ThuYein - Book Shop

19/04/2026

“လှည့်စားခြင်းဟာ
သစ္စာဖောက်ခြင်းထက် ဆိုးတယ်၊
သစ္စာဖောက်ရတာမှာ
ခွင့်လွှတ်နိုင်ဖွယ် အကြောင်း ရှိချင် ရှိလိမ့်ဦးမယ်၊ လှည့်စားတာမှာတော့
မူလကတည်းက ရက်စက်တဲ့ စေတနာ ရှိနှင့်နေတယ်”

#တက္ကသိုလ်ဘုန်းနိုင်

19/04/2026

" သော်တာဆွေ ဟုခေါ်သည် “

အကြွေးမပေးတဲ့ အိမ်ပေါ်ကို ဓားမြှောင်နဲ့ တက်သွားခဲ့တယ်။
ခင်ဗျာ့သား လိမ်သွားတဲ့ ကုန်ကြွေးပေးမလား မေးတယ်။
အိမ်ရှင် လူမိုက်အဘိုးကြီးက မပေးရင် မင်းဘာလုပ်မလဲတဲ့။ ဓားမြှောင်ကို ဆတ်ကနဲထုတ်တယ်။ ဓားကိုကမ်းပေးရင်း ကျနော့်ကို သတ်လိုက်ပါ ဦးလေးတဲ့။ မသတ်ရဲဘူးကွ ပေးစရာလည်း မရှိသေးဘူးဆိုတော့.. အကြွေးမရမချင်း ကျနော် မပြန်တော့ဘူးလို့ ပြောရင်း ပါလာတဲ့ အိပ်ယာလိပ်ကလေးကို ထုတ်ခင်းလို့ ဘုရားစင်ရှေ့မှာ ဝင်အိပ်နေခဲ့တယ်။

တခွိခွိအော်ရယ်ရင်း ငါရေလည်ကြွေခဲ့ရတဲ့ အကွက်တွေပေါ့။ အဲ့ဒီဇာတ်ကွက်ကို ငါဘယ်တော့မှမမေ့ဘူး။

ကသာမြို့က မီးရထား၀င်းထဲ ရထားလက်မှတ်စစ် ကိုအောင်ကြီးတို့နဲ့ သောက်စားဖဲရိုက်တတ်တဲ့ ဆန်ကုန်သည်လေး။ သူလွန်းထိုးရာ မြစ်ကြီးနားက သူ့ကို ချိတ်တိတ်တိတ်ဖြစ်ပြီး ကုန်သည်သူဌေးလေးရယ်လို့ အဟုတ်မှတ်နေတဲ့ ဆန်ဆိုင်က အပျိုမလေး။ ရပ်ကွက်လူကြီးတွေကို လက်ဖက်ရည်တိုက်ပီး ယူလိုက် ဒါမျိုး ဒီနယ်မှာ ဘာမှမဆန်းပါဘူးလို့အပေါင်းအသင်းတွေက တိုက်တွန်းနေပေမယ့် အကိုဟာ လွတ်လပ်သူ မဟုတ် ... ချန်ထားတဲ့
ဆန်အိတ်တွေကို ယူလိုက်ပါတော့လို့ စာလေးတစ်စောင်ရေးထားခဲ့ပီး ရှောင်ပြေးခဲ့ပြန်တယ်။

ကသာမြို့က ဆိုးသွမ်းတဲ့ ခေါင်းကျားရဲ့ လက်ထဲက အပျက်မလေး မသူ ကို ဟီးရိုးလုပ်ပြီး ကယ်တင်တယ်။ အတည်အပေါက်နဲ့ ကျနော့်မိန်းမ ပါဆိုပီး ယူပြစ်လိုက်တယ်။ ကုန်တွေအလိမ်ခံရ ဘ၀ပျက်တော့ ရုပ်တည်ကြီးနဲ့ မသူကို ခေါ်ပြီး အိမ်ပြန်သွားတယ်။ ဆန်ကုန်သည် အဖြစ် အိမ်က ထွက်သွားရာက မယားတယောက်နဲ့ မူးစေ့အပေါက်ပဲ ပြန်ပါလာတဲ့ လူငယ်လေး။ သူ့အဖေက စောက်သုံးမကျရတဲ့အထဲ နောက်ထပ် မိန်းမတယောက် ထပ်ယူလာရသလားဆိုပြီး နှင်ချတော့မှ မသူကို အိမ်ပြန်ပို့တယ်။ နှင်းငွေ့တွေ ဝေနေတဲ့ ဂေါဝိန်ဆိပ် ... တိုင်ရို သင်္ဘောလက်ရမ်းကို မှီတွယ်လို့ မသူ ဟာ ရပ်နေခဲ့တယ်။ ကြက်ကလေးကိုပိုက်လို့တဲ့။ ပါသမျှ ပိုက်ဆံလေးတွေ ထည့်ပေးလိုက်တယ်။ ကသာကို ပြန်ပေတော့ ကံဆိုးမလေးရေ။ ငါက အသုံးမကျတဲ့ကောင်ပါ။ ငါတို့တွေ ဆန်ဆုံစား ... ကံကုန်သွားပြီဟာ။

