https://www.facebook.com/112321328353682/

Amigos Bookshop, Yangon (2026)

11/06/2026

ရန်ကုန်တစ်မြို့လုံးသည် မုန့်ဟင်းခါးဆိုင်သည်တွေ ဖြစ်နေကြသည်လော မပြောတတ်၊မုန့်ဟင်းခါးသည် သည်ရန်ကုန်မနက်ခင်း ပန်းချီကားထဲတွင် မပါမပြီးသည့် စုတ်ချက်တစ်ချက်ဖြစ်နေသည်။

မနက်ခင်း ရန်ကုန်လေသည် မုန့်ဟင်းခါးဟင်းရည်နံ့ဖြင့် မွှေးနေတတ်သည်။

▪️မြသန်းတင့်
(မနက်ခင်း ရန်ကုန်မြို့တွင်း စျေးများကို လျှောက်ကြည့်ခြင်း)

#မြသန်းတင့်

10/06/2026

အချစ်မှာ မျက်စိမရှိဘူးလို့သာ ပြောခဲ့၏။
မျက်စိ ရှိ မရှိတော့ မသိ၊
အချစ်မှာ မျက်မှန်ပါတာတော့ သေချာ၏။

▪️မင်းလူ
(ရေတမာ)

#မင်းလူ
#ရေတမာ

09/06/2026

ဝတ္ထုတစ်ပုဒ်ကြောင့် ထောင်နန်းစံခဲ့ရတဲ့
ဗန်းမော်တင်အောင်

ယနေ့ မြန်မာနိုင်ငံ ပြည်သူလူ ထုတို့၏ ဒီမိုကရေစီလူ့အခွင့်အရေး၊ပြည်တွင်းငြိမ်းချမ်းရေးများအား ဖျက်ဆီးပိတ်ပင်ခြင်းခံနေရသည်နှင့် အတူ၊ပြည်သူ့သားကောင်း၊သမီးကောင်းများ မြောက်မြားစွာသည် အာဏာပိုင်တို့၏ လုပ်ကြံမှုအား တရားရုံးတော်များနှင့် အကျဉ်း ထောင်များ၌ အမျိုးမျိုး စွပ်စွဲခံရလျက်၊အမျိုးမျိုးသော ရိုက်နှက်ညှဉ်းပန်းခြင်းကို အော်ဟစ်ညည်းတွားခံ နေရသောအချိန်၌ …
”ပြည်တော်သာရမည်”ဟူသော ကြွေးကြော်သံကို ကြားနေရ၏။

ယနေ့မြန်မာနိုင်ငံတော်၌ ဗမာ လူမျိုးကြီးဝါဒ၏ ဖိနှိပ်ချုပ်ချယ်မှု၊အာဏာရှင်ဆန်ဆန် ကျင့်ကြံမှုများကြောင့် လူနည်းစုများ ဖြစ်ကြသော ကရင်၊မွန်၊ရှမ်း၊ပအိုင်း၊ကချင်၊ချင်း၊ကယားနှင့် ရခိုင်အမျိုးသားတို့ သည် ၎င်းတို့ လွတ်မြောက်ရေးနှင့် ကိုယ်ပိုင်ဆုံးဖြတ်ပြဋ္ဌာန်းခွင့်အတွက် လူးလဲရုန်းကန်နေရသော အချိန်အခါ ၌ ‘ပြည်တော်သာရမည်’ ဟူသော
ကြွေးကြော်သံကို ကြားနေရ၏။

ယနေ့မြန်မာနိုင်ငံတော်၌ နိုင်ငံရေးပါတီအဖွဲ့အစည်းချင်း ညီတူ၊မျှတမှုသဘောမထားဘဲ ဆိုးရွားသော အာဏာရှင်စနစ်ကျင့်သုံးမှုကြောင့် ရှည်ကြာလှပြီဖြစ်သော ပြည်တွင်းစစ်မီးတောက်လောင်နေသော အချိန် အခါ၌ ‘ပြည်တော်သာရမည်’ ဟူ သော ကြွေးကြော်သံကို ကြားနေရ၏။

