01/05/2023
ဖိဆောင် နတ်သမီး
ထိုင်းမှာ နာမည်ကြီးနေတဲ့
ဆုတောင်းပြည့်နတ်သမီး(ဖိဆောင်) ရဲ့ အကြောင်း
ဖိဆောင်ရဲ့ မွနျမာလိုအဓိပ်ပါယျကတော့အဈမပါ။
ကဖေးဆိုင်ဖွင့်ဖို့ လုပ်ထားတဲ့ မြေကွက်ထဲမှာ
ညောင်ပင်တစ်ပင်ရှိပါတယ်။ ဆိုင်ဆောက်လုပ်တော့ ညောင်ပင်ကို ခုတ်ဖို့ အလုပ်သမားတွေကို မှာထားပါတယ်။ ဆိုင်ဆောက်လုပ်တာ ပြီးတော့မယ့် အချိန်အထိ ညောင်ပင်က မခုတ်ရသေးပါဘူး။ ဆိုင်ရှင်က နောက်ဆုံးတစ်ခေါက် ခုတ်ဖို့ပြောတဲ့အချိန် အလုပ်သမားတစ်ယောက်က အဲဒီညောင်ပင်အောက်မှာ လူပုံစံ သစ်တုံးတစ်ခု ရှိနေကြောင်း ပြောပါတယ်။ အဲဒီ အလုပ်သမားကအဲဒီ သစ်တုံးဟာ နတ်ဖြစ်နိုင်ကြောင်း ပြောပါတယ်။ ဘာကြောင့်လဲဆိုရင် ဆိုင်ရှင်ညောင်ပင်ခုတ်ဖို့ ပြောလိုက်တိုင်း အဖြူရောင် ဝတ်စုံ ဝတ်ထားတဲ့မိန်းကလေးတစ်ယောက် ဆိုင်ထဲမှာ လျှောက်သွားနေတာမြင်ရကြောင်း အလုပ်သမားက ပြောပါတယ်။
ဒါ့အပြင် ဆိုင်ဆောက်လုပ်ကတည်းက အလုပ်သမားတွေ ထီပေါက်ပါတယ်။ အဲဒီ အကြောင်းတွေ ဆိုင်ရှင်သိသွားတဲ့အခါ ညောင်ပင်ကိုမခုတ်ခိုင်းတော့ပါဘူး။ အဲဒီ ညောင်ပင်နဲ့ သစ်တုံးရှိတာ ၃ နှစ်ကျော်လောက်ရှိပြီဖြစ်ပြီး ဆိုင်ရှင်က အရင်တုန်းကဖိဆောင်လို့ မခေါ်ခဲ့ပါဘူး။ ဆိုင်ရှင်လည်း သစ်တုံးကို ပန်းတွေရေတွေကပ်ပြီး လိုချင်တာတွေ ဆုတောင်းခဲ့ပါတယ်။ ဆုတောင်းတဲ့ အခါလည်း ပြည့်တယ်လို့သိရပါတယ်။ ဆိုင်ရှင်ဟာ အဖြူရောင်ဝတ်စုံလည်း လှူခဲ့ပါသေးတယ်။ နိုင်ငံခြားသားတစ်ယောက်က ဖိဆောင်ပုံဆွဲပေးမယ်ဆိုပြီး တစ်လအကြာမှာ ဆိုင်ရှင်ဆီကို ပုံလာပေးပါတယ်။ ဆိုင်ရှင်လည်း ပုံကို ဝန်ထမ်းတွေကို ပြကြည့်တဲ့အခါ သူတို့ မြင်တဲ့ မိန်းကလေးပုံနဲ့ ၈၀ရာခိုင်နှုန်းတူတယ်လို့ ပြောကြပါတယ်။ ဖိဆောင်က အဖြူရောင်၊ လက်ဝတ်ရတနာ၊ မိတ်ကပ်စတာတွေကြိုက်ပြီး နာမည်မကြီးခင်ကတည်းက ဆိုင်လာတဲ့ စားသုံးသူတွေဟာ ဆုတောင်းတာတွေ လုပ်တတ်ပါတယ်။ နောက်ပိုင်း ဆုတောင်းတဲ့ ဗီဒီယိုတွေ ဆုတောင်းပြည့်ကြောင်းတွေ ပျံ့နှံ့ပြီးတော့
ဖိဆောင်အကြောင်း လူသိပိုများလာတာပါ။
ပြီးခဲ့တဲ့ ၇လပိုငျး၁ရကျနေ့ ထီပေါက်သူ အများစုဟာ
ဖိဆောင်ဆီဆုတောင်းခဲ့သူတွေများပြီး ခုဆိုရင် ရပ်နီးရပ်ဝေးက ဖိဆောင်အတွက် စိန်တွေပုလဲတွေ နာမည်ကြီးပစ္စည်းတွေ ဆပ်ကပ်တာတွေရှိလာပါတယ်။ ပစ္စည်းတွေက အရမ်းများတဲ့အတွက် ဆိုင်ရှင်က မဲနှိုက်ပြီးဆပ်ကပ်ပေးတယ်လို့သိရပါတယ်။ ပိုက်ဆံမကပ်ဖို့ ဆိုင်ရှင်ကပြောပါတယ်။ ကိုယ်တိုင်ကိုယ်ကျ လာစရာမလိုဘဲ အဝေးကနေ ဗီဒီယို၊ ဓာတ်ပုံကနေ တစ်ဆင့် ဆုတောင်းရင်လည်း ဆုတောင်း ပြည့်တယ်လို့သိရပါတယ်။
ဖိဆောင်ကို မြင်တာနဲ့ လိုရာဆုတောင်းကြည့်ပါ။