စာဖတ်သူ ငါတို့မှာ မျက်ရည်တွေဘာတွေ ဝဲလို့ပေါ့။ အသက်၇၀ကျော်မှာ အဘိုးကြီးဘ၀ စာရေးဆရာကြီးဘ၀နဲ့ ကသာမြို့ကို စာပေဟောပြောဖို့ ပြန်ရောက်တော့ စင်ပေါ်ကနေ မိုက်ခရိုဖုန်းနဲ့ အော်တယ်။

မသူရေ .. မင်းတယောက် ရှိသေးတယ် ဆိုရင် ... ငါ့ကို ခွင့်လွှတ်တယ်ဆိုရင် လာတွေ့ပါလား ကွာ ... တဲ့။
အဲ့ဒီမှာ ငါတို့ စောက်သည်းကွဲရတာပါပဲ။

မြင်းလှည်းသမား၊ ဆန်ကုန်သည် ဘ၀ထိုထိုတွေ ကျင်လည်ရာကနေ စာရေးဆရာဖြစ်တော့လည်း ဂျပိုးပတ်ထိုး နေတာပါပဲ။
ဘိုကပြား ယောက္ခမနဲ့ တချိန်လုံးသတ်တဲ့ အကြောင်းကို တခွိခွိဖြစ်အောင် ရေးပြနိုင်စွမ်း ရှိတယ်။ ယောက္ခမ အိမ်ပေါ်က မောင်းချတိုင်း နာနီ့ အိမ်ပေါ် တက်နေတယ်။ အင်မတန်ကြင်နာတတ်တဲ့ နာနီဆိုတဲ့ အလွတ်ပညာသင် ကျောင်းဆရာမကြီးကို စာဖတ်သူ ငါတို့ကိုယ်တိုင်တောင် အမေတော်ချင်လာတယ်။ အဲ့ဒီ နာနီ့အိမ်ကိုပဲ တွံတေးဖက်က သူ့ဘင်္ဂလားညီမလေး တရုတ်ကပြား တခုလပ်မလေး မကြင်ရွှေ လိုက်လာတော့တာ ပါပဲ။ လက်ဆောင်ပစ္စည်းလေးတွေ၀ယ်လို့၊ ရွှေတွေလက်၀တ်လက်စားလေးတွေ၀တ်လို့ နာနီ့ကို ယောက္ခမ လောင်းမှတ်ပီး ကုန်စုံဆိုင်ပိုင်ရှင် မကြင်ရွှေလေးဟာ မသိမသာ လာဖားရှာတယ် ပေါ့။

သူ့ဘ၀အမှန်ကို သိသွားတော့လည်း မကြင်ရွှေဟာ စိတ်မပျက်ရှာဘူး။ စာတစောင် ချန်ထားခဲ့တယ်။
အကိုလေးက,သာ ကြင်ကြင်နာနာပေါင်းသင်းမယ်ဆို
တသက်လုံး ကုန်ရောင်းကျွေးမယ်ဆိုတဲ့ အကြောင်း။ ကုန်၀ယ်ပီး တွံတေးပြန်တိုင်း ငှါးစီးနေကျ သဗ္ဗာန်ခတ်တဲ့ အဘိုးကြီးကို ၃ရက်တိတိ ဆိပ်ကမ်းကနေ စောင့်ခိုင်းထားတဲ့ အကြောင်း။ မကြင်ရွှေလေးကို တကယ်ချစ်ခင်ကြင်နာစုံမက်ရင် လိုက်လာပါ တဲ့။

သူ မလိုက်သွားခဲ့ဘူး။ ဓာတ်ရှင်ရုံရှေ့ မှာ မတော်တဆ ပြန်တွေ့တော့ အကိုလေးကို ညီမလေး မျှော်နေခဲ့တာ သိလား လိုက်မလာခဲ့ဘူးနော် ... ကျမ အိမ်ထောင်ပြုလိုက်ပီ အကိုလေးရာ ... ဟိုမှာ အမျိုးသားလာနေပီ ဒါပဲနော် သွားတော့မယ်... တဲ့။ သူ့စိတ်ထဲ ဘယ်လိုနေမယ် မသိပေမယ့် စာဖတ်သူ ငါတို့မှာ သက်ပြင်းတွေ ခိုးခိုးချလို့ ပေါ့။

မိုးကုတ်မြမောင် ငွေကို လေလို သုံးသူ ကိုမြမောင်။ သူတို့ နှစ်ယောက် ဘော်ဒါဖြစ်တဲ့ အခန်းဆိုရင် ငါတို့မှာ အံ့သြဘနန်း ဖြစ်ရတာပါပဲ။ မန်းလေးက ဖာတန်းတခုမှာ ခဏတာ မန်နေဂျာယောင်ယောင် လုပ်ပီး အရက်မူးနေတဲ့ သူ့ကို ကာစတမ်မာတယောက်က ကောင်မလေး တောင်းတော့ အရက်မူးမူးနဲ့ ဟေ့ .. ပိတ်ပီကွလို့ မောင်းထုတ်တယ်။ အဲ့ဒီ ကာစတမ်မာက နာမည်ကျော် မိုးကုတ်မြမောင်ပဲ။ ဘ၀မှာ ဟင့်အင်း ဆိုတာ မရှိဖူးတဲ့ မိုးကုတ်မြမောင်ဟာ အရက်မူးမူးနဲ့ အိမ်ပြန်ပီး ခြောက်လုံးပြူး သွားယူတယ်။ ဖာမန်နေဂျာကို ပစ်သတ်မယ်ကွ ပေါ့။ ဟေ့ကောင် ထွက်ခဲ့စမ်း လို့ ခေါ်ထုတ်တော့ ထွက်လာတယ်။