(နှစ်)�ကျန်သည်တို့ကား အထက်ဖော် ပြရာ ‘ပြည်တော်သာ’ စာလုံးခံထား သော ဆရာဗန်းမော်တင်အောင်၏ ‘ပြည်တော်သာ ခင်ခင်ဦး’ ဝတ္ထုအကြောင်းရေးဖြစ်ရာ အကြောင်းရင်းခံ များ။

ဆရာဗန်းမော်တင်အောင်၏ ပြည်တော်သာ ခင်ခင်ဦးကား …

ဖဆဆိုရှယ်တို့၏ ဖ.ဆ.ပ.လ အရင်းရှင်ပါလီမန်ခေတ်ကာလ၊နောက်ခံဝတ္တု။ပြည်တော်သာ ခင်ခင်ဦးသည် ဖ.ဆ.ပ.လ အစိုးရ၏ ယင်းတို့ အာဏာတည်မြဲရေးအတွက် ပြည်သူအားတိုက်ကျွေးသော ဆေးခါးကြီး ဖြစ်သော ပြည်တော်သာ စီမံကိန်းအား ဝေဖန်တိုက်ခိုက်ထားသည့် တစ်ချိန်သော တစ်ခါက ဝတ္တု။

ထိုစဉ်ကာလက၊မိမိတို့အာဏာ တည်မြဲရေးအတွက် ‘ပြည်တော်သာ ရမည်’ဟု အစိုးရသည် ‘မစားရဝခမန်း’ ကြွေးကြော်ခဲ့သော်လည်း၊ပြည်သူတို့၏ဘဝများကား ပြည်တော် မသာဘဲ၊ဖွတ်ကျောပြာစု၊ခရု ဆံကျွတ်ဘဝ။

တစ်ခေတ်တစ်ခါ၏ ပါလီမန် ခေတ်ဟောင်းကာလ၊ဖ.ဆ.ပ.လ အစိုးရလက်ထက်မှာ ဝတ္တုရေးသူ စာရေးဆရာသည် သူရေးသောဝတ္တု များကြောင့် ထောင်နန်းစံရပါသည် ဆိုလျှင် ထိုစာရေးဆရာသည် ဆရာ ဗန်းမော်တင်အောင်။

ဆရာဗန်းမော်တင်အောင်သည် သူရေးထုတ်သော ပြည်တော်သာ ခင်ခင်ဦး ဝတ္တုအပြင်၊ပြည်တွင်းစစ်၊သူပုန်ကြီး၊အမေဝတ္တုများကြောင့်လည်း ထောင်ကျခဲ့ရ၏။ဆရာဗန်းမော်တင်အောင်သည် ခေတ်စနစ်၏ မညီမျှ၊မမှန်ကန်၊ဖိနှိပ်မှုများကို ပြည်သူ့ဘက်မှ ရပ်ကာ၊နယ်ချဲ့စနစ် ဆန့်ကျင်ရေး၊အာဏာရှင်စနစ်ဆန့်ကျင်ရေး၊လူတန်းစားတိုက်ပွဲ၏ လူတန်း စား ပဋိပက္ခများမှာ အခြေခံလူတန်းစား ဆင်းရဲသားများ ဘဝလွတ်မြောက်ရေးဘက်မှ ရပ်တည်ရေးသားသော ပြည်သူ့တပ်ဦးမှ ကလောင်ရှင် စာရေးဆရာ။

မည်သို့ပင်ဖြစ်ဖြစ်၊ပြောရလျှင် တစ်ချိန်သော တစ်ခါက ကျွန်တော်တို့၏ မြန်မာစာပေလောကသည် အနှစ်သာရအပြည့်အဝရှိသည့် ပြည်သူ့စာပေအခြေခံဂန္ထဝင်ဝတ္တုကောင်းများ ထွက်ရှိခဲ့သည်မှာ အမှန်ပင်။

