26/11/2025
အိမ်ထောင်ရေးဖောက်ပြန်မှု
ဘာကြောင့်ဖြစ်ရတာလဲ
ဘယ်လိုကျော်လွှားမလဲ
အချစ်ဆိုတာ စည်းကမ်းတစ်ခုတည်းနဲ့
မထိန်းနိုင်ဘူး...
လူတွေရဲ့ စိတ်က လှိုင်းထနေတဲ့ ပင်လယ်လို...
တစ်ခါတစ်လေ မိမိမထိန်းနိုင်တဲ့ လှိုင်းတွေက
သစ္စာကို ဆွဲယူသွားတတ်တယ်
၁။ ဘာကြောင့် ဖောက်ပြန်ကြတာလဲ
ချစ်တယ်ဆိုတဲ့စကား အေးစက်သွားတဲ့အခါ...
အိမ်ထောင်ဖက်အပေါ် စိတ်ဝင်စားမှု
လျော့နည်းလာပြီး ပြင်ပက အာရုံစိုက်မှုကို
ရေငတ်နေသူရေရှာသလို လိုက်ဖြည့်မိတတ်ပါတယ်။
အထီးကျန်မှုက လူကို အမှောင်ထဲဆွဲချတယ်
တစ်ယောက်နဲ့တစ်ယောက် စကားမပြောဖြစ်တာ၊ ခံစားချက်တွေကို မျှဝေမနိုင်တာက
ပြင်ပကလူနဲ့ အပူအအေး" ရှာမိစေတယ်။
ရုပ်ပိုင်းဆိုင်ရာ ဆန္ဒတွေရဲ့ လွှမ်းမိုးမှု
လိင်မှုကိစ္စမှာ မတူကွဲပြားမှု (သို့) စိတ်မပါတာက
တစ်ဖက်သားကို အပြင်မှာ
အစားထိုး ရှာဖွေစေနိုင်တယ်။
လူမှုကွန်ရက်တွေရဲ့ သက်ရောက်မှု
Facebook, Tinder, Telegram တို့မှာ
အလွယ်တကူချိတ်ဆက်နိုင်တဲ့ခေတ်က
ဖောက်ပြန်မှုကို မီးမွှေးပေးနေသလိုဖြစ်နေတယ်။
၂။ ဘယ်လိုရင်ဆိုင်မလဲ
ပြန်ပြီးချစ်ကြည့်ပါ
အရင်က ဘာကြောင့်ချစ်ခဲ့လဲဆိုတာကို
မှတ်မိအောင် ကြိုးစားပါ။
အတူရှိနေတဲ့အချိန်တွေကို
အသစ်တစ်ဖန် ဖန်တီးကြည့်ပါ။
စကားပြောဖို့ မကြောက်ပါနဲ့
ငါတို့ဘာဖြစ်နေတာလဲ ဆိုတဲ့မေးခွန်းကို ရင်ဖွင့်ပါ။
တစ်ယောက်ရဲ့ဝမ်းနည်းမှုကို
တစ်ယောက်ကနားလည်ဖို့ လိုတယ်။
အကူအညီတောင်းခံပါ
အိမ်ထောင်ရေးအကြံပေးဆရာတွေ၊
စိတ်ကျန်းမာရေးပညာရှင်တွေနဲ့ တိုင်ပင်ပါ။
ဒါက "အားနည်းခြင်းမဟုတ်၊
ရဲရင့်ခြင်း" ရဲ့လက္ခဏာပါ။
ကိုယ့်ကိုယ်ကို ထိန်းနိုင်ဖို့ သင်ယူပါ
ပြင်ပက ဆွဲဆောင်မှုတွေကို မီးနဲ့မကစားနဲ့
ဆိုတဲ့သဘောနဲ့ ရှောင်ပါ။
အခွင့်အလမ်းရှိရင် လုပ်မယ်ဆိုတဲ့စိတ်ကို
ချုပ်တည်းပါ။
၃။ သိထားရမယ့်အရာ
ဖောက်ပြန်မှုက ပြဿနာရဲ့ လက္ခဏာ ပါ၊ အကြောင်းရင်းမဟုတ်ဘူး
အတူတူအမြစ်တူးပြီး ဖြေရှင်းမှသာ
အနာကျက်မယ်။
တစ်ခါတလေ ခွင့်လွှတ်ဖို့က
အကောင်းဆုံးဖြေရှင်းနည်းဖြစ်တတ်သလို
တစ်ခါတလေ လမ်းခွဲဖို့ကလည်း
ရွေးချယ်စရာတစ်ခုပါ
အိမ်ထောင်ရေးဆိုတာ
နှစ်ယောက်တည်းရဲ့ ခရီးပါ
အဆင်မပြေတဲ့အခါ တစ်ယောက်ကို
တစ်ယောက် ပြန်လည်ဆွဲတင်ဖို့ လိုပါတယ် 💔
#ရေးသူ - ခိုင်ခိုင်
Crd