သော်တာဆွေတဲ့ကွ ... လို့ အော်ရင်း

ဟမ်... မင်း သော်တာဆွေ လား
ဒါဆို မဆိုင်ဘူး။ ကမ်းမောန် ရှိတ်ကန်း မင့်စာတွေ ငါသိပ်ကြိုက်တာကွ လာစမ်းပါ ငါနဲ့ သောက်ကြမယ်တဲ့..

ချစ်စရာကောင်းတဲ့ ဇာတ်ကွက်လေး။

နောက်တော့လည်း နာမည်ကျော် မိုးကုတ်မြမောင်ဟာ သူ လပေးနဲ့ နေတဲ့ ကမ်းနားလမ်းဟိုတယ်ကနေ ချက်ပလက်ဘဲအဲယားကြီး မောင်းလို့ (၇)မိုင် ရွာတန်းရှည်က သူ့အိမ်ကို လာလာပီး အန်တီမေ့လက်ရာ ငါးပိရည်လေး လာလာတွယ်တဲ့ အထိ ချစ်ခဲ့ကြတာ မဟုတ်လား။

ပွေလီရှုပ်ထွေးလွန်းတဲ့ သူဟာ နောက်ဆုံးမှာ အပြင်မှာ မမြင်ဖူးခဲ့တဲ့ တောင်ကြီးက စာရည်းစား ဆရာမလေးမေ ကို ရန်ကုန်ဘူတာကြီးမှာ ဒီတခါပါပဲ ဆိုပီး ပြေးတွေ့တယ်။ ရထားကြီး ထွက်သွားတယ်။ ဆရာမလေး မေ မလိုက်သွားခဲ့ဘူး။ မီးရထားဟိုတယ်ထဲမှာ သူတို့ နှစ်ယောက် တအိုးတအိမ် ထူထောင်လိုက် သတဲ့။ နှစ်ဖက်စလုံးက လွတ်လပ်သူတွေ မဟုတ်ခဲ့လေတော့ အတော်ရှုပ်ထွေးခဲ့ပါလိမ့်မယ်။ ဒါပေမယ့် အဲ့ဒီအကြောင်းတွေ သူ သိပ် မရေးပြဘူး။ ဒါပေမယ့် စာဖတ်သူ ငါတို့ နားလည်သွားခဲ့ရတယ်။

သူ ဆရာမလေး အန်တီမေ့ကို အရမ်းချစ်တယ်။
နောက်ထပ် ဘာတစ်ခုမှ ထပ်ပီး မပွေလီတော့ပါ။ (၇)မိုင် ရွာတန်းရှည်က ခြံ၀န်းထဲ ဟိုဖက်ဒီဖက် ပါလာတဲ့ သားသမီးတွေ အတူဆော့ကစားကြရင်း သတ်ကြပီဆို အော်ကြတယ်။

ဟေ့ နင့်ဟာ နဲ့ ငါ့ဟာ သတ်နေကြပီ သွားထိန်းလိုက်ဦး ... တဲ့

အဲ့ဒါကိုဖတ်ရင်း ငါတို့မှာ အော်ရယ်နေရတယ်။

ဝတ္ထုရေးရင်း ငွေရေးကြေးရေး အဆင်မပြေလို့ စားရိတ်သိပ်မထောက်နိုင်တဲ့အခါ ... အသက်(၁၇)နှစ်အရွယ်က စစ်ပြေးရင်းညားခဲ့ရတဲ့ ပထမအိမ်ထောင် နော်မာ တယောက် လိုက်လာတယ်။ ကျမနဲ့ မအိပ်ရလို့ ကလေးစားရိတ်သိပ်မပေးတာမျိုးလို့ သူများတွေကပြောတယ် ဟုတ်သလားတဲ့။ အိပ်ချင်အိပ်လို့ ရပါတယ်။ ကလေး စရိတ်တော့ မလျှော့ပါနဲ့ တဲ့။ သူ စိတ်ထိခိုက်သွားတယ်။ အန်တီမေ့ဆီက ပိုက်ဆံလေး တောင်းပီး နော်မာ့လက်ထဲ ထိုးထည့်တယ်။ ငါ အဆင်မပြေလို့ပါဟာ ခုခါမှာ နင်က ငါ့နှမလေးပါတဲ့။ ထီးကလေးဆောင်းလို့ သူပေးတဲ့ ပိုက်ဆံလေးယူပီး ထွက်သွားရှာတဲ့ နော်မာ့ ကျောပြင်လေးကို ငေးနေခဲ့တဲ့အခန်း ငါတို့ စိတ်ထဲ ဆို့နင့်နင့်ကြီး။

