07/11/2020
အမျိုးသားတွေ သုက်လွှတ်စောခြင်းကို ဘာကြောင့်ခံစားရတာလဲ
ဘယ်လိုအကြောင်းကြောင့်ပဲဖြစ်ပါစေ၊ အချိန်မတန်ခင် သုက်လွှတ်ခြင်းဟာ စိတ်ရှုပ်စရာကောင်းပါတယ်။ စိတ်လှုပ်ရှားနေခြင်းဟာ ဒီပြဿနာရဲ့ အဓိကအကြောင်းရင်း ဖြစ်တတ်ပါတယ်။
အချိန်မတန်ခင် သုက်လွှတ်ခြင်းဟာ အမျိုးသားတွေမှာ လိင်ဆက်ဆံမှုရဲ့အစမှာ လိင်ပိုင်းဆိုင်ရာ လှုံ့ဆော်မှု အနည်းငယ် ရရှိရုံနဲ့ သုက်လွှတ်ခြင်းကို ဆိုလိုပါတယ်။ အချိန်မတန်ခင် သုက်လွှတ်ခြင်းဟာ လိင်ပိုင်းဆိုင်ရာ မစွမ်းဆောင်နိုင်ခြင်း တစ်မျိုးဖြစ်ပါတယ်။ ဆရာဝန်တွေက အမျိုးသားတွေရဲ့ ၂၀-၃၀% လောက်ဟာ အချိန်မတန်ခင် သုက်လွှတ်ခြင်းကို တစ်ချိန်မဟုတ် တစ်ချိန်မှာတော့ ကြုံတွေ့ရတတ်တယ်လို့ ဆိုပါတယ်။
အချိန်မတန်ခင် သုက်လွှတ်ခြင်းရှိတဲ့ အမျိုးသားတွေဟာ ခံစားမှုပိုင်းဆိုင်ရာ ပြဿနာများစွာကို ရင်ဆိုင်နေရပါတယ်။ စိတ်ဖိစီးခြင်း၊ ကိုးရိုးကားရားဖြစ်ခြင်း၊ စိတ်မထိန်းချုပ်နိုင်ခြင်းတွေကို ခံစားရနိုင်ပါတယ်။
အချိန်မတန်ခင် သုက်လွှတ်ခြင်း အကြောင်းရင်းများ
ခန္ဓာကိုယ်ပိုင်းဆိုင်ရာနဲ့ စိတ်ပိုင်းဆိုင်ရာ အကြောင်းရင်းများစွာ ရှိပါတယ်။ စိတ်ပိုင်းဆိုင်ရာ အကြောင်းရင်းတွေကတော့
စိတ်လှုပ်ရှားမှု၊ စိတ်ပူပန်မှုနဲ့ ပတ်သက်နေတဲ့ လိင်ဆက်ဆံမှုတွေမှာ အဖြစ်များပြီး လူမြင်မှာ စိုးတာကြောင့် အမြန်ပြီးဖို့ လိုအပ်တဲ့ အခြေအနေမျိုးမှာဖြစ်တတ်ပါတယ်။ ဒီအမျိုးသားတွေဟာ ခံစားမှုလွန်ကဲပြီး ဖြည်းညင်းစွာ မလုပ်ဆောင်နိုင်ပဲ လိင်ပိုင်းဆိုင်ရာသာယာမှုရရှိရန် ခဲယဉ်းပါတယ်။
လိင်ပိုင်းဆိုင်ရာ ဆောင်ရွက်မှု (သို့) အခြားဘဝ ပြဿနာတွေအတွက် စိတ်လှုပ်ရှားခြင်း။ ဒါဟာ လှုံ့ဆော်မှုပိုဖြစ်စေပြီး အချိန်မတန်ခင် သုက်လွှတ်ခြင်းကို ဖြစ်စေနိုင်ပါတယ်။
လိင်ပိုင်းဆိုင်ရာ မစွမ်းဆောင်နိုင်မှာကို စိုးရိမ်ခြင်း။ အမျိုးသားတွေဟာ လိင်တံထောင်မတ်မှုကို ကြာရှည်ထိန်းထားခြင်းဟာ သုက်ပိုးအမြန်ထွက်စေမယ်ဆိုတာကို စိုးရိမ်လွန်ပြီး ဒါကိုအကျင့်ပါသွားကြတာဖြစ်နိုင်ပါတယ်။
ကိုယ်ခန္ဓာပိုင်းဆိုင်ရာ နဲ့ အခြားအကြောင်းရင်းတွေကတော့
ပုံမှန်မဟုတ်တဲ့ ဟော်မုန်းပမာဏ
အာရုံကြောစနစ်ကို ထိခိုက်ဒဏ်ရာရရှိမှု (သို့) ခွဲစိတ်ခြင်းတွေကြောင့် ထိခိုက်မိခြင်း
ဆေးသုံးစွဲခြင်း
Serotonin ပမာဏ နည်းခြင်း
သုက်လွှတ်စနစ်ကို ထိခိုက်နိုင်တဲ့ အခြေအနေများ
Thyroid ပြဿနာများ
လိင်အင်္ဂါရောင်ရမ်းခြင်း (သို့) ရောဂါပိုးဝင်ခြင်း (အထူးသဖြင့် ဆီးကျိတ်၊ ဆီးပြွန်)
