04/01/2021
အမျိုးသမီးတစ်ယောက်ဟာ ဘယ်လိုအမျိုးသမီးမျိုးလဲဆိုတာ ထည့်သွင်းစဉ်းစားတဲ့အခါ -
🚫နောက်ခံမိဘနဲ့ ဆွေမျိုးအသိုင်းအဝိုင်းရဲ့အခြေအနေ
🚫သူမအပေါ်မကောင်းခဲ့လို့ ပြတ်ခဲ့ရတဲ့ relationship
🚫သူမအကြောင်း အတင်းပြောတဲ့ လူတွေနဲ့ပတ်ဝန်းကျင်ရဲ့ကောလဟာလသတင်းတွေ
🚫ငယ်စဉ်က ကြုံတွေ့ခဲ့ရတဲ့ အတိတ်ဆိုး
🚫အဝတ်အစားနဲ့အပြင်အဆင်
🚫မိသားစုစီးပွားရေးနဲ့ အသိုင်းအဝိုင်း
🚫သူမလက်ရှိလက်တွဲထားတဲ့လူ
ဒါတွေက ဒီအမျိုးသမီးဟာ ဘယ်လိုမိန်းမမျိုးပါဆိုတာကို တိုင်းတာခွင့်မပေးတဲ့ အချက်အလက်တွေပါပဲ။ ပြောရရင် ဒါတွေအားလုံးက ပတ်ဝန်းကျင်ရဲ့ လှုံ့ဆော်မှုနဲ့ အပေါ်အကာရံတွေကြီးပဲလို့ မေကတော့မြင်မိတဲ့အကြောင်းလေးကို sharing လုပ်ပေးချင်တာပါ။
------------------------------------------------------------------------
အမှန်တော့လေ တကယ့်တန်ဖိုးအစစ်အမှန်တစ်ခု၊ ပုံစံအစစ်တစ်ခုကို မြင်ချင်တယ်ဆိုရင် သူမရဲ့ -
✅စိတ်နေစိတ်ထားနဲ့ ဘဝခံယူချက်
✅အသိပညာနဲ့အတတ်ပညာ
✅လူတွေအပေါ်ဆက်ဆံတဲ့ အပြုအမှု
✅အကျင့်စာရိတ္တနဲ့ အရည်အချင်း
✅သူမရဲ့ကြိုးစားအားထုတ်မှုတွေနဲ့သာ သူမရဲ့ တန်ဖိုးကိုမြင်ပေးပါ။
အမျိုးသမီးတိုင်းမှာ သူတို့ကိုယ်တိုင် ရွေးချယ်ခွင့်ရတဲ့ အရာတွေရှိသလို ရွေးချယ်ခွင့်မရလိုက်တဲ့ အရာတွေလည်းရှိပါတယ်။
ရွေးချယ်ခွင့်ရတဲ့အရာတွေပေါ်မှာ ဘယ်လိုရွေးချယ်ခဲ့သလဲဆိုတာနဲ့ ရွေးချယ်ခွင့်မရလိုက်တဲ့အပေါ်မှာရော ဘယ်လိုတုံ့ပြန်ခဲ့သလဲဆိုတာတွေကသာ သူမဘယ်လို အမျိုးသမီးမျိုးလည်းဆိုတာ ပုံပေါ်စေတာပါ..
သူမအကြောင်းသိချင်ရင်
သူမကိုသာရွေးချယ်ပါ။
သူမဘေးက အကာအရံတွေကိုမရွေးချယ်ပါနဲ့.....
ချစ်သော
မေ