အသက်အရွယ်ရလာတဲ့ အခါ မြေးတွေရလာ။ မယားပါသား က ကလေးကို ဆိုးလို့ရိုက်တဲ့ အခါ သူ မခံစားနိုင်ရှာဘူး။
ဒေါသတကြီး အော်ဟစ်တယ်။

ဟေ့ကောင် ... မင်း ငါ့သားမဟုတ်ဘူး ငါ မင့်ပထွေးကွ ဒါပေမယ့် မင်းဒီအိမ်ကို ရောက်လာ ကတည်းက ငါ လက်နဲ့တချက် ရွယ်ဖူးခဲ့သလား ငါ့မြေးကို မရိုက်ပါနဲ့ကွာ ... တဲ့

မေတ္တာတရားဟာ မထူးဆန်းဘူးလား။

၁၉၉၅ မဂ္ဂဇင်းတခုထဲ အခန်းဆက်ရေးနေရင်း တလမှာ သူပြောခဲ့တယ်။
ဆရာမလေး အန်တီမေ မရှိတော့ဘူးတဲ့။
ကျနော်ဟာ မုဆိုးဖိုလေး ဖြစ်တာ (၁၄)ရက် ကြာသွားပီတဲ့။

အဲ့ဒါ ဖတ်ရပီး သိပ်မကြာပါဘူး။
သူ့စာတွေ ငါတို့ ဆက်မဖတ်ရတော့ဘူး။ အန်တီမေ မရှိတော့တဲ့ လောကကြီးမှာ သူ့အဖို့ရာ ရှင်သန်ဖို့ ခက်ခဲလွန်းတယ် ထင်တာပါပဲလေ။

ငါတို့ ဖတ်ဖို့ စာတွေ အများကြီး ချန်ထားပီး ထွက်ခွါသွားခဲ့တယ်။

ဖဲသမား၊ ကစော်သမား၊ မြင်းလှည်းသမား၊ ဆန်ကုန်သည်၊ ကြက်သမား၊ဟာသစာရေးဆရာ၊ ဘ၀သရုပ်ဖော်စာရေးဆရာ အစရှိသဖြင့် ဘဝပေါင်းများစွာ ကျင်လည်ဖူးတယ်။ ဘယ်တုံးကမှ စာရိတ္တမောင်လို့ သူ့ကိုယ်သူ မပြောသွားဘူး။ အပျက်မလေး မသူ ကို ကာကွယ်ခဲ့တယ်။ ကျနော့် မယားပါလို့ ပြောရဲတယ်။ ကိုယ့်မကောင်းကြောင်း ကိုယ်ပြောရဲတယ်။ ဘ၀မှာ ဘာကြီး ဖြစ်နေနေ တဟီဟီနဲ့ ဖြတ်သန်းပြတယ်။ နေရဲတယ်။ သေရဲတယ်။ မိုက်ရဲတယ်။ လိမ္မာရဲတယ်။ ရှုပ်ထွေးပွေလီတယ်။ ဒါပေမယ့် အဲ့ဒီအကြောင်းအရာတွေကို မကွယ်မဝှက် ပြောပြရဲတယ်။ ကြောင်သူတော်ယောင် ဆောင်မပြသွားဘူး။ ဆရာမလေး အန်တီမေ့ကို ချစ်တယ်။ မရ ရအောင် ယူလိုက်တယ်။ လိုချင်တာ ရပီးတဲ့နောက်မှာ တည်ငြိမ်တဲ့ လူကြီးတယောက်ဘ၀နဲ့ တည်တည်တံ့တံ့ ရှင်သန်သွားခဲ့တယ်။

အဲ့ဒါဟာ သော်တာဆွေပါပဲ။

📖 ကျွန်တော့်ဘဝဇာတ်ကြောင်း - ၁
◾ တန်ဖိုး - ၂၅၀၀၀ ကျပ်

📖 ကျွန်တော့်ဘဝဇတ်ကြောင်း - ၂
◾ တန်ဖိုး - ၂၇၀၀၀ ကျပ်

📖 ကျွန်တော့်ဘဝဇတ်ကြောင်း - ၃
◾ တန်ဖိုး - ၃၃၀၀၀ ကျပ်

🚚 Royal express ရောက်သည့် မြို့များအားလုံးကို အိမ်အရောက် ငွေချေစနစ်ဖြင့် မှာယူနိုင်သလို

🏦 KPay/ Wavepay/ AYApay/ CBpay/ UABpay banking တို့နဲ့ အဆင်ပြေသလို ငွေကြိုရှင်းစနစ်ဖြင့်လည်း မှာယူနိုင်ပါတယ်ခင်ဗျာ

✈️ စင်္ကာပူ ၊ မလေးရှား ၊ ထိုင်း ၊ ဂျပန် ၊ ကိုရီးယား အစရှိသော ပြည်ပနိုင်ငံများသို့ Cargo Agent များနဲ့ ချိတ်ဆက်ပြီး ပို့ဆောင်ပေးပါတယ်ခင်ဗျာ

စာချစ်သူများ စာအုပ်တွေ မှာယူလိုပါက 📚
Ph no - 09769933033
Viber no - 09429340085
Telegram - သို့ ဆက်သွယ် မှာယူနိုင်ပါတယ်ခင်ဗျာ။