သြော် သက်ရွယ် ၆ဝ တန်း ကျော်လာပြီဖြစ်သော ကျွန်တော်တို့သည်ကား ရှေ့သိပ်မကျန်တော့သည့် ဘဝအပိုင်းအခြားအား သိပ်မတွေးဖြစ်တော့ဘဲ အတိုင်းအတာတစ်ခုအထိ ရှည်လျားဖြတ်သန်းခဲ့သည့် အတိတ်ဟောင်းနှင့် ထိုအတိတ်ဟောင်း၏ စံတင်ခဲ့သော ဂန္ထဝင်စာ များအား သတိရ ‘ဖြစ်’သည်မှာ သက်လွန်တန်းပြုစဖြစ်သည့် လူကြီးတန်း အရွယ်တစ်ယောက်၏ ချင်ခြင်းတပ် အဟာရ။

သည်နေရာမှာ ကျွန်တော်သည် အလျဉ်းသင့်၍ မြန်မာနိုင်ငံ တောင်သူလယ်သမားများ ဖိနှိပ်ခံရ၍ ”ဖိ လျှင် ကြွ၊ထိလျှင်ချ” ဖြစ်ရသော ဆရာစံအရေးတော်ပုံနောက်ခံ၊ဆရာ ဗန်းမော်တင်အောင်၏ ‘ငသြ’ ဝတ္တု အားလည်း အနည်းငယ်တင်ပြလိုသည်။ဆရာရေးသားခဲ့သည်မှာ … “ငသြဆိုသောအမည်နှင့် ငသြဆိုသော လယ်သမားသူပုန်ကြီးတစ်ယောက်အကြောင်းကို ဝတ္တုတစ်ပုဒ်ရေးရန် ကျွန်တော်အား လှုံ့ဆော်တိုက်တွန်း ပြောကြားသူမှာ သာယာဝတီခရိုင်၊သုံးဆယ်နယ်သား ကျွန်တော်နှင့် အမည်တူ ကိုတင်အောင်ဆိုသူဖြစ်သည်။သို့သော် ငသြအကြောင်းကို ကား တော်တော်နှင့် ကျွန်တော်မရေး ဖြစ်နိုင်ခဲ့။ဗိုလ်ချုပ်နေဝင်း၏ ၁၉၅၈ ခုနှစ် ကြားဖြတ်အစိုးရလက်ထက်မှာ ကျွန်တော့်အား ဖမ်းဆီးထောင်ချခြင်း ပြုပြန်သောအခါ ထောင်ထဲမှာအချိန် များစွာရရှိလာခဲ့သဖြင့် ‘ငသြ’အမည် ရှိ ဝတ္တုအား ကျွန်တော်ရေးသားနိုင်ခြင်းဖြစ်တော့သည်။”ယင်းကား ‘ငသြ’ ဝတ္တုအဖွင့်မှာ ဆရာဗန်းမော် တင်အောင် ရေးသားခဲ့ခြင်း။ငသြ ဝတ္ထုမှာ ‘ရည်ညွှန်းချက်’လည်း ပါ၏။ ယင်းမှာ …
”လွတ်လပ်ရေးရတယ်သာဆိုပေမယ့် ကနေ့အထိတော့ တို့တစ်တွေဟာ မျောက်လောင်းက မျောက်လောင်းပါပဲကွာ …
ဟု ထိုရွာသို့ ရောက်တိုင်း ဆီး၍ ဆီး၍ ပြောလေ့ရှိသော ပဲခူးခရိုင်၊ထန်းတောကြီးကျေးရွာမှ အဘဖြိုးအောင် နှင့် သားချင်းများသို့ …။”

