06/04/2025
ငလျင်နှင့်ပတ်သက်သမျှ သတင်းတွေကိုချည်း ဆက်တိုက် ဆက်တိုက်ကြည့်နေမိပြီး သွားလည်း ဒီစိတ် စားလည်း ဒီစိတ်ဖြစ်နေပြီး အဆိုးဆုံးအနေနဲ့ ကိုယ်ပုံမှန်လုပ်နေကြ တစ်နေ့တာ လုပ်ငန်းဆောင်တာတွေကိုပါ ထိခိုက်နေတယ်ဆိုရင်တော့ ဒီ post လေးကို အဆုံးထိ ဖတ်ကြည့်ပေးနော်💕
ငလျင်ဘေးကြောင့် စိတ်ထိခိုက်နာကျင်နေရသူတွေရဲ့ ခံစားချက်တွေ၊ အဖြစ်အပျက်ဆိုးတွေနှင့် ပတ်သက်သမျှ သတင်းတွေအဆက်မပြတ်ကြည့်ရင်း အပျက်အစီးပုံတွေကို အထပ်ထပ်မြင်ရင်း အချိန်ကြာလာတာနဲ့အမျှ ကိုယ်တိုင်မကြုံရပေမယ့် "𝐕𝐢𝐜𝐚𝐫𝐢𝐨𝐮𝐬 𝐓𝐫𝐚𝐮𝐦𝐚"လို့ခေါ်တဲ့ တစ်ဆင့်ခံစိတ်ဒဏ်ရာ ရနိုင်ပါတယ်။ တစ်ဆင့်ခံစိတ်ဒဏ်ရာဆိုတာက ငလျင်ဘေးကို လက်တွေ့မခံစားရသော်လည်း ငလျင်ဘေးသင့်ပြည်သူတွေရဲ့ နာကျင်မှုကို မကြာခဏ ကြားရ၊ မြင်ရ၊ ခံစားရတဲ့အခါ ဖြစ်ပေါ်လာတဲ့ စိတ်ပိုင်းဆိုင်ရာ တုံ့ပြန်တုန်လှုပ်မှုမျိုးပါ။
⚠️အောက်ပါလက္ခဏာတွေပြနေပြီဆိုရင် တစ်ဆင့်ခံစိတ်ဒဏ်ရာရနေပါပြီ။
===========================================
✔️ အိပ်မပျော်ခြင်း
✔️ အပြစ်ရှိသလို ခံစားရခြင်း
✔️ အာရုံစူးစိုက်မှုနည်းလာခြင်း နှင့် အဆိုးဝါးဆုံးအနေဖြင့် ဘာမှလုပ်ချင်စိတ်မရှိအောင်ကို စိတ်ဓာတ်ကျခြင်းတို့အထိ ဖြစ်လာနိုင်ပါတယ်။
စိတ်ပိုင်းဆိုင်ရာ ပြန်လည်ကောင်းမွန်လာအောင် ဘယ်လိုနည်းလမ်းတွေ လုပ်သင့်လဲ ❓
========================================
▪️စိတ်မချမ်းမြေ့ဖွယ်ရာ ငလျင်သတင်းတွေကို အတိုင်းအဆမဲ့ အလွန်အမင်း ရှာဖွေဖတ်ရှုခြင်း "𝐃𝐨𝐨𝐦𝐬𝐜𝐫𝐨𝐥𝐥𝐢𝐧𝐠"ကို အတတ်နိုင်ဆုံး လျှော့ချပေးပါ။
▪️သတင်းကြည့်မယ့်အချိန်ကိုကန့်သတ်ပေးပါ။
(ဉပမာအားဖြင့် တစ်နေ့မှာ up to date ဖြစ်အောင် မနက်တစ်ခါ ညနေတစ်ခါပဲကြည့်မယ် တစ်ခါကြည့်ရင် ဘယ်နှမိနစ်ကြည့်မယ်အစရှိသဖြင့်ကန့်သတ်တာမျိုးပါ)
▪️ဖြစ်ပေါ်လာသမျှ ခံစားချက်တိုင်းကို အသိအမှတ်ပြုပေးပါ။
(တစ်နေ့တာမှာ အကြောင်းတစ်ခုခုကြောင့် ဝမ်းသာမိတဲ့ ခံစားချက်ပေါ်လာမျိုးဖြစ်လာတဲ့အခါ မိမိစိတ်ကို ထွက်ပေါက်ပေးတဲ့အနေဖြင့် လွတ်လွတ်လပ်လပ် ပေးပျော်လိုက်ပါနော်။ ငလျင်ဘေးသင့်ပြည်သူတွေအတွက် အချိန်တိုင်း ပူဆွေးနေမယ်ဆိုရင်အချိန်ကြာလာတာနှင့်အမျှ မိတ်ဆွေရဲ့ စိတ်အခြေနေကိုပါ ထိခိုက်လာနိုင်ပါတယ်။ တစ်ဖက်လူကို ကူညီပေးဖို့ဆိုရင် မိတ်ဆွေကိုယ်တိုင် လူရော စိတ်ပါ ကျန်းမာနေဖို့ လိုတယ်လေနော်။)
▪️မိမိလုပ်နိုင်သမျှအပေါ် ကိုယ့်ကိုယ်ကိုယ် ကျေးဇူးတင်ပါ။
(သူများတွေ မြေပြင်သို့ လက်တွေ့သွားရောက်ပြီး လူအားကူနေတာကြည့်ပြီး ကိုယ်က လိုက်မကူနိုင်လို့ လိပ်ပြာမလုံစိတ်, မိမိကိုယ်ကို အားမလိုအားမရစိတ်မဖြစ်ပါနဲ့နော်။ ကိုယ်တတ်နိုင်တဲ့ ငွေအားဖြင့်သော်လည်းကောင်း, မှန်ကန်သော သတင်းအချက်အလက်များကို share ပေးခြင်းဖြင့်သော်လည်းကောင်း၊ ထိခိုက်နစ်နာသူများကို စိတ်ပိုင်းဆိုင်ရာ ကောင်းမွန်လာအောင် အားပေးစကားပြောပေးခြင်းဖြင့်လည်းကောင်း စသဖြင့် ကိုယ်လုပ်ပေးနိုင်တဲ့အရာရာတိုင်းပေါ်ကို မိမိကိုယ်ကို ကျေးဇူးတင်စိတ်ထားပေးပါ။)
🙏ခုလိုကာလကြီးမှာ လဲကျနေသူကို ထူဖို့ဆိုရင် မိမိကိုယ်တိုင်လည်း အစစအရာရာ ကျန်းမာကြံ့ခိုင်နေမှ ဖြစ်မှာမလို့ ရုပ်ပိုင်းဆိုင်ရာရော စိတ်ပိုင်းဆိုင်ရာကိုပါ မထိခိုက်ရအောင် အတူတူဂရုစိုက်ကျော်ဖြတ်ကြစို့နော်။