စာအညွှန်းအား ပါပီယွန်အကောင့်မှကူးယူဖော်ပြပါသည်။ လေးစားစွာ Credit ပေးပါတယ်ခင်ဗျာ။

#သော်တာဆွေ
#ကျွန်တော့်ဘဝဇတ်ကြောင်း

19/04/2026

ပင်လယ်ပြာနှင့် တံငါအို 📚

19/04/2026

စစ်နှင့်ငြိမ်းချမ်းရေးဆိုသည်မှာ ဘာလဲ

စစ်နှင့်ငြိမ်းချမ်းရေးသည် ဝတ္ထုရှည်ကြီးတစ်ပုဒ်မဟုတ်။ မော်ကွန်းတင်လင်္ကာရှည်ကြီးတစ်ပုဒ်လည်း မဟုတ်သေး။ ရာဇဝင်မှတ်တမ်းကြီးတစ်စောင် ဟူ၍ ပြောရန်ကား ပို၍ပင် ဝေးသေးသည်။ စစ်နှင့်ငြိမ်းချမ်းရေးသည် ယခု ရှိရင်းစွဲပုံစံကဲ့သို့ စာရေးဆရာက သူရေးလိုသည့်ပုံစံ၊ သူရေးတတ်သည့်ပုံစံအတိုင်း ရေးသားထားသော အကြောင်းအရာတစ်ခုမျှသာဖြစ်သည်။ အနုပညာမြောက်အဖွဲ့အနွဲ့တစ်ခု၌ သမားရိုးကျစည်းကမ်းများရှိလျက် ဤသို့ဆိုလိုက်ခြင်းကြောင့် အဆန်းထွင်သည်ဟု ထင်စရာရှိပါသည်။ သို့ရာတွင် တမင်အဆန်းထွင်ခြင်းမဟုတ်။ ကျွန်ုပ်၏ရှေ့တွင် ဤသို့ပင် သမားရိုးက စည်းကမ်း၊ သမားရိုးကျပုံစံနှင့် လမ်းခွဲခဲ့ပြီးသော ဂန္ထဝင်မြောက်စာပေများ ရှိခဲ့ပြီး ဖြစ်ပါသည်။ ဤသို့ ဥရောပစာ ပုံစံများနှင့်လမ်းခွဲခဲ့သော စာပေများသည် ပွတ်ရှကင်၏ခေတ်မှစ၍ ရုရှားဂန္ထဝင်တွင် အများအပြားရှိခဲ့ပါသည်။ သို့ တွင် ဥရောပစာပေပုံစံများနှင့် ကွဲလွဲခြင်းမျှသာဖြစ်၍ ဖြောင့်ဖြောင့်ကြီး ဆန့်ကျင်သည်ဟူ၍ကား မရှိခဲ့သေးပါ။ ရုရှား ဂန္ထဝင်နောက်ပိုင်းခေတ်၌ ဂိုဂိုး၏ သေနေသောဝိညာဉ်များမှအစ၊ ဒေါ့စတိုယက်စကီ၏ သေသူဂေဟာအဆုံးရှိသော ရသမြောက် ဂန္ထဝင်စာပေများအနက် ဝတ္ထုရှည်၊ ကဗျာလင်္ကာ၊ သို့မဟုတ် ဝတ္ထုဟူသော သမားရိုးကျ အဖွဲ့အနွဲ့များနှင့် လုံးဝ“ကွက်တိ””ဝင်နေသည့် စာပေဟူ၍ကား တစ်ခုမျှ မရှိသေးချေ။

- စစ်နှင့်ငြိမ်းချမ်းရေး နှင့်ပတ်သက်၍ စာရေးဆရာ၏တင်ပြချက်မှ…

✍🏼 မြသန်းတင့်
📖 စစ်နှင့်ငြိမ်းချမ်းရေး

🗓️ စာမျက်နှာ - ၁၅၀၂ (စက္ကူဖြူချော + ခန့်ချုပ်)

⚫️ တန်ဖိုး - ပ+ဒု တစ်စုံ - ၁၀၀,၀၀၀ (တစ်သိန်း) ကျပ်

🚚 Royal express ရောက်သည့် မြို့များအားလုံးကို အိမ်အရောက် ငွေချေစနစ်ဖြင့် မှာယူနိုင်သလို

🏦 KPay/ Wavepay/ AYApay/ CBpay/ UABpay banking တို့နဲ့ အဆင်ပြေသလို ငွေကြိုရှင်းစနစ်ဖြင့်လည်း မှာယူနိုင်ပါတယ်ခင်ဗျာ

✈️ စင်္ကာပူ ၊ မလေးရှား ၊ ထိုင်း ၊ ဂျပန် ၊ ကိုရီးယား အစရှိသော ပြည်ပနိုင်ငံများသို့ Cargo Agent များနဲ့ ချိတ်ဆက်ပြီး ပို့ဆောင်ပေးပါတယ်ခင်ဗျာ

စာချစ်သူများ စာအုပ်တွေ မှာယူလိုပါက 📚
Ph no - 09769933033
Viber no - 09429340085
Telegram - သို့ ဆက်သွယ် မှာယူနိုင်ပါတယ်ခင်ဗျာ။

