိုပါပဲ။

ကြီးမားတဲ့ အဖြေတွေ မဟုတ်ဘူး။

“ငါ ဒီတစ်ခုတော့ လုပ်နိုင်ခဲ့တယ်”
လို့ ခံစားရစေမယ့် Achievement သေးသေးလေးတစ်ခု။


ဒီ Activity ရဲ့ ကောင်းတဲ့အချက်က
ပန်းချီဆွဲတတ်ဖို့ လုံးဝမလိုတာပါ။

လူပုံ မဆွဲတတ်လည်း ရတယ်။
Perspective မသိလည်း ရတယ်။
Anatomy မသိလည်း ရတယ်။

Brush တစ်ချောင်း၊
Palette တစ်ခု၊
ဆေးအရောင်နည်းနည်းနဲ့
Reference Color တစ်ရောင်ပဲ လိုပါတယ်။

ပုံတစ်ပုံ ဖန်တီးဖို့တောင် မလိုပါဘူး။

စာရွက်ပေါ်မှာ Swatch လေးတစ်ကွက် ချလိုက်ပါ။

Reference နဲ့ မတူသေးရင် နောက်တစ်ကွက်။
နည်းနည်းနီးလာရင် နောက်တစ်ကွက်။
ထပ်ပြင်ပြီး နောက်တစ်ကွက်။

နောက်ဆုံးမှာ အရောင် ၅ ရောင်၊ ၁၀ ရောင်လောက် ဖြစ်သွားနိုင်ပါတယ်။

အပြင်ကကြည့်ရင် အရောင်ကွက်လေးတွေပါပဲ။

ဒါပေမယ့် ကိုယ့်အတွက်တော့
အဲ့ဒီအရောင်တစ်ကွက်ချင်းစီက
စမ်းခဲ့တာ၊ မှားခဲ့တာ၊ နီးလာခဲ့တာကို မှတ်တမ်းတင်ထားတဲ့ လမ်းကြောင်းလေးတစ်ခု ဖြစ်နေတတ်ပါတယ်။


တစ်ခုတော့ သတိထားစေချင်ပါတယ်။

အရောင်ကို “Perfect Match” ဖြစ်မှ အောင်မြင်တာ မဟုတ်ပါဘူး။

အဓိကက Reference နဲ့ 100% တူသွားဖို့ မဟုတ်ပါဘူး။

ကြည့်နေခြင်း။
နှိုင်းယှဉ်နေခြင်း။
စမ်းသပ်နေခြင်း။
ပြန်ပြင်နေခြင်း။

အဲ့ဒီ Process ထဲမှာ ကိုယ့်စိတ်က အချိန်နည်းနည်းအတွက် ငြိမ်သက်သွားတာက ပိုအရေးကြီးပါတယ်။


ဒါကြောင့် နောက်တစ်ခါ Stress များနေတဲ့နေ့မှာ…

ပန်းချီကားကြီးတစ်ချပ် ဆွဲဖို့ မကြိုးစားပါနဲ့။

Canvas အကြီးကြီး မလိုပါဘူး။
Idea ကောင်းကောင်းလည်း မလိုပါဘူး။

Reference Photo တစ်ပုံ ယူလိုက်ပါ။

ကိုယ်စိတ်ဝင်စားတဲ့ အရောင်တစ်ရောင်ကို ရွေးလိုက်ပါ။

ပြီးရင်—

“ဒီအရောင်ထဲမှာ ဘာတွေပါနေလဲ?”

ဆိုပြီး ဖြည်းဖြည်းချင်း လိုက်ရှာကြည့်ပါ။

အဝါနည်းနည်း…
အပြာနည်းနည်း…
အနီတစ်စက်…
White နည်းနည်း…

ဒီလိုနဲ့ အရောင်တစ်ရောင်ကို လိုက်ဖမ်းနေရင်း…

ကိုယ်လိုက်ရှာနေတာက Reference ထဲက အရောင်တစ်ရောင်ပဲလို့ ထင်ရပေမယ့်—

တကယ်တမ်းမှာတော့
တစ်နေ့လုံး ဆူညံနေခဲ့တဲ့ ကိုယ့်စိတ်ကို
ခဏလောက် ပြန်တိတ်ဆိတ်နိုင်ဖို့ နေရာတစ်ခု ရှာပေးနေတာဖြစ်နိုင်ပါတယ်။ 🎨