ယခုစာစု၏ စာစုအဖွင့်အစ၊ပြည်တော်သာခင်ခင်ဦးဘက် ကျွန်တော်တို့ တစ်လှည့်ကြည့်ဦးစို့။ပြောရလျှင် ပြည်တော်သာခင်ခင်ဦးဝတ္တု အား ဆရာဗန်းမော်တင်အောင် အဆုံးမသတ်နိုင်ခဲ့။
အဘယ့်ကြောင့်ဆိုသော် …
ပြည်တော်သာ ခင်ခင်ဦး ဇာတ်သိမ်းခန်းကို ရေးသားနေစဉ်မှာ ဆရာ ဗန်းမော်တင်အောင် ထောင်တွင်း အကျဉ်းကျ၍ သွားသောကြောင့် ပုလိပ်အရာရှိများ၊ဆရာဗန်းမော်တင် အောင်အား ဖမ်းဆီးစဉ်မှာ အတူကြုံဆုံခဲ့ရသော ထုတ်ဝေသူ၏ ပြောစကားဖြင့် ယခုစာစုအား ကျွန်တော် နိဂုံးပြုလို၏။

‘နိဂုံးအားဖြင့် ပုလိပ်အရာရှိများ ဖမ်းဆီးနေသည့်ကြားမှပင် ဆရာဗန်းမော်တင်အောင်သည် သူ့ ခင်ခင်ဦး ကိုသာ စိတ်စောနေသေးသည်။”ပြည်တော်သာ ခင်ခင်ဦး နည်း နည်းပဲ ကျန်တော့တယ် မဟုတ်လား …” ဟု မေးလာပြီး …
”ကိစ္စမရှိဘူး။ကျွန်တော် ညကျရင် ပြည်တော်သာခင်ခင်ဦးကို အပြီးသတ်ရေးမယ် …” ဟု ကြုံးဝါးကာ …
”မနက်စောစော ဇာတ်သိမ်း လက်ကျန် ကော်ပီလာယူလှည့်ဗျာ …” ဟု ထုတ်ဝေသူအားမှာ ကြားနေပြန်၏။ဖမ်းဆီးသော ပုလိပ် အရာရှိဘက်သို့ လှည့်၍လည်း …�”အချုပ်ခန်းထဲမှာ စာရေးလို့ ရတယ် မဟုတ်လား” ဟု မေးလိုက်သေး၏။”ရပါတယ် ..” ဟူသောအဖြေ ကို နှစ်သိမ့်စွာကြားနာပြီး သူအလွန် စုံမက်သော ပြည်တော်သာခင်ခင်ဦး၏ ရုပ်ပုံလွှာမျက်နှာဖုံးပုံလေးကို ယုယု ယယ လိပ်၍ လွယ်အိတ်ထဲထည့်လိုက်ပြီး ပုလိပ်အရာရှိများ ခေါ်ဆောင်ရာ အချုပ်ခန်းသို့ လိုက်ပါသွားလေ၏။

ဆရာဗန်းမော်တင်အောင်အား အချုပ်ခန်းထဲမှာ ပြည်တော်သာခင်ခင်ဦး ဇာတ်သိမ်းခန်း ရေးခွင့်ပေး မပေးတော့ မသိ။
�သိရသည်မှာကား ထိုနေ့မှစကာ ဆရာဗန်းမော်တင်အောင်အား မတွေ့ရတော့ခြင်းပင်။ ဆရာဗန်း မော်တင်အောင်သည် ၁၉၇၈ ခုနှစ်၊ အောက်တိုဘာလအတွင်းမှာ ကွယ် လွန်ခဲ့သည်ဖြစ်၍ …
ယခု ၂ဝ၁၈ ခုနှစ်၊အောက်တို ဘာလထဲမှာ ကွယ်လွန်ခြင်း နှစ် ၄ဝ ပြည့်မြောက်ခဲ့ပါပြီ။
နိုင်ငံနှင့် ပြည်သူတို့အတွက် ဦးထိပ်ပန်ဆင်ပြီး စာပေအနုပညာဖြင့် ခေတ်ဆိုးစနစ်ဆိုးတို့အား သံမဏိ ကလောင်အစွမ်းထက်ထက်နှင့် အမှန် တရား မြတ်နိုးသူအဖြစ် သေသည်အထိ ရပ်တည်ပြသွားခဲ့သည့် ဆရာကြီး ဗန်းမော်တင်အောင်၏ စာပေ ဂုဏ်ကျေးဇူးအား အောက်မေ့သိမြင်ကာ ဤဆောင်းပါးဖြင့် စာရေးသူ ကန်တော့ပန်းဆင်လိုက်ရပါတော့သည်။