#မြသန်းတင့်
#စစ်နှင့်ငြိမ်းချမ်းရေး

18/04/2026

"လောကမှာ လူနည်းနည်းကလေးနဲ့
ပန်းတွေ အများကြီးရှိရင် သိပ်ကောင်းမှာပဲ"

#ကြည်အေး

18/04/2026

ဒီစာအုပ်ဟာ ဂျက်ကီချန်းအကြောင်း ထွက်ရှိပြီးသမျှ စာအုပ်တွေထဲမှာ သူ့အကြောင်းကို အပြည့်စုံဆုံး ဖော်ပြထားတဲ့ စာအုပ် ဖြစ်ပါတယ် .. ဂျက်ကီချန်းကိုယ်တိုင် အမှားအယွင်းမရှိအောင် သေချာစစ်ဆေးပြီးမှသာ သူ့အနုပညာသက်တမ်း နှစ် ၆၀ အမှတ်တရ အဖြစ် ထုတ်ဝေခဲ့ခြင်းလည်း ဖြစ်တယ် ..

ဂျက်ကီချန်းရဲ့ သမိုင်း ဘယ်လောက်အထိ လှလဲဆိုရင် အော်စကာဆုပေးပွဲမှာ မဲပေးတဲ့ လူအယောက် ၅၀ စလုံးက သူ့ကို တစ်သက်တာအော်စကာဆု ပေးဖို့ကို တညီတညွတ်တည်း အဆိုပြုခဲ့ကြတယ် .. အော်စကာသမိုင်းမှာ ဒီလိုဖြစ်ရပ်ဟာ ပထမဦးဆုံး ဖြစ်ခဲ့ပါသတဲ့ ..

အော်စကာဆုပေးပွဲမှာလည်း Tom Hanks က ဂျက်ကီချန်းကို Chantastic ဆိုတဲ့ စကားလုံးထွင်ပြီး ဂုဏ်ပြုချီးမြှင့်ခဲ့တာကို တွေ့ရတယ် .. Chantastic ( ချန်းနှိုင်းမရ ) ဆိုတာက တုနှိုင်းမရဆိုတဲ့ စကားလုံးထက် ဂျက်ကီချန်းလိုလူမျိုး တစ်ယောက်မှမရှိ ဆိုတဲ့ အဓိပ္ပာယ်ကို ဖော်ဆောင်ထားခြင်း ဖြစ်တယ် ..

ဒီလိုမျိုး ကြီးကျယ်မြင့်မြတ်တဲ့ ဂုဏ်ပုဒ်တွေရှိတဲ့ လူစ်ယောက်ဖြစ်လာဖို့ နောက်ကွယ်က ပေးဆပ်ထားတဲ့ ဇာတ်လမ်းတွေအကြောင်းကို စိတ်၀င်စားကြလိမ့်မယ်လို့ ကျွန်တော် ယုံကြည်ပါတယ် ..

✍🏼 နိုင်းနိုင်းစနေ
📖 ကျွန်တော် ဂျက်ကီချန်း

◼️ တန်ဖိုး - ၁၈၀၀၀ ကျပ်

🚚 Royal express / Ninja Van ရောက်သည့် မြို့များအားလုံးကို အိမ်အရောက် ငွေချေစနစ်ဖြင့် မှာယူနိုင်သလို

🏦 KPay/ Wavepay/ AYApay/ CBpay/ UABpay banking တို့နဲ့ အဆင်ပြေသလို ငွေကြိုရှင်းစနစ်ဖြင့်လည်း မှာယူနိုင်ပါတယ်ခင်ဗျာ

✈️ စင်္ကာပူ ၊ မလေးရှား ၊ ထိုင်း ၊ ဂျပန် ၊ ကိုရီးယား အစရှိသော ပြည်ပနိုင်ငံများသို့ Cargo Agent များနဲ့ ချိတ်ဆက်ပြီး ပို့ဆောင်ပေးပါတယ်ခင်ဗျာ

စာချစ်သူများ စာအုပ်တွေ မှာယူလိုပါက 📚
Ph no - 09769933033
Viber no - 09429340085
Telegram - သို့ ဆက်သွယ် မှာယူနိုင်ပါတယ်ခင်ဗျာ။

#နိုင်းနိုင်းစနေ
#ကျွန်တော်ဂျက်ကီချန်း

18/04/2026

" အတွေးနွံမှ လွတ်မြောက်ခြင်း " 📚

▪ အတွေး လွန်နေတာကြောင့်ပဲ တခြား အရေးကြီးတဲ့ အလုပ်တွေ၊ အခွင့်အရေးတွေကို လက်လွှတ်ဆုံးရှုံးရနိုင်ပါတယ်။ စိတ်စွမ်းအင် ဆိုတာ အကန့်အသတ် ရှိပါတယ်။ တနေ့တာ အတွက် စိတ်စွမ်းအင် အကန့်အသတ် ရှိတာကြောင့် ဘယ်လို အသုံးချမလဲ ဆိုတာကို ရွေးချယ်တတ်ဖို့ အရေးကြီးပါတယ်။