ဆီးချို (သို့) နှလုံးသွေးကြော ရောဂါများ
အချိန်မတန်ခင် သုက်လွှတ်ခြင်း – ကုသမှုနဲ့ ကိုင်တွယ်ဖြေရှင်းခြင်း
စိတ်ပိုင်းဆိုင်ရာ ပြဿနာတွေကြောင့် အချိန်မတန်ခင် သုက်လွှတ်ခြင်းဖြစ်သူတွေဟာ အပြုအမူပိုင်းဆိုင်ရာ ကုသမှု ယူသင့်ပါတယ်။ လိင်ဆက်ဆံမှု မပြုခင် တစ်နာရီ (သို့) နှစ်နာရီလောက်ကြိုပြီး လိင်စိတ်ဖြေဖျောက်ခြင်းဟာ သုက်ပိုးလွှတ်ခြင်းကို အချိန်ရွှေ့နိုင်ပြီး သင့်လိင်ဆက်ဆံဖက်ကို လိင်မဆက်ဆံခင် လိင်စိတ် နှိုးဆွထားခြင်းဟာ တစ်ပြိုင်တည်းမှာ လိင်စိတ်အထွပ်အထိပ် ရောက်မှုကို ဖြစ်ပွားနိုင်ပါတယ်။
အမျိုးသားဟာ လိင်ဆက်ဆံမှုကို အနည်းငယ် ရှောင်ရှားနိုင်ပြီး အခြားလိင်ပိုင်းဆိုင်ရာ လှုပ်ရှားမှုတွေ ပြုလုပ်ကာ သူ့စွမ်းဆောင်နိုင်စွမ်းကို ထိခိုက်စေတဲ့ စိတ်ဖိစီးမှုနဲ့ တုန်လှုပ်မှုတို့ကို ကျော်လွှားနိုင်ဖို့ အခွင့်အရေး ပေးနိုင်ပါတယ်။
အချိန်မတန်ခင် သုက်လွှတ်ခြင်းကို ကုသဖို့ နည်းလမ်းတွေကတော့
ရပ်လိုက်၊စလိုက် နည်းလမ်း – အမျိုးသားတွေဟာ လိင်စိတ် အထွတ်အထိပ်ရောက်တော့မယ်လို့ ခံစားရရင် လှုံ့ဆော်မှုကို လျှော့ချသင့်ပါတယ်။ ဒါဟာ လိင်တံကိုသာ ထောင်မတ်လာစေမှာ ဖြစ်ပါတယ်။ ဒီအခြေအနေကို ကျော်လွန်သွားရင်တော့ လိင်ဆက်ဆံနိုင်ပြီ ဖြစ်ပါတယ်။
ညှစ်ခြင်း – အမျိုးသား လိင်စိတ်အထွတ်အထိပ်ရောက်ခါနီးရင် အမျိုးသမီးက လိင်တံကိုညှစ်နိုင်ပါတယ်။ သူမဟာ စက္ကန့်အတော်ကြာအောင် သုက်လွှတ်ချင်တဲ့ ဆန္ဒ မပျောက်မချင်း ညှစ်ထားသင့်ပါတယ်။ မိနစ်ဝက်လောက်ကြာရင်တော့ လိင်ဆက်ဆံမှုကို ဆက်လက်ပြုလုပ်နိုင်ပြီ ဖြစ်ပါတယ်။ ဒီအတိုင်း ပြန်လည်လုပ်ဆောင်ခြင်းဟာ အချိန်မတန်ခင် သုက်လွှတ်ခြင်းကနေ ကိုယ်ခန္ဓါကို လေ့ကျင့်ပေးပြီး ဖြစ်သွားပါလိမ့်မယ်
ကွန်ဒုံးအသုံးပြုခြင်း – ကွန်ဒုံးတွေဟာ အမျိုးသားရရှိနေတဲ့ လှုံ့ဆော်မှုတွေကို ဖြတ်တောက်နိုင်ပြီး အချိန်ပိုမို ကြာမြင့်စေပါတယ်။
ခံစားမှု လျော့ကျစေတဲ့ ချောဆီများ – သူတို့ဟာ လိင်တံအရေပြားကို ခဏတာထုံစေတဲ့ အစွမ်း ရှိပါတယ်။
ဆေး – စိတ်ကျဆေးတွေဟာ အမျိုးသားတွေ လိင်စိတ် အထွတ်အထိပ်ရောက်ခြင်းကို အချိန်ရွှေ့ခြင်းအတွက် ကူညီပေးနိုင်ပါတယ်။
နောက်ဆုံးအနေနဲ့ လိင်စိတ်အထွတ်အထိပ်ရောက်တော့မယ် ဆိုရင် ဘေ့စ်ဘောအကြောင်း စဉ်းစားလိုက်ပါဆိုတဲ့ဟာသ တောင်ရှိပါတယ်။ လိင်ကိစ္စနဲ့ မဆိုင်တဲ့ အရာတွေကို တွေးတောခြင်းဟာ လိင်တံထောင်မတ်မှုကို ကြာရှည်ခံစေပါတယ်။
creditDavid_Yang