▪️စည်သူမြသန်း
(2018 ခုနှစ် Popular Journal ပါ ဆောင်းပါးမှ)

ယနေ့ ဇွန်လ ၉ ရက်နေ့မှာတော့ ဆရာဗန်းမော်တင်အောင် (၁၀၆) နှစ် ပြည့်ခဲ့ပါပြီ။

❗️ဆရာဗန်းမော်တင်အောင်၏ မူရင်းဓာတ်ပုံပိုင်ရှင်အား လေးစားစွာဖြင့် credit ပေးပါသည်။

#ဗန်းမော်တင်အောင်

08/06/2026

စာအုပ်ဆိုင်ရောက်ရင် ဓာတ်ပုံရိုက်ဖို့ 📸🖤

07/06/2026

ကျနော်တို့ အိမ်နောက်ဖေးတွင် မြေကွက်လပ် တခု ရှိပါသည်။
“ဒီမြေကွက်လပ်လေးကို အလကား ပစ်ထားရတာ နှမြောပါတယ် ကွယ်။ ငါ့သားတွေက မြေပဲ ကြိုက်ကြတယ် မဟုတ်လား။ ဒီတော့ ဒီမြေကွက်လပ်လေးပေါ်မှာ နည်းနည်း စိုက်ရရင် မကောင်းဘူးလား” ဟု အမေက ပြောပါသည်။
ကျနော်တို့ ကလေးတသိုက် နှင့် အိမ်ဖော်မကလေးများမှာ ဝမ်းသာ နေကြပါသည်။
အချို့က မျိုးစေ့များကို ယူလာခဲ့ကြပါသည်။
အချို့က မြေကို တူးဆွ၍ ရေလောင်းကြပါသည်။
လအနည်းငယ် အတွင်းတွင် ကျနော်တို့ အသီးအပွင့် ရခဲ့ပါသည်။
“တို့များ ဒီညနေ ကောက်သိမ်းပွဲ အထိမ်းအမှတ် လုပ်ကြရအောင်၊ တို့စိုက်ထားတဲ့ မြေပဲ လတ်လတ် ဆတ်ဆတ် ကလေးတွေ မြည်းကြည့်ရအောင်၊ မင်းတို့ အဖေကိုလည်း ဖိတ်ရမယ်”
ကျနော်တို့ အားလုံး သဘောတူကြပါသည်။ အမေက မြေပဲပါသည့် စားသောက်ဖွယ် မျိုးစုံကို လုပ်ပါသည်။
အထိမ်းအမှတ်ပွဲကို ခြံထဲက သက်ငယ် တဲကလေးထဲတွင် လုပ်ဖို့လည်း ပြောပါသည်။
ထိုနေ့ညပိုင်းက ရာသီဥတုမှာ များစွာ မကောင်းလှပါ။
သို့ရာတွင် အဖေကိုယ်တိုင်ပင် ရောက်လာပါသည်။ အဖေသည် လာခဲလှပါသည်။
“မြေပဲကို ကြိုက်ကြသလား” ဟု အဖေက မေးပါသည်။
“ကြိုက်ပါတယ် အဖေ” ဟု ကျနော်တို့ အားလုံးက ဖြေကြပါသည်။
“ဒါဖြင့် မြေပဲက ဘာကောင်းသလဲကွာ”
“စားလို့ ကောင်းပါတယ် အဖေ” ဟု အစ်မကြီးက ပြောပါသည်။
“ဆီကြိတ်လို့လည်း ရတယ် အဖေ” ဟု အစ်ကိုကြီးက ပြောပါသည်။
“ဘယ်သူဖြစ်ဖြစ် လူတိုင်း ဝယ်နိုင်တယ်၊ လူတိုင်းလည်း ကြိုက်တယ်၊ ဒါကြောင့် မြေပဲက ကောင်းတယ်” ဟု ကျနော်က ပြောပါသည်။
အဖေက ပြောပါသည်။
“အမှန်ကတော့ မြေပဲကို အမျိုးမျိုး အသုံးချလို့ရတယ်။ ဒါပေမယ့် မြေပဲမှာ အဖိုးတန်ဆုံးကတော့ ဒီလိုကွ။ မြေပဲဟာ ပန်းသီး နဲ့လည်း မတူဘူး။ မက်မုံသီး နဲ့လည်း မတူဘူး။ သလဲသီး နဲ့လည်း မတူဘူး။ အဲဒီ သစ်သီးတွေက သစ်ကိုင်းတွေ ပေါ်မှာ ကြွားကြွားဝင့်ဝင့် လှလှပပ သစ်သီးတွေ၊ မြင်ရသူအဖို့ ကြည့်လို့လှတယ်၊ နှစ်သက်စရာ ကောင်းတယ်။ မြေပဲကတော့ မြေကြီးထဲမှာ မြုပ်နေပြီး အောင်လို့ လူတွေက ဖော်ကြည့်တော့မှ မြင်ရတာ။ မြေပဲပင် လှီလှီကလေး တပင် မြင်လိုက်ရင် မြေပဲ ဥတယ် မဥဘူး ဆိုတာကို သေသေချာချာ ပြောလို့ မရဘူး။ ဖော်ကြည့်လိုက်တော့မှ ဥတွေကို တွေ့ရတာ”
ကျနော်တို့ အားလုံး ထိုအချက်ကို သဘောတူကြပါသည်။
အမေကလည်း ခေါင်းညိတ်ပါသည်။
အဖေက ဆက်၍ ပြောပါသည်။
“ဒီတော့ မင်းတို့ အားလုံးလည်း မြေပဲနဲ့ တူအောင် ကြိုးစားကြရမယ်။ ဘာဖြစ်လို့လဲ ဆိုတော့ မြေပဲဟာ ကြွားကြွားရားရား၊ လှလှပပ မရှိပေမယ့် အသုံးကျလို့ပဲ”
“ဒါဖြင့် လူတွေဟာ နာမည်ကြီးဖို့၊ ကြီးကျယ်ဖို့ မကြိုးစားဘဲ အသုံးကျဖို့ ကြိုးစားသင့်တယ်လို့ အဖေ ပြောချင်တာလား” ဟု ကျနော်က မေးပါသည်။
“ဟုတ်တယ်၊ ငါ့သားသမီးတွေကို အဲဒီလို ဖြစ်စေချင်တယ်” ဟု အဖေက ပြောပါသည်။
ကျနော်တို့ လူစုသည် ညဉ့်နက်သည့် တိုင်အောင် စကား ပြောနေကြပြီးမှ လူစု ခွဲလိုက်ကြပါသည်။
ကျနော်တို့သည် ထိုနေ့ညနေက မြေပဲများ အားလုံးကို ကုန်အောင် စားပစ်ခဲ့ကြသော်လည်း အဖေ၏ စကားများသည် ကျနော့် နှလုံးသားထဲတွင် စွဲနေပါသည်။