▪ အတွေးနွံတွင်းမှ လွတ်မြောက်ခြင်း စာအုပ်က တနေ့မှာ ကိုယ့်ဘဝကို ပြန်ကြည့်ပြီး ငါ့ဘဝက ကောင်းကောင်းမွန်မွန် ဖြတ်သန်းခဲ့တာပဲလို့ ပြောနိုင်ချင်တဲ့ သူတွေအတွက် ဖတ်ရှုသင့်တဲ့ စာအုပ်တအုပ်ပါ။

▪ ဘာကြောင့်လဲ ဆိုတော့ ဘဝတခုမှာ ကောင်းကောင်းမွန်မွန် နေထိုင်ဖို့ ဆိုတာ အရေးကြီးတဲ့ အရာတွေကို ကောင်းကောင်းမွန်မွန် စဉ်းစားတတ်တဲ့ အပေါ်မှာ မူတည်ပါတယ်။ ကောင်းမွန် လမ်းမှန်တဲ့ အတွေးတွေကို ဘယ်လို စီမံခန့်ခွဲမလဲ ဆိုတာ သိပ်ကို အရေးကြီးပါတယ်။

▪ အားလုံးသော သူတွေဟာ ငြိမ်းချမ်းမှုနဲ့ ပျော်ရွှင်မှုတွေ ပြည့်နှက်နေတဲ့ ဘဝကို လိုချင်ကြပါတယ်။

▪ အတွေးနွံတွင်းမှ လွတ်မြောက်ခြင်း စာအုပ်လေးက ဆုံးဖြတ်ချက်တွေကြောင့် မောပန်းနေရတာကို ဘယ်လို ကျော်လွှားမလဲ၊ စိတ်ရှုပ်ထွေးနေတာကို ဘယ်လို ရပ်တန့်ရမလဲ ဆိုတာတွေကို ရှာဖွေဖို့ ကူညီပေးပါလိမ့်မယ်။

▪ တနည်းအားဖြင့် အတွေးလွန်၊ အကြောင့်ကြပိုရလို့ ပင်ပန်းနေတဲ့ စိတ်တွေကို တမိနစ်ချင်း၊ တနေ့ချင်းဖြတ်သန်းဖို့ ဘယ်လို စီမံခန့်ခွဲရမလဲ ဆိုတဲ့ နည်းဗျူဟာတွေကို လေ့လာခွင့်ရမယ့် စာအုပ်တအုပ် ဖြစ်ပါတယ်။

✍🏻 ထက်ထက်တင်ဇာ (ဘာသာပြန်)
📖 အတွေးနွံမှ လွတ်မြောက်ခြင်း ( Don't Overthink It)
◾စာမျက်နှာ - ၂၆၄
◾တန်ဖိုး - ၁၈၀၀၀ ကျပ်

🚚 Royal express ရောက်သည့် မြို့များအားလုံးကို အိမ်အရောက် ငွေချေစနစ်ဖြင့် မှာယူနိုင်သလို

🏦 KPay/ Wavepay/ AYApay/ CBpay/ UABpay banking တို့နဲ့ အဆင်ပြေသလို ငွေကြိုရှင်းစနစ်ဖြင့်လည်း မှာယူနိုင်ပါတယ်ခင်ဗျာ

✈️ စင်္ကာပူ ၊ မလေးရှား ၊ ထိုင်း ၊ ဂျပန် ၊ ကိုရီးယား အစရှိသော ပြည်ပနိုင်ငံများသို့ Cargo Agent များနဲ့ ချိတ်ဆက်ပြီး ပို့ဆောင်ပေးပါတယ်ခင်ဗျာ

စာချစ်သူများ စာအုပ်တွေ မှာယူလိုပါက 📚
Ph no - 09769933033
Viber no - 09429340085
Telegram - သို့ ဆက်သွယ် မှာယူနိုင်ပါတယ်ခင်ဗျာ။

18/04/2026

ညီတော်အာနန္ဒာ၏ တစ်သက်တာမှတ်တမ်း (ပထမတွဲ + ဒုတိယတွဲ) 📚

ဗုဒ္ဓဘုရားရှင်၏ ဖြစ်စဉ်တော်များနှင့်တကွ သာဝကကြီး၊ သာဝကငယ် အသီးသီးတို့၏ အတ္ထုပ္ပတ္တိများ၊ သက်ဆိုင်သည့် အကြောင်းခြင်းရာများကို ညီတော်အာနန္ဒာက တစ်ဆင့် ပြောပြသော ပုံစံဖြင့် ဤစာအုပ်ကို ရေးသားထားပါသည်။ ဤသို့ ရေးသားရခြင်းမှာ ရတနာမြတ်သုံးပါးတို့ကို အနီးကပ် ဖူးမြင်၍ ကြည်ညိုနိုင် ကြရန် ဖြစ်ပါသည်။ ညီတော်အာနန္ဒာ၏ တစ်သက်တာမှတ်တမ်းဟု ဘောင်ခတ်ထားသည့်အတိုင်း ဤစာအုပ်တွင် ညီတော်အာနန္ဒာ၏ တစ်သက်တာ အတွေ့အကြုံများ၊ ခံစားချက်များနှင့် ရှုမြင်သုံးသပ်ချက်များကို အဓိကထား၍ တင်ပြပါသည်။

