23/11/2022
စီးပွားရေးလုပ်ငန်းရှင်ဆိုတာ
Decision Making ဆိုတဲ့ဆုံးဖြတ်ချက်တွေကိုသာ
အဓိက လုပ်ဆောင်ပေးရမှာ ဖြစ်ပါတယ်။
ဒါမှ ကိုယ်က ဘယ်နေရာကိုပဲ ရောက်နေပါစေ...
လုပ်ငန်းက ဆက်လက်လည်ပတ် နေမှာဖြစ်ပါတယ်။
နေ့စဉ် Day to Day Operation မှာ
ကိုယ်တိုင် အစအဆုံး ဝင်ပါနေရပြီ။
သို့မဟုတ် ကိုယ်မရှိလို့ မဖြစ်ဘူးဆိုရင်
တစ်ခုခုတော့ မှားနေပါပြီ။
ကိုယ်မပါဘဲ အောင်မြင်စွာ လည်ပတ်နိုင်တဲ့
စီးပွားရေးလုပ်ငန်းတစ်ခု ဖြစ်လာဖို့ဆိုတာ
Day to Day Operation မှာ ဝင်ပါနေသ၍
ဘယ်လိုမှ မဖြစ်လာနိုင်ဘူး။
ဒါဆို ဘယ်လိုလုပ်ရမလဲ?
Delegation ဆိုတဲ့
တာဝန်ခွဲဝေလွှဲပြောင်းခြင်း
လုပ်ငန်းစဉ်တွေကို လုပ်ဆောင်ရပါမယ်။
ဝန်ထမ်းတွေကို တနေ့တာလုပ်ရမယ့်
အလုပ်တွေကို တိတိကျကျရေးထားပြီး
ပေးရပါမယ်။ အဲ့ဒါကို Job Description (JD)
လို့ခေါ်ပါတယ်။
နေ့စဉ် ကိုယ်လုပ်နေရတဲ့အလုပ်ထဲကနေ
သင့်တော်တဲ့သူတွေကို Training ပေးပြီးတော့
လွှဲအပ်ရပါမယ်။ အစပိုင်းမှာ စိတ်တိုင်းမကျမှု
ရှိနိုင်ပါတယ်။ စိတ်တိုင်းမကျလို့ ကိုယ်တိုင်
ဝင်လုပ်နေသ၍ လုပ်ငန်းမှာ ကိုယ်က ဝင်ပါနေရအုံးမှာပါပဲ။
Delegation Process တွေကိုသာ
သေချာလုပ်နိုင်မယ်ဆိုရင် ကိုယ့်ဝန်ထမ်းတွေရဲ့
အရည်အချင်း၊ အရည်အသွေးတွေလည်း
တိုးတက်လာမှာ ဖြစ်သလို လုပ်ငန်းကလည်း
တိုးတက်အောင်မြင်လာမှာ ဖြစ်ပါတယ်။
ဝန်ထမ်းတိုင်းက ငွေမက်တယ်လို့ထင်ရင်
သင်မှားသွားပါလိမ့်မယ်။ တချို့ဝန်ထမ်းတွေက
လုပ်ပိုင်ခွင့်ကို မက်မောတာတွေ အများကြီးရှိပါတယ်။
ဒါကြောင့် သူတို့ကို သင်ပေးပါ။ ပြုစုပျိုးထောင်ပေးပါ။
သူတို့က သင့်ကိုယ်စား လုပ်ငန်းကို ဦးဆောင်ပေးသွားပါလိမ့်မယ်။
သူတို့လည်း လွတ်လပ်စွာ လုပ်ကိုင်ခွင့်
စီမံခန့်ခွဲခွင့် ရတဲ့အတွက် လုပ်ငန်းခွင်မှာ
ပျော်ရွှင်မှုတွေ ပိုမိုရရှိလာမှာ ဖြစ်ပါတယ်။
ကိုယ်ပိုင်လုပ်ငန်းတွေလုပ်ပြီးတော့
အချိန်မရှိဘူးဆိုတာက Delegation Process
ကိုသေချာ မလုပ်တတ်သေးတာ ဖြစ်နိုင်သလို
လုပ်ရကောင်းမှန်း မသိတာလည်း ဖြစ်နိုင်ပါတယ်။
Delegation ဆိုတဲ့ တာဝန်တွေ ခွဲဝေပေးဖို့
အချိန်မရှိတာ မဟုတ်ပါဘူး။
တာဝန်တွေ မခွဲဝေပေးတတ်သေးလို့
အချိန်မရှိနေတာ ဖြစ်ပါတယ်။
နားရှုပ်သွားပြီမလား? သိပ်နားမလည်ဘူးမလား?
ဒါဆို နောက်တစ်ခေါက်ပြန်ဖတ်ပြီး သေချာစဉ်းစားနော်။
ကိုယ်တိုင်ပါဝင်စရာမလိုတဲ့ စီးပွားရေးလုပ်ငန်းတွေ
ပိုင်ဆိုင်နိုင်ဖို့အတွက် နေ့စဉ် စာ (သို့မဟုတ်) Video
လေးတွေနဲ့ သေချာလုပ်ပေးသွားပါမယ်။
တစ်ခုခုတော့ ပြောခဲ့ပေးပေါ့။
အားလုံးကို ကျေးဇူးတင်ပါတယ်။🙏
သာယာသောနေ့လေးဖြစ်ပါစေ...😊
𝗣𝗵𝘆𝗼 𝗔𝗿𝗸𝗮𝗿
𝙀𝙙𝙪𝙘𝙖𝙩𝙤𝙧, 𝙀𝙣𝙩𝙧𝙚𝙥𝙧𝙚𝙣𝙚𝙪𝙧
𝘽𝙪𝙨𝙞𝙣𝙚𝙨𝙨 𝘾𝙤𝙣𝙨𝙪𝙡𝙩𝙖𝙣𝙩