(တရုတ် စာရေးဆရာ Xu Dishan ၏ The Peanut)

▪️မြသန်းတင့်
(မြေပဲ၊မြန်မာပြန်ရသစာတမ်းများ)

❗️The Irrawaddy Burmese မှ ကူးယူဖော်ပြပါသည်။

#မြသန်းတင့်
#မြေပဲ
#မြန်မာပြန်ရသစာတ

06/06/2026

မနေ့က ဆိုးဆွမ်းမိုက်မဲနေတဲ့ လူတစ်ယောက်ဟာ ဒီနေ့ အမြင်မှန်ရပြီး ကောင်းမွန်လိမ္မာသွားတာ။မနေ့က သူတော်ကောင်းယောင်ဆောင်နေတဲ့ လူတစ်ယောက်ဟာ ဒီနေ့ အရေခြုံကွာပြီး လူလိမ်လူကောက်တစ်ယောက် ဖြစ်သွားတာ။ဒါဟာ လောကရဲ့ သဘာဝပါပဲ။လူတွေဟာ သူတို့ တွေ့ကြုံဖြတ်သန်းရတဲ့ အတွေ့အကြုံတွေပေါ်မှာ မူတည်ပြီး အယူအဆနဲ့ အပြုအမူတွေ ပြောင်းလဲတတ်ပါတယ်။ဘယ်သူမှ အကြောင်းမဲ့ ပြောင်းလဲသွားတယ်ရယ်လို့ မရှိပါဘူး။