Giorgione Individual Professional Round Brush 🖌️Brush တစ်စုံလုံး မလိုဘူး…ကိုယ်လိုတဲ့Sizeကိုပဲ တစ်ချောင်းချင်း ရွေးဝယ်ချင...
27/07/2026

Giorgione Individual Professional Round Brush 🖌️
Brush တစ်စုံလုံး မလိုဘူး…
ကိုယ်လိုတဲ့Sizeကိုပဲ တစ်ချောင်းချင်း ရွေးဝယ်ချင်တဲ့သူတွေအတွက်
Giorgione Individual Round Brush
0000, 000, 1, 2, 3, 4 ကနေ 24 အထိ Sizeအစုံ(18)မျိုးရနိုင်ပါတယ်။
မျဉ်းသေးသေး Detail ဆွဲမလား…
Outline သန့်သန့် ထုတ်မလား…
Color Fill-in လုပ်မလား…
Brush Size မှန်ရင် အလုပ်လုပ်ရတာ ပိုအဆင်ပြေပါတယ်။
ဒါကြောင့်
ကိုယ်တကယ်အသုံးလိုတဲ့ Sizeကိုပဲ ရွေးချယ်ဝယ်ယူနိုင်တဲ့
Giorgione Round Brush လေးတွေက Artist တွေအတွက် တကယ်အသုံးဝင်ပါတယ် 🖌️
Size အသေး — Fine Detail / Line Work
Size အလယ် — Everyday Painting / Illustration
Size အကြီး — Wash / Fill-in / Broader Stroke
Beginner ပဲဖြစ်ဖြစ်၊
Professional ပဲဖြစ်ဖြစ်၊
ကိုယ့် style နဲ့ ကိုယ့် subject အလိုက်
သင့်တော်တဲ့ Size ကို ရွေးသုံးနိုင်ပါတယ် 💛
🛒 ဈေးနှုန်းတွေကတော့ -
Giorgione Individual Point Brush 0000 - 2600MMK
Giorgione Individual Point Brush 000 - 2600MMK
Giorgione Individual Point Brush 1 - 2600MMK
Giorgione Individual Point Brush 2 - 2800MMK
Giorgione Individual Point Brush 3 - 3000MMK
Giorgione Individual Point Brush 4 - 3200MMK
Giorgione Individual Point Brush 5 - 3400MMK
Giorgione Individual Point Brush 6 - 3500MMK
Giorgione Individual Point Brush 7 - 3600MMK
Giorgione Individual Point Brush 8 - 3800MMK
Giorgione Individual Point Brush 9 - 4200MMK
Giorgione Individual Point Brush 10 - 4500MMK
Giorgione Individual Point Brush 12 - 5500MMK
Giorgione Individual Point Brush 14 - 6500MMK
Giorgione Individual Point Brush 16 - 7500MMK
Giorgione Individual Point Brush 18 - 8500MMK
Giorgione Individual Point Brush 20 - 9500MMK
Giorgione Individual Point Brush 24 - 11000MMK ပါဗျ။
အသေးစိတ်ပုံလေးတွေကို အော‌က်မှာဝင်ရောက်လေ့လာကြည့်ရှု့နိုင်ပါတယ်။ ထပ်ပြီး အသေးစိတ်နဲ့ သိချင်တာတွေရှိရင်လည်း Chat Box (သို့) အောက်ပါ ဖုန်းနံပါတ်များကို စုံစမ်းမေးမြန်းနိုင်ပါတယ်ဗျ။
(အချိန်နှင့်အမျှ ဈေးနှုန်းအပြောင်းအလဲ ရှိနိုင်ပါသည်)
📍 ဆက်သွယ်ရန်လိပ်စာ
Kar Kar Gyi Art & Drawing Material Supply
No.156, 31st Street (Middle Block), Pabedan Township, Yangon
📞 : 01 250220, 01 377657, 09 5170098
📧 : [email protected]



________________________________________
Disclaimer : No copyright infringement. Products of these photos are for resell purpose only. We do not own the trademark of the product. All rights and credits go to the rightful owner.

Address

156, 31st(Middle), Pabedan Township
Yangon
11141

Opening Hours

Monday 09:30 - 18:00
Tuesday 09:30 - 18:00
Wednesday 09:30 - 18:00
Thursday 09:30 - 18:00
Friday 09:30 - 18:00
Saturday 09:30 - 18:00

Telephone

+9595170098

Website

Alerts

Be the first to know and let us send you an email when Kar Kar Gyi Art And Drawing Material Supply posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kar Kar Gyi Art And Drawing Material Supply:

Shortcuts

Share

Category