◾ပထမတွဲ - ၃၀၀၀၀ ကျပ်
◾ဒုတိယတွဲ - ၃၀၀၀၀ ကျပ်

💥 တစ်စုံ - ၆၀၀၀၀ ကျပ်

🚚 Royal express ရောက်သည့် မြို့များအားလုံးကို အိမ်အရောက် ငွေချေစနစ်ဖြင့် မှာယူနိုင်သလို

🏦 KPay/ Wavepay/ AYApay/ CBpay/ UABpay banking တို့နဲ့ အဆင်ပြေသလို ငွေကြိုရှင်းစနစ်ဖြင့်လည်း မှာယူနိုင်ပါတယ်ခင်ဗျာ

✈️ စင်္ကာပူ ၊ မလေးရှား ၊ ထိုင်း ၊ ဂျပန် ၊ ကိုရီးယား အစရှိသော ပြည်ပနိုင်ငံများသို့ Cargo Agent များနဲ့ ချိတ်ဆက်ပြီး ပို့ဆောင်ပေးပါတယ်ခင်ဗျာ

စာချစ်သူများ စာအုပ်တွေ မှာယူလိုပါက 📚
Ph no - 09769933033
Viber no - 09429340085
Telegram - သို့ ဆက်သွယ် မှာယူနိုင်ပါတယ်ခင်ဗျာ။

#ညီတော်အာနန္ဒာ၏တစ်သက်တာမှတ်တမ်း
#၀ဏ္ဏသီရိ

17/04/2026

Giveaway Winner 🍀📚

🍂 မြန်မာ့နှစ်သစ်ကူး သင်္ကြန် စာအုပ်လက်ဆောင် ကံထူးသူ တစ်ဦး ထွက်ပေါ်လာပါပြီခင်ဗျာ ✨

Congratulations 🎉🍾
La Min Thant

ကံထူးသူရဲ့ အမည်၊ ဖုန်းနံပတ်၊ လိပ်စာတို့ကို page chatbox မှာလာပေးထားပါဦးခင်ဗျာ
(ကံထူးသူမှ ၃ ရက်အတွင်း page ကို မဆက်သွယ်လာပါက အစားထိုးရွေးချယ်ပေးသွားပါမယ်)

giveaway မပေါက်သူများလည်း စိတ်မလျော့ပါနဲ့ဗျာ 😁
နောက်လည်း giveaway စာအုပ်လက်ဆောင်ပေးဖို့ အစီအစဉ်များရှိသေးလို့ ပြန်ဆုံကြဦးစို့ 😊

Giveaway post မှာ ပါဝင်ကံစမ်းပေးကြသူများ အားလုံးကို ကျေးဇူးအထူးတင်ရှိပါတယ်ခင်ဗျာ။

#စာအုပ်လက်ဆောင်

17/04/2026

ဒီည ကံထူးသူတစ်ဦး ရွေးချယ်ပေးပါမယ်ခင်ဗျာ ☘️📚

💦🍂 မြန်မာ့နှစ်သစ်ကူး သင်္ကြန် စာအုပ်လက်ဆောင် 📚

🌟 ဆရာတက္ကသိုလ်ဘုန်းနိုင် စာအုပ် ၂၁ အုပ်ထဲမှ ဖတ်ချင်တဲ့ စာအုပ်လေးကို comment မန့်ပြီး စာအုပ် လက်ဆောင်ယူပါ 🍀

🍃 ၁၇.၄.၂၀၂၆ ည မှာ comment picker နဲ့ ကံထူးသူ တစ်ဦးကို ရွေးချယ်ပေးပါမယ်ခင်ဗျာ

စာချစ်သူအားလုံးပဲ မြန်မာ့နှစ်သစ် အချိန်အခါ သမယမှာ ကျန်းမာ ပျော်ရွှင်ပြီး ဖြစ်ချင်တာတွေနဲ့ ထပ်တူကျပါစေ. 🙏

#စာအုပ်လက်ဆောင်

14/04/2026

“ ဒီနေ့ ပွင့်ပွင့်၊ မနက်ဖြန်ပွင့်ပွင့်
ကိုယ်က အရင်ပန်ရရင်
အဲဒါဟာ ကိုယ့် ပိတောက်ဦးပေါ့ “

#တက္ကသိုလ်ဘုန်းနိုင်

11/04/2026

💦🍂 မြန်မာ့နှစ်သစ်ကူး သင်္ကြန် စာအုပ်လက်ဆောင် 📚

🌟 ဆရာတက္ကသိုလ်ဘုန်းနိုင် စာအုပ် ၂၁ အုပ်ထဲမှ ဖတ်ချင်တဲ့ စာအုပ်လေးကို comment မန့်ပြီး စာအုပ် လက်ဆောင်ယူပါ 🍀

🍃 ၁၇.၄.၂၀၂၆ ည မှာ comment picker နဲ့ ကံထူးသူ တစ်ဦးကို ရွေးချယ်ပေးပါမယ်ခင်ဗျာ

စာချစ်သူအားလုံးပဲ မြန်မာ့နှစ်သစ် အချိန်အခါ သမယမှာ ကျန်းမာ ပျော်ရွှင်ပြီး ဖြစ်ချင်တာတွေနဲ့ ထပ်တူကျပါစေ. 🙏

#စာအုပ်လက်ဆောင်