▪️နတ်နွယ်
(ဝင်းငြိမ်းနှင့်စာရေးဆရာများ)

❗️ဆရာနတ်နွယ်၏မူရင်းဓာတ်ပုံပိုင်ရှင်အား လေးစားစွာဖြင့် credit ပေးပါသည်။

#နတ်နွယ်
#ဝင်းငြိမ်းနှင့်စာရေးဆရာများ

05/06/2026

တကယ်တော့…
ဘယ်သူကမှ နောက်မကျသေးပါဘူး။
နေဝင်ချိန်ကကို စောလွန်းသွားတာပါ။

▪️တာရာမင်းဝေ
(ပန်းလက်ဖဝါးမှာပါးအပ်ပိုင်ခွင့်မရှိတဲ့ကောင်လေး)

#တာရာမင်းဝေ

04/06/2026

မိုးရာသီရောက်ပြီမို့ ❝ မိုး ❞ပါတဲ့ စာအုပ်တွေကို ညွှန်းပေးလိုက်ပါတယ်ရှင် ⛈️🫧🍃📚

▪️စာအုပ်အမည် ▪️စာရေးဆရာ

▪️မရှိမဖြစ်မိုး - ဂျူး
▪️မိုးညအိပ်မက်မြူ - တက္ကသိုလ်ဘုန်းနိုင်
▪️မိုးတွေရွာမှဖြင့်လျှင်ကွယ် - တက္ကသိုလ်ဘုန်းနိုင်
▪️နှင်းငွေတထောင့်မိုးတမှောင့် - တက္ကသိုလ်ဘုန်းနိုင်
▪️မိုးစက်ပွင့်သို့တမ်းခြင်း - ငြိမ်းကျော်
▪️မိုးမသောက်မှောင်မိုက်အရိပ်မပြေးမီ - ငြိမ်းကျော်
▪️မိုးမသောက်မှောင်မိုက်အရိပ်မပြေးမီ - မောင်ရဲခိုင်
▪️ငြိမ်းတယ်ချမ်းတယ်မိုး - မင်းကျော်
▪️အချစ်မိုးကောင်းကင် - မြသန်းတင့်
▪️မိုးအဆုံးမြေအဆုံး - မြသန်းတင့်
▪️မိုးတိမ်လွှာ - တင်မောင်မြင့်
▪️မမိုးစွေ - သခင်မြသန်း
▪️ပြိုမှာလေလားမိုးရဲ့ - အောင်ပြည့်
▪️ သုံးနှစ်သုံးမိုး - နတ်နွယ်
▪️မိုးအောက်မြေပြင် - မင်းအောင်
▪️ဤမိုးဤမြေ - ဒဂုန်သိန်းသိန်း
▪️တိမ်ယံအိပ်မက်မိုးထက်နရီ - ဆူးငှက်
▪️ဤအရပ်တွင်မိုးရွာခဲ့သည် - သိုးဆောင်း
▪️မိုးမိသောအိပ်မက်များ - သိုးဆောင်း
▪️စိုမှာစိုးလို့မိုးမိတယ် - မင်းခိုက်စိုးစန်
▪️မိုးရာသီပတ်ပျိုး - တာရာမင်းဝေ
▪️ရွှေမိုးသည်း - အကြည်တော်
▪️မိုးဖွဲထဲဟစ်ကြွေး - တော်ကောင်းမင်း
▪️မိုးမခမြိုင်မှသည် - မောင်သိန်းဆိုင်
▪️ပြိုမယောင်ဟိုတောင်ကမိုး - မောင်စိန်ဝင်း (ပုတီးကုန်း)
▪️နွေလယ်ညရဲ့ မိုးအိပ်မက် -မွန်ဟော်စီ
▪️ပင်လယ်ပြာပြာမိုးပြာပြာ-ယုဝတီခင်စိန်လှိုင်
▪️မိုးရွာသောညများနှင့်အခြားဝတ္ထုတိုများ - တက္ကသိုလ်မြစိမ်း
▪️ရက်ရက်စက်စက်မိုး - ပုညခင်

