18/09/2025
🔺ကိုယ်ကမေ့နေပေမယ့် ကိုယ့်ကို အမြဲမမေ့သူ, သတိတရရှိနေသူကို သင်သိပါသလား ❓
🔺 လောကကြီးက ကြီးကျယ်တယ်။
ဘာတွေ ကြီးကျယ်နေတုန်းဆိုရင် ?
လောဘတွေ ကြီးကျယ်နေတယ်...
ဒေါသတွေ ကြီးကျယ်နေတယ်...
မာန်မာနတွေ ကြီးကျယ်နေတယ်...
တစ်ယောက်ကို တစ်ယောက်
မနာလိုဝန်တိုတဲ့ ဣသာမစ္ဆရိယတွေ
ကြီးကျယ်နေကြတယ်။
🔺 လောကကြီး ဘာဖြစ်ဖြစ်
ကမ္ဘာကြီး ဘာဖြစ်ဖြစ်
ကိုယ် ဘာမှ မဖြစ်စေနဲ့...
ကောင်းအောင် နေလိုက်စမ်းပါ ။
🔺 မသင့်လျော်တဲ့ နည်းလမ်းတွေနဲ့ ...
တချို့ ပေါလျှံနေကြတာကို
အားမကျဘူးလားလို့... မေးရင် ပုထုဇဉ်မို့ ခင်မင်မက်မောတတ်တဲ့...
လောဘ မကုန်သေးတော့
အားမကျပါဘူး လို့တော့ မပြောဝံ့ပါဘူး ။
ဒါပေမယ့် သတိရှိလိုက်တာနဲ့
ဉာဏ်ကလေး ကွက်ခနဲ
သဒ္ဓါလေး ဒက်ခနဲ ပေါ်လာတာနဲ့ တပြိုင်နက် ...
ဒါတွေဟာေ...သစာတွေလို့ တန်းမြင်မိတော့တာပဲ။
🔺 ဒီနေ့ခေတ်မှာ သစ်ပေ့ဆန်းပေ့ ဆိုတာ တွေဟာ တကယ်တော့... ဘာမှ သစ်တာ ဆန်းတာ မဟုတ်လှပါဘူး ။
မိုးအောက် မြေပြင်ပေါ်မှာ
မြင်ဖူး ပြီးသားတွေချည်းပါပဲ ။
🔺အာရုံတွေဆိုတာက ကြာသွားရင် ရိုးသွား အီသွားတတ်တာကြောင့်...
မရိုးရ မအီရလေအောင်
ကြံဖန် စီမံနေကြတာတွေပါ ။
လောကမှာ ဘာမှ သစ်တာ
ဆန်းတာ မရှိပါဘူး ။
အစားကောင်းတိုင်း...
အဝတ်ကောင်းတိုင်း...
အနေကောင်းတိုင်း...
ချမ်းသာတာ မဟုတ်ဘူး ။
🔺 တဏှာ လောဘ ဒေါသ
နည်းရင် ချမ်းသာတာပါပဲ ။
ဒါနနဲ့ သီလမှာ ဒါနကငွေကုန်တယ် ။
သီလက ငွေမကုန်ဘူး ။ အကျိုးရတော့
သီလက အကျိုးပိုရတယ် ။
ဒါပေမယ့် လူတွေက ငွေကုန်တဲ့...
အလုပ်ကို ပိုအားသန်ကြတယ် ။
ဂုဏ်တော်ပွားပါ မေတ္တာပွားပါဆိုတော့ ...
ပျင်းကြတယ် ငြင်းကြတယ်။အတွက်လွဲကြရရှာတယ် ။
🔺 ဘဝပါရမီဆိုတာ
ဖြည့်ဆည်းဖို့ မလွယ်ဘူး ။
အများကဝိုင်းဖြည့်ကြပေမဲ့
ကိုယ့်အစွမ်း ရှိသလောက်သာ ကိုယ့် ဝေစု ရပါမယ် ။
သူတစ်ပါးရဲ့ လှေကွဲကို
ဖာထေး ပေးနိုင်ပါလျက်...
ကိုယ့် လှေကျမှ မဖာနိုင်ရင်
ရေလယ်မှာ နစ်ရလိမ့်မယ် ။
🔺ပေးတာရလို့ ဖြစ်တဲ့ ပီတိထက် ...
ရအောင် ပေးလိုက်ရတဲ့ ပီတိက ...ပိုတာ ရှည်ခံပါတယ် ။
လောကမှာ အပျော်အပါး အမော်အကြွားတွေ
ဂုဏ်တု ဂုဏ်ပြိုင်တွေနဲ့
မေ့လျော့နေတတ်ကြတယ် ။
ဒါနကို မေ့တယ် ...
သီလကို မေ့တယ် ...
ဘာဝနာကို မေ့တယ် ...။
🔺 ကိုယ်ကသာ ကုသိုလ်
ကောင်းမှုတွေကို မေ့နေတာနော် !
ကိုယ့်ကို မမေ့တဲ့သူကတော့
ကိုယ့်ကို အမြဲစောင့်ကြည့်နေတယ် ။
အဲ့ဒါက ေ...သမင်းပဲ။
(မဟာဂန္ဓာရုံ ဆရာတော်ဘုရားကြီး)
🌹🌹🌹🌹🌹🙏🙏🙏🙏🙏🌹🌹🌹🌹🌹