ရှာတွေ့ထားတဲ့စာအုပ်တွေကို ဖော်ပြပေးထားတာဖြစ်ပါတယ်ရှင်။
ဘယ်စာအုပ်တွေ ဖတ်ပြီးပြီလဲ။
နောက်ထပ်ရှိနေသေးရင် ထပ်မံဖြည့်စွက်ပေးခဲ့ပါဦးနော်။
ကျေးဇူးတင်ပါတယ်ရှင်❣️

#မိုးပါသောစာအုပ်များ
#မိုးရာသီ

03/06/2026

ဘုရားပန်း ပူပူလေး
ငါးရာဖိုး သုံးစည်း
ဆုက အကြီးကြီး
ကမ္ဘာကြီး နေကောင်းပါစေ မြတ်စွာဘုရား။

▪️သုခမိန်လှိုင်

#သုခမိန်လှိုင်

02/06/2026

ကျွန်မအတွက်ဖြင့် စာအုပ်တို့သည် အလွန်စွမ်းအင်ကြီး၏။ပြီးတော့ ပုံပြောင်းပေးနိုင်စွမ်းရှိ၏။စာအုပ်များသည် ကျွန်မကို ကယ်တင်နိုင်၏။ဆင်းရဲခြင်းမှသော်လည်းကောင်း၊စိတ်ဓာတ်ကျသည့်အခြေအနေမှ သော်လည်းကောင်း၊စိတ်ဖိအားများသည့် အခြေအနေမှသော်လည်းကောင်း၊သံသယတို့ဖြင့် နာကျင်သည့်အခြေအနေမှသော်လည်းကောင်း ကယ်တင်ပေးနိုင်ပါသည်။

ဘဝ၏တရားစီရင်ရေးများ၊ဘဝ၏တရားမျှတမှုများ၊ဘဝ၏နေပျော်မှုများအပေါ် လွှမ်းမိုးနိုင်သည့်အရာသည် စာပေသာ ဖြစ်သည်။

ရသစာပေကို ဖတ်ခြင်းအားဖြင့် အနည်းဆုံးတော့ လောကကြီးမှာ ဒီလိုကြုံရတာ
ငါတစ်ယောက်တည်း မဟုတ်ပါလားဟု တွေးတတ် သွားစေမည်။စိတ်ကို ထားတတ်သွားစေမည်။ထို့ပြင် စာဖတ်သူသည် သူတစ်ပါး၏ စိတ်ခံစားမှုကို မြင်တတ်မည်။တစ်ဖက်လူ၏ မျက်လုံးဖြင့် လောကကြီးကို မြင်ကြည့်တတ်မည်။ထိုအတွေ့အကြုံမှတစ်ဆင့်ကိုယ်ချင်းစာတရားလည်း ထွန်းကားလာနိုင်ပါသည်။ထိုစာတို့ကို ရေးသော စာရေးဆရာများသည်။ကျွန်မဘဝကို ပုံဖော်ပေးသူများ ဖြစ်ပါသည်။

▪️ဂျူး
(ကျွန်မဘဝခရီးမှ စာအုပ်များ)

❗️ဆရာမဂျူး၏ မူရင်းဓာတ်ပုံပိုင်ရှင်အား လေးစားစွာဖြင့် credit ပေးပါသည်။

#ဂျူး
#ကျွန်မဘဝခရီးမှစာအုပ်များ

Amigos Bookshop

11/06/2026

10/06/2026

09/06/2026

08/06/2026

07/06/2026

06/06/2026

05/06/2026

04/06/2026

03/06/2026

02/06/2026

Address

Telephone

Website

Alerts

Shortcuts

Share

Category